مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#غرام_الليل العاشر✨

دخلت كوثر ع ليل وقالت: انا عرفت كل حاجة يا ليل غرام حكيت ليا ع كل حاجة 

ليل بص لكوثر اللى كانت بتقرب منه ولما وقفت ادامه وطى بوشه للارض وقال:  حجك عليا يا خالة انا عارف انك...... 

لكن قبل ما يكمل كوثر رفعت وشه بايدها وكملت:  اوعى تفتكر انى زعلانه من تصرفك بالعكس انت كنت الدعوة اللى فى صلاتى دايما بدعيها من اول يوم شوفتك اتمنيتك لبنتى لانى كنت عارفه انك هتصونها وتحميها كنت عارفة انى لو مت وهى معاك هموت وانا مرتاحة ومطمنة عليها انى سيباها بايد راجل منكرش انى اخدت ع خاطرى انه كتب كتاب بنتى الوحيدة محضرتوش بس انت هتعوضنى بفرح كبير مش كده؟! 

ليل:  طبعا اجمل واحلى واكبر فرح فى تاريخ البشرية كليتها بس انتى اللى تحددى ميعاده وانى عليا التنفيذ

كوثر:  يبقى الشهر الجاى ان شاء الله 

زينب:  وليه التأخير ديه ما خير البر عاجله ونخلوه الاسبوع الجاى 

وفى وقت ما كانوا بيتكلموا دخلت غرام:  بس انا مش موافقه لا الاسبوع الجاى ولا الشهر الجاى

الكل التفت ليها وقالت زينب بسرعة:  ليه اكده يا بتى؟! 

غرام:  معليش يا طنط دى رغبتى الشخصية 

غفران:  ايوة يابتى بس ممكن اعرف ليه؟ 

غرام:  لانه ببساطه انا معرفوش ولا هو يعرفنى ومحتاجين وقت كافى نتعرف فيه ع بعض اكتر 

زينب:  ايوة بس  .............................. 

ليل:  خلاص يا امى سيبها ع راحتها كيف ما تحب حجها برضه

بصتله غرام باستغراب وبعدها استأذنت وطلعت ع اوضتها واستأذنت منهم كوثر وطلعت وراها

كوثر: ليه عملتى كده يا غرام قوليلى الحقيقة ليه؟ 

غرام:  انا مقولتش الا الحقيقة يا ماما انا معرفوش معرفش الشخصية اللى هعيش معاها بقيت عمرى هى ايه وع ايه اظن ده حقى انى اعرفه اكتر

كوثر بعد ما اقتنعت بكلامها:  ماشى يا حبيبتى اللى يريحك

................... بعد مرور سنه كامله  كانت غرام قربت من ليل اكتر واتحول الاعجاب لحب كبير وتعلق وكانت بتروح المجلة وبتباشر شغلها وفى يوم كان ليل جايبها من الشغل وعازمها ع العشا برة لقيت المطعم متزين بالبلالين والزينة والموجودين بالمطعم بيغنوا ليها وتورتة كبيرة عليها صورتها 

ليل:  كل سنة وانتى طيبة يا غرامى اول عيد ميلاد ليكى معايا وان شاءالله مش الاخير 

غرام اللى الدموع نزلت منها:  الله ده عشانى انا دى اول مرة حد يحتفل بعيد ميلادى 🥺

ليل:  معايا احلمى وانا انفذ 

غرام:  انا بحبك 

ليل:  ايه انتى قولتى ايه😳

غرام:  بحبك 

ليل:  والله لو اعرف ان التورتة والحفلة هتخليكى تنطقى كنت عملتها من زمان😂

غرام خبطته ع كتفه وبعدين هو اخدها فى حضنه لاول مرة من بعد كتب الكتاب وقالها:  وانا بعشقك يا حرم ليل العزايزى وبعد عنها وقالها:  اظن بقى ده الوقت المناسب اللى نعمل فيه الفرح ولا ايه😉

اتحرجت غرام من غمزته ودفنت وشها فى صدره وقالت:  موافقة 

....................... بعد مرور اسبوع اتعمل الفرح فى اكبر قاعة وافخمها فى سوهاج وحضره الاهل والصحاب وكبار البلد وكانت ليلة العمر زى الكتاب ما بيقول وبعدها روح العرسان ع البيت وابتدت حياتهم الزوجية تاخد مجراها الطبيعى 

..............................   .........................................

بعد خمس سنين جواز ولدت غرام ولد وسموه حمزة وبنت سموها حلا وكانوا الاثنين نسخة مصغرة من ليل 

غرام:  يعنى ياربى انا احمل واشيل فى بطنى تسع شهور واتحمل وجع وتعب وولادة وفى الاخر يطلعوا شبهك انت ايه الظلم ده 

ليل:  انتى عارفه ده معناه ايه؟ 

غرام:  معناه ايه يا فيلسوف عصرك! 

ليل:  معناه انى بحبك اووووووى اووووووى 

غرام:  العكس يا فندم انا اللى بحبك اكتر عشان كده جيبت منك نسختين

ليل:  تؤ انا بحبك اكتر وكلمة زيادة هاخد بوسة ادام العيال انا مبيهمنيش

حمزة اللى عمره خمس سنين:  عيب تده انا واقف 

ضحكت غرام واتكسفت ووشها جاب الوان وراحت شالت حمزة اما ليل شال حلا ونزلوا تحت وكانت العيلة مستنياهم لانه عيد ميلاد حلا التالت  ..........  تمت💙

توتة توتة خلصت الحدوتة اتمنى تكون كانت حلوة مش ملتوتة  ...  للمرة المليون شكرا من كل قلبى ع الدعم الكبير ع الرواية من اولها شكرا ع كل لايك وكومنت كان سبب اكمل الرواية بروح عالية وانتظرونى قريب فى رواية اجمد من دى بإذن الله Enjoy Reading يا احلى فانز♥😍

#تمت

#بقلم_نشوه_على