مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 #ليلة_غيرت_حياتى_1

#بقلمى_إيمان

نيرة فتاة جميلة من عائلة ميسورة الحال تعشق ابن خالتها وليد منذ طفولتها والذى يكبرها بخمس سنوات ،وكانت لا تفارقه ابدا وتقلده فى كل شىء حتى

 عندما قرر وليد دخول كلية اقتصاد وعلوم سياسية ليحقق حلمه فى أحد الايام ويصبح سفير ويلف العالم كله والذى بالفعل حققه فيما بعد.

تبنت نيرة نفس الحلم واصبحت لا تفكر فى شىء سوى الالتحاق بنفس الكلية وبالفعل حققت ما كانت تريد والتحقت بها

وبمجرد تخرجها تقدم لها وليد ليتوجا قصة حبهما والتى تعلمها كل العائلة بالزواج

بعد الزفاف سافرا معا لقضاء شهر العسل فى أكثر من دولة أوربية كما كان الاثنان يحلمان طوال عمرهما وكانت هذة الايام من أسعد وأجمل أيام نيرة ووليد معا .

وبعد انتهاء شهر العسل عاد وليد لعمله فى سفارة احد الدول العربية وعمل جاهدا لكى تعمل زوجته لتكون بجواره طوال الوقت وبالفعل حقق مراده فوليد من النوع الذى لا يتنازل ابدا عن تحقيق كل ما يرغبة.

ومر عام كامل على زواجهما وحانت اجازتهما السنوية والتى كانت تنتظرها نيرة على أحر من الجمر لرؤية والدها ووالدتها والتى كانت فى أشد الاشتياق اليهما .

عاد وليد ونيرة الى مصر وزارهم الاهل جميعا واحتفلوا بعودتهم وكان الاثنان فى غاية السعادة الى ان ذهب وليد و معه نيرة لزيارة أهلها واهله فهم يقيمون فى بيت واحد وبعد ان انتهت نيرة من زيارة اهلها صعدة معه لزيارةوالدته والتى تكون خالة نيرة 

والدة وليد : نورتوا البيت يولاد

نيرة : منور بيكى يا خالتو

خالتها : ايه يا نيرة مفيش خبر كده يفرحنى

نيرة : خبر !!! خبر ايه يا خالتو

خالتها: يعنى مش حبقة تيته عن قريب كده.

نيرة : أاااه ربنا يدينا يارب

وليد : مستعجله على ايه بس يا ماما 

امه : مستعجلة الا مستعجلة يا وليد انا نفسى يابنى افرح بعيالك ولا انتوا بقه اللى متفاقين على كده 

وليد: متفاقين على ايه؟؟؟

امه : يعنى تكونوا متفقين مع بعض ما تخلفوش دلوقت

وليد : لا طبعا احنا اساسا مفكرناش فى الموضوع ده ولا خطر على بالنا قبل كده

نيرة بسرعة : ابدا يا خالتوا احنا سيبنها على ربنا 

خالتها : يعنى ايه لا اذا كان كده ومش متفقين ع التأجيل ولا حاجة يبقه لازم يا بنتى تروحوا لدكتور وتعرفوا ايه السبب اللى خلاكوا ما تخلفوش برغم انه عدى سنة كاملة على جوزكم محصلش فيها حمل خالص

نيرة بتفهم : خلاص يا خالتو احنا حننتهز فرصة الاجازة دى ونشوف الموضوع ده

خالتها: ايوة يا حببتى ويمكن تروحوا من هنا وتطلعى حامل وانتى بتكشفى 

وانفجرت فى الضحك

وفى أثناء عودتهم لاحظت نيرة شرود وليد : ايه يا حبيبى سرحان فى ايه وانت سايق

لا ابدا يا حببتى بس أصل كلام ماما خلانى افكر فعلا فى موضوع الولاد ده اصل انا بحب الاطفال جدا ونفسى ابقه أب

