 |
#رانيا#محمود#
#إنسان#سافل #بس#محترم#
الحلقه الرابعه عشر ((إنسان سافل بس محترم ))
أحمد ...للدرجه دي شيفاني زباله كده .بس حقيقي ده مش غلطك ولا هلومك عليه انا اللي عملت في نفسي كده .انا فعلا سافل وزباله ....مع السلامه يا ندى
انقطع الاتصال ودموع نهى انهمرت وكانها نزلت مع كلمه النهايه ...كانت بتتصل بأحمد أكثر من 10ايام ولكن بدون اجابه وكانت بترسل ليه رسايل كتير ولكن بدون أي استجابه منه ....
هل هذا ما تمنيتيه حقا يا ندى طالما قررتي الابتعاد لماذا الحزن الآن هذا ما كان قرارك..وابتدت المحاكمه من جديد بين عقل ندي وقلبها
العقل :_انتي بعدتي باختيارك لان ده كان احسن قرار
القلب :_ومين قال اني ده احسن اختيار ده وجع قلب ووجع جامد قوي وما اعتقدش ان انت عندك القدره انك تستحمل الوجع والالم ده
العقل :_ ومين قال ان القرار غلط ممكن يكون تنفيذه هيبقى فيه صعوبه شويه لكن مش مهم انا اخذت القرار الصح احمد شخص غير مسؤول وبعدين معملش حاجه تثبت فعلا انه تغير ايه يعني. صلي ركعتين وقرأ شويه في القرآن حتي الحج ماكنش اختياره ده جه معاه بالصدفه مش اكيد انه اتغير... الطبع يغلب التطبع وده كان احسن قرار
القلب. :_ايه ده هو اي كلام بيتقال وخلاص ومين اللي قال ان الحج مش اختياره ومين قال ان حياتنا بتمشي باختيارتنا ده ربنا سبحانه وتعالى هو اللي بيوفقنا مش شطاره مننا اننا غلبنا شيطانا ده توفيق من ربنا لما تكون نيتنا صادقه في التوبه
العقل :_كلام كله كلااام وبس مافيش فعل
القلب :_اكتر منه انه قرر يتجوز واحده مابيحبهاش بس علشان عرف الصح من الغلط قلبه نور بنور الله وقرر يصحح غلطه ولانه صادق ربنا نجاه من جوازه كانت ممكن فعلا ترجعه لورا متقدمه ش لقدام
العقل :_انا خلاص قررت ونفذت قراري
القلب:_قرار غلط مبني على كلام مجرد كلام
العقل :_طيب لو كان أحمد بيحبني اكيد كان هيظهر تاني مش يختفي ده ماصدق انه يبعد
القلب :_انت هتجنني مش ندى هي اللي قالتله يمشي مش هي اللي اخترعت كدبه العريس، كمان تقريبا هزقته
العقل:_ عندك حق 😔
القلب :_اخيرا اعترفت
العقل :_اعترف بأيه انا موجوع اوي اوي 😔 معرفش اعمل ايه ندي ضيعت كل حاجه.. كان لازم تعترف انها بتحبه.. ايوه انا بقول ان ندي مش بس بتحب احمد دي بتعشقه.. مشاعر مكبوته مليانه حب وعشق وخوف
ندي ولازال الصراع بداخلها لا يهدأ ابدا نعم أحببته من كل قلبي وعقلي ووجداني نعم أحببته منذ فتره طويله أحببته بكل تفاصيله بماضيه القذر أحببته حتى قبل أن تتحدث إلي عندما تكلمت عنه أمام صديقاتي و دافعت عنه قبل أن يحدث بيننا حوار صريح حبي لأحمد ليس حب عاشق لمعشوقه نعم هذا الإحساس موجود ولكن كان فيه النهايه لكنها أحببته كحب أم لابنها التي تخاف عليه وتدعوا له بالهدايه
أحببته كأبنه تري فيه الأب الذي لا يسمح لأحد أن يضايق ابنته تجده عندما تحتاجه .....
