مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

فارسي الوسيم الثالث والرابع الأخير

الجزء التالت❤شكرا على تفاعلكم السكر زيكم ❤بقلم سولييه نصار

-فيه ايه ...فيه ايه 

جه ادم وهو ببخبط ومتوتر ...جريت عليه ومسكت ايده وقولت:

-جيت افتح نور اللمبة فرق ..والنور كله فصل شكله حصلت قفلة

-طب اهدي ...عادي بتحصل ...انتي خايفة من ايه 

-اصلي...اصلي بخاف من الضلمة ..

ضحك  وقال:

-كل ده عشان النور قطع 

اتعصبت وقولت:

-مفروض تحترم مشاعر التانيين اي انسان طبيعي عنده فوبيا 

-اسف مش هتريق علي مخاوف حد تاني ...انا رايح اشوف عم ماجد يشوف الكهربا مالها ...ومتقلقيش الفيلا قديمة فتلاقي الكهربا دايما بتحصل فيها قفلة ...

لسه هيمشي ...مسكت ايده وقولت :

- رايح فين ...متسبنيش هنا ...خدني معاك 

-حاضر 

مسك ايدي وقال :بقلم سولييه نصار

-يالا 

حسيت برعشة لما مسك اأيدي وقلبي دق جامد...قولت بصوت عالي شوية :

-يخربيت جمالك هو ده وقته 

-سمعتك علي فكرة ..

قالها وهو بيضحك ...حطيت ايدي علي بوقي وانا بلعن لساني اللي كاسفني في كل مكان ....

قال ادم لعم ماجد يشوف الكهربا وعقبال ما هو كان بيصلحها جاب ادم كشاف عشان مخافش .....

بعد نص ساعة كان النور جه ...اتنفست براحة وقولت :

-الحمدلله .

-للدرجادي بتخافي من الضلمة

قالها بلطف فقولت بسرعة ومن غير تفكير :

-جدا ...مقدرش اعيش فيها ..ايه الممتع في الضلمة يعني 

وشه اتغير بس مخدتش بالي وكملت 

- هو انت يعني مش بتخاف من الضلمة زيي

ابتسم بسخرية وقال :

-كلك نظر ...

ومرة تانية لساني اللي عايز قصه يغلط ....بصتله بأسف وقولت:

--اسفة والله مش قصدي اضايقك..انا لساني فالت شوية ....في البيت مش مسموح اتكلم كتير ....بس لما لقيت الفرصة بقيت بهبل وخلاص ...انا ...

-حصل خير ..

دمعت وانا بهز راسي وقولت :

-لا انا بجد انسانة غبية ...ليهم حق اهلي يمنعوني من الكلام ...انا اغبي..

--انتي اكتر واحدة عفوية ولطيفة قابلتها 

الكلام وقف في حلقي ...ووشي احمر وانا بدوب من لطفه ...ازاي نورهان تضيع  انسان زي. كده من ايدها ....

ابتسمت وقولت من دون وعي :

- نورهان غبية لانها سابتك لو انا معملش كده ...

ابتسم وعرفت أن لساني حطني في موقف بايخ مرة تانية ...يا جماعة كتفوني ولا نيموني ولا اعملوا اي حاجة  هيفتكر انه بحبه لا سمح الله ...

-زي ما قولت يا ريهام انتي عفوية ولسانك ده موديكي في داهية ..اصل كلام زي ده ممكن يخليني افتكر انك بتحبيني مثلا ...

قرب شوية مني وقال:

- لا سمح الله طبعا ...

وبعدين مشي...

حطيت ايدي علي قلبي وقولت :

-حرام لا قلبي ولا عقلي ولا لساني ناصفني انا مفروض يربطوني وميطلعونيش من البيت ...

....

مرت الايام بيني وبين ادم ..واتقربنا وبقينا اصحاب...كان بيشاركني كل أفكاره ...كل مخاوفه ومخططاته...

....

-يعني ايه يا ادم مش هتعمل العملية دي؟

-زي ما سمعتي يا ريهام واقفلي علي الموضوع ده .

مسكت ايده وقولت:

 -مش هقفل لا ...ومش هستسلم ...انت ليه عنيد ...فرصة وجات لازم تستغلها والا هتندم 

-واشوف ليه في ايه في حياتي حلو عشان اشوفه ...

