 |
الحلقه السابعه عشر والثامن عشر
#رانيا محمود #
# إنسان سافل بس محترم#
في لندن
أحمد و ميسون مش بيسيبوا بعض نهائي و خصوصا ميسون
أحمد كان ديما عنده أسأله كتير بس مش عاوز يبان أنه مهتم بس ميسون فاهمه ده كويس وقررت أنها تواجه لأن ده طبع ميسون لعبه الدفاع هي قطه بريه ديما بيكون زمام الأمور في أديها
ميسون :- احمد النهارده معزومين على العشا يا ريت تكون جاهز الساعه7 بالظبط
أحمد :- مين اللي عزمنا
ميسون :- الساعه 7 هتعرف
و في الميعاد احمد جهز و انتظر ميسون علشان ياخدها و يروحوا عزومه العشا
نزلت ميسون و كانت في اجمل اطلاله لها جعلت من احمد كالمسحور من جمالها و جمال فستانها .ميسون لا تعتمد على الاثاره في ملابسها كثير بل والاثاره الحقيقيه في شخصيتها جرائتها قوتها في عقلها وذكائها بلاختصار هي شخصيه مثيره جدا و لكن بدون تعري لأن العري لفتيات الليل أما الملكات فسحرهن في جمال شخصيتهن فقط
أحمد :-وااااو حقيقي تبارك الله فيما خلق
ميسون :-كأنك أول مره تشوفني
أحمد :- ده حقيقي انا اول مره اشوفك ملكه متوجه كمان هو للدرجه دي عزومه النهارده مهمه
ميسون :- فوق ما تتصور و كمان بالنسبه لي أهم شخص في الدنيا
أحمد :- ضيف ازاي مش بتقولي معزومين يبقى احنا الضيوف
ميسون :- ما تستعجلش هتفهم كل حاجه
أحمد :- اوك يالله بينا يا ملكه ( و ضحكوا هما الاثنين)
""_____"_"_______________________
عمه أمينه حكت لجوزها عن الست الغنيه اللي أم سعيد عاوزه تديها أمينه الصغيره تتبناها جوزها رحب جدا بالفكره و خصوصا أنها ست غنيه
عمه أمينه :- ازاي طب بعد كده على رأي اخويا لما تكبر مش هتعرفنا
الزوج :- م أنتم لازم تقبلوا وتتعرفوا عليها ولو حسيتوا انا ست غنيه و غبيه يبقى بلاش من الموضوع ده لكن لو ست كويسه بتتقي الله يبقى كويس يعني لو البنت اتربت معاكى أو مع اخوكي يبقى الفقرا زادوا واحد بس لو هتعيش في مكان يضمن لها لقمه نضيفه وتعليم كويس يبقى الحمد لله ان الفقرا نقصوا واحد و ده أفضل حاجه ممكن تحصلها
صلى صلاه استخاره انتي و اخوكي واللي فيه الخير يقدمه ربنا
عمه أمينه راحت لاخوها وقالت له على اللي دار بينها وبين جوزها ومرات اخوها ردت وقالت :-والله يا جماعه عين العقل جوزك كلامه منطقي جربوا روحوا و شوفوا الست دي ولو كويسه يبقى أنتم عملتوا خير في النت الصغيره ولو هي مش كويسه يبقى بتنا أولى بيها وربنا مبينساش حد
عم أمينه و عمتها وجوزها قرروا السفر للقاهره و مقابله أمينه الكبيره و اتصلوا بأم سعيد و حددوا ميعاد السفر
___________________________________________
في مكان فاخر جدا على نهر التايمز وبعيد عن الأعين مكان رومانسي ساحر إلى أبعد الحدود جلست ميسون و احمد في مطعم صغير و فاضي تمام من أي شخص ما عدا العاملين
أحمد:- فين بقى الضيف
ميسون :-اهو (وشاورت على احمد)
أحمد :-مش فاهم
ميسون:- شوف يا احمد اناbusniess woman يعني الوقت عندي ليه اهميه مش بضيعه هقولك على اللي محيرك انا اللي عزماك وانت ضيفي و فضيت المكان النهارده علشان نكون على راحتنا تماما
أحمد :-ليه كل ده
ميسون :-لأن اللي هقولهولك دلوقتي عاوز احتفال من نوع خاص احمد أنا قولتلك قبل كده إني اعرف عنك كل حاجه بلا استثناء اعرف ماضيك وحاضرك حتى مستقبلك كمان
أحمد :- مستقبلي هههههههههههه ليه بتقرئ الطالع ولا الفنجان
