 |
المقدمة 💥بقلم ✍️ سلطان زماني
اعرفكم بنفسي أنا المنحوسة الي مليش بخت الي حظها قليل
في الدنيا الي عمرها ما فرحت من قلبها ولا شافت يوم حلو
انا الي لحد الحظة الي بتقرو فيها قصتي دي مليش سند
اتسند عليه ولا ضهر اتحامه فيه أنا الي اتصدمت في كل الي
حواليا من القريب قبل الغريب أنا الي فقدت الثقة في كل
الناس واولهم ثقتي في نفسي.. زيروو
انسانه عايشة في الدنيا علشان تربي بناتها وبس ولولا هما
كنت انتحرت من زمان
اسمي وعد عندي 29 سنة من الارياف الفلاحين
كنت طفلة عندها 12 سنة وكنت بشوف امي بتزعق مع
ابويا علي الشرب الي في البيت وصحابه الي بيجو يقعدوا
للصبح وسمعتنا والكلام الي الناس بتقولو عليه وعليها ايه
وتقوله خاف علي عرضك وشرفك وكان يرد ببجاحه وأوقات
يضربها قدمنا ولما كنا نقرب ولا اختي الكبيرة تحوش كان
يضربها هي كمان وامي تقعد تبكي وتتحسبن وتدعي عليه
كان غبي جدا ومش بيحبنا وكرهنا أنا واختي
ولا اكننا بناتها هي أو ولاد حرام نظراته غبية صوته كنت
بترعب منه كان مخلي امي خدامة ليه ول اخواته البنات
وكان بيجاملهم بيها ..وبينا احنا كمان
بمعني اي عزومة أو عزاء فرح امي ياعيني الي تعمل كل
حاجه وديما محسسنها أنها أقل من الكل وبناتها
كمان الي هماانا واختي الهام
امي كانت تزعق ل اختي الهام لما تلبس شورت أو جبليه
ضيقة في البيت وكنت بستغرب وبتجنن اه لسه 13 سنة بس
عارفه اني في بيتنا نلبس اي حاجه عادي وكانت بتغمزلها
وهي بتفهم وتدخل تلبس حاجه وسعة
وانا كنت بفهم من غمرتها دي وكلامها لما تقولها خشي البسي
حاجه وسعه علشان ابوكي قرب يجي كنت فاكره اني بابا
هيزعق وهيضربها وكده
بس بعدين فهمت المهم بقيت الاحظ اني امي بقت تنام في
الاوضه بتعتنا كتير وأوقات بتقفل الباب علينا بالترباس
ولما بابا بيكون موجود وبتنزل تخدنا معها حتي لو نزله
تجيب التموين ولا تجيب عيش وحاجات من السوق
يتبع 💥 التكملة علي حسب تفاعلكم ياحلوين ♥️ انتو الي هتحددو انزل بارت واحد كل يوم ولا بارتين انتو وشطارتكم
تعليقات
إرسال تعليق