 |
سكريبت كامل
_يا آنسه لوسمحتِ انا تايه هنا
_أيوه يعني أعمل إيه
_وصلني بس على الطريق الرئيسي وأنا هتصرف
_امم، طب اجبهالك على بلاطه بقي أنا محلتيش غير العشره جنيه اللي هجيب بيها سندوتشات كبده، يعني لو مستنضفني وناوي تخطفني فمش هتستفيد مني حاجه
_هههههههههه
_انت بتضحك على ايه وليه ضحكتك حلوه مش زي الأشرار اللي بيخطفوا العيال الصغيره
_بضحك عليكي وعلى هبلك
_قصدك تقول ان انا هبله
_وعبيطه كمان يا ستي أنا مش هخطفك ولا هبيع أعضائك وبعدين انتي مش شايفه نفسك رفيعه ازاي يعني مش بعيد ميكنش جواكي أعضاء اصلا
_انا سمباتك مش زيك، عضلاتك دي ولا نفخ
_عضلاتي
_مش مصدقاك
_ هتوصليني على أول الطريق ولا لأ
_هوصلك وأمري لله بقي شكلك ابن ناس تعالى ورايا وانجز بقي علشان الوقت اتأخر ورايا انترفيو في شركة بكره الصبح
_إنما اي اللي توهك ف المنطقه دي
_أبدا كنت زهقان ومخنوق قولت اتمشى شويه لوحدي وخليت السواق يسبقني على البيت واهو توهت ووقعت في طريقك
_طب يا شاطر تاني مره ابقي خلي سواقك في ايدك علشان متوهش وماما تدور عليك
_بصلها ورفع حاجبه:هو انتي تعرفيني يا بنتي حاسس إنك مش طيقاني
_بص انا اصلا مش طايقه نفسي فإسكت احسن
_طيب ممكن تحكيلي اللي مضايقك و أدينا ماشيين بنتسلي
_هو انا اعرفك علشان احكيلك
_طب جربيني يمكن ترتاحي
_اجربك اي يا عم هو أنت دوا
_بطلي سخافه واحكي يله، ع الاقل مش هتشوفيني تاني واهو يبقي هم وانزاح من علي قلبك وحتى اكون قدرت اقدملك خدمه قصاد انك هتوصليني
_تصدق اقنعتني انا اصلًا مبعملش حاجه ببلاش
_ماديه حقيره
_اسكت بقي خليني اتنيل احكي يكش يطلع عندك حل لمشاكلي
اتنهدت وبدأت تحكي:أهلي ضاغطين عليا علشان برفض عرسان كتير
_وبترفضي ليه
_كلهم أشخاص جادين أووي
_طب ما دي حاجة كويسه
_كويسة ايه إنت كمان، أنا مش عاوزه شخص صارم وجد في كل حاجة، عاوزه شخص يبقى تافه ويتفرج معايا على سبونج بوب وطرزان، ويحفظلي مواعيد الكارتون المفضل ليا
_بسكدا، هي دي طموحاتك
_اه، وعوزاه كل خميس يخرجني نشرب عصير قصب مع بعض ونتمشي سوا، ويوديني ملاهي
_اممم، طب قومي معايا
_على فين
_هشربك عصير قصب
_يخي اتنيل هتعرف منين مكان العصاره وإنت تايهه
_بطلي ذل في أهلي بقي، أكيد إنتي هتعرفيني
_عصير القصب ده جامد زوحليقه، إنت مبتشربش ليه
_بصراحه مش عارف اي حبكوا في مشروب لونه أخضر زي الملوخيه، أنا عمري ما جربته
_وه!! إنت تعرف الملوخيه زينا كده عادي
_اي هي مش أكله ولا أنا بيتهيألي
_إنتوا بتاكلو زينا كده عادي
_اه
_وبتشربوا زينا عادي
_ايه ييا ببنتي مالك قلبتي على الداده دودي كده ليه
_أنا مسدومه