خلاص يا حبييى نروح بكرة للدكتور ونشوف الموضوع ده

خلاص نروح بكرة للدكتور اللى كانت نسمة اختى بتابع عنده حملها دكتور كبير وشاطر

خلاص يا حبيبى وانا موافقة

فى اليوم التالى توجهت نيرة مع وليد للدكتور والذى ما ان بدء اولا بالكشف عليها بالسونار حتى تبدل وجهه من البشر الذى استقبلهم به الى وجه خالى من اى تعبيرات مما افزع نيرة

ايه يا دكتور هو فى حاجة مش كويسة ولا ايه

اتفضلى يا مدام نيرة بس معايا بره نتكلم على راحتنا

فهبت نيرة على الفور وأخذت تعدل من ملابسها وهيئتها وخرجت فورا وراءه

ها ايه يا دكتور عاوز تقول ايه

اتفضلى بس حضرتك اقعدى

جلست نيرة وفى مواجهتها زوجها والذى قال على الفور 

اتفضل يا دكتور اتكلم

فى الحقيقة وبعد السونار اللى عملته للمدام واضح وبشكل قاطع انها عندها عيب خلقى يستحيل معاه الانجاب أنا أسف يا جماعة بس انا لازم اكون صريح معاكم

نزل الخبر على نيرة وزوجها كالصاعقة 

ولكن وليد اظهر للطبيب تماسكه : على العموم شكرا يا دكتور السلام عليكم

وهب واقفا وسحب نيرة من يدها والتى لم تكن تشعر باى شىء حولها بعد ما قاله الطبيب

بمجرد ان ركبت نيرة السيارة بجوار وليد أخذت تبكى وبشدة فأخذ وليد فى تهدأتها وانه ربما يكون الطبيب قد أخطأ فى الكشف وانه سوف يبحث عن طبيب أخر ليطمئن ولكن محاولته باءت بالفشل فعاد بها الى البيت دون كلمه

وفى البيت جلس بجوارها يحسها على ان لا تيأس وانه سوف يبحث عن طبيب أمهر ثم قال فاجأة وبحماس

طب أيه رأيك الكام يوم اللى فاضلين فى الاجازة نسافر أمريكا ونجرى هناك فحوصات تانية وان شاء الله يطلع الدكتور ده غلطان

تفتكر تفتكر يا وليد ان الدكتور ده يكون غلط فى الكشف وانى ممكن اكون أم

فحتضنها وليد وأخذ يربت عليها بحنان وهو يقول : ان شاء الله يا حببتى إن شاء الله حتبقى أحلى أم كمان

وبالفعل سافروا الى أمريكا وهناك بحث وليد عن أحسن طبيب وذهب بنيرة اليه ولكنه للأسف أكد لهما صحة ما أخبرهم به الطبيب السابق 

فسلمت نيرة أمرها لله وعادت وزوجها الى عملهم بعد ان انتهت أجازتهم وبدء الاثنان فى ممارسة حياتهم العادية ولكن بإحساس رهيب بالرتابه والكأبة والروتينية وكثير من الجفاء فى علاقتهما كزوج وزوجة 

فكلا منهما انهمك أكثر فى عمله كى لا يزعج الاخر وخصوصا وليد والذى انهار حلمه فى ان يصبح أب 

الى أن جاء يوم تفاجأت نيرة بشيرين زميلتها فى العمل تطلب منها أن تقابلها بعد مواعيد العمل لتتحدث معها فى أمرا هام .

#ليلة_غيرت_حياتى_2

#بقلمى_إيمان

أيوة يا شيرين قولتى عوزة تتكلمى معايا فى موضوع مهم اتفضلى انا سمعه

بصراحة يا نيرة ومن غير لف ولا دوران وليد طلب يتجوزنى

نيرة بصدمة: نعم

زى ما بقولك كده يا نيرة وليد جوزك طلبنى للجواز وانا يعنى فى الاول رفضت لكن هو فضل يلاحقنى فى كل مكان جوه وبره الشغل عشان أسمعه واعرف دوافعة لانه يتجوز على مراته واللى كلنا عرفين اد ايه انتوا كنتوا بتحبوا بعض قبل وبعد الجواز