-فيه انت ...انت تستحق انك تحارب عشان نفسك ...فطظ في الناس يا اخي ...حارب عشان نفسك انت ...عشان تكون مبسوط

-انا مبسوط كده

-انت كداب

-اخرسي يا ريهام 

- لا يا ادم مش هخرس ...انت لازم تواجه انك مش عايز تعيش في الظلام طول حياتك...بس انت ضعيف خايف تواجه الفشل واللي بيخافوا يجربوا عشان ميفشلوش هيفضلوا طول عمرهم فاشلين 

قام واتعصب وزعق وقال:

-اخرسييي...قلت اخرسي انتي فاكرة نفسك مين ؟!..خلاص عشان اتكلمت معاكي حلو نسيتي نفسك ...نسيتي انك بديلة عن اختك اللي هربت ...نسيتي ان كلها أسابيع واطلقك فمتتصرفيش اكنك مراتي 

دموعي نزلت ورجعت لورا وانا بقول بصوت م*كسور :

- انت عندك حق انا اسفة

وبعدين جريت علي اوضتي ...

....

كنت بعيط لما دخل أوضتي .. قومت بسرعة عشان أساعده مسك ايدي ورفع ايده لوشي ومسح دموعي وقال:

-انا هعمل العملية ...انا اسف بس متتخليش عني 

......

بعد شهر من التحاليل والتجهيزات عمل العملية اخيرا ...والنهاردة هيشيل الضمادات ...كنت واقفة مع الدكتور لما شوفت نورهان واهلي جايين!!!!

بصتلي من فوق لتحت وابتسمت بسخرية فقولت بعصبية :

- ايه جابك هنا ؟!

-دومي هو اللي قالي اجي ...اصل انا وكريم انفصلنا وكلمت ادم ووافق يرجعني

- انتي كدابة 

-خلاص يا بيبي نشوف ...هو انتي فاكرة دومي بجلالة قدره يبصلك ؟!انتي عبيطة ولا ايه ؟

وبعدين صممت تدخل ...

كنت واقفة متوترة وانا بشوف الدكتور بيشيل الضمادات لدرجة اني نسيت كلام نورهان ...قلبي كان بيدق جامد وهو بيفتح عينه شوية بشوية ...اول ما فتح ابتسم ابتسامة حلوة وشوفت حركة عينيه اللي خلتني اعرف ان العملية نجحت لسه هجري عليه لقيت نورهان قربت ومسكت ايده وقالت:

- انا رجعت يا حبيبي زي ما طلبت 

باس ايديها وقال بحب :

-كنت مستنيكي يا نور 

يتبع 

الجزء الاخير❤شكرا على تفاعلكم السكر زيكم❤بقلم سولييه نصار

عيوني دمعت وقلبي دق جامد ان شاء الله اللي بفكر فيه يطلع غلط ...يارب ادم ما يبيعني ولا يك*سرني بالطريقة دي ...

ساب ايد نور. بصلي بلطف وقال:

-شكرا لانك وقفتي معايا يا ريهام ...عمري ما انسي اللي عملتيه...انتي اخت مثالية ...

بصتله بصدمة فابتسم وهو ماسك ايد نورهان وقال:

-متقلقيش نور تعرف كل حاجة عن جوازنا ...تعرف انك كنتي نعم الصديقة بالنسبالي ...ريهام انتي مكنتيش سبب في نور عيني بس كمان كنتي سبب في نور حياتي كلها انا بشكرك ...نور رجعتلي بسببك 

دموعي نزلت وانا بستوعب كلامه 

-يي...يعني ايه ؟

-خلاص انا بحررك من الجواز ده يا ريهام ...تقدري تعيشي حياتك ...بس اطلع من المستشفي اجيب المأذون ونخلص !!!

.....

بعد اسبوع ...

جهزت في اوضتي ولسه هخرج لقيت ادم قدامي ...بصتله ببرود فقال :

-ريهام انتي زعلانة مني ولا حاجة ؟

-وازعل ليه يعني ؟عادي ...

قرب اكتر فبعدت وانا ببصله  بدهشة عايز ايه كمان مني ...عايز يق*تلني 

-ريهام هو انتي حبتيني او اتعلقت بيا .

