 |
#غرام_الليل الرابع✨
ومن ورا الغفير دخل شخص وقال: انا
الكل اتفاجئ بمجيته الا اشرف اللى مبانش عليه اى اندهاش وكأنه كان عارف انه هيجى وقال: اهلا وسهلا يا مراد بيه
مراد: خير يا جماعة كلكم اختفيتوا فجأة وقفلتوا فوناتكم ومحدش عارف يوصل ليكم
اشرف: ازاى محدش عارف يوصل لينا ما انت وصلت اهو😌
مراد: احم ما هو كان لازم اوصلكم انتم ناسيين ان فيه مشروع بيتنفذ ولا ايه؟!
اشرف: بص يا مراد بيه من الاخر كده كوثر هانم صرفت نظر عنه ومش حابه تكمل فيه بالتالى انت ادامك اختيارين ملهمش ثالث يا اما ترجع الفلوس اللي اخدتها من البنوك وننهيه يا اما تعطى لكوثر هانم فلوسها ويبقى حلال عليك المشروع بأكمله
مراد بهدوء وهو موجه كلامه لكوثر: ايه الكلام الغريب اللى بسمعه ده يا طنط انتى موافقه ع الكلام ده؟!
كوثر: ايوة يا مراد انا مش حابه اكمله لانى داخله فى صفقه كبيره وارباحها مضمونة
مراد وقف وعلى صوته: ايه الهبل والتخاريف دى انتم جايين تقولوا الكلام ده بعد ما جيبت الموافقات من الدولة وكمان الشركة المشرفه ع التنفيذ بدأت فيه!! الموضوع هيكمل غصب عن عين الكل
وهنا غفران خبط بعاصيته ع الارض وقال: حسك ميعلاش فى بيت غفران العزايزى يا ولد فهمت ولا لاع
مراد بتحدى: يعنى ده اخر كلام عندك يا طنط!
اشرف: كلامك معايا انا يا مراد بيه واه ده اخر كلام عندنا
مراد: ماشى بس صدقونى الموضوع مش هيعدى ببساطة وبكرة تشوفوا انا هعمل ايه
واثناء ما كان مراد خارج بص لغرام اللى كانت بتبصله باحتقار وقف قصادها وفجأة شدها من وسطها عليه وقال: انا ممكن اتنازل عن المشروع لكن عنك انتى يا قطتى لا
فى اللحظة دى شخص ما من وراه خبطه بالرجل فى ضهره ووقعه ع الارض وبالايد اللى شد بيها غرام مسكها وكسرها ليه وطبعا كان الشخص ده ليل اللى كانت عروقه بارزة وعيونه بيخرج منها شرار
مراد بتأوه: وحيات امك لادفعك تمن اللى عملته ده غالى
ليل: وغلاوة امك انت لو مخرجتش من هنا فورا لاكون قابض روحك وبدل ما تخرج ع رجلك هخرجك ع نقالة ومش هاخد فيك يوم واحد حبس
قام مراد وهو خارج من الباب بص عليهم بنظرة توعد وخرج اما ليل فوجه بصره لغرام اللى كانت واقعه ع الارض وبترتعش وقتها حس ان نبضات قلبه بتزيد وكأنها هتخرج منه راح لغرام ومد ايده ليها ووقفها وقالها: اطمنى عمره ما هيقدر يمس منك شعرة طول ما انا عايش
غرام كانت حرفيا ميتة بجلدها ومقدرتش تنطق بحرف بسرعة جريت عليها كوثر ضمتها وهدتها وبعدين اخدتها ع الاوضه بتاعتهم ونيمتها
فى العربيه مراد للسواق: بسرعه يا زفت ع اقرب مستشفى مش قادر من دراعى
وليد: يا باشا ليه مندهتش عليا وانا كنت دفنته بأرضه
مراد: انت اهبل احنا فى بيتهم وبلدهم يعنى ببساطة ممكن يخلصوا علينا ومحدش يعرفلنا طريق جرة
وليد: طب والعمل!!
مراد: اتقل ع رزقك انت هتشوف بنفسك انا هعمل ايه
بليل صحيت غرام وكانت امها نايمة اطمنت عليها وبعدها لبست طرحتها وخرجت نزلت قعدت بمرجيحة فى حديقة البيت وكانت بتتنفس بعمق وفجأة سمعت صوت صغير جاى من وراها: ممكن اجعد معاكى شويه يا جمر
ابتسمت غرام وشدت البنت الصغيرة وقعدتها ع رجلها وقالتها: طبعا يا قلب الجمر بس ممكن اعرف اسم الجميل
البنت: اسمى ليالى و....................................
يا ترى مين ليالى؟ وايه اللى ممكن يعمله مراد عشان ينتقم؟ وهل وقع ليل فى حب غرام فعلا ولا مجرد البداية؟
الاجابة فى البارت الجديد نعرفها وتوقعاتكم لحل الاسئلة منتظراه 🤍
#يتبع
#بقلم_نشوه_عادل
تكملة الروايه بعد قليل
تعليقات
إرسال تعليق