 |
البارت الثامن 💥 بقلم ✍️ سلطان زماني
بعدها بقيت ادخل الجروبات وبختار البنات الي بتنزل
منشورات وعليها تفاعل كبير واخترق الاكونتات بتاعتهم بجد
مكنتش متخيل ولا أتصور اني البنات أخلاقها باظت كده
مهازل وكوارث بشوفها معظمهم متجوزين ومخلفين وسنهم
كبير يعني مش اطفال ولا بنات مراهقين علشان اعذرهم
والي بتعمل منهم مصلحه والي بتقابلهم وبتاخد منهم هداية
وفلوس والي نصابين والي كل الي همها انها يكون عندها
ناس معجبين بيها وخلاص
بقيت بصطاد الجروبات دي
وادخل اهكرها واخترق حسابات المسئولين واغير اسم
الجروب ل اسم ديني وأحط صورة غلاف دينية وأخرج منه
واسيبه من غير صاحب عملت كده في اكتر من 30 جروب
لحد ما الاكونت بتاعي اتعرف وبقا بينزل بوستات ع
جروبات كتير علشان يخدو بالهم من هكر الجروبات الجديد
واتعمل عليه بلاغات كتير لحد ما اتقفل حاولت ارجعه معرفتش
كلمت امجد وقبلته وحكتله قالي ياعم كبر دماغك هو انت
فاكر بكده هتمنع الحرام الجروب الي بيتقفل بيتعمل قصاده
100 جروب ولاالستات ولا الرجالة هيبطلو غلط
_ ياعم دي مليطه والستات بتستهبل مبقاش في قيم ولا مبادئ
امجد... هههههههههه منا قولتلك من الاول بلاش مصدقتش
اشرب بقا يا نجم يا راشد أنا بحسد اي حد لسه علي نياته
وقلبه ابيض ولسه متصدمش بالحقيقة دي الناس بقت حاجه
صعبة اوي الا ما رحم ربي
_ اه والله فعلا انا كنت فاكر اني كل الستات زاي ولدتي
وولدتك واختي واختك اتاري أنا كنت حمار
امجد ..مش حمار الي أفسد المجتمع كده المرأة قولي ليه
_ ليه
امجد..زمان كان في تربية وشرف واخلاق وكانت الستات
عندهم كرامة وعزة نفس واستحالة ولا يمكن تدي ل راجل
الضوء الأخضر أو تمهدلو الطريق دلوقتي معظمهم فتحنها
علي البحري ولا عمله حساب ل اهل ولا لدين ولا لاي حاجه
دلوقتي الستات بتعرض نفسها وهي كمان الي بتشقط الراجل
وتبقي عارفه أنه متجوز وأنها هتخرب بيته وعادي مكمله
_ شفت ده للاسف أنا بفكر اني اتجوز ندي وافكني من الحوارات دي
امجد ..عين العقل ياصاحبي مدام متاكد انها بتحبك واثق
فيها وفي أخلاقها خلص يانجم
_بص بتحبني دي مش واثق فيها اوي بس أخلاقها مشفتش
بنت في أخلاقها الصراحة
امجد ..علي بركة الله يانجم والف مبروك مقدما
خلصت قعدتي مع امجد وروحت ودخلت كلمت ندي واقولها
ليه مسالتيش عليا ..وهو لازم أنا الي اسال عليكي لقيتها بترد
عليا وشوية تنشغل وترجع ترد وبعدين تتأخر المهم اتفقنا أني
اعدي عليها بعد شغلها ونخرج شوية وفعلا خرجنا وقعدنا
نتكلم وفي وسط الكلام غلطت في اسمها وقولتلها ياروان
سالتني مره ولما قولتلها دي بنت واحد صاحبي وكنت بقول
اسمها كتير فلازق في لساني صدقتني ومسالتش تاني
وبقيت اقولها ياحبيبي علشان خايف اتلغبط تاني في اسمها
ويحصل مشكلة فضلنا نحكي كتير الفترة دي موبيل وخرجنا
مرتين كمان واخر مره اتخانقنا بسبب لبسها وقالتلي اني دي
طريقة لبسها وهي حره ولو مش عجباك طريقة لبسي احنا
لسه علي البر
..دي ديما كانت طريقتها بس انا علشان كنت بحبها متقبلها
وكنت بقول اني طبيعي بعد الجواز تتغير كنت بشوف كده
ديما في بنات عمي وخالي وأخواتي كمان أوقات كمان بتكون
دبش وبترد ردودو بارده وكنت بعديها برضو جيه في بالي
فكرة اني اهكر الاكونت بتعها علشان اضايقها مش اكتر
وفعلا عملت اكونت ودخلت كل ما احاول ارجع واقول لا لحد
ما جمدت قلبي واخترقته وكانت صدمة عمري بجد
يتبع 💥
البارت التاسع بعد قليل
تعليقات
إرسال تعليق