_من ايه
_انتم الاغنيه طلعت ا بتاكلوا نفس الاكل بتاعنا عادي
_أيوه ما إحنا بني ادمين زيكو بردو، وكلنا ولاد تسعه ولا ايه
_طب يله علشان أوصلك، أنا أتاخرت ولازم أمشي
_مش عارف هشوفك تاني ولا لأ، بس شكرا إنك ساعديني
_العفو يا كابتن، اتمنى مشوفش خلقتك في مكان تاني وسابته ومشيت
بإستنكار: انتي بتحدفي دبش كده ليه يا بت
_اصحي يا ليل
_سيبيني شويه يا ماما
_قومي يا بت مش عندك مقابلة شغل النهارده
_هااار أسوح، مقابله ازاي نسيت منه لله اللي منيمنيش طول الليل
_انت بتكلمي نفسك يا بنت الهبله، قومي يله
_قايمه اهو
اتوضت وصلت ولبست جيب بلون الجملي وعليها بلوزه باللون الأبيض وحجابها باللون الجملي ونزلت الشركه اللي عندها مقابله فيها
_صباح الخير
_صباح النور مين حضرتك
_أنا آنسه ليل المفروض عندي مقابلة مع سليم بيه صاحب الشركه
_أها تمام ثواني هبلغه إنك موجوده
_اتفضلي سليم بيه مستنيكِ
#حكاوي ليل. تفاعل ب 20 تعليق ليصلك الباقي عند النشر
لِـ hegra
رأيكم ♥️
الجزء الثاني
_اتفضلي سليم بيه مستنيكِ جوه
_تمام
_صباح الخي....، إنت تاني
_هو إنتِ، أهلا يختي
_بتعمل ايه هنا
_مفيش لقيتني زهقان فجيت اسلي وقتي
_والله
_مش عاوز غباء إنتي جايه لمين
_لسليم بيه صاحب الشركه
_ولقتيني قاعد في مكتبه يبقي اييه
_ايه
اتعصب:أنا سليم يا بت
_طب براحه متتعصبيش ليطقلك عرق ولا حاجه
_لا هو طق خلاص منك لله، هاتي ورقك
_ورق ايه
_ملفك اللي جايه تقدمي بيه للوظيفه
_مش معايا ملف
_اومال جايه تعملي ايه
_جايه اشتغل سكرتيرتك
_اعترفِ إنك جايه تجلطيني أو تجيبي أجلي
_هو أنا عملتلك حاجه يا عم
_المشكله إنك معملتيش، تقدري تقوليلي معلوماتك ايه عن الشغل
_إنت محتاج سكرتيره علشان تردلك على المكالمات وتنظملك الشغل اللي إنت مش قادر تعمله لنفسك ها اي تاني
_لأ مفيش حاجه تاني
_اي عجبتك
_للأسف أه
ردت بغرور :طب أقدر ابدأ إمتي
_دلوقتي
_عندك ملفات على المكتب اللي هناك ده محتاجين يترجموا نص ساعه يكونوا قدامي
_قبل النص ساعه هيكونوا عندك
_هاااار أسوح اي اللي خلاني اتسحب من لساني واقوله قبل نص ساعه كل دي ملفات يا ظالم يا مفتري
_لمى لسانك علشان سامعك
_يا كسفتك يا حازم
_بطلي مرقعه كله من وقتك
_طب علفكرا بقي أنا هترجمهم إكراما مني مش أكتر لكن الترجمه دي مش شغلي
_حوش حوش كرم الست هانم غرق الاوضه وهيموتنا كلنا دلوقتي، مش عاوز رغي يا أنسه، إنجزي لسه قدامك حجات كتير
_يخي حسبي الله ونعم الوكيل في الظالم
_بقالك ساعتين قاعده على شوية ملفات مش ناويه تنجزي في يومك ده ولا ايه
_بقولك ايه بقي أنا جوعت والشركه كلها أخدت بريك وأنا لأ، هو انت جايبني تشغلني ولا تجوعني
