مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار❤

-اتفضلي 

- ايه دي 

-دعوة فرحي 

قالها ببرود ...بصتله بصدمة ..بس بعدين ضحكت وقولت :

-سليم انت اكيد بتهزر صح 

- لا يا حنين  مش بهزر ولا حاجة الدعوة قدامك اهي اقريها كويس انا فرحي الخميس اللي جاي ...

مسكت الدعوة وقريتها زي المجنونة كان مكتوب اسمه فعلا وجمبه اسم فرح !!!!

بصتله وانا منهارة وبعيط وقولت :

-دي اختي ازاي عايز تتجوز اختي يا بني ادم انت ...ده حتي لا يجوز وحرام 

ضحك وقال :

- ما دي المفاجأة التانية اللي انا محضرها ليكي يا نورا ...انتي طالق يا حبيبتي !!!

رجعت لورا وانا ببصله بصدمة ... مكنتش اتخيل انه يرميني الرمية دي بس اللي ح*رق قلبي ان اختي اشتركت معاه في اللعبة الرخيصة دي ...مسكت دموعي بالعافية مش عايزة اذل نفسي اكتر من كده بقلم سولييه نصار ❤❤

ابتسم وكمل :

-ودلوقتي اطلعي برة بيتي كده كده انتي ملكيش حاجة هنا ...

طلعت من البيت بسرعة وانا رايحة بيت ابويا ....

كنت ماشية في الطريق وانا بعيط ...كنت عارفة دايما ان فرح مبتحبنيش ...وعارفة أن امها مش بطيقني...بس مكنتش اتخيل انهم يبوظوا حياتي بالشكل ده ...ياخدوا سليم مني ويقلبوه عليا ...

...

خبطت علي الباب وفتحتلي فرح ...مس*كت شعرها وانا بصرخ :

- اه يا حي*وانة يا حق*يرة..تلفي علي جوزي انا ....بس دي مش غلطتك دي غلطة امك اللي ربتك ..

-ابعدي عني 

بكت فرح بألم وهي بتحاول تبعدني بس انا مبعدتش ...مكنتش شايفة قدامي الا الخيانة ...الخيانة بتاعتهم ...فجأة حسيت بحاجة ش*ضدتني من شعري لقيتها مرات ابويا ماسكاني من شعري وهي بتقول :

-وبتمدي ايدك علي اختك ...ابعدي كده ...

وزقتني لحد ما وقعت وبصتلي بشر وقالت:

-شكلك نسيتي لما كنت بح*رقك بالنار وانتي وصغيرة 

بصتلها بكره وقومت وانا بزقها...صحيح كنت بخاف منها بس دلوقتي كأن انا مش انا ...حاجة محركاني....الغضب كان متملك مني وزعقت فيها 

-ده كان زمان ...دلوقتي انا هفضح بنتك الرخ*يصة دي ....

فجأة جه بابا  ...قربت منه. قولت:

-شوفت يا بابا شوفت بنتك ومراتك....سرقوا مني جوزي 

- سليم هو اللي طلب ايد فرح 

بصتله بصدمة ....مكنتش مصدقة ان بابا يعمل فيا كده ...بس ليه مصدقش انه يعمل كده ؟!اللي يع*ذب بنته ويك*سرها عشان خاطر مراته يعمل الأسوأ من كده ...

مسكت ايده وقولت :

-بابا انت في وعيك ...ده جوزي ...ودي اختي يعني حرام شرعا ...مينفعش يجمع بينا 

بصلي ببرود وقال :

-هو قال انه طلقك يبقي خلاص ...بعدين هو حب فرح ...

-انتوا مجانين 

زعقت فيهم ولقيت قلم علي وشي ...بصلي ابويا وقال:

-بطلي قل*ة أد*ب ...خلاص انتهينا فرح اختك علي سليم الخميس اللي جاي الراجل مش عايزك هو عافية 

رجعت ورا وانا مصدومة ....دموعي بتنزل لوحدها ...محدش في صفي ابدا حتي ابويا ...في اللحظة دي افتقدت ماما الله يرحمها هي لو كانت عايشة اكيد كان هيكون حالي احسن ...جريت علي اوضتي وقعدت ابكي بعنف ...فجأة جات رسالة علي موبايلي واللي شوفته كان صدمة!!!