ميسون :- لا انا اعرف مستقبلك لأنه هيكون معايا......أحمد انا بطلب ايدك للجواز
أحمد اتصدم حس للحظه أنه انفصل عن العالم و فقد الإحساس بالزمان و المكان
ميسون.:- شوف يا احمد انا هنا في لندن عمرى كله تقريبا اتربيت واتعلمت هنا اتجوزت 3مرات كلهم كانوا رجال أعمال حقيقى عشت معاهم أوقات حلوه بس انت يا احمد مختلف انت غير خلص فيك حاجه ما شفتهاش قبل كده انت جرئ وجرئتك دي عجباني جدا (واتعدلت ورجعت لورا)فيه حد يقول على نفسه انا جاهز لأي علاقه انا راجل بحب الجنس وعندي استعداد إني يكون عندي علاقات مع إي ست و فاتح دراعك بكل قوته للمشاكل و لا فارق معاك إي حاجه ولا إي حد .أنت غريب اوى بس لذيذ اوى بس عمرى ما شوفت ولا عرفت حد زيك و خصوصا في الشباب العربي يمكن الشاب الغربي أيوه فيه بس مقرفين عايشين حياتهم بشكل عشوائي لكن انت مختلف بردوا صحيح انك عايش حياتك بالطول والعرض لكن عندك حدود عندك هدف عارف انت عاوز ايه لما قررت تنسى ماضيك وتقف مع نفسك اخدت قرارك و نفذته و لما قبلها قررت تمشي في سكه العلاقات الخاصه بردوا اخدت قرارك و نفذته عندك إصرار على موقفك والاهم عندك الشجاعة انك تتحمل نتيجه مواقفك حتى قرارك انك تتجوز مي كان نتيجه انك بتتحمل نتيجه موقفك معاها و غير كده (و همست وهي بتتكلم وكانت قريبه منه جدا حاست بنفسه وحس بنفسها كمان وقالت انت راجل جرئ جدا في علاقاتك واللي عرفته انك بتقدر تبسط الست اللي معاك وأنا بحب النوع ده من الرجاله يعني هننبسط مع بعض جدا جدا
وباسته بوسه رقيقه على شفايفه
أحمد كان عقله تقريبا شبه مصدوم و معملش إي رد فعل نهائي لماكانت بتتكلم ولا حتى لما باسته كان قطعه حجر وأحمد عمره ما كان كده ميسون فضلت تبص لأحمد وهي قريبه منه وقطعهم الجرسون ونزلهم العشا ..احمد اتفاجي بالعشا ..على الرغم انه لما دخل المطعم .مافيش حد من الجرسونات شافهم ولا طلب حاجه وسأل ميسون
أحمد ....هو العشا نزل ازاي و احنا لسه ما طلبناش حاجه
ميسون ضحكت....:-احمد متنساش انت قاعد مع ميسون الترك انا جهزت كل حاجه بنفسي يعني طلبت كل شيء وجهزته حتى توقيت نزول العشا علي الترابيزه انا اللي اختارته وكمان الأصناف وأنا متاكده أنها هتعجبك
أحمد حس من الوهله الأولى أن ميسون هي القائد وهو هيكون التابع يا تري يا احمد تتقبل الوضع ده و خصوصا انك دايما بتكون القائد
أحمد كان بياكل صحيح الأكل كان حلو بس مش على ذوقه ولا هو اللي طلبه ده مفروض عليه انتهت العشا و ميسون ما كررتش طلبها للجواز بس اتكلمت عن نفسها علشان احمد يعرفها أكثر و كمان هي مسالتهوش عن حاجه لأنه اساسا عارفه كل حاجه عنه
طول السهره احمد حاسس انه متكتف دي منعته حتى من حقه في الكلام أنه يحكي عن نفسه كان بيسمع وبس ميسون تتكلم والكل يسمع وبس
سرح وافتكر لما كان بيتكلم مع ندى كانت بتسمعه وهو يحكي افتكر رمضان واخد نفس طويل قد ايه رمضان وحشه جدا
سرح أكثر وابتسم ابتسامه خفيفه ...ميسون شافت ان احمد سرح منها ومبتسم
روحوا للبيت وكل وأحد منهم راح على اوضته ودار داخل كلامنهم حواره الخاص مع نفسه
أحمد افتكر اليوم اللي كان واقف فيه على البحر و قال لندي أنه عاوز ينام معاها والدهشه والصدمه اللي ارتسمت علي وشها يومها مكانش قادر ينساها وده بالفعل اللي حصل النهارده و ميسون بتطلب منه الجواز وابتسم لما افتكر ندى وسرح فيها شويه