نيرة وبعدم مبالاة : اه وبعدين

يعنى بعد الملاحقات الكتيرة منه اضطريت انى أسمعه وعرفت يعنى 

قاطعتها نيرة على الفور : ان السبب انى مبخلفش ومش حخلف صح

فى الحقيقة ايوة ووليد يعنى زى اى راجل نفسه برضو فى اولاد وعاوز يكون اب

طب خلاص على خيرة الله هو شرحلك وواضح انك وافقتى والا مكنتيش تقعدى معايا القعدة دى ، شكرا طبعا ليكى انك عرفتينى بعد إذنك

شيرين بابتسامة صفراء : انتى زعلتى ولا ايه يا نيرة

نيرة وبكل هدوء : ابدا هو فى وحدة تزعل برضو وجوزها بيتجوز عليها يلا حلال عليكى وليد يا شيرين لايقين على بعض والله

وتركتها وانصرفت على الفور

وبمجرد ان ركبت سيارتها وبدءت فى قيادتها تذكرت شيرين والتى كانت زميلة وليد فى الجامعة وتعلم جيدا كيف كانت شيرين تقسم لصديقاتها ان وليد لن يفلت من يدها وكيف كانت تحاصره فى كل مكان يذهب اليه لتوقعة فى شباكها حتى بعد معرفتها لحبه وتعلقه الشديد بنيرة لم يثنيها ذلك عن محاولتها المستميته للارتباط به

بس اهو فوزتى بيه فى الاخر يا شيرين

وانفجرت فى البكاء الى ان وجدت نفسها امام عمارتها فجففت دموعها واستعادة قوتها لانها رات سيارة وليد امام العمارة وهى لا تريد ابدا ان تظهر ضعفها امامه وانها ستكون هى المبادرة والبادئة اليوم 

سترمى كل شى وراء ظهرها غير أسفة

صعدت نيرة وبمجرد ان فتحت الباب وجدت وليد جالسا واضعا راسه بين كفيه فقالت وبكل هدوء

ايه يا استاذ وليد مستنى نتيجة المقابلة واكملت بسخرية ما شكلكم كده متفقين على كل شئ

وليد بأسف : نيرة أنا

أنت . أنت أيه أنت واحد عاوز يخلف ويبقه أب وليك حق محدش يقدر يغلطك . اما انا بقه فطلقنى ودلوقتى حالا

نيرة انتى بتقولى ايه دا لا يمكن يحصل أنا بحبك فهمه يعنى أيه بحبك

أسفة مش فهمه ومش عوزة افهم كمان تتجوز اه معنديش اى مانع وماتفرقش معايا حتى شيرين من غيرها لكن افضل انا كمان على زمتك اهو ده اللى مش ممكن يحصل ابدا ولو رفضت الطلاق مش حتخلى ادامى حل الا انى أخلعك وده اخر كلام عندى 

لم ينطق وليد بأى شىء فهو يعلم نيرة منذ الصغر ليس لها فى اللف والدوران ولا يستطيع أحد ان يثنيها عن رأيها أبدا ، فغادر وليد البيت وتركها لعلها تهدء قليلا ليتفق معها على ما سيتم بينهم فى الايام القادمة 

تعمد وليد ان يتأخر فى العودة لتكون نيرة قد نامت ولكنه تفاجأ بها جالسه تنتظره وبمجرد دخوله سألته عن ترتيبات الطلاق

نيرة الوقت متأخر دلوقتى بكرة نتكلم 

مفيش بكرة مش حنام الا لما نتفق على كل شىء

نيرة حنتفق على كل شىء فى مصر وحعملك هناك كل اللى انتى عوزاه كده كده الاجازة قربت وكمان

وكمان أيه يا وليد فى أيه تانى

وكمان شيرين طلبت منى ان مفيش اى كلام فى الجواز الا مع أهلها فى مصر

آه بنت أصول والله عندها حق بس لحد بقه ما نرجع مصر انت فى حالك وأنا فى حالى سواء فى الشغل او فى البيت مفهوم 

