 |
رواية حضن إبليس الجزء العاشر
للكاتبة/حنان حسن
بعدما اتفاجئت
ان سهام متزوجة من فترة
سالتها
قلت..
مين زوجك ده؟
ردت سهام
وقالت
زوجي يبقي...
(هشام)...
زوجك يا رشا
في اللحظة دي
مصدقتش الي سمعتة
حالا
فسالتها تاني
وقلت ..
انتي بتقولي ايه؟
هشام جوزي؟
اتجوزك انتي؟
ردت سهام
وقالت...ايوه
فا قلت لنفسي ...
اكيد سهام بتكدب
كا العادة...
فا ضغطت علي رقبتها
وقلت...
مش بقولك ؟
مفيش فايدة فيكي وفي حواراتك؟
انتي مصممة انك تكدبي
وانا لازم اقتلك
وفي اللحظة دي
فضلت سهام تقسملي...
انها مش بتكدب
وقالت...
والله ما بكدب ...
واصبري.... لما تعرفي الحقيقة
وانتي بنفسك هتتاكدي
اني مش بكدب
لاني معايا الدليل
علي كل كلمة هقولهالك
قلت...
اتكلمي بسرعة
وبدات سهام
تسرد حقيقة
زواجها من هشام زوجي
وقالت...
انا وهشام حبينا بعض ...
وهشام طلب مني اننا نتجوز..
في السر
فا انا وافقت...
و اتجوزنا....
فا استوقفتها
وسالتها
قلت...اتجوزتوا فعلا؟
يعني هشام دخل عليكي دخلة شرعية؟
ردت سهام
وقالت..ايوه طبعا
بصراحة استغربت من الي بسمعة
ازاي؟...
ده هشام فهمني
انه عاجز...
ومفيش عنده المقدرة
علي انه يقيم علاقة زوجية كاملة؟
بدليل ....
ان مفيش اي حاجة حصلت
بينا خالص
من يوم ما اتجوزنا
وده بسبب العقدة النفسية الي عنده؟
وقلت لنفسي...
مهو حاجة من الاتنين
يا هشام كان بيكدب
عليا
يا اما...
سهام هي الي بتحور عليا
لكن انا برضوا هسمع سهام
للاخر
وبصيت لسهام بغضب
وقلت...كملي؟
ورجعت سهام تكمل كلامها
وقالت...
بعد الجواز هشام قالي انه مريض ...
وانا طبعا كان لازم اقف جنبة
وهنا استوقفت سهام
وسالتها
قلت...
هشام قالك انه عنده مرض نفسي ؟
ولا عضوي؟
ردت سهام
وقالت... مرض عضوي
وقالي انه
ومصاب بمرض خطير
وعلاجة الوحيد...
حاجة اسمها
(بذرة ابليس)
في اللحظة دي
لقيتني بقولها
ايووووه ......
انا عايزة اعرف بقي
ايه بذرة ابليس دي؟
ردت سهام
وقالت
انا لما سالت هشام
وقلتلة ...
تطلع ايه بذرة ابليس دي؟
وبتيجي منين؟
قالي..
ان ده علاج
موجود في الفيلا عندنا
وعلاجة ده تحديدا...
في ايد.... رشا وامها
وقالي كمان...
انه بعدما اتجوزك
حاول يعرف منك
انتي.... وممتك مكان العلاج..
بتاعة
لكن مقدرش
فا كان لازم يخطفك
انتي... وممتك
عشان تقولوا علي مكان بذرة ابليس...
وطبعا اجر المكان ده
عشان كان عايز يوصل لبذرة ابليس ...
بدون ما تعرفوا انه هو الي خاطفكم
ولما طلب مني اني اساعدة
في انه يوصل لعلاجة
انا وافقت
وفي الاول
بدء بامك....
وخطفها.... وعذبها
عشان يعرف منها مكان العلاج
ولما اتاكد انها متعرفش
في الاول قرر يتخلص منها
عشان يستفرد بيكي...
ويجيبك هنا ويعرف منك مكان علاجة
لكن فضل مبقي علي حياة ممتك
عشان يقدر
يستدرجك بيها ويساومك
لانه كان عارف انك هتروحي وراها
ولو كانت فين
بعدما سهام خلصت كلام
مصدقتش الرواية الساذجة
الي هي بتقولها
وقلت...
علاج ايه؟
..وهشام مين؟
الي مريض مرض موت؟
هشام قالي...