ميسون قاعده قدام مرايتها وكانت زي مرات أبو snow white, لما كانت بتسأل المرايا عن مين احلى منها و المرايا تقولها snow white مرات أبوها جميله جدا بس مغرورة جدا ودي كانت ميسون
ميسون بتكلم نفسها .:- احمد مش سهل مش مقتنع وأنا عاوزه اتجوزه يبقى لازم اتجوزه
أحمد :- انا لازم اكلم ندى تاني و تالت لازم أحاول معاها انا هسافر لها
ميسون :- لازم خطه احمد أجبر يتجوز مي علشان احساسه بالندم يبقى كمان لازم يجبر
يتجوزني لأني لما اقول انه الراجل بتاعي يبقى بتاعي وبس
أحمد :- ليه كده يا ندى انا حبيتك معرفش ليه وازاي بس ده اللي حصل و مش قادر أصدقك انك مش بتحبيني ذي ما انا بحبك بس فيه حاجه مش فاهمهاانا لازم اكلمها
نام كل واحد فيهم وكل منهم عنده قراره بس مين اللي هيلحق ينفذ قراره اسرع من التاني
##############
تاني يوم الصبح صحيوا وفطروا مع بعض وكان احمدباين عليه الجديه وأن باله مشغول ميسون ابتدت الكلام خير يا احمد شكلك متغير للدرجه دي طلبي صعب
أحمد :- لا مش صعب انا بس برتب أفكاري أصل بصراحه أول مره واحده تتقدم لواحد بس ده مش مضايقني لأن كل إنسان ليه الحق في التعبير عن مشاعره و ده مالوش علاقه براجل أو ست
ميسون .:-طيب وبعدين
أحمد :-انا مسافر مصر أسبوع
ميسون :- ومين بقى اللي نازله مخصوص تاخد رأيه ولا رائيها في موضوع جوازنا
أحمد :-انا مش باخد رأي حد في حياتي انا عاوز ارتب أفكاري علشان أقدر اخد قراري لأنك عارفه اني لما باخد قرار بيكون عندي الشجاعه اني اتحمل نتيجته وأنا مش عاوز اتحمل نتيجه تكون فوق طاقتي
ميسون :- اوك هبلغ السكرتاريه يحجزولك تذكره الطيران
أحمد ...اوك تمام
ميسون بتكلم نفسها (لازم أنفذ خطتي مافيش وقت ) وبلغت السكرتارية يحجزوا لأحمد بعد3 ايام وبالفعل تم الحجز واستلم احمد تذكره الطيران
ميسون :- ايه رأيك نتعشي النهارده مع بعض
أحمد ..اوك بس ياريت بدري علشان انا عاوز انام بدري لان بكره عندي حاجات كثيره عاوز اعملها قبل السفر
ميسون-: اكيد طبعا هستناك الساعه 7
__________________
خطه ميسون
ميسون عارفه ان احمد راجل شهواني بطبعه صحيح هو عامل control على نفسه لكن الطبع غلاب بس هي محتاجه وسيله مساعده و جابت منشطات بس قويه جدا. وبالفعل حطت المنشطات في الأكل لأحمد و طبعا جابت دكتور مخصوص علشان تضمن مفعول المنشطات و كمان متاذيش احمد
_______®®
وجه وقت العشا كانت بتاكل و عامله نفسها تعبانه وخلصت قبل احمد استأذنت وطلعت واضتها و دخلت الحمام واخدت شاور
أحمد خلص عشا وحس بعد شويه ان جسمه سخن وده بمفعول المنشطات
احمد -: يا ساتر ايه كميه الحر دي اللي جات مره وحده ..انا بعرق و انا قاعد ليه كده
وابتدي يفكر في حاجات كان بطل يفكر فيها من فتره قام وراح اوضته علشان ياخد دش يمكن جسمه يهدي شويه
ميسون متحدثه الي احد الخدم -؛: هل قمت بما أمرت به
الخادم -: نعم سيدتي و سأذهب الان لانهاء الأمر وأعود لمنزلي
ميسون-: حسناً
ميسون طلبت من الخدم يقطعوا الميه من حمام
احمد ...خرج احمد من اوضته بينده علي الخدم علشان يسأل عن الميه بس ماحدش رد عليه. خبط على ميسون كان الباب. موارب وكانت واقفه قدام مرايتها لبسه فوطه قصيره جدا لفه بيها جسمها و كانت بتسرح شعرها شافها احمدوكان مفعول المنشطات وصل لذروته دخل عليها احمد
وبعد فتره طويله ............
