 |
حضن ابليس
الجزء الثالث
للكاتبة حنان حسن
بعدما نجحت اني ادخل الغرفة المغلقة
اتفاجئت ادامي....
بمنظر فظيع
والمنظر كان...
لشخص ملقي علي سرير.. متهالك
في احد جوانب الغرفة
وجسمة كلة متربط
بشيئ شبية بالجبس من اولة لاخرة
لدرجة....
ان وجهة كمان بيغطية الشاش
حتي راسة كانت متربطة بشاش كلها
ومش باين من وجهة
غير ...
خرمين فوق عنية الاتنين
باين من خلالها عنية
بالعافية
وفتحة صغيرة للانف....
واخري للفم
ولما حققت اكتر في الشخص ده
لاحظت انه...
مريض...
او بيعاني ...من مشكلة كبيرة في عظامة
لان جسمة كلة كان
متجبس ...ومربط
و مكنتش متاكدة
ان كان الشخص ده ميت؟
ولا حي؟
لانه مكنش بيتحرك
وفضلت واقفة مرعوبة... ومستغربة
في نفس الوقت
وبقيت اسال نفسي
هو مين الشخص ده؟
وايه الي جابة هنا؟
ولية كان مقفول عليه بالقفل؟
وايه الي عمل فيه كده
اصلا؟
وبرغم كل التساؤلات
الي كانت في دماغي
دي
الا اني مقدرتش اقرب من الشخص ده
عشان اتاكد
ان كان الشخص ده عايش ولا ميت
وفكرت اني اسال صاحب البيت
يمكن الاقي اجابة عن الاسالة
الي في دماغي عنده
فا نزلت بسرعة اجري
وروحت علي الغرفة الي فيها ايمن
وخبطت علي الباب
وانتظرت شوية
لكن محدش رد عليا
فا حاولت اخبط تاني
وفجاءة...
لقيت الباب اتفتح لوحده
فا فضلت انادي علي ايمن
واقول..
استاذ ايمن.....
استاذ ايمن....
وبرضوا محدش رد عليا
فا فتحت الباب للاخر
ودخلت...
وانا مازلت بنادي
لكن الغريبة
بردوا اني ملقتش اي حد في غرفة ايمن
فا استدرت عشان اخرج من الغرفة
لكن قبل ما اخرج
لفت نظري
ان في ثلاجة كبيرة في غرفة ايمن ...
وسالت نفسي
هي الثلاجة دي حد جابها للغرفة هنا جديد؟
ولا كانت هنا قبل كده؟
وانا الي مخدتش بالي منها؟
وبالرغم من ان موضوع الثلاجة كان محير
لكن انا مركزتش مع قصة الثلاجة
وخرجت من الغرفة...
ورجعت طلعت
للغرفة الي فيها الشخص المريض
ولما وصلت للغرفة...
لقيت الشخص المريض مازال في مكانة
فا فضلت واقفة متنحالة تاني
بدون ما اقرب منه
وكل الي عملتة
اني فضلت واقفة اتابعة من بعيد
لغاية ما سمعت
صوت انين
ولاحظت ان راسة بتتحرك
فا عرفت انه لسة فيه الروح
فا حاولت اصطنت علي الكلام الي هيقولة
عشان اعرف هو هينادي علي مين
ولا هيقول ايه؟
لكن للاسف
فضل ينازع فقط بدون ما يتكلم
ولا ينادي علي حد
فا كان لازم اسالة
ان كان محتاج مساعدة من اي نوع؟
فا قربت منه بحذر
واول ما بقيت قريبة منه
سالتة؟
قلت..انت مين؟
بصلي الشخص المريض
من خلال الخرمين الي في الشاش
الي علي وشة ..
وفضل يهز في راسة
بحركة عصبية
وبدء يصرخ...
ويصرخ
بدون ما يتكلم
فا استغربت من رد فعلة
وسالتة تاني
قلت...انت ليه مبتردش عليا؟
طيب انت محتاج اي حاجة اعملهالك؟
وفضلت ابصلة وانا منتظرة انه يتكلم
لكن الراجل كرر الحركات العصبية
الي كان بيعملها
بدون ما يرد عليا
فا سالتة تاني
قلت...
طيب حتي علي الاقل
قولي انت مين ؟
وايه الي جابك هنا ؟
وايه الي عمل فيك كده؟
وانتظرت انه يجاوبني المرة دي
لكن... للاسف
رجع تاني الراجل
لنفس الصراخ ...والانين ...والحركات العصبية
الي كان بيعملها بجسمة
وفضل يصدر اصوات تدل علي انه عايز يتكلم
لكن مش قادر او مش عارف
فسالتة...
قلت..هو انت مش بتعرف تتكلم؟
هز الشخص راسة بالنفي
(لا)
وهو عمال يصدر نفس الانين
وفهمت في اللحظة دي
ان الشخص ده
بخلاف ان جسمة متجبس
الا انه عنده مشكلة في لسانة كمان
ومش بيعرف يتكلم
واستغربت من الوضع الي حاصل
ازاي شخص مريض كده
يترمي في غرفة زي دي؟
ويتقفل عليه بالقفل
كمان ؟
ده باين عليه
محتاج لرعاية طبية ...