_رد ببرود:أشغلك طبعا
_رمت القلم من ايدها بعصبيه وقامت من الكرسي: لا يعم الله الغني عنها شغلانه اللي تخليني أجوع دي، سلاموعليكم
_اقعدي خلصي شغلك وأنا هطلبلنا أكل
_شاورما بقي وياريت لو يكتر معاها توميه وكاتشب وبطاطس، وهاتلي بيبسي كولا بقي علشان أحبس
_طب ايه رأيك أجبلك المحل كله وخلاص
_لو كان ينفع كنت قولتلك أه، م الآخر كده شغل الهندسة ده مبيأكلش عيش، أنا برأيي تحول الشركه دي لمطعم مش هتلاحقوا شغل والله، وأنا هشتغل دواقه بقي علشان انتوا من غيري تفلسوا
_دواقه اممم وكمل بعصبيه:مفيش طفح غير لما الشغل اللي قدامك يخلص مش عارف أنا صابر عليكي ليه أصلا وسابها وراح قعد على مكتبه
_طب متزعقش طاااه
قعد يخلص شغله وكل شويه ييرفع عينه يشوفها وصلت لإيه وفجأه لقاها بتعيط
اتكلم بقلق:إنت كويسه
_هزت رأسها بمعنى لأ
_فيكي ايه اتكلمي
_جعانه وبطني وجعتني
_أنا أسف حالا الأكل هيكون قدامك
وطلبلها أكل
_الاكل على وصول، تحبي تروحي لدكتور
_لأ،، لما أكل هبقي كويسه
_ده اللي هو ازاي
_أنا كده لما بجوع بطني بتوجعني
_مقولتيش من الاول ليه
_ما إنت اللي اتعصبت عليا، وكمان مديني شغل كتير كإنك عاوز تطفشني
ابتسم :وإنتي هتطفشي
_لأ طبعا قاعده على قلبي
_قاعده في قلبي
_بتقول حاجه
_بقول خدي بريك عما الأكل يوصل
_ده بدل ما تقولي كفايه شغل النهارده
_وإنت شايفه إنك أنجزتي حاجه علشان أكافئك
_أيوه خلصت ملف من العشره اللي قدامي
_بقالك ٤ ساعات ونص في ملف
_علفكرا بقي كان صعب أووي، ولو إنت مكاني كان زمانك زهقت ومكملتش نص ملف حتى
_طب لو خلصتلك خمس ملفات علي بال مالأكل يوصل تعملي ايه
_هشربك عصير قصب
_قصدك عصير ملوخيه
_مفرقتش كتير هشربك وخلاص
_موافق
"بعد حوالي نص ساعه"
_أنا خلصت
_الأكل لسه موصلش
_يعني أنا شاطر وقدرت أخلص قبل وقتي كمان
_ما يمكن إنت متفق مع بتاع الدليفري علشان يتأخر
_وأنا هتفق معاه ليه، هو أنا أعرفه
_إسأل نفسك
_شكلك بتهربي من عزومة عصير القصب
_إنت مبتحبوش وبتقول عليه ملوخيه، هل ينفع أعزمك على حاجه مبتحبهاش
يصلها أووي وقال:ممكن أحبها عادي
اتوترت وقالت:هي ايه
_عصير القصب، مالك
_ها، لأ مفيش
الباب خبط
_الأكل شكله وصل
_الشاورما دي غريبه جدا
_مالها
_طعمها جميل، أحسن من بتاع نبع الحنان بس متقولهاش علشان هتعلقني
_ضحك:خلاص سيكريت مش هقول لحد
_هو ايه سيكريت ده
_يعني سر، هتعرفيها منين ما إنتي فاشله في الترجمه
_فشر، فاشله، لأ اسكوزمي بقي أنا أشطر حد يترجم، بس إنت بتقولها بمياعه، لو استرجلت كده وإنت بتقولها كان زماني فهمتها