أحبت كأخت تعلم أن لديها أخ يخاف ان يتحدث عنها أحد أو يمس شرفها احد بسوء
وفي النهاية توجت هذه المشاعر بإحساس المحب لحبيبه __العاشق لعشيقه
نعم يا ندى انتي احببتي احمد بكل ماضيه ......لأننا عندما يُكتب علينا الحب نحب بكل كيانا لا نرى العيوب أو نحاول أن نتغاضي عنها ليس بأيدينا فهذا مصيرنا
نحب مهما كانت العيوب مهما كانت الآثام ..فقط نحب لا شئ غير ذالك... طال الجدال بين قلب وعقل ندي
ندي وهي تكاد ان تفقد عقلها :_ كفايه بقي حراااااام انا خلاص دماغي هتنفجر انا خلاص هتجنن انا بكلم نفسي
ايه اللي انا بقوله ده... ايوه انا حبيت احمد بس غلط اكبر غلط اللي حصل ده انا اكبر منه احمد كمان بني ادم ما اقدرش اربط حياتي معاه ليه ماضي ما اقدرش اتجاهله باي شكل... وكمان انا عندي بنت ازاي تعيش مع البني ادم ده كان تفكير غلط من البدايه.. انا استاهل كل اللي يجرالي استاهل وجع القلب والعذاب اللي انا فيه..؟
(ندي 😢 بدمع لا تستطيع أن توقفها دموع وجع وخيبه امل)
ندي :_دماغي هتنفجر بس انا السبب انا السبب في كل اللي بيحصل لي واللي هيحصل يا رب ارحمني ارحمني ارحمني مش قادره افكر ومش قادره اعمل حاجه حاسه اني بتخنق مش قادره اتنفس يا رب رحمتك يا رب سامحني يا رب سامحني.. انا حبيت لا انا فعلا عشقت ولانه عشقته من قلبى ماقدرت اكمل.. ايوه احمد محتاج حد غيري حد ظروفه احسن من ظروفي.. حتى أمينه لما قررت ان تبعد وتسيب زوجها مش كره فيه لا ده علشان بتحبه بصدق قررت أن تدي حبيبها حقه في ان يكون أب وقررت أن ترفع عن حبيبها الحرج في أن يختار مش عاوزه يبقي عايش بين نارين. نار حبه واشتياقه لحبيبته ومراته ونار انه نفسه يحقق حلم الابوه... وده اغلي وارقي انواع الحب ♥
حتى الم الحيره قررت أن تبعده عنه ...... منتهى الحب بل منتهى العشق
هكذا صارحت ندى نفسها ......ولكن هل هذه الصراحه كان هذا وقتها أم تأخر الوقت
____""""__________________________________
أمينه ذهبت لعناوين الملاجئ اللي سلمى عرفتها بيهم ولكن إلى الآن لم تقع في حب طفلها الذي تريده ...وفي يوم كانت مروحه بيتها سمعت مرات البواب تبكي فدخلت عليها غرفتها
أمينه :_.أم سعيد مالك بتعيطي ليه وبعدين كنتي مختفيه فين بقالك أكثر من 10ايام
أم سعيد :_. أصل جوز اختي مات في حادثه
أمينه .:_.البقاء لله...هو ده جوز اختك اللي ماتت وهي بتولد
أم سعيد :_.أيوه يا ست أمينه
أمينه :_..لا حول ولا قوة إلا بالله...طيب والطفل عملتوا ايه فيه
أم سعيد :_.دي بنت يا ست أمينه .انا جبتها معايا لأن جوز اختي الله يرحمه أبوه و امه ميتين من زمان وعنده أخ وأخت وكل واحد فيهم عنده بيته وعياله وعلى قدهم ومافيش حد راضي بيها فجبتها معايا بس أبو سعيد مش عاجبه واتخانق معايا علشان دي مصاريف ذياده ويقولي هو احنا عارفين نكفي عيالنا لما نجيب حد ذياده يقاسمنا في لقمتنا ....قولتله كله بيجي برزقه لكن مافيش فايده عاوزني ارجعها البلد لعمها أو عمتها بس مش قادره يا ست أمينه دي بقت حته من قلبي انا حبتها اوى وكفايه أنها بنت الغاليه اللي مكانش ليا غيرها اختي الوحيده .....وبكت بكاء شديد