وتركته وانصرفت 

مرت الايام سريعا وعادت نيرة ووليد الى مصر وبمجرد خروجهما من المطار قالت له : أنا حروح على بيت بابا

وليد : اللى تشوفيه يا نيرة

فستوقفت نيرة تاكسى وانطلقت على الفور الى منزل والدها وما ان رأت والدتها حتى ارتمت فى أحضانها وأخذت تبكى دون توقف

ايه يا حببتى فى ايه يا نيرة وفين وليد ايه اللى حصل بس 

نيرة وبعد أن تماسكت قليلا : أنا ووليد خلاص يا ماما حنطلق

ايه انتى بتقولى ايه

ايوة يا ماما وليد حيتجوز وحدة زملتنا فى الشغل وانا طلبت منه الطلاق

حيتجوز وحيطلقق ليه هو فى ايه بالظبط

أصل فى حاجة احنا كنا مخبينها عليكم انا ووليد ودلوقتى لازم الكل يعرفها احنا لما روحنا للدكتور قالى انى عندى عيب خلقى مش حيخلينى اقدر أخلف ابدا

وانفجرت فى البكاء مرة أخرة فإحتضنتها والدتها وأخذت تبكى معها هذة المرة وتربت على ظهرها علها تهدء

ثم قالت لها وهى تدعى القوة : خلاص يا حببتى دا قدر ربنا وربنا مش بيعمل لينا الا كل خير ولا تزعلى نفسك انا حكلم ابوكى وحنقعد مع وليد وأمه وحنخلص الموضوع ده ولا تشغلى بالك

وبالفعل جلست عائلة نيرة مع عائلة وليد وتم الطلاق بكل هدوء

شيرين : ها يا وليد يعنى خلاص كده طلقت نيرة

ايوة يا شيرين كل شىء انتهى انهاردة

ومالك حزين اوى كده ليه

ايه يا شيرين دى بنت خالتى ومراتى وعشرة عمرى كله قبل كل شىء

خلاص يا حبيبى كانت مراتك ودلوقتى كل شىء بينكم انتهى وربنا عوضك بأحسن منها وحتكون اب قريب ان شاء الله

ان شاء الله طب شيرين انا حقفل دلوقت عشان عندى مشوار مهم وحكلمك بعدين سلام

جلست شيرين وعلى وجهها ابتسامة النصر فأخيرا حققت مبتغاها وفازت بوليد وأخرجت نيرة من حياته وبدون رجعه

فى الوقت التى جلست نيرة تفكر فى مستقبلها والايام القادمة وماذا ستفعل بها فقررت ان تطلب نقلها من عملها الى اى مكان اخر فهى لا تستطيع العمل فى مكان واحد مع وليد وشيرين

وبالفعل طلبت نيرة نقلها من السفارة التى تعمل بها الى اى سفارة اخرى وتم نقلها الى سفارة احد الدول الاوربية 

وبمجرد ان جاءها الرد قطعت أجازتها وسافرت لاستلام عملها الجديد حتى لا تحضر حفل زفاف وليد فقد صممت شيرين على اقامة حفل زفافها فى افخم الفنادق لانه اول زواج بالنسبة لها وهى تريد ان تفرح بزواجها ومن جهه أخرى تعكر صفو نيرة ولذلك لم تعطها نيرة فرصة للنيل منها .

#ليلة_غيرت_حياتى_3

#بقلمى_إيمان

فى اول يوم عمل لنيرة بالسفارة الجديدة التقت بطارق كان زميل لها بالكلية وكان من الشخصيات المحترمة والمهذبة جدا فى تعامله معها او اى زميلة أخرى

مش ممكن نيرة ازيك عاملة ايه

الحمد لله يا طارق انت اخبارك ايه

بخير الحمد لله أيه انتى اتنقلتى معانا هنا

ايوة

طب ووليد هنا معاكى ولا أيه 

ارتبكت نيرة من سؤال طارق عن وليد ثم قالت وبكل ثبات : انا ووليد خلاص كل واحد راح لحاله

