 |
#ليلة_غيرت_حياتى_11
#بقلمى_إيمان
أستقبلهم وليد بترحاب شديد ثم توجه بهم الى حجرة الصالون واشار عليهم بالجلوس الى ان يخبر والدته وشيرين بحضورهم
والدة وليد : اهلا وسهلا يا نيرة انا مبسوطة اوى يابنتى انك جيتى انتى وجوزك
رد طارق على الفور : طبعا كان لازم نيجى يا طنط دا أحنا أهل وزمايل جامعة وشغل سابقا يعنى كده كده لازم نكون موجودين فى مناسبة زى دى
والدة وليد : كلك ذوق يابنى وواضح انك ابن اصول
طارق : ربنا يخليك يا طنط
لحظات وخرجت شيرين عليهم بمولودتها وبجوارها نسمه اخت وليد
نيرة : حمدلله ع السلامة يا شيرين والف مبروك
شيرين ببرود : الله يبارك فيكى
فتحت نيرة حقيبتها واخرجت منها علبة السلسلة وقدمتها لشيرين فأخذتها بدون نفس لتأخذها نسمة من يدها على الفور وتفتحها قائلة : وااااو ايه الجمال والشياكة دى كلها طول عمرك ذوقك حلو يا نيرة
نيرة : لا دا ذوق طارق هو ذوقه احلى منى بكتير
نسمة : فى دى عندك حق والا مكنش اختارك
نيرة : الله يكرمك يا نسمة
نسمه : عقبال يارب كده ما نردهالك فى البيبى الجديد
نيرة : حرام عليكى مش لما افوق من مراد الاول
نسمه : لا يا حببتى ما تتحججيش عندك خالتى نفسها تاخده على طول
كانت والدة وليد قد تركتهم لتعد لهم واجب الضيافة فعادت تحمل صينية عليها اكواب الموغات وبجوارها وليد ومعه اكياس السبوع وبمحرد ان رأى طارق وليد ينضم لجلستهم فعل مثل المرة السابقة وحاوط نيرة بذراعة واخذ يداعب مراد
انطلقت نسمه تقول لنيرة : هاتى بقه الواد القمر ده العبه شوية عشان مش بشوفه غير كل فين وفين
نيرة : وانتى ماشبعتيش لعب مع مريم ومى
نسمة :كبروا خلاص انا بحب البيبيهات دا غير ان كان نفسى فى ولد
فنظرت لها شيرين على اثر هذه الكلمه بغيظ وحقد
نيرة : خلاص ياستى احنا فيها جيبى بيبى جديد
نسمه بفزع :لالا خلاص معنديش استعداد تعب حمل وولادة تانى ربنا يبارك لى فى البنات والحمد لله على كده
كل هذا ووليد ينظر لطارق وهو يحاوط نيرة بذراعة بكل حزن وأسى وحقد أيضا وشيرين تتابع نظراته لهم فى منتهى الضيق
والدة نيرة : يلا بقه يا ولاد عشان نروح
وليد: ما تخليكى شويه يا خالتوا
خالته : لا يابنى كفاية كده عشان كمان شيرين تقوم ترتاح دى لسه قايمه من ولادة
فأسرعت شيرين قائله : اه يا خالتوا عندك حق والله انا لسه تعبانه اوى
والدة نيرة : انا عرفة طبعا يا حببتى يلا قومى ارتاحى وتصبحوا على خير يا جماعة
فنهض طارق على الفور وأمسك بيد نيرة يساعدها على النهوض وسط دهشة نيرة وفرح والدتها بأن الله من عليها بهذا الزوج الحنون بعد ما فعله بها ابن اختها وغيظ شيرين لما تلاقيه نيرة من حب واهتمام الجميع.
أخذ طارق والدة نيرة الى بيتها وبعدها أكمل طريقة الى بيته وهو فى عالم أخر فقد تذكر كلمات نسمه عن الانجاب وأخذ يحادث نفسه : معقول معقول فى يوم من الايام الجواز اللى على الورق بينى وبين نيرة يكون حقيقى ويكون لى ابن او بنت منها ياااااااه دى تبقه احلى هدية من ربنا ليا
فى الوقت الذى كانت نيرة تفكر هى الاخرى فى تصرفات طارق معها أثناء وجود وليد او اى احد من عائلته و أيضا اصراره الشديد على ذهابهم لبيته برغم من معرفتها الان بحبه لها كانت افكارها مشوشة تماما الى ان وجد طارق يخبرها بأنهم قد وصلوا الى بيتهم
ايه يا نيرة وصلنا البيت خلاص مش حتنزلى ولا ناوية تباتى فى العربية
بجد معلش كنت سرحانه
كنتى سرحانه فى أيه ؟؟؟؟
نطلع بس وبعدين نتكلم
كده طيب يلا نطلع عشان تحطى مراد فى سريرة شكله نام
فعلا نام
بمجرد دخولهم شقتهم وضعت نيرة مراد فى الفراش وابدلت ملابسها وخرجت تسأل طارق : ها أحضر العشا ولا مش دلوقتى
قوليلى الاول كنتى سرحانه فى ايه ؟؟
أممممم انا عندى سؤال نفسى اساله ليك
ايه هو ؟؟
يعنى مش عارفة اقوله ازاى ولا ابدء منين
قولى اللى يجى على بالك وخلاص
فقالت بتوتر : هو ليه لما بنكون فى مكان واحد مع وليد بتفضل طول القاعدة وخدنى فى حضنك
هو ده السؤال الجامد اوى اللى مش عارفة تسأليه . أنا بعمل كده فى وجوده هو وأهله عشان يعرف اد ايه هو خسر لما فضل انه ينفصل عنك ويرتبط بالى اسمها شيرين وعشان اشوف فى عينيه الحسرة زى انهاردة كده وعشان انتى كمان تشوفيها فى عينيه مش ده اللى انتى كمان عوزاه
ورفع صوته بغيره وغضب مكملا حديثه : والا ماكنتيش تستسلمى كده لحضنى بالذات انهاردة ولا كان احساسى غلط
لا يا طارق مكنش احساسك غلط وانا فعلا كنت مستسلمه ليك لكن مش عشان وليد ولا كنت مهتمه بيه من الاساس
فقال بشك : امال ليه ؟؟
شعرت نيرة بالارتباك والخوف عندما سألها طارق هذا السؤال فقالت بتردد : عشان عشان أصل
فلم تتحمل وفرت هاربه من امامه الى حجرتها أخذه مراد بين أحضانها وكأنها تستجير به او تستمد منه قوتها
فنطلق طارق خلفها ليجدها تخفى وجهها فى صدر مراد فقال لها بعصبية : جوبينى يا نيرة ردى على سؤالى
فرفعت وجهها اليه ليرى دموعها تنهمر بشدة
انتى بتعيطى يانيرة ، بتعيطى ليه انا عاوز افهم فى ايه !! ردى عليا من فضلك
نيرة وبعد ان استجمعت قليلا من قوتها : كنت مستسلمه ليك يا طارق لأنى حبيتك
طارق بذهول وعدم فهم : ايه انتى بتقولى ايه
فطأطأت رأسها لتصرف عينيها عنه قائله : عشان حبيتك ياطارق ايوة حبيتك
انتى متأكده من اللى انتى بتقوليه ده ولا ده عشان يعنى وقفت جنبك ولا عشان ايه بالظبط
عشان انت راجل بجد يا طارق سند قلب كبير عشان حنيتك عليا عشان انت احسن أب لأبنى عشان الكرم والحب والحنان اللى محوطنا بيهم من يوم ما بقيت مراتك بعد كل ده مش عوزنى احبك
و أكملت بخجل : وعارفة كمان انك بتحبنى ومن زمان من ايام الكلية
ايه تعرفى الكلام ده منين الكلام ده محدش يعرفه
انت اللى قولتلى
ازاى !!!
