مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤

-ايه الفستان اللي انتي لابساه يا رباب روحي غيريه ؟!

زعقت وانا متضايق فيها ...بصتلي بعند وقالت :

-لا يا عز مش هغيره ...

مسكت ايديها وزعقت :

-اولا اسمي ابيه عز ...ثانيا لما اخوكي الكبير يقولك اعملي كذا تعمليها من غير كلام ...

بعدت وهي بتزعق:

-انت مش اخويا ...مش اخويا هو عافية 

بصيتلها بصدمة ...عيونها كانت مدمعة ...حسيتها مجروحة من غير ما افهم ليه !!!

- رباب !!!

زعقت ليها ماما وقربت وهي بتقول :

-ازاي تكلميه بالشكل ده انتي هبلة وبعدين عنده حق ده فستان تروحي بيه الفرح ...روحي غيريه لاما مفيش فرح ...

-اووف بقا ...مش راحة حتة ...بقلم سولييه نصار

وسابتنا ومشيت 

-احسن دي بنت قليلة الرباية 

-اهدي يا ماما عليها شوية ...

طبطبت امي علي كتفي وقالت:

-متزعلش منها يا عز انت عارف رباب عقلها مفوت ...شوية كده وهتيجي بنفسها تعتذر منك 

-مش مهم يا امي رباب اختي وانا مش زعلان منها 

-ربنا يرضي عليك يا بني بعد موت ابوك انت اللي اهتميت بينا وصرفت علينا ...صحيح انت مش من دمي بس ربنا يعلم غلاوتك عندي 

مسكت ايدها وبوستها وقولت :

-وانتي امي ...انتي اللي اهتميتي بيا وربتيني 

-ومش هرتاح الا لما افرح بيك يا عز 

اتوترت بعدين بصيتلها وقولت :

-إن شاء الله ...دلوقتي انا ورايا شوية شغل مهم هروح اوضتي اخلصه

-اعملك شاي ولا عصير يا بني 

- لا يا ست الكل تسلم ايديكي 

وبعدين سيبتها ومشيت ....

...

قعدت علي مكتبي وانا متضايق من تصرف رباب ...صحيح هي مش اختي من دمي بس يعتبر انا اللي ربتها...كان عندي تسع سنين لما امي ماتت ...بعدها بسنة ابويا قرر يتجوز ماما صابرين أرملة ومعاها بنت عندها سنتين ...صابرين رغم انها مرات ابويا بس كانت بتعاملني احسن من ابويا ذات نفسه ...مكنتش بتفرق بيني وبين رباب ...وخليتني اساهم في تربية رباب  

..لما بقا عندي اتناشر سنة ابويا كمان مات ..

ساعتها حسيت باليتم ..حتي ماما صابرين انهارت ...مكناش عارفين ايه هيبقي حالنا ...قررت هي تشتغل ...بس انا  رفضت وخرجت اشتغل في ورشة نجارة ...كنت بتعلم واشتغل في نفس الوقت وهي كانت بتساهم في الشغل وبتشتغل خياطة ...لحد ما ظروفنا بدأت تتحسن ...خلصت ثانوية ودخلت صيدلة  ...فضلت اشتغل في الكلية كمان واجتهدت لحد ما اتخرجت بتفوق وبشتغل في شركة أدوية كبيرة ساعتها ظروفنا بقت مرتاحة اووي...خطبت مرة بس هي مرتحتش وفسخت الخطوبة من وقتها مفكرتش اعيد التجربة تاني .!!!

الباب خبط فخرجت من شرودي

-ادخل 

دخلت رباب وهي حاطة عينيها علي الأرض وماسكة كوباية عصير مانجا اللي بحبه 

حطت العصير علي المكتب وقالت:

-اسفة  متزعلش مني ...

ابتسمت وقومت وانا بقول:

-ازعل من مين يا عبيطة ده انتي اختي 

عيونها دمعت وقالت:

-بس انا مش بعتبرك اخويا يا عز ليه مش عايز تفهم 

سكت بتوتر وقولت:

- انا مش فاهم.

صرخت وهي بتبكي وقالت:

-لا انت فاهم كويس.....مشوفتش ازاي انهارت من سنتين لما خطبت لمياء ..انت عارف وحاسس بمشاعري

-رباب 

- انا كنت بغير منها ...ب*موت من الغيرة عارف ليه 

-رباب اطلعي برة!!!!

زعقت فيها عشان تفوق ...كنت متوتر مش حابب اسمعها لحد ما قالت هي بصوت عالي :

-عز انا بحبك !

-رباب !!!!

لقيت ماما بتزعقلها من ورانا ...اكيد سمعتها!!!

يتبع 

الجزء التاني❤شكرا على تفاعلكم السكر زيكم❤بقلم سولييه نصار💙❤

جات امي وضربتها بالقلم ولسه هتضربها تاني مسكت انا ايديها وقولت:

-اهدي يا امي مينفعش كده 

قعدت رباب تعيط ..زعقت امي وقالت :

-سيبني عليها يا عز دي قليلة الرباية ...انا معرفتش اربيكي....دلعتك لحد ما بوظتك ...