أمينه .:_كفايه يا أم سعيد .....طيب ممكن اشوف بنت اختك
أم سعيد.:-.طبعا يا ست أمينه اتفضلي
دخلت أمينه حجره أم سعيد ورأت الطفله وفي هذه اللحظة قررت أمينه تبني الطفله عندما رأتها أمامها وجدت ملاك صغير نائم خطفت قلبها من أول نظره حست ان ضربات قلبها سريعه عندما حملتها وقربتها من قلبها وحضنتها بحنان الأم وقبلت يدها الصغيره كانت صغيره جدا ملامحها جميله
أمينه .:-.هي اسمها ايه؟
أم سعيد ّ:_اسمها أمينه على اسم جدتها أم أبوها
أمينه قلبها اختطف معقول ميمي الصغيره بين يديها
.أمينه قعدت وحكت لام سعيد على موضوع التبني وأنها عاوزه تتبني ميمي الصغيره وتعيش معاها وهتتكفل بكل احتياجاتها ...أم سعيد اترددت واتخضت لأنها حست أنها بتبيع بنت أختها و أمينه حست ان أم سعيد خايفه
أمينه :-..مالك يا أم سعيد انا نفسي في طفل وانتى عارفه انى أطلقت علشان مبخلفش.. بصي انا كل يوم بروح ملجأ بس لحد دلوقتي مالقتش الطفل اللي يخطف قلبي زي ما أمينه الصغيره ما خطفت قلبي ....ارجوكي فكري ولو وفقتي كده كده هتكون أمينه قدام عنيكي لأنك خالتها وماتخافيش عليها لأنها هتكون بنتي
أم سعيد:_.طيب هقول لأبو سعيد وارد عليكي بعد المغرب
أمينه-: ماشي براحتك .بس متتاخريش عليا
أمينه وضعت الطفله الصغيره مره اخري علي السرير المتهالك و هي تشعر بحزن أنها ستفارقها ..لاتعرف لماذا هذه اليتيمه بالذات ..خطفت قلبها ..لعلها حكمه لا يعلمها غير الله
حضر أبو سعيد وحكت له زوجته ما حدث مع أمينه في الصباح ..لمعت عينه وقالها
أبو سعيد :_. وماله واحنا بردوا هينوبنا من الحب جانب ناخد منها مبلغ محترم ينفعنا احنا والعيال
أم سعيد :_..يخرب بيتك يا أخي ربنا ينتقم منك عاوزني ابيع لحمي ابيع بنت اختي ..انا كنت هديهلها ترعيها وتربيها وأنا متأكده أنها هتكون ليها أحن أم مش تقولي فلوس
أبو سعيد :_.جتك نيله وليه فقريه وبعدين ده اللي عندي ومافيش غيره
أم سعيد ماعجبهاش كلام جوزها الانتهازي لأنه بني آدم واطي وقررت أمرا ما وطلعت لامينه في بيتها
_________________________________________
بعد ما سافر احمد قطع اتصاله مع ندى ..ومروان لاحظ أن احمد مش هو احمد بتاع زمان
اختفى الضحك و الهزار و المرح اللي كان طاغي على شخصية احمد
مروان -: كفايه كده يا احمد انا تعبت ..ايه انت مابتفصلش شغل شغل شغل ..بقالنا اكتر من 15 ساعه شغل و انا خلاص فصلت
احمد-: لسه فيه حاجات كتير قدامنا .احنا لحد دلوقتي مادخلناش في التقيل
مروان -: نعم ولما ندخل علي التقيل بقى هتعمل فيا ايه ..لا ياعم انا كنت فاكرك غير كده في الشغل ..انا قولت هيبقى الوقت معاك ظريف ونضحك و الجو المرح اللي انا متعود عليه منك
احمد -: الشغل شغل يا مروان و بعدين دي مسؤليه كبيره تجاه جدك ولازم نبقى قدامها رجاله صح
مروان -: لا يا حماده ...مش ده السبب انت متغير
احمد -" حماده !! يااااه الاسم ده انا والله ماسمعته من ساعه ما جدتي ماتت ..الله يرحمها