انه عنده مشكلة نفسية مش اكتر
وبعدين هشام
عمرة ما سالني عن بذرة ابلليس دي ابدا
ولقيتني برد عليها
واقول
..يا سلام؟
ومفروض بقي انا اصدق الكلام الاهبل ده؟
ردت سهام
وقالت...
صدقيني يا سهام
وانا هثبت لك الدليل علي كلامي
قلت...هتثبتية ازاي؟
قالت...
هشام هنا في البيت الي احنا فيه ده
وانا هخليكي تسمعي بنفسك... وتتاكدي
قلت...ازاي؟
قالت...
انا معايا موبيل في جيبي
خرجية من جيبي وانا هتصل بهشام
وهفهمة...
اني استغليت انك نايمة... ومريضة
وانا خرجت من الغرفة
وبكلمة من الحمام
وهفتحلك الاسبيكر
عشان تسمعي كل الكلام
فسالتها؟
قلت..
هو المكان هنا فيه شبكة؟
قالت..ايوه
فا استغربت ...
لان ايمن قبل كده
نفي
وجود شبكة في الفيلا
وقال.. ان المكان هنا خارج التغطية؟
ولاني كنت مستغربة من موقف الي اسمة ايمن ده
سالت سهام عنة
قلت..
مين ايمن المناخلي؟
قالت...
ده صاحب البيت الي احنا فيه
دلوقتي
و هشام اجر منه البيت
قلت..
امال ليه قالي ان المكان هنا خارج التغطية ؟
ومفيهوش شبكة؟
ردت سهام
وقالت...معرفش
بصيت لسهام
و بعدما فكرت شوية
سالتها عن جيبها الي فيه الموبيل؟
قالت...في الجيب اليمين
فا مديت ايدي واخرجت الموبيل من جيبها
وطبعا خوفت اخليها تتصل
بحد
لا تديهم اشارة ما
من خلال كلامها ....
ويفهموا ...
ويجوا ينقضوا عليا
واعتبرت ان الموبيل في حد ذاتة ....(غنيمة)
لاني بسرعة طلبت رقم الشرطة
ولما ردوا عليا
قلت...الووة
الحقونا ...
من فضلكم
انا ....وامي في ايد عصابة ...مخطوفين...
ومهددين بالقتل
في اللحظة دي
رد عليا احد رجال الشرطة
وقال..
اتصلي بيا من رقم ارضي...
او رقم متسجل باسمك
عشان اسجل البلاغ
قلت..رقم ارضي ايه بس؟
يا فندم ...
بقولك مخطوفين... ومحبوسين ...
وحياتنا في خطر
فا لقيتة بيقولي
انتظري معايا شوية
وبالفعل انتظرت
وبعد شوية
لقيتة بيقولي
..مليني بياناتك؟
وقوليلي علي المكان الي انتي مخطوفة فيه؟
قلت...
احنا بالظبط في.......
وفي اللحظة دي
سمعت صوت خطوات جاية علي الباب
فا همست في الموبيل
وقلت..
انا مش هقدر اتكلم دلوقتي
في حد جاي علي هنا
وبسرعة خبيت الموبيل في جيبي...
بدون ما اقفلة...
عشان يحاولوا يتتبعوا الموبيل بطريقتهم
المهم
اعتدلت في جلستي
وقلت لسهام بلهجة تحذير
اسمعي...
انا هعمل نفسي قاعدة جنبك علي الارض..
ومسنودة عليكي عشان تعبانة
لكن...
السكينة هتبقي في جنبك
ولو اتكلمتي كلمة...
ولا عملتي اي اشارة
انا هغرزها في جنبك
انتي فاهمة؟
ردت سهام وهي بتترعش
وقالت...فاهمة
فا رجعت بسرعة وقعدت جنب سهام...
وانا تقريبا ملتصقة بيها
ووجهت السكينة لجنبها
وبعدها....
لقيت خادم ابليس داخل
وواقف جنب الجثة
وسالني
وقال.. ها قولتي ايه؟
هتضربي الجثة دي كام طعنة؟
وبعدها... افتحلك الباب واخليكي تمشي؟
وتنجي بحياتك؟
ولا ادفن الجثة؟
وتدفني انتي هنا بالحيا
لغاية ما تموتي؟
وفضل يقولي
فكري تاني ؟
انا بمنحك فرصة ذهبية؟
ها قولتي ايه؟
يلا...