وثاني يوم صحي أحمد و ابتدى يستوعب إلى حصل امبارح كانت ميسون في حضنه وعامله نفسها نايمه لأن المفروض أن احمد هو اللي اجبرها وهي استسلمت لأنه بتحبه ..
.أحمد بصلها وفكر في ايه اللي عمله-: اذاي طيب ..انا كانت في وعيي مافيش حد اجبرني حتى ميسون ما حاولتش تغريني انا اللي روحت اوضتها
( فكر في كلام ندى وأن اللي فيه ده إحساس بحلاوه الايمان جديد وشي هيختفي أثره بس اللي جواه من سفاله هيفضل فيه ..عنيه دمعت حقيقي حس أنه اتوجع مش. علشان كلام ندى صح بس علشان أتأكد أنه فعلا سافل وأنه مش هيقدر يحط عينه في عين ندى تاني)
وكمل بينه وبين نفسه -: فعلا ميسون هي اللي تنفعني احنا الاتنين لايقين على بعض نفس العجينه واحده
(وحمد ربنا انه رحم ندى منه لأنه كان هيظلمها معاه و هو يموت ولا يكون السبب في دموع ندى أو المها )
صحيت ميسون وعملت نفسها مخضوضه وزعلانه و بصت لأحمد نظره لوم
أحمد من غير ما يبصلها .:-احنا هنتحوز النهارده
وقام ودخل الحمام واخد دش ولما خرج لاقاها قاعده على طرف السرير ولسه راسمه على وشها الغضب والحزن وقالت( ماكنتش احب ان اول يوم لينا في السرير يكون من غير جواز)
أحمد :- انا اسف و معنديش تفسير
ميسون ..:-طيب وسفرك لمصر
أحمد :-اتلغى خلاص قالها بحسره. شديده
ميسون :- طيب احنا مش هنلغي السفر هنسافر بس للسعوديهمش مصر علشان اتجوز وسط أهلي
أحمد اتبسط أنه هيقابل جد مروان لأن هو الوحيد اللي قادر يخرجه من أي حاله احباط
هز رأسه بالموافقه وقالها( خلاصي إجراءاتك و بلغيني بميعاد السفر
توقعاتكم وتعليقاتكم يالا فانزاتشي .لو لاقيت تفاعل قوي هنزل حلقه الساعه 10
#رانيا محمود#
#إنسان سافل بس محترم#
الحلقه الثامنه عشر
# رانيا محمود #
# إنسان سافل بس محترم #
ندى في الوقت ده كانت بتحاول هي و سلمى يوصلوا لتليفون احمد في لندن أو أي طريقه للاتصال بيه من الأستاذ عبد العزيز لكن فعلا عبد العزيز ماعندوش معلومه يقدمهلهم
والده ندى تعبت فاجاه وندي نسيت شويه موضوع احمد و اهتمت بوالداتها اللي صحتها اتدهور بشكل سريع ودخلت المستشفى أكثر من مره في وقت قصير
وفي يوم و ندى نايمه جنب مامتها على السرير
و والدتها صحتها و ندهت عليها بصوت ضعيف ندى اتفزعت .:ندي وصحيت تشوف مامتها-:..مالك يا ماما فيكي ايه
الأم :- ندى خالي بالك من نفسك ومن بنتك كلمي اخوكي و متعيشيش لوحدك حافظي على نفسك
ندى هتموت من الرعب على مامتها :- ماما فيه ايه بتقولي كده ليه
الأم :- مافيش وقت خلي بالك من بنتك هي حبيبتك ونور عينك هي عوضك في الدنيا اوعى تقوليلها في يوم انك بسببها نسيتي نفسك و ضحيتي علشانها ده واجب عليكي وكمان حقها ..علميها وربيها بما يرضي الله و اعرفي اللي هتزرعيه فيها هتحصديه واخوكي خاليكي قريبه منه كفايه بعد علشان خاطري دي وصيتي ليكي