من مذكراتك
فقال بسخرية : أه فهمت يعنى انتى بقه بتردى لى الجميل عشان لما عرفتى انى بحبك من زمان قولتى تحبينى انتى كمان بالمرة صح !!!!
فأجبته مسرعة : ايه اللى أنت بتقوله ده انا من فترة وانا بحس بميل نحيتك بس مكنتش عارف افسره وكنت بقول زى ما انت قولت من شوية يمكن ده عشان موقفك منى انا ومراد واهتمامك ورعايتك لينا لحد لما شوفت مذكراتك وعرفت انك بتحبنى وقتها عرفت احدد شعورى واعرف انه مش مجرد عرفان بجميلك عليا لا دا حب انا بحبك ياطارق ايوة بحبك
بجد يا نيرة بجد
ايوة هى دى الحقيقة ودا احساسى ليك
أخذ طارق يديها بين كفيه وأمسك بهما قائلا : ياااااه يا نيرة انا مش مصدق ان اللحظة اللى كنت بحلم بيها من زمان اتحققت وسمعت من شفايفك كلمة بحبك يا طارق
انت تستاهل تتحب واى بنت تتمنى تكون زوجتك
أجابها ضاحكا : احم احم اى بنت تتمنانى يعنى اعمل بقه زى ما الشرع بيقول واخليهم اربعة
نيرة بفزع : ايه نعم لالا كده ممكن اقلب على ريا وسكينه الاتنين مع بعض
فانفجر طارق ضاحكا : لالا يا ستى انا بهزر
لا اوعى تهزر الهزار البايخ ده تانى معايا
بقه انا ممكن ابص حتى لغيرك دا انا قافل قلبى عليكى من زمان وحالف ما افتحه لغيرك
ربنا ما يحرمنى منك ابدا
ولا منك انتى ومراد
وأقترب منها أخذا بها بين ذراعيه وأخيرا دخلت نيرة عالم طارق الخفى وهدم الجدار الذى كان يفصلهما وبدء كلا منهما يتذوق طعم الحب الحقيقى.
مرت الايام هادئه جميلة ونيرة ترعى زوجها وابنها وتقضى بعض الوقت فى بيت اهلها وبعضه فى بيت عائلة طارق وتستمتع تماما بكل اوقاتها الى أن أستيقظت فى يوم على ألم شديد فى رأسها .
#ليلة_غيرت_حياتى_12
#بقلمى_إيمان
مالك يا نيرة فى أيه
صداع صداع شديد اوى فى راسى يا طارق
طب انا حقوم احضر الفطار وحشوف لك حاجة للصداع تخديها بعد ما تفطرى
طيب
أحضر طارق لها الفطار وجلس بجوارها يحثها على الطعام وفاجأة قامت تجرى على دورة المياة لتتقىء كل هذا وطارق فى غاية القلق ولا يدرى ماذا يفعل غير انه ساعدها الى ان عاد بها الى الفراش وجعلها ترتاح به .
انا لازم اجبلك دكتور يشوفك انا مش حسيبك كده
دلوقتى ابقه كويسة ما تكبرش الموضوع يا طارق
فى هذة الاثناء رن موبايل نيرة
شوف مين يا طارق
أخذ طارق الموبايل وقال : دى مامتك يا نيرة
رد عليها اكيد بتسأل حروحلها انهاردة ولا لا ما تقولهاش انى تعبانه
صباح الخير يا طنط نيرة تعبانه ومش عوزانى اجيب لها دكتور
كده يا طارق كده تقلقها عليا
خلاص يا طنط انا حعدى عليكى اجيبك تقعدى معاها هى ومراد واروح اجيب لها دكتور سلام
كده يا طارق مش قولتك ما تقولهاش انى تعبانه كفاية اللى هى فيه
ما انا مش عارف اتصرف ولا اعمل ايه معاكى وانا شيفك تعبانه كده ومراد اللى محتاج حد يقعد بيه يلا انا حروح اجيب مامتك بسرعة عشان الحق اجيب دكتور يطمنى عليكى
فى منزل والدة نيرة كان وليد صاعدا لوالدته حينما قابل خالته تنزل السلم فى سرعة غريبة فستوقفها ليعلم ما الامر
خير يا خالتوا مالك نزله تجرى كده
اصل يابنى نيرة تعبانه وانا نزله ريحلها عشان اطمن عليها
طب انا عربيتى تحت تعالى اوصلك
شكرا يا حبيبى طارق وصل تحت ومستنينى
طب ربنا يطمنك عليها
يارب يابنى يارب
أكمل وليد صعوده الى والدته والتى عندما وجدته يدخل ويغلق الباب خلفه على الفور سئلته : امال فين شيرين
انا جاى لوحدى
امال انا سمعاك بتتكلم ع السلم مع حد
دى خالتى كانت نزله رايحة لنيرة عشان تعبانه
ايه تعبانه عندها ايه
مش عارف شوية كده واتصلى بيها عشان نطمن عليها
اه طيب . وانت جاى من غير مراتك وبنتك ليه
والنبى يا ماما ما تجبيلى سيرتها خالص انا جاى ارتاح عندك شوية ولو مش عوزانى حقوم امشى
خلاص خلاص اقعد ارتاح
ايه يا حببتى مالك
مش عارفة يا ماما عندى صداع شديد
فى هذة الاثناء عاد طارق بالطبيب وادخله لها على الفور . وبعد ان كشف عليها واستمع لشكواها نظر لمراد والذى كان نائما بجوارها وسألها
البيبى القمر ده ابنك
أيوة مراد ابنى
عنده أد أيه ؟؟؟
سبع شهور
فقال الطبيب بإبتسامة : يعنى إنتى مالحقتيش تنسى اهو امال ازاى ما عرفتيش ان الاعراض اللى عندك دى أعراض حمل
فقال طارق ومعه نيرة فى ذهول : أاايه
أنتوا اللى ايه مالكم مذهولين كده ليه مكنتوش عوزين حمل دلوقتى ولا ايه
طارق : لا ابدا الحمد لله ان ربنا كرمنا بس يعنى المفاجأة انه حصل كده بسرعة
الطبيب : طيب مبروك ليكم يلا بعد اذنكم
وغادرهم الطبيب على الفور
نيرة بفرح : انا حامل يا طارق تانى انا مش مصدقة نفسى
طارق : قولى الحمد لله يانيرة واشكرى ربنا
الحمد لله
وفاجأة رن موبايل والدة نيرة
نيرة : دا بابا يا ماما
لا يا حببتى دى خالتك اكيد عوزة تطمن عليكى
الوا ازيك عامله ايه نيرة لا نيرة بخير والحمد لله اصلها طلعت حامل الله يبارك فيكى يارب الله يسلمك سلام