مروان -: ياسلام يعني عاوز تقولي ان مافيش حد دلعك من بعد جدتك ..حتي الحريم بتوعك
احمد -: حريم .هههههههههه
مروان -: حريم السلطان ..يا سيدي
احمد -: لا والله محصليش الشرف والحريم بتوعي قالولي حماده ..ههههههه .ارتحت بقى..سيبك يلا نكمل شغل
مروان بإعتراض-: لا لا اقسم بالله انا فصلت ..وكمان جعان
احمد -: ايه يا عم هو انا بكلم ابن اختي ايه الاعتراض ده
خلاص انا هطلب اكل هنا
مروان -: لا انا عاوز اخرج بره المكتب ده ..عاوز اشوف ناس غيرنا احنا والموظفين..تعالي يا احمد ..ناكل في المطعم اللي قدام الشركه وابقي بعد كده ارجع كمل شغل
احمد -: ارجع ولا نرجع ..تفرق
مروان -: تعالي نتغدى ولا نتعشا .والله حرام عليك الوقت سرقنا من غير اكل .وبعد كده نبقى نتناقش في نون الجماعه و دروس النحو بتاعتك
___^^^^______________
ليلي -: ماما تعالي عاوزاكي
ندي -: انا في المطبخ يا لي لي تعالي فيه ايه
ليلي -: انا عاوزه اروح رحله للمدرسه عملاها لدريم بارك
ندي -: لا مافيش رحلات
ليلي -: ليه الرفض ده مش نتناقش
ندى-: مافيش مناقشه
ليلي -: مامي انتي مش ملاحظه انك بقالك فتره مبتتكلميش معايا وكل كلامك ليا مجرد أوامر وبس ودايما قاعده لوحدك
ندي -: ماليش دعوه قاعده لوحدي ولت مع العفريت خليكي انتي في مذاكرتك وبس .و بردوا مافيش رحله
( كل الكلام ده كانت ندي بتقوله بنرفزه شديده لدرجه ان ليلي بكت جامد و جدتها جريت علي صوت عياط حفيده )
ندي -: يا غوري علي اوضتك
أم ندي -: خلاص يا لي لي اغسلي وشك و ادخلي اوضتك و انشالله كل حاجه هتبقى كويسه ..معلش حقك عليا
( وبصت لبنتها وقالت )
-: اقفلي البوتجاز وتعاليلي الاوضه
ندي -: حاضر يا ماما
أم ندي جلست على السرير و ظلت تسبح حتي أتت ندي -: شوفي يا بنتي انتي بقالك كام يوم مش على بعضك و شيله الهم و زعلانه و لا بقعدي مع حد .دايما لوحدك .وانا اكتر من مره سمعتك بتعيطي .بس مابرداش ادخل عليكي وأسألك وبقول هي كبيره و عارفه مصلحتها و لما تحتاج حضني هتيجي لوحدها .بس اظاهر انك كبرتي علي حضني
ندي -: لا يا ماما ماتقوليش كده .الحكايه اصل .....
أم ندي -: ولا اصل ولا فصل ..مش موضوعنا .انتي بنتى مهمة يحصل منك مش هغضب منك دا انتي قلبي وروحي ...انتي مهما تزعلي من ليلي مش ممكن تغضبي منها ..المهم سيبك مني دلوقتي. أحوالك معايا و مع نفسك نتكلم فيها بعدين ..لكن أحوالك مع ليلي هي الأهم منك و مني .مش بيقولوا اعز الولد. ولد الولد
ندي -: المحاضره الطويله دي يا أمي علشان زعقت مع ليلي و رفضت موضوع الرحله بتاعتها .مش معقول يا ماما انتي كبرتي الموضوع اوي
ام ندي -: مش حكايه رحله المدرسه بتاعت ليلى..انتي متغيره ..طول الوقت مهمومه فيه جواكي زعل جامد وحزن باين عليكي اوي ..انا امك و بعرف جواكي ايه قبل ما تنطقي بيه ..ومهما كان اللي بتمري بيه ....مش لازم ابدا يأثر عليكي و انتي بتتعملي مع ليلي ..بصي يا ندي انا عارفه وحسه بيكي يا بنتي ..اللي مرتي بيه في حياتك صعب اوي علي شابه فى سنك ..
