 |
: بقولك طلقنى ايه مبتفهمش
قالتها تسنيم ببرود قدام أياد ال واقف مصدوم
اياد بصدمه : تسنيم انتى بتقولى كده ليه انتى عارفه ان أنا بح
قاطعته تسنيم : وانا مش بحبك سهله اهو ترضى تعيش مع واحده مبتحبكش
اياد بذهول : انتي تسنيم معقول ازاي انتى نسيتى حبنا نسيتى ان احنا بنكمل بعض
تسنيم بضيق : يووووه هو فى ايه مش المفروض دى حريه شخصيه احنا مش هينفع نكمل مع بعض خلاص خلصنا مش بحبك هو عافيه
اياد بشك : فى حد تانى فى حياتك
تسنيم بتوتر : ل لاء بس ه هيكون فيه انا لسه صغيره وهشوف نفسي
اياد بحزن وحسره : ولو مطلقتكيش
تسنيم بجمود : هخ"لعك
اياد هز رأسه بنفى وغضب : انتي اتجننتى
تسنيم : وهكون مجنونه أكتر لو مطلقتنيش ها قولت ايه
اياد : ياخساره انتى طالق ياتسنيم
تسنيم الكلمه نزلت عليها زي الصعقه بس حاولت تستحمل ودخلت تلم هدومها بحزن وخرجت كان هو واقف وبيشد على شعره بعصبيه
تسنيم ببرود مزيف : ورقتى توصل بكره لو سمحت مش عايزين نتكلم كتير ويحصل مشاكل عن أذنك
خرجت تسنيم وهو يك*سر فى كل حاجه تقابله
اياد بعصبيه : ليييييه ياتسنيم ليبييه انا بحبك واديتك كل حياتى وقلبى تتخلى عنى فجأه ليييييه ااااه يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروا
عند تسنيم راحت بيت أهلها ودخلت أوضتها من غير ماتقول لحد اي حاجه ونامت على السرير بحزن وافتكرت الصبح لما حماتها جاتلها واياد فى الشغل
تسنيم بابتسامه : أهلا ياماما اتفضلي
فوزيه : شكرا
تسنيم : اياد زمانه جاي
فوزيه : وانا مش عايزه اياد انا عايزاكي انتي
تسنيم قعدت جميعا باستغراب : خير ياماما
فوزيه : بصي يابنتي انتي عارفه أن الجوازه دي كلها مكنتش موافقه عليها صح
تسنيم بتوتر : ه هو أنا زعلت حضرتك فى حاجه
فوزيه : لاء بس انتي عارفه أن كنت هجوز اياد لنغم بنت أختى وهو عشان بيحبك رفض بس دلوقتي نغم من ساعة ماتجوزتوا وهى عندها حاله نفسيه وانا مش هحب ليكي السعاده على حساب بنت أختى
تسنيم بدموع : ليه بتكرهيني
فوزيه : مش بكرهك بس سعادة بنت أختي اهم عندي
تسنيم : طب وسعادة أبنك
فوزيه : ال خلاه يحبك أكيد هيخليه يحب بنت خالته بسهوله
تسنيم مسحت دموعها بوجع : والمطلوب
فوزيه : انك تبعدى عنه وتعرفيه انك انتي ال مش بتحبيه
تسنيم قامت وقفت : تمام اتفضلي انتي مع السلامه
فوزيه بفرحه : تسلمي ياتسنيم اكيد ربنا هيعوضك يلا سلام
ومشيت حماتها وسابت المسكينه قلبها بيوجعها من الألم
تسنيم رجعت من تفكيرها ودموعها بتنزل بحزن ووجع ونامت من كتر التعب وصحيت تاني يوم على صوت تلفونها فتحته لقت ساره صحبتها
تسنيم بتعب : ايه ياساره
ساره : انتي فين يابنتي وازاي اروح أسأل عليكي يقولولى مشيت واعرف ان خطوبة اياد النهارده انا مش فاهمه حاجه
تسنيم اتصدمت لما سمعت أن خطوبته النهارده وفقدت الوعى
يتبع
شكرا على التفاعل القمر❤️ البارت الثاني
تسنيم اتصدمت لما سمعت أن خطوبته النهارده وفقدت الوعى
