 |
صدمة عمري
شكرا على التفاعل ياقمراتى❤️ البارت الأخير
روان بخبث : اوووبس معلش ياحبيبتى نسيت اقولك انا ويوسف فرحنا أخر الأسبوع
ملك بصتلها بصدمه ودموع وفقدت الوعى
كريمه بصراخ : بنتتتى
وجريت عليها وفضلت تفوقها وهى بتعيط وتقول لروان بغضب : منك لله حسبى الله ونعم الوكيل
روان بصتلهم بشماته وخرجت من البيت كله
ملك ابتدت تفوق وتفتكر ال حصل ودموعها نزلت بقهر وحزن
كريمه ضمتها بدموع : أهدى ياحبيبتي ميستاهلوش دمعه واحده منك ياحبيبتى أهدى عشان الحمل
ملك بانهيار : انا ياماما استاهل ده كله طب ليه أنا عملتله ايه ملاقاش غير اكتر واحده بتكرهنى ليه يايوسف لييييه ده انا حبيتك من قلبى ااااااااه ياوجع قلبى ااااااه
امها ملاقتش حد غير أكرم تكلمه لانها عارفه أن هو اكتر واحد بيسأل عليهم وبيحبهم رغم أن أمه وأخته بيكرهوهم
كريمه بدموع : الو يا أكرم يابنى
أكرم بخضه : ألو يامرات خالى مالك بتعيطي ليه ملك كويسه
كريمه : لاء مش كويسه يابنى تعال بسرعه وهات الدكتور عشان خاطر ربنا
أكرم بلهفه وقلق : حاضر حاضر مسافة السكه سلام
وقفل معاها وهى جريت حاولت تسند بنتها وتدخلها أوضتها وبالفعل ساعدتها ووصلتها للسر*ير
كريمه بدموع : منك لله يا أحلام انتى وبنتك حسبى الله ونعم الوكيل فى كل حد كان سبب فى أذاكى ياحبيبتي
وبعد شويه من الوقت الباب خبط وكان أكرم ومعاه الدكتور ودخل يكشف على حالتها
أكرم بخوف : يارب استر يارب يارب متزعلنيش عليها أبدا يارب
الدكتور خرج ومعاه كريمه وقال بجديه : انا اديتها حقنه مهدئه دلوقتى وهتنام لبكره بس الأفضل محدش يعرضها لأى انفعال لأن المره الجايه هيكون خطر على الجنين عن أذنكم
الدكتور مشى وأكرم راح عند كريمه عشان يسألها عن ملك
أكرم بجديه : لازم تفهميني ايه ال وصل ملك للحاله دى
كريمه بدموع : أختك السبب يابنى
أكرم بصدمه : روان !!! وبعصبيه عملت ايه
كريمه قصت عليه ماحدث
أكرم بغض*ب جح*يمى خرج من البيت بدون كلام
كريمه بحزن : يارب استر يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا
روان بضحك : خلاص ياماما اديتها الضربه الأخيرة وزمانها دلوقتى فى خبر كان
أحلام بخبث : براڤو تربيتى
فى الوقت ده دخل أكرم وهو كالثور الهائج ومسك شعر روان بعصبيه وضربها بالقلم
أحلام بصدمه : انت بتضرب أختك انت
قاطعها أكرم بغض*ب : انتى تسكتى خالص مش انتى امي بس مش عارف جايبه الحقد ده كله منين دمرتى بنت أخوكى انتى وبنتك ال.........* دى بس خلاص مش هسكتلكم تانى
روان بصراخ : هى لحقت اشتكيتلك واتمسكنت
أكرم ضرب*ها مره أخرى : اخرررررسى تعرفى أن هى احسن منك مليون مررره علي الاقل مخربتش حيات حد ولا راحت تلف حوالين بيت لحد مادمرته انتي عارفه انا شايفكم ازاى دلوقتى
أحلام بعصبيه : انت بتكلمنى انا كده وبعدين سيب أختك ياقليل الأد*ب
أكرم : لاء انا فوقت ده ال كان لازم يحصل من زمان انتي عارفه انا عاملت ايه عشان احميكم من عمى وولاده بس خلاص جه وقت أن كل واحد ياخد جزاته
روان بخوف ودموع : قصدك ايه يا أكرم