نيرة : هى خالتى عرفت منين انى تعبانه
اصل وليد قابلنى وانا نزله اجرى وقولتله انى جيالك عشان تعبانه
اااااه
أيه بتقولى أيه يا ماما
زى ما سمعت كده يا وليد نيرة حامل
نيرة حامل تانى لالا مش ممكن مش معقول
ليه بس يابنى هى مش ست متجوزة
خلاص يا ماما خلاص مش عاوز اسمع حاجة تانى
يابنى بطل تفكر فيها خلاص موضوعكم خلص من زمان وانت دلوقتى عندك بيتك ومراتك وهى كمان
ماما انا ماشى
وليد يا وليد استنى يابنى
معلش يانيرة يا حببتى كان نفسى افضل جنبك بس انتى عارفة انى مقدرش اسيب باباكى وهو تعبان
يا ماما انا بخير والحمد لله روحى انتى لبابا هو محتاجك اكتر منى ربنا يشفهولنا يارب
يارب يابنتى يارب اروح بقه واقوله على خبر الحمل بتاعك ده حينبسط ويطير من الفرح كمان ربنا يا بنتى يتمملك على خير وتقومى لنا بالسلامة
أيوة ادعى لى كتير يا ماما
طارق : طيب انا حاجى أوصلك
طيب يلا عشان تلحق ترجعلها ولا انت حتروح شغلك
شغل لا شغل ايه انا اتصلت ببابا وقولتله انى مش حقدر اروح الشغل انهاردة
نيرة: بلغته بخبر الحمل
لا انا كنت اتصلت بيه وانا رايح أجيب الدكتور قولت كده كده لازم اكون جنبك انهارده
كده طيب انا بقه اللى حقوله عشان اخد الحلوة
الحلوة ليه حتبلغية بنتيجة الثانوية العامة
لينفجر الجميع بالضحك
والدتها : ربنا يسعدكم يابنى يلا بينا بقه
بمجرد ان عاد طارق بعد ان وصل والدتها الى منزلها دلف اليها على الفور وأخذها بين ذراعيه وضمها اليه طويلا
ايه يا طارق فى ايه
ما انا مقدرتش احضنك اول لما سمعت خبر الحمل ادام مامتك والدكتور فباخد حقى دلوقتى برحتى بقه
مبسوط يا طارق
مبسوط بس دا انا حطير من الفرح اتجوزت البنت اللى بحبها وكمان خلفت منها يعنى كل اللى كنت بحلم بيه ربنا كرمنى بيه وان شاء الله حطلع حاجة لله عشان كرمه الكبير ده علينا
ربنا يخليك ليا ياطارق ولا ولا يحرمنيش منك ابدا يا حبيبى
ااااالله حبيبى طلعه منك زى العسل . بس فى موضوع كده كنت عاوز اكلمك فيه
خير يا طارق عاوز تقول ايه ؟؟
بصى انتى دلوقتى حامل وانا مش عوزك تعملى اى مجهود دا غير الاستاذ مراد وانتى عارفة كويس هو محتاج رعاية وعناية اد ايه ممكن متقدريش عليهم الفترة الجاية
يعنى ايه ياطارق انت مش عوزنى اعمل حاجة خالص طب والبيت ومراد وطلباتك انت كمان
ايوة بالظبط كده يانيرة انا عوزك ترتاحى خالص وعشان كده انا بقترح اننا فترة الحمل دى نروح نقعد مع بابا وماما فى الفيلا هناك فى ناس حتساعدك دا غير ماما حتشيل مراد فى عينيها وما حتصدق اصلا انه يكون معاها ليل ونهار وبابا كمان وانا حكون وانا فى شغلى مطمن عليكم انتوا الاتنين وبالى مرتاح واعرف اركز فى شغلى
بس يعنى لو انتى مش حيريحك الوضع ده خلاص ندور على حل تانى ايه رايك
اذا كان الوضع ده حيخليك ترتاح وتطمن علينا ياطارق يبقه يريحنى دا غير ان طنط سوزان وعمو سليم كمان انا برتاح معاهم اوى
كده يبقه نتوكل على الله وحقوم اوضب الشنط ونروح نقعد على قلبهم
نيرة بضحك : ايه نقعد على قلبهم دى
هو كده وبعدين دول امى وابويا انا حر فيهم بقه
بقه كده. طب حتى اتصل بلغ مامتك اننا حنروحلها
لا انا عاوزة مفاجأة شاملة كاملة مع سبق الاصرار والترصد كده
انت مش ممكن لما بتصمم على حاجة محدش يقدر عليك
#ليلة_غيرت_حياتى_13
#بقلمى_إيمان
السلام عليكم
وعليكم السلام . اهلا يا طارق ياحبيبى تعالى يا نيرة يا حببتى لسه كنت حتصل بيك اطمن على نيرة اصل باباك لسه كان بيكلمنى وقالى انك مروحتش الشركة عشان نيرة تعبانه كويس انك جبتها وجيت مالك يا حببتى فى ايه
طارف على الفور : خلى بس حد الاول يجيب الشنط بتاعتنا من العربيه ويطلعها اوضتنا
سوزان باستغراب : شنط ايه هو انتوا ناوين تقعدوا معانا خلاص
طارق : ايوة ياسوزان حنقعد معاكم يعنى تسع شهور كده بس ياريت ما تزهقوش مننا وتقولولنا روحوا بيتكم
سوزان : لا انسى عمرنا ما حنقولها بس اشمعنى تسع شهور يعنى
نيرة : اصل يا طنط
قاطعها طارق بسرعة : لا ما تقوليش لما بابا يجى
سوزان : هو فى ايه ياولاد ما تطمنونى
طارق : طب تدفعى كام وانا اقولك
فانفجرت والدته ونيرة بالضحك وقالت نيرة : ما تقول بقه يا طارق
طارق : طب ما تقولى انتى
ما انا كنت حقول وانت قولتلى ماقولش
سوزان : بس انت وهى يلا يا نيرة يا حببت قلبى انتى قوليلى
نيرة بكسوف : اصل يعنى يا طنط فى الحقيقة
سوزان : يالهوى العيال دول حيجننونى قوم قوم يا واد انت وهى روحوا بيتكم
طارق بمرح : ياسوسو دا انتى بتفهميها وهى طيرة عملين نقول حنقعد تسع شهور تسعة بس
طارق : ايوة كده انا قولت أمى طول عمرها ذكية طلعالى
فهبت والدته من جلستها على الفور وأخذت نيرة فى حضنها وهنأتها بالحمل ثم أصرت عليها ان تصعد الى غرفتها لتستريح تماما.