ندى بدموع مش عارفه تدريها: ....ارجوكي يا أمي كفايه كلام ارتاحي و لا انتي حاسه بحاجه اطلب الإسعاف
الأم :- مالوش لازمه خلاص ( كانت بتتكلم بصوت مكتوم و هي بتحاول تنطق الشهاده )
وصعدت الروح لخالقهاوماتت الأم بين أحضان ابنتها ...بكت ندى على أمها بكاء صامت بدون صوت لكن بوجع رهيب وجع مالوش وصف ولا نهايه وجع هيفضل العمر كله ومافيش حاجه تداويه
حزن يفوق كل الحدود ممكن يقل تأثيره مع الزمن بس عمره مايختفي ابدأ
___________________________________________
أم سعيد فرحت بخبر زياره أهل أمينه الصغيره جدا لان ده معناه أن أهل أمينه ابتدوا يفكروا في الموضوع بجديه ويبقى فيه امل وطبعا بلغت أمينه بالزياره دي وفرحت بيها جدا
ام سعيد :_متخافيش ياست امينه سيبي كل حاجه علي ربنا هو جابر الخواطر عمري ما رميت حمولي عليه وسابني ابدا
امينه :ونعمه بالله... انا عارفه ان ربنا هيجبر بخاطر ومش هيزعلني.. انا بس من ساعه لما شوفتك راجعه لواحدك من غير ميمي قلبى انقبض
ام سعيد :_لا ياستي ولا قلبك ينقبض ولا حاجه انشالله خير متزعليش.. انا جايه اطمنك مش جايه اخضك ولا ازعلك
امينه :_اذاي بس تطمنيني يا ام سعيد...
ام سعيد :_اول هام انا شوفت منهم الموافقه علي وشوشهم لان انتي بالنسبه لناس ذي حالتنا تقدر تقولي كده طاقه نور ربنا فتحهالنا.. احنا غلابه اوي يا ست امينه يدوبك قوت اليوم اللي بنقدر نجيبه ده اذاي عرفنا اصلا نجيبه مافيش حد ناقص حمل تاني علي قلبه كلنا عندنا عيالنا ومش مكافينهم
تاني هام بقى وده الأهم انهم جايين مصر بعد بكره
امينه :_😀أحلفي بجد يا ام سعيد
ام سعيد :_والله ذي ما بقولك كده وانا ماشيه قالولي انهم جايين بنفسهم علشان يشوفوكي ويتعرفوا عليكي وعلي عيلتك ويشوفوا امينه الصغيره هتعيش فين واذاي،و يتأكدوا من كلامي عنك
امينه :_يعني هما قالولك جايين بعد بكره
ام سعيد :_ايوه يا ست امينه وانشالله خير بس قولي يارب
واتفائلي خير
امينه :_ياارب
طلعت امينه الشقه كانت قابلت باباها في وشها
الاب:_ايه اللي خلاكي تنزلي بسرعه كده وتسيبي بابا الشقه مفتوح انتي خضيتينا من منظرك وانتي بتجري
امينه :_انا اسفه يا بابا بس شفت ام سعيد راجعه من السفر والبنت مش معاها
الاب :_وايه يعني هي أم سعيد كانت هتطير ماهي موجوده
والبنت الصغيره طبيعي ترجع لأهلها
الام :_طيب ممكن نتكلم جوه في البيت وبلاش فضايح خليها تدخل ونقفل بابا شقتنا علينا
الاب :_ادخلي.... اقسم بالله انتي هتموتيني يا امينه بتصرفاتك اللي تجيب الضغط دي
امينه :_يابابا حضرتك عامل كل ده علشان سبت البابا مفتوح والله ابدا انا قفلته ورايا بس تقريبا متقفلش كويس انا اسفه هاخد بالي المره الجايه
الاب :_المره الجايه ايه هتعملي ايه
امينه :_مش هعمل حاجه يا بابا انا اسفه تصبحوا علي خير