- امي خلاص 

قولت بحدة شوية وبعدين بصيت لرباب وقولت بأمر:

-وانتي علي اوضتك يالا ...بقلم سولييه نصار

جريت رباب علي اوضتها ...قعدت امي علي الكرسي وهي بتضرب علي رجلها وتقول:

-البت عيارها فلت...بس دي غلطتي انا اللي دلعتها زيادة 

-اهدي يا ماما محصلش حاجة لكل ده 

- ازاي يا عز مش شايف قالتلك ايه ...ده انت متربي معاها وزي اخوها ...ازاي تفكر اصلا في كده ...دي اكيد مش طبيعية

-كارمن مراهقة يا ماما وحاليا طبيعي تنجذب لأي شاب وخاصة اني قريب منها اوووي ...

- عز مش عايزك تاخد علي كلام البت الهبلة دي انتوا هتفضلوا اخوات طول العمر ...احنا ملناش غيرك .

مسكت ايديها. وقولت :

-اكيد يا امي. ..متقلقيش انا هبقي معاكم دايما وانا اللي هسلم رباب لعريسها بإيديا ...

طبطبت عليا وبعدين مشيت ...قعدت بإنهيار علي المكتب ...هقول اني اتصدمت لا ...انا كنت حاسس بمشاعرها ...بس كنت بهرب ....رباب ملاك تستاهل حد احسن مني بكتير ...واحد اصغر في السن ومرح مش كئيب زيي ...واحد ظروفه احسن مني ....رباب تستحق الافضل عشان كده قررت ابعد!!!

........

-عز يبقي اخوكي يا رباب افهمي ده 

زعقت صابرين ...قعدت تبكي رباب وقالت:

- ماما انا بحبه والله بحبه حرام عليكم

-وهو ...هو بيحبك؟! فوقي يا رباب انتي بالنسباله اخته وبنته اللي رباها....عز مستحيل يفكر فيكي افهمي ...

بكت رباب بعنف كان قلبها مكسور ...مكنتش بتفكر اصلا تعترف بس ضعفت ...فكرت انه ممكن يحبها بس عز مبيحبهاش ...وهي لازم تحفظ كرامتها وتنساه ....

.......

مرت الايام وانا بدور علي شقة ...مكانش ينفع أفضل في نفس البيت اللي هي فيه بعد اللي حصل ...بس في نفس الوقت كنت متضايق من التجاهل الغريب بتاع رباب مبقتش تهزر معايا زي الاول...انا كنت اقرب واحد لرباب اقرب حتي من امها ...وبعدها عني ازعجني اووي....صابرين لاحظت  توتر العلاقات بين رباب وعز واتضايقت ان الاتنين اللي اتمنت يكونوا سند لبعض حاليا مقاطعين....معملتش حسابها ان رباب ممكن تبص لعز بطريقة تانية ....افتكرت انها هتعتبرها اخوها ..بصراحة هي متتمناش قد عز لبنتها...بس متقدرش تجبره علي الجوازة دي ...بس أحوال بنتها اللي مش مطمنة...بهتانها وتعبها ...باين اووي عليهاةالانهيار...خست النص وتحت عينيها هالات ...عيونها دايما منفخة وبتسمعها طول الليل تعيط...ساعتها قررت أن كفاية كده مش هتخسر بنتها ...قررت هي تكلم عز !

.......

كنت قاعد جنب امي بتوتر ...هي طلبتني عشان تتكلم معايا وبالصدفة كنت عايز انا كمان اتكلم معاها...اخيرا لقيت شقة مناسبة وكنت عايز انقل فيها عشان مزعلش.رباب 

اتكلمت الاول وقولت:

-عارف ان وجودي حاليا يا امي مضايقك بسبب رباب ...انا ملاحظ انها تعبانة بسببي وانا بعتذر...احنا بنحب رباب ومش عايزينها تتأذي عشان كده انا بقول انقل شقة تاني !

بصتلي امي وقالت فجأة:

-عز انا عايزاك تتجوز بنتي رباب !!!

يتبع

الجزء الاخير❤شكرا على تفاعلكم السكر زيكم❤بقلم سولييه نصار❤❤

قومت وانا متوتر وقولت :

- ماما انتي بتهزري صح ؟!!!دي أخ...

-رباب مش اختك يا عز وده اللي تجاهلناه انا وانت لحد ما البنت حبتك واتصدمت ...

قامت ومسكت ايدي وقالت:

-عز انا مش هلاقي زيك لبنتي رباب ..

كان نفسي اوافق .....مقولتش ده لنفسي مباشر قبل كده بس رباب بالنسبالي حلم بس برضه مينفعش هي تستاهل الافضل وانا مش الافضل ليها بصيت لامي بكسوف وقولت:

-بس انا مش عايز اتجوزها يا ماما...رباب اختي ..