ساره بخوف : تسنيم تسنيييم
قفلت بسرعه ونزلت تجررى على بيت أهل تسنيم ووصلت بسرعه لأنهم جيران دخلت بسرعه ووالدتها اتخضت ودخلوا يشوفوا تسنيم كانت واقعه فى الارض قوموها وفوقوها
تسنيم بتعب : أاااه
والدتها بخوف : تسنيم يابنتي مالك
تسنيم بدموع : خلاص هيتجوز ياماما انا والله بحبه بس انا كرامتي مسمحتش أن حماتى تهني أنا ذنبى ايه عشان تيجي عليا مش هقدر أتخيل أن هو بعيد عني وهيكون مع غيرى
ساره ووالدتها واقفين مش فاهمين حاجه وبيبصوا باستغراب
تسنيم بتنهيده : هقولكم
حكتلهم كل حاجه واتصدموا
والدتها بصدمه : يلهووي هي الوليه دي محدش قادر عليها
تسنيم بدموع : خلاص ياماما مفيش حاجه مستاهله بس ساعديني ياساره عشان اقدر اقوم
ساره : راحه فين
تسنيم بسخريه : هلبس عشان اروح خطوبته
ساره : بس ياتسنيم
قاطعتها تسنيم : يلا ياساره ولا اقوم لوحدي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
فى المساء فى الخطوبه
تسنيم وصلت عند البيت وهي مش قادره تستوعب أن حب عمرها بيتجوز خلاص دخلت بخطوات ثقيله وشافته بيلبسها الدبله وأول ما شافها بصلها بعتاب وكمل ال بيعمله
وصلت عندهم وقالت بحزن : مبروك
تمارا بخبث : الله يبارك فيكي ياتسنيم
اياد ببرود : الله يبارك فيكي
فوزيه حماتها بضيق : نورتى ياتسنيم
تسنيم بسخريه : منوره بالعروسه الجديده ياحماتي
فوزيه وشها اتغير بس حاولت تبان طبيعيه
أكملت تسنيم بحزن : انا قولت لازم ابارك برضوا عشان متبقاش قلة ذوق مني وافكرك يا اياد أن ورقة طلاقى لسه موصلتش ليا عن أذنكم
وخرجت تجرى وكانت كاتمه شهقاتها بعنف ولسه هتخرج من العماره لقت الايد ال بتشدها
تسنيم بصدمه : اياد !! ايه ال جابك ورايا سايب خطوبتك ليه
اياد بغضب : انتي ايه يا شيخه حرام عليكي مفيش اي د"م وانا هكون لغيرك خطوبتى النهارده على غيرك فين الحب ال كان بينا خلاص نسيتي ده كله وبدون اي سبب
تسنيم بدموع وبتبعد عنه : اياد أرجوك سيبني وابعد مينفعش كده احنا دلوقتي مفيش مابينا حاجه
اياد بحزن : يعني خلاص بتنهى أخر حاجه بينا ط طب لو فى حاجه قوليلي وانا هحلها بس متسبنيش هنحل كل حاجه واحنا مع بعض
تسنيم كانت نفسها تترمى فى حضنه وتقوله كل حاجه بس كرامتها منعتها وبعدت عنه ببرود عكس ال جواها : اطلع لعروستك ميصحش كده عن أذنك
وسابته وجريت هو نفخ بعصبيه وطلع فوق بس قبل ما يدخل وقفه الكلام ال صدمه
تمارا بغيظ : شوفتي مشي وراها ازاى اومال بتقولى انك قولتلها تبعد عنه ازاي
فوزيه : معرفش اي ال جابها انا قولتلها تبعد عن حياته خالص فعلا معندهاش د"م
تمارا : اياد ليا انا وبس ومش هيكون لغيري صح ياخالتي
فوزيه : صح ياحبيبة خالتك
اياد بصدمه : مش معقول
فوزيه وتمارا بصدمه : اياااد !!
يتبع
تفاعل بقا ياحلوين عشان اكمل♥️
#قسمه ونصيب
بقلمى هاجر العفيفى
دمتم في حفظ الرحمن 💙
يتبع
البارت الأخير من هنا هنا
تعليقات
إرسال تعليق