ندي -: ماما ارجوكي بلاش نعيد و نزيد في الماضي ..خلاص مش هنكسب حاجه من الكلام القديم
ام ندي -: خلاص يا بنتي ..اللي عاوزه اقوله ماتخليش اللي تعبك و ضاغط علي أعصابك. زي ماهو واجعك. يوجع بنتك كمان ...بصي لبكره .ليلي دي هتبقى هي المؤنس ليكي في أيام الكبر و لو مافيش بينك وبينها صله حب وموده و رحمه مش بس صله رحم و دم .مش هتلاقيها جنبك و تبعد عنك لأنك عمرك ما كنتي الصدر الحنين ليها
ندي بتسرح في كلام امها و تفكر .للدرجه دي مابقتش واخده بالي من اللي بيحصل حواليا ..للدرجه دي احساسي ببنتي بيقل مش بيزيد ..انا لازم افوق اكتر من كده ..كل حاجه حواليا بتروح مني
ام ندي -: مش كفايه سرحان و توهان يا ندي ولا ايه
ندي -: لا يا ماما معدش فيه سرحان تاني خلاص ..عن.اذنك هقوم اشوف ليلي و أحضر الغدا
أم ندي -: لا حضري الغدا الأول و بعدين خدي بنتك و انزلوا اشربوا حاجه تحت واقعد بيها في مكان حلو كده خليها تخرج شويه و تفرح .دي مهما كانت عيله .عاوزه تحس بامها
ندي حضنت امها و حست انها عاوزه تعيط .بس خافت امها تسالها وهي مش هتقدر ولا تقول الحقيقه ولا هتقدر تكدب علي مامتها ..فخرجت بسرعه و راحت اوضتها تبكي في صمت
------------------------
احمد-: حلو كده يا مروان باشا ..أظن كفايه بقالنا ساعه بنتغدا يلا بينا نقوم بقي
مروان -: والله ما هقوم كفايه بقى انا جبت اخري وانت كمان مش هترجع المكتب .احنا هنقعد نتكلم شويه و نروح ننام انسي
احمد -: يا دي شغل العيال ده ..انا مش عارف انت فيك ايه
مروان '':السؤال ده انا اللي عاوز أسأله ولك. انت فيك ايه واوعي تقولي مافيش انا مش خطبتك
احمد -: والله انتي قمر يالوزه..لما تتعصبي..هههههههه
مروان -: يا تقل دمك ..يا اخي
احمد -: لا تقتل المتعه يا مسلم هههههههههههه
مروان -: وبعدين .....ويش هالحاله هاذي ..انا صاحبي معتوه والله
أحمد-: عاوز ايه يا مروان
مروان -: عاوز اعرف مالك انتي جاي من مصر متغير تمام
احمد -: والله عارف انك ان الغدا ده وراه موضوع..مش مجرد عزومه غدا وخلاص ..حاضر هحكيلك. مش علشان اخلص من الزن .( أحمد اخد نفس طوييل ثم أكمل ) -:
لا ابدا لكن علشان انا عاوز اتكلم..انا فعلا تعبان و كنت فاكر اني لما اضغط علي نفسى و ادخل في دايره الشغل هقدر انسي واعرف اكمل .بس اظاهر كده اني كنت بضحك علي حال
مروان -: هون عليك يا صديقي ..انا موجود. معاك وسمعك كويس
.