الاب :_هايجي منين الخير
امينه :_هايجي يا بابا والله هايجي انا متأكده ان ربنا هيجبر بخاطري. (ثم تتجه الي غرفتها والدموع تملأ عينيها لكنها لاتجعل احد يراها لكن امها تشعر بها وتقرر الذهاب الي غرفتها لكن اولا بعد تهدئه الاب)
الام:-امينه حبيبتي انتي نمتي
امينه:_لا يا ماما اتفضلي
الام تفتح البابا :_حبيبتي كنتي بتصلي.. تقبل الله يابنتي
امينه:منا ومنكى يا ام امينه... خير يا غاليه حضرتك جايه تكملي اللي بابا نسى يقوله
الام اخدت بنتها في حضنها... امينه من غير مقدمات بكت في حضن مامتها
امينه :_😔😢ماما انا تعبانه
الام :_عارفه يا ميمي وحاسه بيكي
امينه :_بس بابا....
الام :_ماله بابا هو كمان حاسس بيكي وخايف من المجهول اللي انتي رايحاله بصي يا حبيبتي بلاش نتكلم في الموضوع دلوقتي نستني لحد ماالامور توضح.. هي أم سعيد قالتلك ايه
امينه :_بتقول ان اهل ميمي هيجوا كمان يومين
الام :_طيب من هنا لحد مايجوا مش هنتكلم في الموضوع ده خالص.. ودلوقتي قومي تعالي نقعد بره شويه نفسى نرجع زي زمان لما كنا نتجمع في البلكونه ونضحك فاكره
امينه 😊:_حاضر يا ماما
في بيت ندى
كان عزاء والده ندى وكان اخوها ومراته وأولاده كمان موجودين..وبعد فتره طويله و مرهقه انتهت مراسم العزاء وكان الكل مجهد وتعبان ...ناموا والصبح اتجمعت ندى وبنتها مع اخوها
وعيلته على الفطار
جمال :- ناويه على ايه ياندي وهتعملي ايه ????
ندى :- هعمل ايه يعني ياخويا هكمل حياتي و هحاول اتعايش مع اللي بيحصل فيها
جمال :- لوحدك ؟! ياندي الأول كان فيه ماما دلوقتي ايه بقى???
ندى :-ده قدر والقدر مافيش حد يقدر يغيره
جمال :- طيب ايه رأيك لو تيجي تعيشي معانا في السعوديه
ندى :- ما ينفعش يا حبيبي أنا متعوده على هنا وبعدين شغلى وأصدقائي وبنتي ومدرستها كل ده صعب اغيره
جمال :- كل ده يقدر يتعوض يا ندي وبعدين انا مش هطمن عليكي لوحدك كده في الدنيا
ندى :- انا مش لوحدي بنتي معايا وقبل كل ده ربنا موجود احنا تحت مشيئته ورحمته و بعدين انت كل سنه بتنزل نقعد مع بعض اجازه الصيف ارجوك يا حبيبي خلاص لازم اتعود على كده كل واحد لازم يمشي في طريقه محدش هيقدر يعمل حاجه لحد. الحاجه الوحيده اللي انا طلباها منك هي انك تبعتلي زياره ليا ولبنتي علشان نعمل عمره نفسي اعمل عمره انت عارف ان ماما قبل تعبها كانت ناويه تجيلك بس العمر خلاص خلص
جمال:_...بس كده خلاص ياندي أول لما ارجع هعملك زياره انتي وليلى وتيجوا 3 شهور تقعدي معانا يمكن تغيري رأيك وانتى عارفه الاولاد بيموتوا فيكي و مراتي بتحبك انتي ناسيه انك السبب في جوازنا
ندى ابتسمت :-ربنا يخليكوا ليا يا حبيبي _