طارق : ايوة كده يا ماما انا جبتها هنا عشان عارف انك حتمشيها ع العجين متلغبطوش
نيرة : كده يا طارق سامعه يا طنط
سوزان : سيبك منه تحبى اخليه يروح يقعد هناك لوحده
نيرة وبسرعة شديدة : لالا انا مقدرش استغنى عنه
سوزان بإبتسامة عريضة : مش ده اللى كنتى لسه بتشتكى لى منه
نير وقد احمر وجهها : اشتكى منه اه لكن يبعد عنى لا
طارق : شوفتى يا ست ماما مراتى حببتى مش انتى اللى بتعاملينى معاملة مرات الاب
والدته : بقه كده يا طارق طيب . بصى بقه انا عوزاكى ترتاحى خالص خالص ومراد انا اللى حشوف كل طلباته
نيرة : بس انا مش عوزو اتعب حضرتك
تتعبينى دا ايه دا انا ما صدقت انه حيبقه معايا ليل ونهار حبيب قلبى
طارق : يادى النيلة اللى عمرى ما سمعت منك الكلام الحلو ده مش بقولك انتى مرات ابويا مش امى
والدته : ماتصدقهوش دا انا ياما دلعته بس اوقات كتير كنت بشد عليه عشان يطلع راجل ويتحمل المسئولية
طارق : شوفتى اديكى اعترفتى
نيرة : بس حقيقى ياطنط ونعمة التربية طارق راجل بمعنى الكلمة من يوم ما عرفته سواء فى الكلية أو فترة زملاتنا فى الشغل وبعد جوزنا عمره ما حسسنى انى بعيدة عن اهلى كان هو كل اهلى واصحابى وكل شىء ليا ربنا ما يحرمنى منه
وفاجأة دمعت عيناها. فجلس طارق بجوارها وأخذ رأسها فى صدرة وهو يقول
ولا يحرمنى منك ابدا يارب
والدته : احم احم لا كده انا اخد مراد بقه واخرج عشان مبقاش عزول
فضحك الاثنان وقال طارق : ياريت يعنى
والدته : بقه كده يا طارق
نيرة بخجل : لا يا طنط خليكى قعدة معانا
والدته : لا بجد انا لازم انزل اشوف بقه اخبار الغدا عشان اوضبلك احلى غدا انهاردة آه صحيح اقول لسليم ولا حتقوله انت لما يجى ع الغدا
طارق : لا خليه يتفاجأ بينا وبالنون الجديد ع الغدا
ماشى يلا اسبكم ترتاحوا بقه
نيرة : ايه اللى انت عملته ده
ايه امى وانا حر معاها ملكيش دعوة هى اصلا طيرة من الفرح عشان ابنها ومراته بيحبوا بعض دى كان نفسها فى كده من زماااااااان
بس احرجتنى قصادها وانت وخدنى كده فى حضنك
بس كده طب اهى مشيت اخدك بقه فى حضنى من غير احراج وجذبها اليه
انت ايه ما بتصدق
ايوة طبعا مش مراتى حببتى
سليم حمدلله ع السلامة
الله يسلمك يا سوزان خليهم يحضروا الغدا بسرعة لحسن انا ميت من الجوع
سوزان : حاضر على ما تغير هدومك حيكون الغدا جهز
طرقات خفيفة على حجرة طارق فقام وفتح على الفور
ايوة يا ماما فى حاجة
يلا هات مراتك ومراد وانزلو اقعدوا على السفرة بابا جه وعوزاه يتفاجأ بيكم على الغدا
ماشى ياسوزان يا بتاعت المفاجأت
سليم : الله طارق انت هنا انت ومراتك
ايوة يا بابا انت زعلت انى جيت ولا ايه
ابدا بس اصل انت قولتلى فى التلفون ان مراتك تعبانه عشان كده انت قاعد جنبها انهارده
ايوة فعلا كانت تعبانه الصبح جدا دا انا حتى كنت بكلمك وانا رايح اجيب الدكتور
ياااه للدرجة دى خير يابنتى والدكتور قال ايه
طارق على الفور : الدكتور قالى قول لسليم بيه مبروك حتبقى جدو تانى
سليم بدهشه وفرح : ايه بجد انتى حامل يا نيرة
نيرة بخجل : ايوة يا عمو
الف الف الف مبروك ياولاد ربنا يتمم ليكم على خير خلاص انتوا حتقعدوا معانا هنا مفيش مرواح عشان سوزان تاخد بالها من مراد ونيرة
فانفجر الثلاثة فى الضحك
سليم بغضب : بتضحكوا ليه ان شاء الله
طارق : اصل احنا لمينا الهدمتين اللى حيلتنا وجينا احتلينا البيت من الصبح
سليم بفرح :كده خير ما عملتوا والله
طارق بخبث : امال بس عماله تقوليلى ابوك حيطردك ليه ياسوزان
سوزان بفزع : انا قولتلك كده ما تصدقهوش يا سليم دا بيوقع بينى وبينك
سليم بضحكه مجلجله : هو انتى حتقوليلى على طارق والعيبه والله زمان يا طارق ياااااااه يا ولاد ما تتصوروش فرحتى انهاردة اد ايه وبالمناسبة دى وعشان خاطر بقه طارق
طارق بسرعة : هاا يا بابا حتفاجأنى بأيه قول قول
سليم بهدوء : حضرتك من بكرة اللى حتدير الشركة و أنا بقه حقعد مع الواد القمر ده العب واتبسط
طارق وبسرعة شديدة : على فكرة يا بابا احنا كنا بنهزر معاك نيرة ولا حامل ولا حاجة واحنا حنتغدى ونروح بيتنا فورا
فانفجر الجميع بالضحك من كلام طارق
#ليلة_غيرت_حياتى_14
#بقلمى_إيمان
ومرت السنوات سريعا
ماما ياماما يا حببتى يا ماما
أيوة يارضوى خير يارب الدلع ده كله ليه
اممممم هو انهاردة كام فى الشهر
انهاردة كام كام تقريبا كده 31/5
ايوة يا حببتى بالظبط وبكرة يبقه كام
يبقه اكيد يعنى والعادى ان بكرة 1/6
طب اليوم ده مش بيفكرك بحاجة
حاجة . حاجة ايه؟؟؟
اليوم ده مش بيفكرك بحاجة ابدا يا ست ماما
ايه بس يا رضوى فكرينى طيب
فقالت بحزن : يعنى مش فكرة انك ولدتينى فى اليوم ده مثلا
فضحكت والدتها عن آخرها وأخذتها فى حضنها قائله : فكرة طبعا وانا اقدر انسى وبكرة حيتعملك احلى عيد ميلاد انا وبابا مجهزين كل حاجة
رضوى بدلع : بقه كده يا ست ماما
يلا بقه شوفى حتعزمى مين من صحابك
رضوى بفرح : بس كده عينية يا ست الحبايب
طيب يا بكاشة
فى اليوم التالى كانت فيلا طارق معده تماما للاحتفال بعيد ميلاد ابنته وكانت رضوى فى منتهى السعادة وهى تستقبل زملائها فى الكلية
مراد : طبعا يا ست نيرة فرحانه بدلعتك
نيرة : انتوا الاتنين نور عينيا وبعدين انا مش عرفة اعمل معاكم ايه رضوى تقولى مراد دلعتك وانت تقولى رضوى دلعتك انا مش عرفة مين فيكم دلعتى بالظبط جننتونى انتوا الاتنين
مراد : بعد الشر عليك يا جميل
اقترب منهم طارق عند هذه الجملة : ايه ده انت بتعاكس مراتى ولا ايه
مراد : اوباااااااا اهو حبيب القلب وصل
نيرة : بس يا ولد اختشى
طارق : ليه يختشى ليه هو انا مش حبيب القلب ولا ايه ؟؟؟
نيرة بضحك : طارق وبعدين معاك
طارق محدثا مراد : انا مش عارف اعمل ايه مع امك دى بقالنا اكتر من عشرين سنه جواز ولحد دلوقتى بتتكسف لو قولتلها اى كلمة حلوة ادام حد