أكرم بخبث : قصدى أن خلاص عمك فى الطريق ياحبيبتي وجاي عشان ياخدك ياعروسة ابنه
روان بصراخ : لاء لاء انت اكيد مش هتعمل فيا كده لاء
أكرم : للأسف ده ال انتي هتستاهليه وده جزاتك انتي فاكره انك هتهربى من عقاب ربنا حذرتك كذا مره وانتي برضوا صممتى حقدك عليها وانتقامك عموكى بس خلاص هو ده الحل
أحلام بدموع : يابنى انت عارف ان ابن عمك هيبهدلها ازاى ترضها لأختك
أكرم بغض*ب : كلامى خلص هى غلطت وتستحمل نتيجة غلطها وانتى هتروحي معاها وبعد فتره هاجي اخدك وملكيش دعوه بيها مفهوووووم
الاتنين وقفه يبصوله بقهر وحزن اول مره يشوفوا أكرم بالحاله دى وشكل فعلا أن خلاص كل واحد هياخد نصيبه
وبالفعل بعد وقت وصل عمها واخدها هي وأمها الصعيد وباين عليهم انهم ناس صعبه ومش سهله ابدا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد مرور شهر
أكرم كان دايما مع ملك وأمها ومش بيسبهم ويوسف بعد ال حصل انقطع عنه الأخبار
أكرم بابتسامه : شكلك أحسن النهارده
ملك بابتسامه : الحمد لله أحسن بكتير وده بفضل ربنا ثم وجودك معانا
كريمه بحنان : فعلا يابنتى أكرم ده مفيش منه ربنا يحميه يارب
أكرم بضحك : كده هتغر
كلهم ضحكوا عليه
كريمه قامت تعملهم عصير
أكرم : احم انا عارف ان مش وقته بس الصراحه كده ياملك انا عايز اكمل حياتى معاكى
ملك بصدمه : أكرم انت
قاطعها أكرم بحب : مش هينفع اقولك دلوقتي ياملك اي حاجه بس اوعديني انك اول ماتولدى وتقومى بالسلامه نكتب الكتاب
ملك بدموع : أكرم انت متأكد
أكرم : عمرى ماكنت متأكد غير دلوقتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا
بعد مرور ٧ شهور
المأذون : بارك الله لكما وبارك عليكما وجمع بينكما في خير
أكرم اول ماسكه الجمله دي جرى على ملك وحضنها بحب واشتياق : بحببببببك
ملك بدموع : بجد يا أكرم
أكرم بحب : من وانتى فى ثانوى وانا بحبك ياملك بس استنيت لحد الكليه ولما اكتشفت انك بتحبى يوسف مرضيتش اوقف سعادتك بس خلاص القدر كتب أن احنا نرجع لبعض تانى
ملك بدموع وحب : كنت فاكره أن حبى ليوسف ده حب بس طلع تعلق مش اكتر انا بحبك انت يا أكرم بس محمد
أكرم : هيكون ابنى وهربيه فى قلبى اي حاجه منك بحبها هو صحيح فين الزنان ده
ملك بضحك : نايم جوه وماما دخلت تطمن عليه
فى الوقت ده دخل يوسف وكان باين على وشه حزن شديد
يوسف بكسره : مبروك ياملك
أكرم بجديه : الله يبارك فيك خير
يوسف : انا عارف ان انا وجودي مش مرغوب بقالي فتره كنت اتحبست فى تهمه خرجت منها بصعوبه وده كان عقاب ظلمى ليكى للأسف انا بتأسف ليكى جدا
ملك بدموع : ربنا يسامحك مش انا سيب الوقت ينسى وابنك ليك الحق تيجى تشوفه هنا عند امي يوم في الاسبوع حقك مش هحرمك منه
يوسف معرفش يرد وخرج وهو عارف ان خسر اكبر جوهره فى حياته
ملك بخبث : بحبك ياسطا
أكرم بصدمه : احنا انحرفنا خالص
ملك بضحك : بركاتك
أكرم حضنها بضحك وحب وكملوا حياتهم فى سعاده وهنا
السند الحقيقي هو الرفيق في أصعب الأوقات والأمور وأيضا الأفراح❤️
#صدمة العمر
بقلمى هاجر العفيفى
دمتم في حفظ الرحمن💙
تعليقات
إرسال تعليق