__________________________________________
و بالفعل بعد مرور يرمين حضر اهل امينه الصغيره الي القاهره وذهب ا الي أم سعيد و أول ما أمينه عرفت نزلت جري و من غير ماتفكر ولا تستأذن من حد اخدت ميمي في حضنها وأهل ميمي أول ما شافوا المنظر ده تأثروا جدا
ابو امينه عرف بالموضوع وكان هياخد رد فعل عصبي لكن الام تدخلت
الام :_ارجوك متحرجش بنتك قدام ناس اغراب المفروض اننا داعم ليها
الاب :_انا خايف عليها مش يمكن الناس دي تستغلها ذي ما ابوسعيد كان عاوز كده
الام :_هنشوف مع اني ماعتقدش بس بردوا نخلي بالنا من نفسيه بنتنا ونوجهها براحه من غير ماحد يحس اننا ضد بنتنا احنا مالناش غيرها ارجوك بلاش تهور
الاب :_حاضر يلا بينا ننزل بلاش نسيب البنت معاهم كتير
...أبو أمينه والدتها نزلوا تحت عند ام سعيد وشافوا ان اهل امينه الصغير ناس بسيطه جدا وشكلهم بسيط فمسكوا فيهم جامد وحلفوا عليهم يباتوا معاهم في البيت فوق وبعد حوارات كتير وافقوا وفعلا أمينه اخدت عمه ميمي لغرفتها و اتكلموا مع بعض كتير وكمان وراتها سرير ميمي والهدوم اللي جابتهالها
أمينه :- تعرفى حتى لو لا قدر الله أنتم ما وفقتوش اني اكون أم لميمي هفضل بعد اذنكم طبعا اراعي ميمي من بعيد لبعيد بس والله مش هتلاقوا حد بيحب ميمي ولا هيكون أحن عليها مني ربنا رمى حبها في قلبي من أول ماشوفتها
عمه أمينه :- شوفي يا ست أمينه
أمينه قاطعتها:- أمينه قولي أمينه وبس
عمه أمينه ابتسمت :- حاضر بصي يا أمينه احنا مش معترضين انك تربي بنت اخونا بالعكس .من اللي احنا شوفناه اتاكدنا ان بنتنا ربنا راضي عنها لو أبوها و أمها كانوا عايشين عمرهم ما كانوا هيقدروا يعملولها ربع اللي موجود هنا لكن ...
أمينه بسرعه:_ ...لكن ايه بس
عمه أمينه :- لما تكبر البنت على العز ده و تيجي تتعرف علي أهلها هتستعر مننا احنا علي قدنا لا مؤاخذه مش هنقدر نرفع عينينا فيها وده إذا قررتي تبعديها عننا
أمينه ..:_..لا طبعا وليه بتفتكروا فيا الوحش انا مش غبيه علشان اخلي بنتي تبعد عن أهلها
((عمه أمينه لما سمعتها بتقول كلمه بنتي بجد شافت قد ايه أمينه دي بتحب ميمي فعلا))
كملت أمينه كلامها .:_.أهلي ربوني الحمد الله أن ربنا خلقنا درجات وأن الدنيا مش دايمه يعني الغني النهارده فقير بكره والعكس بيتبدل الحال مافيش حد بيفضل ذي ماهو وعلى فكره الفقير هو فقير الدين والأخلاق مش فقير الفلوس وزى ما قال رسولنا الكريم
(( لا فضل لعربي على أعجمي إلا بالتقوى ))
وزى ما قولتلك قبل ما نفتح الكلام ان لو حتى أنتم مردتوش ان ميمي تعيش معايا
هفضل بردوا معاها حتى لو من بعيد لبعيد ...شوفي انا روحت ملاجئ كتير الفتره اللي فاتت وشوفت أطفال كتير هي بس اللي خطفت قلبي اوى
(( أمينه بكت وعمه ميمي أخدتها في حضنها وقالت )):- انا والله ارتحتلك اوى من أول ما شوفتك على العموم بكره في مشوار نروحوه وبعد كده هنقولك قرارنا
أمينه :- مشوار ايه ?????