بصتله بغضب وقولت:

-مفيش واحدة هتحب واحد اتغصبت عليه ...انا اعتبرتك صديقي واخويا مش اكتر عشان كده بتمني تلاقي سعادتك مع نورهان وانا هلاقي بكرة اللي يقدرني اكيد!

حسيته أتضايق بس غير الموضوع وقال:

-طب يالا المأذون برا

............

تم طلاقي منه وانا جامدة ...معرفش بس. كتر الصدمات والحزن خلاني انسانة باردة ...لما بفكر في الناس اللي اذوني في الوقت اللي اديتلهم كل حاجة بقول اني مستاهلش المعاملة دي ؟!!!!  ...وفي الوقت اللي ببكي فيه جرح قلبي كانت نورهان بتجهز لفرحها مع ادم ...اختارت احسن فيلا  وفرشتها  بأحسن فرش وده طبعا من فلوسه ....

جه قبل فرحهم بيوم البيت ومكنش فيه غيري انا ...

-افندم 

-ممكن ادخل 

- لا طبعا مفيش حد في البيت ...

ابتسم بإستفزاز وقال وهو بيدخل ويقفل الباب :

-يزيد فضلك...

ربعت ايدي وقولت :

-خير عايز ايه ؟!

-عايزك تحضري  كتب كتابنا  انا ونورهان بكرة هيكون في بيتكم 

- لا مش هحضر هكون ساعتها عند صاحبتي ...

- عشان خاطري يا ريهام انتي صديقتي الوحيدة محتاجك معايا ...

غمضت عيني  وقولت :

- لا يا ادم مش هحضر  وكده أفضل عشان كلام الناس

عيوني دمعت. انا بقول :

-مش هقدر يا ادم ...ابوس ايديك متضعطتش عليا ..

-وانا عايزة افهم السبب...ليه ..ليه مش عايزة تيجي ...ايه اللي مضايقك بالضبط ...

ضربته علي صدره وصرخت:

-لاني بحبك ...ازاي عايزني احضر كتب كتابك  معاها...انت ايه قلبك حجر...انت عارف اني حبيتك بس لا انت فضلت تدوس علي  جرحي جامد ...ده نورهان اللي اذتك سامحتها علطول انا عملت ايه ...

قرب مني وحاوط وشه وخلاني ابص لعينيه وقال:

-عشان خاطري احضري  ...لو بتحبيني فعلا ...

وبعدين باس راسي بوسة طويلة ومشي ...وقعت علي الأرض وانا ببكي وبفكر ليه بيعمل كده ...ليه !!!

.........

يوم كتب الكتاب ...كان الكل متجمع...كنت واقفة جنب قريبتي لما جه ادم ...بصلي بصة غريبة وبعدين بص علي الناس الكتير اللي اصر نعزمهم...ومكنتش فاهمة ليه الناس دي ....قعد جنب المأذون عشان يكتب الكتاب ...مسك ايد بابا ولسه المأذون هيبدا سحب ايده بسرعة وهو بيضحك جامد ....طان الكل مشتغرب لدرجة اننا شكينا انه مش في وعيه ....

بس لبابا وقال:

-سوري يا عمي بس انا مليش مزاج اتجوز بنتك النهاردة ...

قربت نورهان منه وهي بتمسك قميصه وزعقت:

- ادم بتقول ايه انت اتجننت...وبيتنا اللي جهزته بكل حب ...

-قصدك بيتي اللي خليتك تجهزيه من فلوسي والصراحة انتي مقصرتيش خالص يا حبيبتي ...جهزتي فيلتي اللي هتجوز فيها كويس اووي

-قصدك نتجوز

- لا اتجوز ...اصل اكيد لو انا اخويا مترضيش اني اتجوز واحدة فلتانة تهرب من البيت يوم فرحها والله اعلم كانت عند مين...

عيونها دمعت فبص ادم ليها وقال:

- اسف يا حبي انا مبحبش الستات الرخيصة اللي زيك ...بصراحة بيقرفوني فأكيد مش هتجوزك ...

بصلي وقال :

-قلبي عرف مساره مع واحدة محترمة ...واللي هي ريهام عشان كده لما اجي اتقدملها لازم اكون جدير بيها....انا هتقدملها بطريقة ترد كرامتها .