مراد : بص انا حقولك الحل انا حشوفلك وحدة تانية تكون ما بتتكسفش ايه رأيك؟؟؟
نيرة بغضب : بقه كده يا مراد
طارق : ومين قالك ان فى اى وحدة فى الدنيا دى تملى عينى غير نيرة دى حب عمرى كله
مراد بصفير وتصفيق : الله الله يا طارق دا انت واقع لشوشتك
طارق : ايوة وانا حنكر ربنا ما يحرمنى منها ابدا
فدمعت عينا نيرة فحاوط طارق كتفها بذراعة : هو انا كل لما اقولك الكلمتين دول تعيطى
مراد : يا بابا ما ده طبع الشعب بتاعنا يفرح يعيط يحزن يعيط يسمع كلام حب يعيط شعب نكدى بطبعه 😂😂😂😂
طارق : بس يا واد انت ما تروح انت كمان تشوف حد من صحابك وسبنى استفرد بأمك
نيرة بفزع : أيه
طارق بضحك : قصدى اقف مع امك
مراد : خلاص ياسى طارق حسيبك تستفرد بالمزة بتعتك
ضربته نيرة بيدها على كتفة وهى تقول بطل الاسلوب البيئة اللى بتتكلم بيه
ضحك مراد وتركهما وانصرف يبحث عن اصدقاءه
فريدة يا حببتى انا مبسوطة اوى اوى انك جيتى انا كنت فقده الامل خالص انك تيجى
انا جيت بس عشان انتى ما تزعليش يا رضوى بس مش حقدر اقعد كتير عشان ماما لوحدها
ماشى تعالى بقه لما اعرفك على ماما وبابا
طيب
بعد اذنكم يا بنات يلا معايا يا فريدة
ماما بابا
ايوة يا رضوى
اقدملكم فريدة صحبتى الجديدة لسه متعرفة عليها السنة دى
نيرة : اهلا وسهلا بيكى يا فريدة
طارق : اتشرفنا بمعرفتك
فريدة : انا اللى اتشرفت بمعرفتكم يا عمو انت وطنط
وفى هذة الاثناء كان مراد قريبا منهم فأشارت رضوى لفريدة عليه وهى تقول : وده بقه ياستى مراد اخويا الكبير مش الكبير اوى يعنى هى سنة وحدة بينى وبينه
فقالت فريدة : اهلا بحضرتك
ثم اشارة رضوى الى فريدة وقالت : ودى بقه يا مراد فريدة صدقتى الجديدة
مرا : اتشرفت بمعرفتك يا انسة فريدة
فريدة بأدب جم : متشكرة
أخذتها رضوى من ذراعها وعادت لباقى اصدقاءهم
مراد وهو ينظر فى اتجاه فريدة ورضوى : ايه ده يا ماما بنتك شكلها حتبتدى تعقل
نيرة بغضب : بنتى عقله طول عمرها ما تقولش كده على اختك تانى
مراد : لا بجد اول مرة اشوف لها صحبه عقله ورزينة كده
نيرة : رضوى طول عمرها اجتماعية وبتحب تصاحب كل انواع البشر وبتستفاد دايما من التنوع ده فى علاقتها
مراد : طيعا مين يشهد للعروسة
فريدة : يلا بقه يا رضوى انا مضطرة امشى
كده طيب يا حببتى تعالى اوصلك لحد بره
رشا : وصلتى البرنسيسة فريدة انا مش عارفة انتى مصحباها ازاى دى
رضوى بحدة : رشا لو سمخنى محبكيش تتكلمى كده عن فريدة او اى حد من صحابى لو سمحتى لان اصحابى كلهم ناس محترمة وانا بحبهم كلهم ماشى
رشا: خلاص خلاص ياستى
طارق : ايه يانيرة هى رضوى فين من بعد عيد ميلادها وهى اختفت
نيرة : الامتحانات بدءت وانت عارف بنتك فى الوقت ده بتختفى نهائى لحد ما تخلص
مراد : ليها حق ياماما دى كلية طب مش اى حاجة ولازم تركز اوى
رضوى وبسرعة : صباح الخير يا جماعة مراد اخويا حبيبى ممكن توصلنى فى سكتك
مراد : ليه وعربيتك فين
عربيتى عند الميكانيكى عطلت منى امبارح وسيباها عنده يصلحها
أمرى لله يلا ياستى
وعلى فكرة حنفوت على فريدة ورشا نخدهم فى سكتنا
نعم ياختى ليه اكونش السواق ابخصوصى ليكى انتى وصحابك
رضوى بمسكنه : معلش بقه اصلى اتفقت معاهم امبارح اخدهم على سكتى قبل ما العربية تعملها وتعطل
طيب يلا ادامى يا مغلبانى
ربنا يخليك ليا يا اخويا يا حبيبى ياروح قلبى
ايوة ياختى مش
باخد منك غير اونطة وبس
ايه ده انتى قولتلى اننا حناخد اللى اسمها رشا دى معانا
ايوة قولتلك حنفوت ناخد رشا وفريدة
أكيد ما سمعتش لو كنت سمعت ما كنتش وفقت اوصلك اللى اسمها رشا دى ياساتر يارب دمها يلطش وفكرة نفسها ظريفة
مراد ما تقولش كده على صحبتى لو سمحت
خلاص ابعديها عنى وخليها تبطل تستظرف عليا بدل ما ازعلهالك
يابنى بتهزر معاك فيها ايه دى
هزرها بايخ ومش بتنزلى من زور انا حر بقه وبعدين فكرها بالاستظراف بتاعها ده حتلفت نظرى
يسلااااام يعنى أحمد عز ياخى
لا ياختى مراد طارق سليم اللى مفيش منى ولا زى
طيب يا عم المغرور
يلا ياختى ادينا وصلنا عند الظريفة شورلها تيجى تركب
مراد بطل بقه اهى جاية علينا.
رشا : صباح الخير يا مراد عامل ايه وازيك واخبارك ايه
مراد ببرود : اهلا
اسرعت رضوى تقول : عملتى ايه فى المادة بتاعت انهاردة
المادة دى صعبة اوى ربنا يستر بقه بس انا متفائلة خير عشان شوفت مراد قبل الامتحان
رضوى بسرعة : استنى استنى يا مراد بيت فريدة اهو هرن لها عشان تنزل
نزلت فريد على الفور وركبت معهم : صباح الخير يا جماعة ، صباح الخير يا أستاذ مراد
مراد : صباح الخير يا أنسة فريدة
صباح الخير صباح الورد صباح الفل يا ماما
صباح الخير يا رضوى ياترى االحب ده كله ليه
بحب فى مامتى فيها حاجة دى
لا مافيهاش بس يلا قولى الطلب بتاعك
امممم اعمل ايه بس مامتى وفهمانى
يعنى فى طلب طب يلا قولى ايه هو
حنروح شرم امتى بقه
على طول كده دا انتى لسه مخلصه امتحان امبارح
اهو قولتيها بنفسك
قولت ايه ؟؟
يعنى من اكتر من شهر وانا مذكرة وكورسلت وامتحانات يعنى عوزة اغير جو بقه
خلاص خلاص حقول لبابا واشوف حيقولى ايه
بابا حبييى مش حيمانع طبعا
طيب يا حبيبت ابوكى
مراد :انا حجزت بعد بكرة تذاكر شرم
طارق : طب كويس كده خلى رضوى تبطل زن على دماغى
رضوى : كده برضو يا بابا انا زنانه
مراد : هو انتى يتعرفى تعملى حاجة غير الزن على دماغنا
رضوى : شايفة يا ماما بيقول عليا ايه عشان دايما بتقولى انى أنا اللى بجر شكله
نيرة : انتوا ما تبقوش كويسين وبصحتكم لو ما شكلتوش بعض كل يوم تتعبوا يا حرام
فانفجر مراد ورضوى فى الضحك ومعهم طارق
طارق :تصدقى صح
رضوى : نعملك ايه يا ست ماما ما انتى اللى جبتينا فوق روس بعض
مراد :المهم بقه تجهزوا نفسكم عشان السفر واتمنالكم رحلة سعيدة