عمه أمينه :- هنروح دار الإفتاء فيه شويه اسأله عاوزين ليها اجابه و ياريت تيجي معانا
علشان تسمعي بنفسك
أمينه :- خلاص اتفقنا بكره الصبح انشالله نروح دار الإفتاء
"__________________________________"
الصبح بعد الفطار جهزت امينه ووالدها وأهل ميمي علشان يروحوا دار الإفتاء
كانت أمينه وعمه ميمي وميمي معي بعض في عربيه أمينه
والرجاله كانوا في عربيه ابو أمينه وراحوا دار الإفتاء وطلبوا شيخ من الأزهر ولما حضر حكولوه كل شي بالتفصيل بخصوص تبني ميمي ..الشيخ بعد ما أستمع لهم
قال ..قال رسول الله صلى الله عليه وسلم( انا وكافل اليتيم كهاتين في الجنه واشار باصباعيه السبابه والوسطي ) صدق رسول الله صلى الله عليه وسلم
شوفوا يا جماعه الخير مافيش مانع من التبني لأن حضرتك ( وشاور علي أمينه ) هتقدمي للطفله الرعايه الانسانيه والحياتية المطلوبه من ملبس ومأكل وماسكن وتعليم
بالإضافةالي الرعايه والاهتمام و الاحتواء كأي أم بالنسبه لاطفالها وطالما البنت هيفضل اسمها على اسم والديها الحقيقين بدون تغير بمعنى لا تُنسب لحضرتك ولا ترثك .لا ترث أهلك (و كان الكلام موجه لامينه. )
لأنها ليست ابنتك الشرعيه فوجودها في منزل حضرتك ما جودها في ملجأ ايتام أو دار رعاية وحضرتك هتكوني مثل مشرفه الدار والايتام بيقولوا للمشرفات يا ماما و ده شئ عادي ولكن أكرر مره أخرى لا تنسب لحضرتك بمعنى يظل اسم والدها ووالداتها رحمهما الله كما هو في شهاده ميلادها وديما حضرتك تعرفيها بأن والديها توفيا ...هذا والله اعلم
عم ميمي ..:_.طيب يا سيدنا الشيخ كنت عاوز اعرف مش حرام علينا احنا أننا نرمي لحمنا
الشيخ .:_....لو حضرتك شايف ان وجود الطفله في بيت هذه السيده سيسبب الأذى لليتيمه أو لو فيه اتفاق مادي بينكم يبقى العمليه تحولت بيع وشراء وهذاحرام لأنها دخلت في عمليه بيع أطفال وتجاره رقيق .....لكن اللي حضرتكم قولتوه ان اوضاعكم الماديه حاليا لا تسمح بوجود عبئ طفل جديد في عائلتكم وحتى وأن وجد المال فالن
يوفر لها ما سيكون في منزل هذه السيده ( واشار الى أمينه )
وعلي العموم هذا قراركم إذا احسستم ان هذا السيده ستكون أمينه علي ابنتكم وأنها اسم على مسمى ولن تمنعكم من بنتكم فلامانع .لكن ما يهم ممنوع خلط الأنساب فقط هذا ما يهمنا تظل البنت محتفظه بنسبها لوالديها الحقيقين
ارتاحت أمينه جدا بهذا الرد وجاء الدور علي أهل أمينه الصغيرةعلى سيقبلون بعد أن استمعوا لرد دار الإفتاء
وعادوا مره أخرى أي منزل أمينه ولم يتحدثوا الي امينه ولا والدها بل اكتفوا ان جلسوا في غرفه ام سعيد فتره طويله حتى المساء
كل لحظه تمر على أمينه تموت فيها الف مره من الخوف ان تبتعد عنها ميمي ورفضت الاكل مع والديها بل ظلت تبكي وتصلي لربها ان يوافق اهل ميمي وتظل طفلتها معها
وبعد صلاه المغرب خبط باب شقه امينه وعندما فتحت الباب .........
منتظره توقعاتكم هيحصل اايه لامينه ومين كان علي بابها
ندى هتعيش في السعوديه و هل ما حدث لها انساها احمد
بلييييييز يا حبيبي بلاش ملصقات كتيييييييييير انا عاوزه تعليقاتكم ندردش مع بعض... وشكرا ليكم ❤️❤️
# رانيا محمود#
# إنسان سافل بس محترم #
تعليقات
إرسال تعليق