طارق وبذهول من المفاجأة : ايه انفصلتى انتى ووليد مش ممكن معقول انا مش مصدق اللى انا سمعه ده

ايه كل ده عادى يعنى 

لا طبعا مش عادى يابنتى دا كلنا كنا عرفين اد ايه انتوا بتحبوا بعض 

عندك حق بس اهو ده اللى حصل قدر الله وما شاء فعل

ونعم بالله . المهم نورتى مكانك الجديد وان شاء الله تنبسطى معانا

انا متفائلة خير خصوصا انك انت اول حد اقابله فى اول يوم ليا هنا

انا متشكر اوى ياستى على المجاملة دى

لا ابدا يا طارق انت فعلا من الناس اللى بعتز جدا بصدقتهم

ربنا يخليك يارب

وعلى الجانب الاخر تم زفاف وليد على شيرين والتى شعر معها ومن اول يوم انه خسر كثيرا بزواجة منها وطلاقه لنيرة ولكنه اقنع نفسه بأنه عندما سيصبح أب سينسى تماما كل شىء وستحلو الحياة

مر أربعةأشهر على انفصال نيرة وكانت هذة هى أخر ايام العام الميلادى فجلست نيرة تتذكر وليد عندما علمت ان السفارة سوف تقيم للجالية المصرية حفل رأس السنة فى أحد الفنادق  وأنها ستكون من منظمين هذا الحفل فلأول مرة ستقضى هذة الليلة دون وليد ففتحت الحاسوب وفتحت به احد الفولدارات وتنقلت بين الصور التى كانت تجمعها ووليد فى مثل هذة الليلة والدموع تنساب من عينيها وراحت تفتح صفحته على الانستجرام لتجد ما لم تتخيله او تتحمل رؤيته

فقد وجدت صورة حديثة لوليد وهو يحتضن شيرين والتى يظهر عليها الحمل بصورة جلية فأغلقت نيرة الحاسوب والهاتف تماما وأخذت تبكى بشكل هستيرى الى ان راحت فى النوم

فى اليوم التالى ذهبت نيرة الى الفندق للاطمئنان على ترتيبات الحفل وان كل شىء على ما يرام

بدء الحفل بالموسيقى والغناء وبعض الرقص الشرقى والغربى 

فلما وجدت نيرة أن كل شىء يسير بسلام جلست على أحد التربيزات فى ركن بعيدا نوعا ما عن الصخب وشردت قليلا فى ذكريات هذة الليلة مع وليد .

لتفيق على أحد رواد الحفل وهو يسألها إذا كانت تسمح له بالجلوس معها لان المكان كله مزدحم للغايه

اتفضل حضرتك اقعد

انا متشكر ليكى اوى . ممكن أسأل حضرتك سؤال

اتفضل

هو ليه حضرتك مكشره اوى كده مع اننا فى حفلة وبداية سنة جديدة يعنى المفروض اننا ننهى اليوم ده بسعادة عشان يبقه اللى جاى سعيد إن شاء الله

اجابته نيرة بسخرية : اللى جاى

مال حضرتك بتقوليها بسخرية كده

معلش اصلى مش شايفة اللى جاى ده خالص ولا مهتما بيه أساسا

اسمحيلى يعنى اقولك مهما كان اللى حصلك واللى انا معرفوش مش زى اللى حصلى ولا فى حجمه ومع كده ادينى عايش ومبسوط ومتفائل كمان باللى جاى . تسمح لى احكى لحضرتك قصتى 

اتفضل

لم تدرى نيرة لما سمحت لهذا الغريب بالحديث معها او بماذا ستفيدها قصته ولكنها انصتت له

بصى ياستى انا كنت من عيلة كبيرة وحبيت بنت من عيلة يعنى متوسطة او تحت المتوسطة كمان ولما قولت لاهلى انى عاوز اتجوزها الدنيا ولعت زى الافلام الابيض واسود كده لو اتجوزتها حنحرمك من الميراث  ولا انت ابنى ولا أعرفك