ردي عليا ؟
هتطعني الجثة ؟
ولا اخدها ادفنها؟
في اللحظة دي
بصيتله بانكسار
وقلت...
خد الجثة وادفنها
قال..ده اخر كلام؟
قلت..ايوه
وبالفعل...
دخل خادم ابليس عشان ياخد الجثة
الي في الارض..
(مامي)
وكان واضح
انه رايح يدفنها.. فعلا
وفضلت منتظرة لغاية ما اعطي ليا ظهرة....
واثناء ما كان بينحني عشان
يرفع (مامي)
من علي الارض
كان الجزء السفلي لجسمة قريب مني تماما
فا استغليت اللحظة دي
وفاجئته ...
بغرز حقنة البنج
الي اخدتها من سهام...
في جسدة
وكنت فكراه هيفقد الوعي
لكن ...
لقيتة وقف...
واستدار لناحيتي
...وهو بيبرق عينة
وكان واضح انه هينقض عليا
بس قبل ما يقرب مني...
مسك راسة
ووقع علي الارض
وطبعا انا كنت
مازلت قاعدة جنب سهام ومسيطرة عليها
ومازلت موجهة السكينة لجسمها...
ولحظت انه معاه مسدس في الحزام بتاعة
فا التقطت المسدس
واصبح معايا سلاح اقوي
المهم ...
بعدما خادم ابليس وقع...
وفقد الوعي
دب فيا الامل
وقلت..خلاص ...
خادم ابليس اتقلب...
وفقد الوعي
وانا دلوقتي معايا مسدس ...
وهقدر اخرج من هنا انا ومامي
فا بصيت لسهام
وسالتها
وقلتلها..
فين هشام؟
قالت...هشام ورجالتة بره
ومحاوطين المكان
فا رجعت اياس تاني
لان معني ان هشام بره... ومعاه رجالتة
فا الامل اصبح ضعيف في الهروب
وخصوصا...
اني مريضة
ومش هقدر احمل مامي... واخرج بيها
بسهولة وهما بالخارج
وكان لازم افكر في حيلة
للخروج...
لكن ...
كنت ملاحظة ان سهام بتبصلي
وباين عليها انها مبسوطة
لما شافتني.. ياست
فا ضغطت عليها
بسن السكينة
و قلتلها..
عموما ...انا كده خلصت من خادم ابليس
وبعد ما ادبحك
هبقي خلصت منك انتي كمان...
ولما اخرج
هعرف ازاي انال من كل مجرم واقف بره
بالمسدس الي معايا
بس انتي هتبقي اول قتيلة هبدء بيها
اتفزعت سهام من كلامي
وقالت..
هتقتليني ليه رشا ؟
منا نفذت كل الي قولتلي عليه
قلت..لالا لا...
انتي حورتي عليا بشوية خزعبلات
وفضلتي تشككيني في هشام زوجي
وشوية تقوللي...
انه مريض...
وشوية تقوليلي بذرة ابليس..
وعلاجة مش عارفة ايه؟
وكلام ميدخلش عقل طفل صغير
وانا قولتلك انك لو كدبتي هدبحك
فا اتوسلت سهام
وقالتلي..
.ارجوكي يا رشا اهدي بس... واسمعيني
وانا هشرحلك
انا معرفش
ايه قصة بذرة ابليس
ولا اعرف هشام اتصاب بالمرض ازاي
بس اقسملك
ان هشام هو الي قالي كده
وعموما...
اديني فرصة
وانا اؤكدلك كل كلمة قولتهالك
في اللحظة دي
كنت حاسة اني تعبانة جدا
لدرجة اني مكنتش قادرة افتح عنيا ...
ولا احرك جسمي
لكن قاومت وتحاملت علي نفسي
عشان سهام متستضعفنيش
وقلتلها
وحتي لو افترضنا كلامك صحيح
تطلع ايه بذرة ابليس دي؟
وازاي بتشفي من مرض؟
وايه هو المرض ده؟
ولية هشام فاكر انها معايا انا ومامي بالذات ؟
انتي فكراني هبلة زيك وبصدق اي حاجة؟
في اللحظة دي
فضلت سهام تبكي
وتقولي..
والله ما اعرف اي حاجة
غير الي انا قولتهولك
ولو مش مصدقاني...
انا علي استعداد اكلم هشام
في الموبيل ادامك..
واعيد معاه كل الكلام
واخليكي تسمعي بودانك
قلت..لا..