.بطريقا ميقولوش ان دي البديل بتاعة نورهان ...ريهام من النهاردة تخصني لحد ما اخدها من عندكم ...اقسم بالله لو عرفت ان حد فيكم زعلها هحبسك يا بكر ..يالا انجوي بالحفلة!!

صرخت نورهان بعد ما مشي وقعدت تقطع في شعرها ...سابني يا ماما سابني  انا كنت مصدومة تماما ...

مرت الايام وادم اختفي بس محدش من عيلتي قدر يقرب مني بس اللي اكتشفته من عم ماجد انه كمان كتب الفيلا اللي جهزتها نورهان بإسمي انااا وهو جه عشان يديني اوراق الملكية...ساعتها حسيت نورهان هتاكلني ...كانت مغلولة مني وكانت هتتخانق معايا ...لولا بابا...امي كانت دايما بتعيط علي حال نورهان اللي بقا في الارض ..

علي تصرفاتها القاسية معاها حتي نورهان تطاولت كتير علي بابا ...ساعتها عرفوا قيمتي وحاولوا يعتذروا اكتر من مرة بس ساعات كتر الغلط بيعلم الجفاء وهما غلطوا معايا كتير وانا صعب اسامحهم 

بدأ في يوم الصبح تجيلي ورود من ادم ...شوكولاتة وهدايا ...وكروت فيها شعر ...ادم والشعر دونت ميكس بصراحة ده لو قال كلمة حلوة  بالصدفة كنت بعمل فرح في اوضتي ...

الهدايا بدأت تتحول لاتصالات مكنتش برد عليها  لحد ما بدأ يمشي ورايا ...

كنت رايحة ادور علي شغل جديد لما لقيت حسن سواق ادم ماشي ورايا ومعاه ادم بيعاكسني ...حاولت اسرع بس هما سرعوا كمان وادم ابتدا يعاكسني تاني وقال:

- ايه النوع الفاخر ده اكيد بابي تاجر مخدرات كبير...هو القمر بقت بتطلع الصبح ولا ايه ...شاهد لأول مرة قمر بيمشي علي الأرض وعلي قلبي كمان 

ضحكت وبصتله وقولت:

-حتي معاكسة زي الناس مش عارف تعاكس 

طلع من العربية وقال بسرعة:

-طب علميني انا محتاجك معايا يا ريهام ...محتاجك والله 

-انت عايزني عشان محتاجني بس؟!

- لا وبحبك كمان ...اكتر مما تتخيلي ...بحبك لدرجة أني حاسس نفسي محبتش قبل كده ...حاسس ان قلبي المرة دي اختار الصح ...فارجعيلي ..انا عملت كده عشان ارتاح لاني مش من النوع اللي بيسكت علي حقه وكمان حبيت اتقدملك بطريقة تليق بيكي ...حبيت اوري الناس انك اغلي واحدة في حياتي 

وقفت شوية وفكرت وقولت:

- طيب هشفق عليك وأوافق بس بشرط ...

-اؤمري

-تعرض عليا الجواز في الساقية اللي في الملاهي في اعلي مكان نوصله ...

وبعدين سيبته يستوعب اللي قلته ومشيت وانا بضحك

- ايه ساقية؟!!انا بخاف من الأماكن العالية يا ريهام...خلي عندك دم شوية ...علي فكرة مفروض تحترمي مشاعر الآخرين ...اي انسان طبيعي عنده فوبيا ...

ضحكت ومشيت لو عايزني ينفذ شرطي 

.....

-الحقووووني يا ناس هموت ...

- بس يا ادم الله يخربيتك فضحتنا

-منك لله يا بعيدة اهي الساقية اتعطلت واحنا متعلقين في الهوا 

-حد قالك جيبني الملاهي دي 

-وحيات امك ...حد يق*تلها يا ناااس خلاص بنات بكر كرهوني في الجواز وسنينه

ضحكت وقولت:

- والله بحبك بقلم سولييه نصار 

كان ماسك العمود وقال:

- بس ننزل من الساقية دي هردلك كلمة الحب بس دلوقتي انا بكرهك ...روحي يا شيخة مش كفاية اخدتي قلبي ..عايزة تاخدي روحي كمان ...

ضحكت عليه جامد وانا لأول مرة اكون بالسعادة دي شكلها الدنيا هتضحكلي ولا ايه؟!!

تمت

#فارسي_الوسيم

#سولييه_نصار