يتبع 

#انتقام_مشروع

الجزء التاني ❤شكرا على تفاعلكم السكر زيكم ❤بقلم سولييه نصار❤

جاتلي رسالة من اخت جوزي منار ...غريبة هي طول عمرها بتكره*ني اووي ايه اللي جد يعني ....كانت عايزة تقابلني شخصيا بخصوص فرح وسليم ...كنت ساعتها زي الغريقة عايزة اتعلق بأي قشاية والقشاية دي كانت منار ...من غير ما افكر كتير اتصلت بيها ومن غير سلام ولا كلام حتي قالتلي علي المكان اللي هنتقابل فيه والزمان كمان ...قومت وغسلت وشي وضبطت نفسي وخرجت 

- علي فين يا قطة 

قالتها مرات ابويا بسخرية 

-ملكيش دعوة ...

قولتها ببرود ومشيت ...

.....

بعد نص ساعة كنت قاعدة قدام منار اللي كانت بتشرب قهوتها بهدوء...منار ست جميلة وشيك اوووي رغم انها اكبر مني بعشر سنين بس اللي يشوفها يقول انها اصغر ...ملامحها بريئة...بس  دايما متقلدة البرود ...ممكن بسبب خي*انة جوزها ليه وطلاقها منه ...رغم انها عمرها ما ح*بتني ولا اتقبلتني الا اني معجبة بعزة نفسها رغم انها ب*تموت في جوزها الا انها رمته برة حياتها بعد اول خيانة رغم انه عمل المستحيل عشان يرجعها بس هي رفضت 

-هتفضلي بتتأملي فيا كده كتير ...بقلم سولييه نصار

صوتها خرجني من تخيلاتي 

بصتلها وقولت:

-انتي طلبتيني وقولتي عايزاني بشأن فرح وسليم 

-عرفت باللي سليم عمله 

ابتسمت بتريقة وقولت :

-اها ...قولي كده طبعا الفرحة مش سايعاكي صح ؟!

- كان نفسي بجد اقول اه يا حنين انا في الحقيقة مش بتقبلك ...بس بجد زعلت 

-كتر خيرك والله ...بس هنعمل ايه جوزي اختار اختي وفرحهم الخميس اللي جاي 

- بس جوازهم كده هيبقي باطل 

بصتلها بإستغراب 

-مش فاهمة .

-انتي مراته 

- هو طلقني 

- بس عدتك مخلصتش 

- وده

فجأة سكتت وانا بستوعب ...حطيت ايدي علي بوقي وانا ببصلها بذهول ...فجأة ابتسمت ...ابتسمت هي وقالت:

-طبعا انتي عارفة هتعملي ايه صح ؟!

وقامت ولسه هتمشي وقفتها وقولت:

-انتي ليه بتعملي كده ؟

ابتسمت. قالت:

-صحيح انا مش بطيقك بس انتي ارحم من اختك الحرب*اية.....

مشيت فأنا ابتسمت 

.....

رحت علي بيت سليم وخبطت بس اللي فتحتلي فرح ...

بصتلي بغضب وقالت :

-انتي ايه اللي. جابك هنا 

زقيتها وانا بقول ببرود :

-جاية بيتي يا فروحة مالك ...

لقيت مرات ابويا كمان ...ابتسمت وقولت:

-اهلا الع*قارب كلهم متجمعين هنا في بيتي .

سليم قرب مني وقال :

-انتي بتعملي ايه هنا ؟! قولتلك مش عايزك ...انتي معندكيش كرامة وفرحي علي فرح بعد اسبوع 

قعدت وانا بضحك وقولت :

-اسكت مش قولتلك ...خلاص يا حبيبي مفيش فرح بح 

-افندم 

-اه والله ...اصل في تفصيلة صغيرة قد كده نستوها وانتوا بتحاولوا تط*عنوني في ضهري 

بصلي وقال بحيرة :

-ايه هي 

-مينفعش تتجوز اختي الا بعد العدة بتاعتي 

-نعم 

قالوها التلاتة سوا 

ابتسمت بخبث وقولت:

-نعم الله عليكم يا حبايبي انا سالت الشيخ لو عايز تسأل اسأل ...

بصيت لفرح وابتسمت وقولت:

-الا لو عايز علاقتكم تبقي حرام ...

اتوتر سليم فضحكت وقولت:

-وفي خبر كمان للاسف ...لحد ما تخلص عدتي...انا هقعد عندك هنا اصلي مش مرتاحة في بيتنا وطلاقنا رجعي يعني ينفع جدا ابقي في البيت هنا ...

كانوا بيبصولي بصدمة فضحكت علي شكلهم وقولت :

-وبما اني ست البيت هنا وانتوا ضيوفي تحبوا تشربوا حاجة ...ممكن اعملكم مانجا !!

يتبع 

تكملة سكريبت من هنا هنا