 |
حالة حب هنا سلامه الثالث
لقت نفسها في حُض*ن مُراد ، ايدها ملفوفه بشاش مكان ما قط"عت شرا"يينها ، همست بصوت مهزوز و دموع - مُراد ..
با*س خَدها بشَغف و قال بصوت مهزوز " كويسه ؟
لفت وشها ليه ، بصِتله لدقايق و هو عيونه متعلقه بيها ، بعدين قالت بدموع و هي بتسند رأسها على صِ"دره - كُنت هموت كا*فره ، قد ايه انا وِحشه يا مُراد !
ضم*ها ليه اكتر و قال بحُب و صوت مهزوز " انتِ مش وحشه ، بس الدُنيا فانيه ، كُنتِ هتضيعي اخرتك ليه ؟ عشانُه !
قال آخر كلمه بصوت مهزوز ، عيونه اتملت بالدموع ، بصِتله بالم و وجع و دف*نت وِشها في عُنقه و همست بضعف - عرِفت ان عندي كانسير ؟
ابتسم " هتخفي ان شاء الله متخفيش ، و هنبدأ رِحله العلاج سوا ..
بدموع و هي بتنكمِش فيه اكتر - خايفه .. خايفه اوي ..
با"س رأسها و قال" متخفيش انا جمبك دايماً ، عُمري ما هسيبك
بعد عنها و قال " هروح اد..
شدِتُه لحُضنها تاني و قالت و هي بتمسك فيه اكتر - لا .. متقومش دلوقتي ، سقعانه و محتاجاك ..
ابتسم بفرحه و قال " هبعت اجيبلك اكل و حاجه سُخنه
بتعب - أُحضُني كويس ..
اخدها في حُضنه اكتر و اتنهد و هو بيغمض عيونه و بيسند راسُه على السرير ..
____________اول جَلسه كيماوي _______في المستشفى _
بدوخه - مُراد .. عاوزه مُراد ..
طلعت الدكتوره من الاوضه فقام مُراد بلهفه و عيونه مليانه دموع " ايه الاخبار ؟ هي كويسه دلوقتي ؟
اتنهدت ' متخفش ، هي الحمد لله جسمها مُستجيب للعِلاج ، احنا خلصنا الجلسه و هي عوزاك ..
ابتسم بفرحه و قال بامتنان" الحمد لله يا رب .. الحمد لله يا رب
جيه يُدخل فوقفه صوت الدكتوره و هي بتقول' مُراد بيه
التفت لها فقالت بابتسامه ' اوعى تسيب المدام ، من الواضح انها ملهاش غيرك
ابتسم و هو بيمسح دموعه و دخلها بسُرعه
التفتت ليه بتعب ف جري عليها و قال بحُب" كويسه يا روحي ؟
ابتسمت بكسوف و قالت بتعب - طلعت حنين اوي يا مُراد ، كنت بخاف من كلام الناس عنك ، انك قوي و صا"رم و بتز"عق على أي حاجه مش عجباك ، مكُنتش مُتخيله انك حنين و بريء كِده !!
قال بدموع و هو بيُحضُنها " اول ما عرفت يعني ايه حُب ، حبيتك يا تولين ، و قلبي دقلك ، عُمري ما حبيت غيرك ، و قلبي كان بينزف يوم كتب كتابك من الحُزن و القهره ، و اقسم لك بالله ، لو الي باقي من عُمرك ثانيه ، هتقضيها في حُضني ، انتِ مُراد المُراد ! بَحِبِك
بصِتله بدموع و قالت - بس .. أنا
قال بحُزن و صوت مُهلك للقلب " عارف .. عارف انك بتحبي سامر لسه ، بس اوعدك انك هتحبيني يا تولين ، يِمكن اكتر ما بحبك !
_________________________الصُبح في بيتهم _____
صحيت الصُبح و هي مُبتسمه و ريحه برفانُه لازقه في لِبسها من قوه ضمِتُه ليها ، قامت من على السرير بارهاق ، ف بصت على السرير بصدمه و قالت بدموع - شَعري !!
كان واقع كتير مِنه على المخده ، دخلت التواليت و هي بتعيط بانهيار و هي حاطه ايدها عليه ، و هو بيطلع في ايدها بسهوله !!..
بعد فتره خرجت من التواليت و نزلت ، لقت مُراد واقف في المطبخ و مشغل الشيف الشربيني
* ورقه و قلم و أكتبي معايا يا سِت الكُل ..
قاطع صوت التليفزيون صوتها - صباح الخير يا مُراد
" صباح النور يا ح..
رفع راسه ليها و لسه هيكمل جُملته فقال بصدمه "
يتبع .. _______ انتهاء الفصل التالت ___________
#حَاله_حُب ❤️
#هنا_سلامه
#بقلمييي
#الزعييم 💙.
شُكراً لتفاعلكم القمر يا زُعماء قلبي ❤️ ، تفاعلوا كتير عشان مُمكن انزل الفصل الرابع بليل ، مسائكم قمررر ❤️.
تعليقات
إرسال تعليق