فبتسمت نيرة من طريقته فى الحديث وقالت : انت بتتكلم جد

والله زى ما بقولك كده بالظبط هو ده اللى حصل وانا كنت شاب طايش وقولت عليا وعلى اعدائى انا حتجوزها واللى يحصل يحصل

وبعدين

اتجوزتها وعشت معاها فترة حلوة اوى اوى عشنا احلى عيشه اه اهلى قطعونى بس انا كنت من وقت كبير بشتغل مع والدى وهو كان بيدينى وقتها فلوس من غير حساب فكنت بشتغل بيها شغل لحسابى الخاص يعنى تقدرى تقولى كده انى كنت ميسور الحال اشتريت فيلا صغيرة كده وفرشتها وعشنا فيها احلى ايام 

والجزء الباقى كنت بضارب بيه فى البورصة وكنت حريف اوى فى الشغلانه دى اعرف ابيع امتى واشترى امتى وكده يعنى المهم ياستى محتجناش لحد اساسا

شهر واتنين بدءت اشجع اصحابى انى اخد منهم بعض مدخرتهم واضارب لهم بيها فى البورصة معايا وفعلا كتير منهم وفقوا وجمعت مبلغ محترم المهم حطيت المبلغ كله فى أسهم كنت ضامن 100% انهم حيكسبوا ضعفين المبلغ اللى اشترتهم بيه لكن اللى حصل انهم خسروا وخسرت معاهم كل شىء مراتى وبيتى وصحابى كله كله خسرت كل حاجة دا غير اهلى اللى كنت خسرتهم من الاول

طب خسرت اصحابك مفهومه لكن مراتك وبيتك مالهم ومال اللى حصل فى البورصة

ما انا لما خسرت الفلوس كان اصحابى وخدين عليا شيكات ووصولات امانه فتحجز على الفيلا واتباعت وكل فلوسى راحت والهانم اللى كنت فكرها اول وحده حتوقف جانبى بالعكس اول وحدة اتخلت عنى وسابتنى لما لقت انى حرفيا بقيت على الحديدة لا بيت ولا شغل ولا عارف اصرف عليها لا وأيه طلبت الطلاق وتانى يوم خلصت فيه العدة كانت متجوزة واحد صحبى شوفتى احلى من كده وانفجر فى  الضحك 

انت بجد غريب بعد كل ده بتضحك

أيوة طبعا لان برغم كل شىء عرفت ان أهلى كانوا على حق وانهم عرفوها على حقيقتها ومن اول لقاء وان انا بس اللى كنت مغفل وعشان كده مستسلمتش للى كنت فيه ابدا انسان محطم فقد كل شىء مش لاقى مكان اسكن فيه ولا حتى لقمه اكولها والكل اتخلى عنى قويت نفسى بنفسى ورجعت أقف على رجلى من تانى ورجعت كل شىء زى الاول واحسن 

ودلوقتى احب اقولك برغم من اى شىء وحش عشتيه او بتعشيه تقدرى دلوقتى تبدءى من جديد وتوقفى على رجلك والضربة اللى متموتش بتقوى انتى اقوى من اى حد من اى شىء صدقينى 

نيرة : صحيح احنا متعرفناش ببعض

ملوش لزوم كده أحسن أنا كان نفسى من زمان أحكى حكيتى لحد مايعرفنيش عشان لا يشفق عليا ولا يشمت فيا وحضرتك حققتى لى الامنية دى ومتشكر اوى ليكى 

وفى هذة الاثناء اطفأ الفندق الانوار وبدء العد التنازلى لبدء العام الجديد.