وممكن يموت
لو فضل كده
وبعدين فين الي اسمة ايمن؟
مش هو صاحب البيت ده؟
ازاي ميعرفش بامر الشخص المريض ده ؟
وحتي لو افترضنا انه هو الي جايبة هنا؟
فا ليه رماه هنا وسابة ومشي ؟
وازاي مش بيحاول يعالجة؟
وبعدين هو ايمن ده اختفي فين كده؟
وقبل ما اوصل لاجابة
واحدة
للاسالة الي في دماغي...
سمعت صوت ارتطام قوي في الدور الي تحت
فا قلت لنفسي
اكيد الي اسمة ايمن رجع
تاني
...وهو الي عامل الصوت الي تحت ده
وبسرعة نزلت...
عشان اكلمة....
واسالة عن الشخص المريض الي فوق
لكن لما نزلت مقلتش حد في الدور الارضي
فا قلت يمكن
يكون الصوت جاي من ناحية الجنينة
فا خرجت بسرعة
واول ما وقفت علي الباب الي بيوصل للجنينة
شوفت حاجة بتتحرك عند قصرية الزرع...
فا روحت بسرعة
علي مكان القصرية....
ولما وصلت لمكان القصرية ملقتش اي حد جنبها
لكن لقيت ورقة واقعة في الارض...
فا التقطت الورقة من الارض
ولما فتحتها
لقيتها رسالة...
مكتوب فيها الاتي
لو عايزة تسترجعي امك...
وتنقذي المريض
الي في الغرفة المقفولة
يبقي لازم تقدمي الفدو
والفدو هو
( بذرة ابليس)
بعدما قرات الرسالة
فضلت اعيد قراءة الرسالة
اكتر من مره
لاني مفهمتش حاجة من الكلام المكتوب فيها
ولا كنت فاهمة حاجة من الي بيحصل
والي كنت عايزة افهمه
هو...
اني كنت عايزة اعرف
مين هو..خادم ابليس؟
الي طلب مني اني ارجع عشان انقذ مامي؟
وفين مامي؟
و مين الي بعتلي الرسالة
الي في ايدي دلوقتي؟
وليه بيساومني ؟
ويعني ايه بذرة ابليس؟
ويطلع ايه ابليس ده اصلا؟
ولقيتني بقول لنفسي...
ياربي.....
هو انا لحقت افهم حاجة
من الدوامة الي انا فيها ؟
لما تقابلني طلاسم و فوازير جديدة؟
يعني دلوقتي ...
انا بدل ما كنت بادور علي مامي ؟
هدور علي ابليس؟
وعلي بذرة ابليس
المزعومة ؟
عشان احرر امي والراجل المريض الي نايم فوق؟
واثناء ما كنت واقفة
محبطة... ومحتارة...
وهتجنن
من الي انا فيه
وضعت ايدي في جيب الجاكيت
الي انا لبساه
وفضلت احرك ايدي...
في جيب الجاكيت
بطريقة تلقائية
وبالصدفة..
لقيت قلم جاف
وفجاءة...
نورت في دماغي فكرة
معقولة
وهي ..
اني اطلع احاول تاني مع الشخص المريض
واخلية يكتبلي بالقلم
الكلا الي هو مش عارف يقولة
عشان افهم منه
فين مكان مامي؟
وكمان عشان اعرف هو يطلع مين؟
وجه هنا ازاي؟
وبالمرة اسالة
ايه موضوع ابليس ؟
وبذرة ابليس؟
الي في الرسالة؟
وبالفعل...
طلعت بسرعة...
للغرفة الي فيها الشخص المريض
وبمجرد ما دخلت علية
بصيت علي ايده
لقيت الجبس مغطيها
فا قربت منه...
وهمست في اذنة
وقلت...
اسمع..
انا عايزة اساعدك
لكن عشان اساعدك
لازم اعرف منك شوية معلومات
وطالما مش بتعرف تتكلم
فا انت ممكن تكتب
وانا معايا ورقة.... وقلم
بس لازم اخرجلك صوابعك من الجبس
عشان كده..
انا مضطرة اكسر جزء صغير من الجبس
الي علي ايدك اليمين
عشان تقدر تمسك القلم بصوابعك ...وتكتب
وبعد الراجل ما سمع الكلام الي قولتهولة
فضل يصدر نفس الصوت المليئ بالانين
وطبعا ...انا منتظرتش انه يرد عليا
وبسرعة طلعت القصافة
الي فيها المبرد بتاع ضوافري
وبدات اكسر الجبس
وفعلا نجحت بعد شوية اني
اشيل جزء من الجبس
من علي ايدة
وببعد ما نزعت قطعة كبيرة من الجبس
اكتشفت شيئ صادم
عارفين اكتشفت ايه.......؟
لو عايز تعرف باقي احداث الرواية
صلي علي رسول الله
وطبعا مش هننسي تضع عشر ملصقات مع متابعة صفحتي الشخصية
تكملة الروايه بعد قليل
تعليقات
إرسال تعليق