نيرة : تتمنالنا ليه هو انت حتقعد هنا معى بابا فى الشركة
لا ياست ماما بابا حيسافر معاكم وانا اللى حمشى الشغل هنا
رضوى بفرح : بجد يا بابا حتكون معانا المرة دى
ايوة مراد صمم انه هو اللى يقعد فى الشركة وانا اللى اسافر معاكم
نيرة : انا نفسى مرة وحدة حتى نسافر كلنا سوا
طارق : وانا كمان من بعد وفاة بابا الله يرحمه واحنا ما سفرناش كلنا مع بعض كان هو اللى دايما يقولى خد مراتك وولادك وسفروا اتفسحلكو يومين
مراد ورضوى معا : الله يرحمه جدو سليم كان طيب اوى
نيرة بحزن : الله يرحمه هو وجدتكوا سوزان كنت بحس معاهم انى مع بابا وماما بالظبط هما اللى خففوا علياكتير وفاة ماما وبابا وكانت وفاتهم هما بقه اللى صدمه ليا
طارق : انتوا قلبتوها نكد ليه كده يلا ياسعادة البيه على شغلك عشان انا ابتديت الاجازة بتعتى من انهاردة
مراد : ايه لا انا بقول اسافر احسن اصلى لسه معرفش امشى الشغل لوحدى
فانفجر الجميع فى الضحك
انا مبسوطة اوى يا ماما اننا مسفرين طيران المرة دى ومبسوطة اكتر عشان بابا معانا عشان لما اخرج مع اصحابى متبقيش لوحدك تقعدى بقه مع بابا وتستعيدا ذكرياتكم الجميلة
بقه كده يا ست رضوى. قوليلى بقة مين من صحباتكةحيكون هنا السنادى
رشا حتوصل بكرة وسلوى كمان يومين
طب وصحبتك الجديدة دى مش جاية
مين فريدة لا فريدة مش من بتوع شرم اصل يعنى ظروفها المادية ما تسمحش بس هى بنت مجتهدة وذكية ومحترمه عشان كده انا بحبها اوى
اكيد طبعا الظروف المادية ما تعبش حد وفعلا انا شايفة انها بنت محترمه زى باقى اصحابك وزى بنتى حبيبتى قلبى
رضوى بمرح : يسلااااام لو مراد هنا وسمعك وانتى بتقولى بنتى حبيبت قلبى كان ولع
بعد الشر عليه انا مش عرفة امتى بس حتبطلوا تبقوا زى القط والفار
انا مالى هو اللى بيغير منى
اه هو بيغير منك وانتى ملاك
طبعا انا ملاك بجنحات
وصلت عائلة نيرة الى شرم الشيخ ومن لحظة وصولهم تركتهم رضوى وذهبت للبحر الذى تعشقه ولم تدرى كم مر عليها من الوقت الى ان تفاجأت بموبايلها يرن : ايوة يا ماما فى حاجة
ايه يا بنتى مش حتيجى تتغدى معانا ولا ايه انتى مصدقتى تلاقى البحر
البحر روعة يا ماما روعة حتغدى وارجع تانى
طيب بس تعالى اتغدى الاول لحسن انا وبابا جوعنا اوى
حاضر يا حببتى سلام
اثناء انهائها للمكالمة كانت تسير غير منتبهه فدون ان تشعر اصتدمت فى شاب
أنا أسفة ما أخدتش بالى
الشاب : وانتى من امتى بتخدى بالك ما دا العادى بتاعك طول عمرك
فردت رضوى بغضب ونظرة نارية :نعم . هو حضرتك تعرفنى قبل كده
الشاب : طبعا . ثم أكمل بطريقة مستفزة ، صحيح يعنى انتى كبرتى شوية واحلويتى حبتين بس برضو لسه فكرك ما انا مقدرش انسى الوش الحلو ده ابدا
رضوى وبمنتهى الغضب : انت بتستهبل صح
فانفجر الشاب فى الضحك قائلا : معقول وقفة تتكلمى معايا كل ده وبرضو ما فتكرتنيش
مفتكرتكش ومش عوزة افتكرك كمان
وأخذت تعدو من امامه بسرعة
فرفع الشاب صوته قائلا :طب ابقى قولى لمراد انى قبلت عاصم ومفتكرتوش وسلميلى عليه
تسمرت رضوى مكانها بمجرد ان سمعت الاسم والتفتت تقول له فى دهشة : عاصم
فسار اليها ببطئ وهو يقول بإبتسامه عذبة : ايوة عاصم يا رضوى للدرجة دى نسيتينى
فقالت فى خجل : شكلك اتغير وبقاالى كام سنة ما شوفتكش كنت حفتكرك ازى يعنى
بس لسه زى مانتى متسرعة ومتهورة
شكرا بس على فكرة انت اللى ابتديت بداية غلط اساسا فيها ايه يعنى لو كنت قولتلى من الاول انك عاصم
يابنتى انا كنت فكرك بتهزرى فى الاول وعمله نسيانى
خلاص خلاص حصل خير انا مضطرة اسيبك دلوقتى عشان ماما وبابا مستنينى ع الغدا
كده طيب بس كنت عاوز اعرف اخبار مراد واخباركم كلك
طب بقولك ايه ما تيجى تتغدى معانا
مش حقدر عندى شغل قريب من هنا
طب خلاص انا حتغدى وارجع هنا لو حابب تعرف اخبارنا
طيب حروح بس اظبط شوية حاجات فى الشغل وارجعلك سلام
سلام
#ليلة_غيرت_حياتى_15
#بقلمى_إيمان
حمدلله ع السلامه ياست رضوى كل ده ع البحر
معلش يا ماما انا عارفة انى اتأخرت ياحببتى بس مش حتصدقى انا شوفت مين
مين ؟؟؟
فكرة يا ماما وانت يابابا عاصم صاحب مراد
طارق : ايوة طبعا وده يتنسى دا كان هو ومراد مش بيفرقوا بعض ابدا
نيرة : ايوة يا طارق فاكر كمان مراد زعل اد ايه لما ولدة صمم انه يسافر يكمل تعليمه بره
رضوى : اهو انا قبلته انهاردة عند البحر شكله خلاص رجع يعيش هنا
نيرة : كده دا مراد حيفرح اوى لما يعرف
رضوى : طب يلا بقه عوزة اتغدى
طارق : تحبى تطلبى حاجة معينه ولا اطلبلك زى انا وماما
رضوى : لا حاكل زيكم
ايه ده ساعة بتتغدى ايه يابنتى كل ده مع انك رفيعة بتودى الاكل دا كله فين
رضوى : يا ساتر يا ساتر هو انا اخلص من مراد تطلع لى انت
عاصم : صحيح نسيت اسألك هو مراد مش معاكم
ذكى من يومك . ما هو لو مراد هنا كان زمانه جه معايا عشان يشوفك
أممممم تصدقى صح . طب مجاش معاكم ليه يا أم لسان طويل
يااااااه من يوم ما سافرت ماسمعتش الكلمة دى
ولا يهمك حتسمعيها كتير من هنا ورايح
هو انت خلاص حتستقر هنا
قوليلى الاول مراد مش معاكم ليه
لا جوبنى انت الاول
انا عارف انك حطلعى عينى ومش حعرف اخد منك لا حق ولا باطل بقولك ايه قوليلى نزلين فى انهى فندق وانا اروح اتكلم مع طنط نيرة وعمو طارق الواحد يتكلم مع الناس العقلين
يعنى مرة تقولى يا ام لسان طويل ودلوقتى عاوز تتكلم مع الناس العقلين على اساس انى مجنونه
انا اقدر اقول كده دا انتى ست العاقلين بس يلا قولى مراد فين
خلاص حقول وامرى لله مراد بعد ما خلص كلية التجارة استلم الشغل مع بابا وبقه بيعتمد عليه فى كل شىء وعشان ما ينفعش الاتنين يسيبوا الشغل سوا مراد قعد فى الشركة وبابا جه معايا انا وماما فهمت
كده طب يلا بقه روحى انا عرفت اللى كنت عاوز اعرفة خلاص