تحدث احمد طويلا بلا توقف و ساعده في ذالك انصات مروان ليه ..حكي احمد كل ما يخص مي وندي وبالاخص شعوره تجاه ندي ..ذالك الشعور الذي لم يعيشه قبل ذالك .تلك السعاده و الوهج الذي يشعر بيه حينما تتحدث معه
و بعد فتره من الحديث توقف احمد لأنه لم يعد قادر علي كم الحزن والالم الذي سببته ندي له في آخر حوار بينهم
مروان-: ياااه يا صديقي كل ده جواك ..وأنا كنت فاكرك شهريار زمانك اتاري الست شهرزاد وصلت حياتك اخيرا
شوف هو احساس حلو اوي انك عرفت الفرق بين الحب المغلف ببركه الله عز وجل ..و الشهوه الفارغه من اي مشاعر
..انا يا احمد مش نبي ولا رسول علشان اديك نصايح ..انا انسان ذي ذيك .كل واحد فينا عنده الخطأ و الصواب في حياته ...بس الكلمه اللي عاوز اقولهالك و بعد كده نقوم نروح علشان انا مقتول تعب .هي انك لازم ماتستسلمش للحزن و يخليك ترجع تاني لأحمد بتاع حريم السلطان ..حافظ علي التوبه اللي ربك سبحانه وتعالي اعطهالك وخلي بالك التوبه علشان تبقى توبه حقيقيه لازم هتقع في شهوات كتير فإذا كنت صادق ربنا هيثبتك ولو كانت زي ما ندي قالتلك حلاوه الإيمان في بدايته يبقي يا صديقي لا ابشر للأسف بخير
احمد -: انا فاهم الكلام ده يا مروان وساعت بقول ان بعد ندي عني يمكن يكون امتحان من ربنا وانشالله هنجح في الامتحان و مش هرجع تاني .طول ما انت وجدي ربنا جعلكم موجودين في حياتي
خلص اليوم واحمد راح الاوتيل ..أما مروان فكان عنده كلام كتير لجده عاوز يحكيه
تاني يوم جد مروان اتصل بأحمد وطلب منه يجي يتغدوا سوا ..أحمد كان عاوز يعتذر لكم الجد أصر
بعد الغدا
الجد .:_خير يا احمد مالك مروان حكالي عن بنت اسمها ندى بس انا عاوز اسمع منك .ده طبعا لو ميضيقكش..وأنا اسف اني بتدخل في حياتك ..بس انت يابني ربنا أوجد حبك و معزتك في قلبي ..سبحان الله
أحمد :_.حضرتك بتقول ايه بس ده ربنا حقيقي بيحبني وراضي عني علشان حضرتك ومروان في حياتي ..بصراحه انا كنت عاوز اجي و اتكلم معاك بس احرجت لكن ملحوقه
((لحظه صمت بيحاول احمد يستجمع نفسه ..هو بيكون كده لنا بيتكلم عن ندي بيحس انه مش عارف يلاقي كلام يوصف اللي جواه بس ابتدي كلام و منتظرش كتير ))
احمد -: .ندى دي احلى حاجه حصلتلي في السنه اللي فاتت من أول ماعرفتها حياتي اتغيرت للأحسن (( حكى الجد كل تفاصيل علاقته بندي بل أدق التفاصيل حتى عن مي أيضا لأنه لا يشعر مع أحد بهذه الراحه في الكلام غير مع ندى والجد فقط))
الجد كان سعيد جدا بشخصية ندى شعر ان ندى بتحب احمد بس الخوف والقلق مش قادره تتخلص منهم
الجد .:_..ندى خايفه يا احمد أديها الأمان نسيها ماضيك حسسها بالامان حسسها أنها أهم حاجه فى حياتك دلوقتي ..الست يا بني زي الورده عاوزه حب و رعايه هي عاوزه منك إحساس بالأمان وأنها مش زي إي بنت مرت عليك في حياتك ....حوا خلقت من ضلع آدم يعني حضنه احتوائه وحنانه قلبه يا احمد ..انت فاهمني (هز احمد رأسه بنعم)
زي ما انت كنت تايه وهي مسكت ايدك و كانت بتوريك طريقك انت كمان مديون ليها بكده أمسك ايديها وريها احمد الجديد حسسها بالتغيير اللي حصلك
أحمد .:_..تفتكر كده يا جدي
الجد :_..أظن بنت زي ندى تستاهل تتعب علشانها وتستاهل التجربه دي
يا ترى هتعملي ايه يا أمينه وهتقدري تجيبي ميمي لحضنك
وأنت يا احمد عندك استعداد المره دي انك انت اللي تقدم الحب وتدور في فلك ندى وانت اللي متعود ان اللي معاك هي اللي تقدم تنازلات علشان ترضيك من الذي سينتصر
وهل ستكون هناك حرب قلب وعقل وهل لابد من وجود حرب اساسا بين العقل والقلب. وهل هذا هو الحب
سؤال ارجو اننا نتناقش فيه هل لابد من وجود حرب بين القلب والعقل
#رانيا #محمود#
#إنسان#سافل#بس#محترم#
تكملة الروايه من هنا هنا
تعليقات
إرسال تعليق