انا عندي فكرة افضل
وجذبتها من ذراعها
وانا بقولها
قومي ادامي
قالت
هنروح فين؟
قلت..اخرسي خالص ...
وامشي ادامي من سكات
واخدت سهام معايا
وخرجنا بالراحة
عشان اتفقد المكان بره
واعرف في كام شخص في الخارج؟
ده طبعا
بعد ما حذرتها ان اي حركة
هتعملها
هيكون الثمن حياتها
وبالفعل خرجنا
وفضلنا ماشيين
لكن الغريبة
ملقناش حد بره
وده في حد ذاتة كان قالقني
فسالتها؟
قلت..
عرفتي بقي انك كدابة؟
وكنتي بتوهميني...
وبتقوليلي..
ان هشام جوزي مشترك
معاكم...
ومعاه رجالة بره؟
وانا دلوقتي اتاكدت انك كدابة... وتستاهلي الدبح
فا صرخت سهام
وقالتلي....
اصبري بس
واديني اخر فرصة
وانا هاكدلك
اني مش بكدب
قلت.. هتاكديلي ازاي؟
قالت..مش انتي عارفة رقم هشام جوزك؟
قلت. ...ايوه ليه
قالت...تمام
دخلي الرقم في الموبيل
بتاعي
وهو هيفهم اني انا الي بتصل بيه ..
وشوفي هيقولك ايه؟
وساعتها هتتاكدي
اني مش بكدب
وكمان هتقدري تحددي مكانة فين
في البيت بالظبط؟
في اللحظة دي
بصيتلها ثواني
وبعدما فكرت
لقيت كلامها معقول
وبالفعل ..
دخلت رقم هشام جوزي في الموبيل بتاعها
وانتظرت اسمع الصوت
وبعد لحظات
سمعت صوت هشام زوجي فعلا بيرد عليها
وبيقول
ايوه يا حبيبتي
في حاجة حصلت عندك؟
في اللحظة دي..
اتاكدت فعلا انه هشام جوزي
الي بيتكلم
بعدما سمعت صوتة
فا كتمت الموبيل
وامرت سهام
انها تساعدني في استدراج هشام
وقلتلها ...
قوليلة ان رشا مغمي عليها من التعب
وانتي بتنتظرية في الغرفة
المجاورة
لغرفة رشا وامها ضروري
بعد عشر دقايق
عشان في جديد طرء
وبالفعل...
سهام قالتلة كل الكلام الي قولته لها
ورد هشام
وقال...حاضر حبيبتي
عشر دقايق...
وهنتظرك في الغرفة الي جنب غرفة الاساس القظيم
( الكراكيب)
وبعدما...
نفذت سهام كل الي طلبتة منها
قررت احتجز سهام في غرفة لوحدها
عشان اعرف انال من هشام علي انفراد
وبالفعل
اخدت سهام...
ادامي علي الغرفة الكراكيب
ولحسن الحظ
اني لقيت بعض اسلاك الكهرباء الفائضة عن الحاجة
في الاغراض القديمة..
وكانت ملقاه في ارض الغرفة
فا اخدت بعض الاسلاك
وقيدت بيها سهام
وكممت بوقها بقطعة قماش
عشان متصرخش
وبعدما انتهيت منها
رنيت تاني علي هشام
ولقيتة بيقولي..
ايوه انا رايح علي الغرفة اهوه
وهنتظرك هناك
ولما اتاكدت ان هشام لسة مرحش ع الغرفة
تركت سهام ...
وخرجت من الغرفة الي فيها الكراكيب
وقفلت علي سهام بالمفتاح
وبعدها...
تسللت بحذر
وروحت للغرفة الي مفروض اني هنتظر فيها هشام
وبعدما ما دخلت للغرفة
ووقفت انتظرة خلف باب الغرفة
وانا معايا المسدس والسكينة في جيبي
وبعد شوية
سمعت صوت هشام
الي داخل من الباب
وهو بينادي بصوت واطي
وبيقول.. سهام ؟
وفضلت سامعة صوت هشام
وهو بينادي علي سهام
لغاية ما دخل الاوضة
واصبح صاحب الصوت
امامي في الغرفة
ومجرد ما شوفت صاحب الصوت
مصدقتش نفسي
اصلكم مش هتتخيلوا شوفت مين ادامي.......... ؟
لو عايز باقي احداث القصة
صلي علي رسول الله
وطبعا مش هننسي نضع عشر ملصقات...
يتبع
تكملة الروايه من هنا
تعليقات
إرسال تعليق