نظرت له فى ذهول ثم التفتت لتغادرة سريعا فأمسكها من ذراعها
سيب ايدى بدل ما اصوت واقول بتتحرش بيا وشوف بقه حيجرالك ايه
فتركها سريعا قائلا : اهو سبتك خلاص لحسن انتى مجنونه وتعمليها . يابنتى بهزر معاكى ما تعرفيش حاجة اسمها هزار
لا معرفش
كده طب ممكن بقه نقعد فى اى كافى شوب نشرب حاجة ونكمل كلامنا لحسن نشفتى ريقى
لا انا مروحه كفاية عليك كده
بطلى بواخه بقه تعالى اهو فى هناك واحد اهو يلا تعالى اعزمينى على عصير
نععععععععععععم اعزمك
لالالا خلاص انا اللى عزمك انتى حتلمى الناس علينا ولا ايه
اه ان كان كده يلا بينا
طب يلا ادامى
فى صباح اليوم التالى استيقظت رضوى على صوت الموبايل فنظرت بتثاقل لتجد المتصل عاصم وكان الوقت مبكرا جدا فردت على الفور : ايوة يا عاصم فى ايه
ايه ده انتى لسه نايمة يا كسلانة
لسه بدرى يا عاصم وانا فى اجازة وانت ايه اللى مصحيك بدرى كده
وهو انتى جاية هنا عشان تنامى ايه مفيش سرير فى بيتكم
لا مفيش ارتحت يابنى كنت سهرانه بليل ونمت متأخر ولسه عوزة انام شوية
يلا يلا انزلى افطرى معايا . اه صحيح إغسلى وشك الاول اوعى تنزليلى معمصه وانفجر فى الضحك
ردت بغيظ : كده طب مش حنزل يلا اقفل بدل مقفل فى وشك انا
خلاص حفطر مع طنط نيرة وعمو طارق وخليكى انتى نايمة
رضوى بسرعة : ايه ده هو انت مع بابا وماما
انا اتصلت بيهم عشان ينزلوا نفطر سوا وهما قالولى نزلين على طول يلا سلام
فقالت بسرعة شديدة : عاصم عاصم
عوزة ايه
حغسل وشى من العماص وانزلك
فانفجر الاثنان فى الضحك ثم قال عاصم : مستنيكى يا مجنونه
رضوى : صباح الخير يا جماعة
رد الجميع صباح النور
وبمجرد وصول رضوى طلب طارق الافطار
نيرة : يعنى انت خلاص يا عاصم حتستقر فى مصر
ايوة يا طنط انا تعبت اوى فى الغربة ومستحملتهاش فقررت ارجع واشتغل مع بابا
طارق : احسن كده زى ما مراد عمل معايا وهو بنفسه قرر يشيل الحمل عنى
عاصم : مراد طول عمره راجل وبيعرف يتحمل المسئولية
نيرة : طالع لطارق بالظبط فى رجولته وشهامته
رضوى بتذمر : يا عينى عليا اللى ما حد افتكرنى بكلمه حلوة اه يانى يا غلبانه
طارق : احنا بنتكلم عن الشغل والشركات . ومع كده رضوى دى روح قلبى ونور عينى انبسطى كده
رضوى بفرح : والله انت اللى حبيب قلبى يا طروقه
عاصم : عارفة يا طنط نيرة الحاجة الغريبة ان مراد كبر وعقل ورضوى لسه زى ماهية
رضوى بغضب : يعنى ايه بقه ؟؟؟
نيرة : ايه يا رضوى انتى سبتى مراد فى مصر وحتتناقرى مع عاصم
رضوى : يا ماما عاصم ومراد الاتنين نسخة طبق الاصل من بعض والاتنين بيغيروا منى
قال عاصم ضاحكا : شايفة يا طنط تحسى انها لسه فى الحضانه مش وحدة كلها سنة وتبقة دكتورة
رضوى : ايوة انا حفضل عيلة كده طول عمرى ملكش دعوة
نيرة بضحك : يا ولاد بطلوا مناقرة فى بعض
عاصم : طيب يا جماعة انا مضطر استأذن بقه عشان اروح اتابع شغلى
طارق : طيب يابنى ربنا معاك بس ابقه خلينا نشوفك
حاضر يا عمو سلام
تركهم وانصرف وفى اثناء نظر رضوى له وهو يغادر رأت رشا صديقتها وعائلتها يدخلون الفندق فهبت واقفه على الفور وهى تقول لوالدتها : رشا وصلت هى وباباها ومامتها انا حروح اسلم عليهم
ذهبت لها على الفور فأخذتها رشا بالاحضان رورو حببتى وحشتينى
وانتى كمان رشروش وحشتينى يلا بقه اطلعى كده غيرى وخدى شور وانزلى ننطلق لحد لما تحصلنا سلوى بقه وتتجمع الشلة
رشا بضيق : لا لسه يبقه فاضلنا الست فريدة
ومالك بتقوليها كده يا بنتى انا مش عارفة انتى ليه مش بطيقيها مع انها بنت كويسة جدا
مش بتنزلى من زور الحقيقة ومعرفش ليه دى حاجة بتاعت ربنا بقه اعمل ايه
بس تصدقى فكرتينى بيها وحاسه بجد انها وحشتنى انا حتصل اطمن عليها على ما تطلعى تغيرى هدومك
طيب يا حنينه
قامت رضوى بالاتصال بفريدة بمجرد ان تركتها رشا
الو فريدة صباح الخير
رضوى الحقينى يا رضوى ماما
مالها مامتك
ماما تعبانه اوى وانا مش عارفة اتصرف
طب انا فى شرم دلوقتى بس بقولك ايه اقفلى وانا حتصرف
اغلقت رضوى معها على الفور واتصلت بمراد
مراد : صباح الخير ع الناس اللى بتتفسح ونستنى خالص
رضوى بسرعة : مراد فريدة صحبتى مامتها تعبانه اوى وهى مش عارفة تتصرف ممكن تاخد الدكتور بتاعنا وتروح لها اصل هما لوحدهم وملهمش حد ارجوك يا مراد
خلاص يا رضوى اهدى بس انتى انا حروح لها فورا بس بلغيها
طيب حقفل معاك واتصل بيها على طول انت لسه فاكر بيتها
ايوة خلاص انا حروح لها على طول سلام
اغلقت رضوى مع مراد واعادت الاتصال بفريدة لتخبرها
مر مراد بسيارته على الطبيب واخذه معه لبيت فريدة والذى ما ان فحص والدتها حتى أخبرهم بضروة نقلها الى المستشفى بأقصى سرعة
وبالفعل نقلها مراد الى المستشفى بعربة الاسعاف وادخلها الطبيب على الفور العناية المركزة فقد كان ضغطها مرتفعا جدا وفى مرحلة حرجة
كل هذا وفريدة منهارة تماما بسبب حالة والدتها وأخذ مراد فى تهدئتها وطمئنتها بأنها ستكون بخير ولكنه لم يفلح
مراد : طب ولدتك فى العناية المركزة ووجودك هنا ملوش لزوم ممكن تروحى بقه ترتاحى
لالا انا مش ممكن امشى واسبها اتفضل حضرتك وشكرا على تعبك
يا فريدة الدكتور نفسه حيخليكى تمشى دلوقتى
ارجوك ارجوك يا استاذ مراد تخليه يسبنى جنبها انا مليش غيرها فى الدنيا
ححاول بس لو موفقش حروحك البيت
انا مش حمشى طول ما امى هنا
مالك يا رضوى يعنى ما خرجتيش مع رشا انا كنت فكرة حتقضى اليوم كله برا انهاردة
مليش مزاج اخرج يا ماما اصلى قلقانه اوى على فريدة ومامتها
ليه مالها مامتها
تعبت وانا اتصلت بمراد عشان يوقف معاها اصل فريدة ومامتها ملهمش حد
طب ومراد عمل ايه
رحلها ونقل مامتها المستشفى ودخلت العناية المركزة وبيقول ان الدكتور قاله ان حالتها حرجة اوى وربنا معاها دى لو جرلها حاجة فريدة مش حتستحمل
