 |
🔥البارت الاول 🔥بقلم✍️ سلطان زماني
رئيس المباحث..متعرفيش اسم المصنع أو مكانه بالظبط الي كانت شغاله فيه
لا والله يا باشا بس اعرف صحبتها الي كانت بتروح معها الشغل
رئيس المباحث..عارفه بيتها
اه هي ساكنه في نفس المنطقة الي فيها شقة اختي
راح معايا مقدم اسمه عماد وسالها ارتبكت واتخضت لما
عرفت انها مرجعتش بيتها من امبارح
عماد ..امتي اخر مره كلمتك
خلود .. هي كل يوم بتكلمني وكلمتني امبارح وهي رايحه تعمل التحاليل الي كانو طلبنها منها في الشغل
عماد ...مقلتش اي تفاصيل المكان اسم الشركة الموظفة
خلود ..قالت اني اسمها مدام بوسي وقالتلي انها مستنيه بس
تشتغل وتثبت في الشغل وتكلمهم عني وتشغلني أنا كمان معها
عماد.. حاولي تفتكري كويس عايزين نوصل لاي معلومة توصلنا للناس دي
بقلم ✍️ سلطان زماني
خلود. حضرتك أنا موبايلي ليسجل المكالمات تلقائي ممكن تسمعها ونتأكد من كلامي
عماد .. ماشي سمعيني
جاب مكالمتها كلها من اول ما قدمت وراحت المقابلة الاولي
واخد باله اني الشقة بجوار مسجد من صوت المؤذن كان اذان
الظهر وقالتلي اقفلي علشان خلاص وصلت
وكانت بتشري حاجه من سوبر ماركت أو كشك وفي
واحد كان بيقوله عايز علبة سجائر يا ابو اسراء
بعت المكالمات دي كلها عنده
وراح قسم الشرطة ورئيس المباحث قالي روحي انتي وسيبي
رقمك مع عماد بيه ولو وصلنا لحاجه هنبلغك
قولتله والنبي يا باشا أنا مليش غيرها وعيالها كمان ملهمش غيرها بالله عليك رجعهالي ابوس رجلك
بصلي بحيره وقالي اطمني خير ان شاء الله مشيت روحت
بيتي
بقلم ✍️ سلطان زماني
عيالها اول ما شفوني انهارو من العياط وعايزين ماما
فين ماما وانا مش عارفه اقولهم اي جوزي خدهم اشترلهم
حاجات من تحت وفضل بيهم تحت لحد ما بطلو عياط
في القسم ...
رئيس المباحث.. بص ياعماد صوت المؤذن ده سهل يتعرف
وإسم صاحب المحل الي اسمه ابو اسراء ده عايزين نحدد
موقع الشقة والمكان بالظبط خد معاك المخبرين وانزل مشط
المنطقة دي ولملي البوابين الي حوالين المسجد ده
بقلم ✍️ سلطان زماني
عماد راح عرف اسم المسجد ووصل لصاحب الكشك وفرغو
الكاميرات بتاعة الشارع واتصل بيا وشفت اختي وهي
بتشتري مناديل وكرت فكه من الكشك ده وقولتلهم هي دي
وصلو للعمارة الي فيها الشقة والبواب اول لما الحكومة دخلت
عليه ارتبك وبقا مش علي بعضه وقاله اني العمارة كلها ساكنه
فيها عائلات وأنه ميعرفش مدام بوسي دي عماد بيه بعت
جاب صاحب العقار وقاله أنه مش متواجد هنا واني البواب
بيان الايجار ليه وبيجي يقابله ع اول الشارع ياخد منه
الايجار ويمشي وأنه قاعد في المعادي شاف كل العقود فعلا
كلها عقود من سنتين وثلاثة في عقد من 6 شهور ب اسم
بثينة احمد ابراهيم قاله الشقة دي فين طلعو فضل البواب
يتصل بيها مش بترد كسرو الباب لقو فيها مكتب وكان كرسي
وفي اوضه فيها مرتبة ع الأرض وتلاجة ميني بار وكاتيل
قهوة البواب قاله دي حضرتك ممكن تيجي مره في الشهر أو
مرتين وأوقات تبات في الشقة مع جوزها وبيمشو تاني يوم
عماد بيه قاله فين قسيمة الجواز قاله مش معايا بص للبواب
وقاله أنا هخليك تنطق ياروح امك وشاور لزمايله اخدوه
ركبوه البوكس وراحو بيه ع القسم بقلم ✍️ سلطان زماني
هناك قال إنها ست كريمة وكانت بتعطف عليه هو وعياله وكل
ما كنت تدفعله الايجار تديله ٤٠٠ جنيه او ٥٠٠ جنيه ليه هو
علشان ظروفي ولما كانت تبعتني اجيب لها حاجه من تحت
أو ارملها زبالة كانت بتراضيني قاله ازاي تسكن ست وراجل
من غير قسيمة جواز واي شكل الراجل الي كان معها
هو شب اصغر منها معه عربية سودة وكان ديما يجي معها أو
يوصل بعدها سأله كان بيكون معها حد قاله كانت بتيجي ديما
وبعد ما توصل ب ساعة تيجي وحده ست ليها تطلع يقعدو
شوية وتنزل تأني وتفضل مع الاستاذ علاء شوية وينزلو مع بعض أو ينزل قبلها
خلاني اوريله صورة اختي وقاله شفتها قاله لا والله يا باشا
ممكن تكون قبلتها بس أنا مكنتش موجوده أنا يابيه معظم
الي م بجيب طلبات لسكان العمارة برمي الزبالة مش يكون
قاعد ال24 ساعة علي البوابة بقلم ✍️ سلطان زماني
عماد بيه راح للعنوان بتاع مدام بثينة الي موجود في البطاقة
قالولو اني ده عنوانها القديم ومحدش يعرف نقلت فين
وصلو لطلقها قالهم أنه مطلقها من ٨ شهور وميعرفش عنها
حاجه وأنها منعاه يشوف عياله
وصف لعماد بيه شقة مامتها الي فيها ولاده وراحو قبلو امها
وقالتلهم انها بتربي عيالها وهي بتيجي كل يومين تقعد معاهم وممكن تبات وممكن لا
واخر مره شافتها امبارح المغرب جت وسبتلي فلوس وشافت
العيال ونزلت
عماد بيه ..طب ياحاجه اتصلي بحد ياخد العيال دي او يجي يقعد معاهم
ليه يابني
علشان انتي هتشرفينا في القسم لحد ما بنتك تشرف
يالهوي يالهوي ليه ده انا ست كبيرة وصاحبة مرض ومش حمل بهدلة
متخفيش هما كام ساعة لحد ما بنتك تظهر وتيجي يلا يا حاجه متضيعيش وقتنا
يتبع 🔥لو ملقتش تفاعل كبير هختفي تاني وهسبلكم الدنيا كلها واطفش 🤣🤣
البارت الثاني من هنا هنا
تعليقات
إرسال تعليق