ومتقلقيش هي كده كده هتنساني عشان همشي من البيت 

-براحتك يا بني 

حسيتها زعلت وده ضايقني بس لو بتحب بنتها فعلا هتعرف انها تستحق الافضل مني .

.......

مر يومين وانا بنقل حاجاتي للبيت الجديد وبشتري حاجات تلزمني لما دخلت عليا امي الأوضة وقالت:

-عز يا بني ...رباب قالت ان واحد زميلها في الكلية حابب يتقدملها وعايز يقابلك .

وقعت الكرتونة من ايدي وحسيت أن قلبي واجعني ...حاولت اسيطر علي نفسي وابتسمت وقولت:

-اسمه الثلاثي يا امي وهسأل عليه بقلم سولييه نصار

-حاضر يا بني هجيب اسمه من رباب

.......

انتقلت شقتي الجديدة وكنت بسأل عن وائل اللي جاي يتقدم لرباب ..انا مكسوف وانا بقول كده بس بجد كان نفسي امسك عليه حاجة او يطلع وحش ..

المهم ميتجوزهاش ...ودي كانت انانية مني ...امي عرضت عليا اللي بحلم بيه وانا بغبائي ضيعته ...وكان صعب اطلب ايد رباب منها 

......

-متأكد يا حسن ان الواد كويس وعيلته محترمة ...يعني مفيش اي غلط

بصله حسن بصدمة وقال:

-مالك يا عز اول مرة اشوف واحد عايز يطلع اللي هيتقدم لاخته وحش انت مفروض تفرح يا راجل 

اصل.....

-اصل ايه يا عزوز ....شكلك وقعت ومحدش سمي عليك ...وقال ايه رباب اختي رباب بنتي ...انت طلعت مش سهل ....

-رباب تستحق الاحسن مني

-يا شيخ اتنيل هي هتلاقي احسن منك فين اصلا ...انت دايما كنت بتحميها...انت الوحيد اللي مستحيل تأذيها ولا تبكيها...انت بتحبها اكتر من حياتك يا عز ...عشانها رفضت امك تتبهدل وخليتها في البيت عشان تراعي رباب وانت اللي كنت بتطحن في الشغل ...معلش دلوقتي رد عليا مين احق واحد برباب...بعدين انت ناقصك ايه ها قول ...انت طيب ومحترم ...خريج جامعة صيدلة بتشتغل في شركة أدوية محترمة ومستواك المادي كويس ...وهتعيشها عيشة محترمة قولي بقا انت متستاهلهاش ليه !

- انا اكبر منها بسبع سنين الفرق كبير

حط حسن ايده علي قلبه وقال:

-اه هيجيبلي الجلطة البعيد منك لله يا ابو مخ تخين...قولي يا عزوز انت طلعت من صيدلة ازاي بتفكيرك ده مفروض مكانوش خرجوك من اعدادي 

وايه يعني سبع سنين محسسني انهم سبعين سنة ...روح يا راجل ومضيعش حبك من ايديك وبطل قلة أدب ...

....

كلام حسن بطريقة ما حفزني...واقنعني كمان ...انا مش ناقص حاجة فعلا انا بحب رباب حب حقيقي وعارف اني هسعدها تغير كده مقدرش اشوفها مع واحد تاني ...

دخلت البيت فقربت مني امي وقالت:

-ها يا عز الواد طلع كويس نتصل نجيبه 

- لا مش هيجي انا اتصلت بيه ورفضته من برا برا 

-ليه يا بني بس هو صدر منه حاجة وحشة ...عرفت حاجة عنه مش مضبوطة

-لا هو كويس بس انا رفضته 

سكتت امي وهي بتبصلي بحيرة فمسكت ايديها وقولت:

- انا عايز بجد اتجوز رباب ومش هستحمل انها تكون لغيري واوعدك اني دايما احافظ عليها واحبها 

-بس انا مش موافقة 

جات رباب من ورا امي وقالت كده وهي متعصبة ...رفعت حاجب واحد بعدين ابتسمت وغمزت ليها وكملت كلام مع امي .

.ايه رايك الخطوبة نعملها بعد اسبوعين والفرح بعد ما تتخرج الاوزعة دي 

-موافقة يا بني طبعا

صرخت رباب وقالت:

-هو انا شفافة يعني مش مفروض تاخدوا رايي 

قربت منها وقولت :

- كنت بفكر اعمل رسومات ثري دي في شقتنا اللي هنتجوز فيها ايه رايك 

ابتسمت بخجل وقالت:

-وهتعملي مطبخ أمريكي

-نعمل يا ست البنات 

-هتعملي مكتبة للروايات الرومانسية 

-لااااع روايات رومانسية لاااع جرزة وقطمها جحش 

ضحكنا كلنا ..احيانا بتجيينا فرص تفرحنا بس بغبائنا مش بنستغلها...انا قررت استغل فرصي عشان ابقي سعيد ...مهما كان انا استحق السعادة❤

تمت

#حبيبتي_الصغيرة

#سولييه_نصار