هى ملهاش حد خالص يعنى عم خال اى حد اى حد
لا يا ماما هى قالت لى انها ملهاش فى الدنيا كلها غير مامتها وبس
طب ما تقلقيش ان شاء الله خير
خلاص يا ستى الدكتور وافق انك تقعدى
متشكرة اوى يا استاذ مراد ممكن حضرتك تتفضل بقه انت تعبت اوى معانا انهارده
انتى بتطردينى
ابدا والله
طب تعالى ننزل كافيتريا المستشفى تاكلى حاجة انتى ماكلتيش حاجة من الصبح
مليش نفس والله
خلاص مش حروح ارتاح الا لما تاكلى قولتى ايه
وان كان على نفسك المسدودة ابقى ياستى بصى لى وانتى بتاكلى حتتفتح نفسك على طول
فبتسمت من طريقته
ابتسمتى يبقه وفقتى يلا بينا
يلا انا كنت فكرة ان رضوى اكتر وحدة عنيدة لكن انت طلعت اكتر منها
طبعا مش اخوها الكبير
طب يلا عشان تروح وانا ارجع لماما بسرعة
وجدت رضوى موبايلها يرن فردت : أيوة يا رشا لا مليش نفس اخرج اخرجى انتى مع مامتك وباباكى
كل ده عشان خاطر أم الست فريدة
حرام عليكى يا رشا يعنى لا قدر الله لو مامتك مكنتش حزعل برضو
بعد الشر على مامتى
شوفتى اتخضيتى ازاى وبعدين فريدة ملهاش حد خالص غير مامتها عشان كده هى صعبانه عليا
خلاص عشان خطرك انتى بس حسيبك انهاردة بس بكرة والله ما حسيبك تبوظيلى اليوم زى انهاردة انتى فهمه
طيب يا رشا ربنا يسهل سلام
سلام
وبمجرد ان اغلقت مع رشا وجدت رنه اخرى ولكن هذة المرة عاصم
مساء الخير ياعاصم
مساء النور هو انا طلبت نمرة غلط ولا ايه هى مش دى نمرة رضوى برضو
ايوة انا رضوى ايه يعنى الغريب
اصلك بتردى بهدوء ورزانه وعقل وانا مش واخد على كده
انا مش فايقة والله ياعاصم
ليه بس فى ايه يابنتى مين اللى مزعلك وانا ابوس دماغه
طب اقفل يا عاصم بدل مقفل السكه فى وشك
ايوة كده اعرف اتكلم معاكى انتى كده رضوى . ها بقه ياستى قولى يلا ايه مزعلك
اصل وحدة صحبتى مامتها دخلت العناية المركزة وحالتها حرجة
مش ممكن رضوى الطقة قلبها رقيق اوى كده مش مصدق يا جدعان
تصدق انا غلطانه انى بتكلم معاك وحقفل فى وشك كمان
فقال بسرعة : رضوى استنى بس بقولك
عاوز ايه
عاوز اقولك تصبحى على خير يا ام لسان طويل
فأغلقت فى وجهه الموبايل على الفور دون كلمة
كان ممددا على فراشه وبمجرد ان اغلقت الهاتف اخذ يضحك بشدة ثم أخذ يحادث نفسه : أيه يا عاصم ايه حكايتك مع رضوى عادى يعنى احنا طول عمرنا زى القط والفار وبحب اعكسها اوى وبحب لسانها الطويل اه بس انت من يوم ما قبلتها على الشاطىء وانت
لازقلها سواء ع البحر او فى الفندق وبعد ما بتروح تتصل بيها وتفضل ترغى معاها
اصلها مسليه وانا بحب اجر شكلها واطلع جنانها وبحب لسانها الطويل
وايه كمان ما تكمل وبتحبها كلها كده على بعضها صح
تصدق باين كده فعلا وبعدين وماله يعنى رضوى بنت محترمة متربيه كويس وجميلة صحيح لسانها طويل بس مش مشكلة حقصهولها ولا اقولك لا خليه كده دا هو اصلا اللى حببنى فيها
ايه ده دا انت بتحبها فعلا بقه
اه بحبها بس مش عارف بقه هى ممكن تبادلنى الحب ده ونكون اسرة سوا ولا لا دى دايما تقول عنى رخم بص انا ححاول اتشجع واعترف لها بحبى
خلاص اكلت اطلع بقه لماما وحضرتك اتفضل روح ارتاح
مراد : طب اتفضلى
فى اثناء خروجة من المستشفى شعر بأنه ليس من الرجولة ان يتركها وحدها فقرر ان يعود اليها
ايه ده رجعت ليه
اصل يعنى وقع منى ربع جنيه هنا فرجعت ادور عليه
نعم
بصى انا لاقيت انه ما يصحش اسيبك لوحدك واروح
بس انا مش عوزة اتعب حضرتك
لا ولا تعب ولا حاجة وياريت بلاش حضرتك واستاذ اللى عماله تقوليها من الصبح كفايه مراد ولا اسمى وحش
طب خلاص انت متعصب ليه كده
أستيقظت رضوى على صوت الموبايل : ايوة يا رشا
يلا قومى يا كسلانه وغيرى هدومك بسرعة وانزللنا
انزلكم انتوا مين اللى انزلكم
انا وسلوى
ايه هى سلوى كمان وصلت
ايوة يلا بقه مش عوزين نضيع اليوم
طيب اصبرى عليا ربع ساعة كده واكون عندك
صباح الخير يا طنط صباح الخير ياعمو
نيرة :صباح النور يا عاصم تعرف لما بشوفك بنبسط اوى بحس ان مراد هنا
ربنا يخليكى يا طنط
طارق : عامل ايه يا عاصم قربت تخلص الفندق ولا لسه
لسه ياعمو تقريبا كده شهرين ويكون كمل
طارق : ربنا معاك انا شوفته على فكرة برغم انى مليش فى الشغلانه دى بس شكله شغل فخم اوى
شوفته ازاى ياعمو وامته
كنت بتمشى مع رضوى قريب منه وهى قالتلى ان هو ده الفندق اللى انت شغال فى البنا بتاعه
كده طب ولما كنتو قريبين منى معدتوش تسلموا عليا ليه
فى الحقيقة محبناش نعطلك وتقريبا كده انت كنت مزعلها فى حاجة فقالتلى انها مش عوزة تشوف وشك
نيرة : ايه يا طارق انت بتوقع بينهم ولا ايه
طارق : الحقيقة اه عشان مطلعش انا اللى غلطان
فانفجر عاصم بالضحك قائلا : معاش ولا كان ياعمو اللى يغلطك صحيح امال فين رضوى
نيرة : رضوى انساها خالص
عاصم مستغربا ليه يا طنط
رشا وسلوى اصحبها وصلوا وهما التلاته لما بيتجمعوا فى شرم محدش بيعرف عنهم حاجة
اااه طيب انا حستأذن بقه عشان ارجع اشوف شغلى بعد اذنكم
نيرة وطارق معا : اتفضل يابنى
نيرة بتعجب : الله هو مشى على طول كده ليه انهاردة ما كل يوم بيقعد معانا بالساعة والاتنين
طارق بمكر : اصل طلبه مش موجود انهاردة
ايه ! طلب ايه انا مش فهمه حاجة
اللى سأل عنها وعرف انها مش هنا ولا هى جاية
ايه تقصد ان عاصم بيجى مخصوص عشان رضوى
أيوة
طارق انت بتتكلم جد ولا بتهزر
بتكلم جد الجد كمان
يعنى عاصم معجب برضوى تقصد
لا مش معجب
الله انت حتحيرنى ليه
مش معجب يا ستى دا واقع لشوشته
اخ منك وعرفت ازاى
من لفه ودورانه حوليها فى كل حته ودلوقتى لما وشه اتقلب لما عرف انه مش حيعرف يشوفها تانى عشان صحبها وصلوا
دا انت مش سهل ابدا
امال مش حبيب قديم ولا نسيتى
وانا عمرى اقدر انسى يا طارق
يتبع
تكملة الروايه من هنا هنا
تعليقات
إرسال تعليق