_مالك قلبتي شرشوحه كده ليه، خلاص يا ستي انا اللي فاشل ولا تضايقني نفسك خالص
_أيوه كده اتعدل
قاعد هيموت من القلق عليها وبيتصل بيها مبتردش لحد ما لقاها قدامه
...... تابع الجزء الاخير علق ب 20 تعليق ليصلك
#حكاوي ليل
#hegra
رأيكم ♥️♥️
الاخير
قاعد هيموت من القلق عليها وبيتصل بيها مبتردش لحد ما لقاها قدامه
_ممكن أفهم الهانم كانت فين
_كنت بجيب شاورما علشان جعانه
_يعني تروحي تجيبي أكل وتسيبيني هنا دماغي تودي وتجيب
_عملت حسابك معايا علفكرا
_بعد كده لما تحتاجي أكل عرفيني وأنا أطلبلك
_طعمها هيعجبك أووي ، جبتلك معاها بيبسي علشان تحبس
_أحبس، يا شيخه اتنيلي، كنت هموت من الخوف عليكي وقوليلي أحبس، ده أنا بعد كده هقفل عليكي باب المكتب بالمفتاح وشوفي هتخرجي ازاي
_ممكن متتعصبيش، أنا جوعت وإنت مش موجود وقولت أكيد إنت جعان فنزلت جبتلنا أكل
ابتسم:طب ممكن متتكررش تاني وأنا مش هتعصب
_موعدكش بس حاضر
_خلصتي
_فاضل حجات بسيطه
_سيبيها وكمليها بكره إن شاء الله
_اسيبها لبكره إنت سخن ولا حاجه
_ضحك، ليه يا بنتي هو أنا شرير للدرجادي
_مش شرير بس مش بتتهاون في الشغل
_وأديني اتهاونت أهو لأجل عيونك، ننزل بقي نشربلنا كوبايتين عصير قصب اللي بقيت بعشق أمه دهه
_وييي، يله بينا
_اتنين عصير قصب يا عم جمعه
_أمرك يا بيه
_بيه ايه بقي يا عم جمعه، خلي البساط أحمدي قولي سليم بس
_زي ما تحب، اتفضل يا بني طلبكم اهو
_تسلملي يا راجل يا طيب
_أدي عصير القصب أهو يا ست ليل، بالهنا والشفا
_شكرا
_ورد يا باشا، ورد يا هانم
_استني يا حج هاتلي ورده حمرا من اللي العشاق بياخدوها
ابتسامه بسيطه زينت وش بياع الورد:ربنا يديمكم لبعض يا بني
_استني يا حج يديمنا ايه أنا معرفوش أصلا، ده مديري في الشركه
_يا بنتيي متبقيش عبيطه ده باين عليه بيحبك متضيعيش الفرصه
_قولها يا حج، قولها إن أنا وسيم وقمر وفيا كل الصفات الحلوه وبحبها بس البعيده جبله
_بتحبني ده بجد
_اه
_من إمتى
_من أول يوم شوفتك فيه لما وصلتيني على أول الطريق، قلبي مدقش غير ليكي، وحياتي مبقتش حلوه غير لما دخلتيها
_اتكسفت ووشها احمر:سليم خلاص الناس بتبص علينا
_بص حواليه وقال:ما تيجي نكتب الكتاب ونعلي الجواب وتبقى مراتي رسمي فهمي نظمي
_اي كل الاسامي دي
_عيالنا
_وإنت خلاص قررت
_بقولك ايه في خاتم في جيبي محيرني من يوم ما شوفتك وانا ماشي بيه
هاتي ايدك كده البسيه شوفيه بيقول ايه
_بيقول ايه
_بحبك
و أجيبلِك وردة و هدية و أقولك أنا عاوزِك يـَ حلوة تكوني ليا❤️❤️❤️❤️❤️❤️❤️🌿
#حكاوي ليل
#hegra
رأيكم ♥️♥️
تفاعل. ب 10 تعليقات عشان انزلكم قصه جديده
تعليقات
إرسال تعليق