#ليلة_غيرت_حياتى_4

#بقلمى_إيمان

فجأة شعرت نيرة بضوء شديد فأفاقت من نومها على ضوء الشمس الذى يملاء الغرفة فنظرت حولها بفزع

ايه ده انا فين ؟!! ايه المكان ده 

وقامت على الفور من الفراش لتبحث عن اى شىء يدلها فوجدت ورقة على الطاولة بمنتصف الغرفة ففتحتها على الفور لتقرأ ما يلى

                  عزيزتى التى لم اعرفها

                       صباح الخير

مش عارف فى الحقيقة أشكرك ولا أعتذرلك

أشكرك عشان لما حكيت ليكى حكايتى كلها وبدون خوف او كسوف حقيقى أرتحت

ولا أعتذر لك عشان اللى حصل ما بينا ده واللى أقسم لك انى مكنتش اقصده ولا عارف ده حصل ازاى 

أسف بجد وشكرا 

    R.K

جلست نيرة مكانها على طرف الفراش ولم تدرى ماذا تفعل وما حدث وكيف لها ان قضت ليلتها مع هذا الرجل وأخذت تسترجع سريعا كل ما حدث كل ما قاله كل ما قالته كل شىء كل شىء لكنها لم تتذكر ابدا كيف صعدت مع هذا الرجل الى غرفته وقضت الليلة معه فأخذت تبكى بشكل هستيرى الى ان سمعت طرقات على الباب فجففت دموعها وارتدت ملابسها سريعا وفتحت الباب لتجد عاملة تنظيف الغرف فخرجت وتركت لها الغرفة ونزلت سريعا وركبت سيارتها والتى كانت تركتها بالامس فى جراج الفندق وذهبت على الفور الى منزلها فتوجهت فور دخولها الى دورة المياة وأخذت دوشا دافئا واغتسلت وخرجت ففرشت سجادة الصلاة وأخذت تصلى وتستغفر وتبكى الى أن هدئت قليلا

فى اليوم التالى قررت نيرة أن تتجه الى عملها وتنسى او تتناسى ما حدث وتنشغل تماما فى عملها وبالفعل انهمكت فى العمل بكل طاقتها واذا لم تكن بالعمل كانت تخرج للتنزه مع بعض زميلاتها فى العمل او بعض اصدقاءها التى تعرفت عليهم فى هذه البلد وأصبحت تقضى معظم وقتها بينهم

وفى يوم وهى تغادر عملها شعرت بدوار شديد كادت ان تسقط مغشيا عليها لولا ان لحق بها طارق وأمسك بها

ايه يا نيرة مالك

مش عرفة ياطارق انا كنت كويسة جدا وفاجأة حسيت ان الدنيا بتلف بيا

طب تعالى اروحك البيت ترتاحى 

لا متشكرة ما تتعبش نفسك

لالا مش ممكن تروحى لوحدك وانتى بالشكل ده و كمان تسوقى عربيتك وانتى دايخة

فستسلمت نيرة لطلب طارق توصيلها بعد ان شعرت انها فعلا ليست على ما يرام

يلا ياستى وصلنا اهو اتفضلى والف سلامة عليكى

الله يسلمك ياطارق ومتشكرة اوى ليك

لا شكر على واجب

وبمجرد ان فتحت نيرة باب السيارة ونزلت منها وقعت على الارض مغشيا عليها فنزعج طارق بشدة وخرج على الفور من سيارته وحملها الى الداخل مرة اخرى واتجه بها الى أقرب مستشفى

أيه ده أنا فين . طارق انا فين ياطارق

أنتى فى المستشفى يا نيرة 

مستشفى . ليه هو ايه اللى حصل

اصلك بمجرد ما نزلتى من عربيتى اغمى عليكى فانا معرفتش اعمل ايه فجبتك على المستشفى هنا عشان هما بقه اللى يتصرفوا

طب والدكتور يعنى قال عندى ايه

فنظر طارق الى الارض ولم يجد ما يقوله لها

فقالت بانزعاج شديد : طارق رد عليا فى أيه  الدكتور لما كشف عليا قالك أيه

الدكتور بعد لما كشف عليكى وعملك تحليل 

سكت ولم يقدر على التفوه باى كلمة اخرى

أيه يا طارق هو قال ايه هى حاجة خطيرة اوى للدرجة دى عشان كده مش عاوز تصارحنى بيها خلاص انده الدكتور اندهوا وهو يقولى يا طارق

أهدى يا نيرة اهدى مفيش حاجة خطيرة ولا حاجة 

أمال مش عاوز تقولى ليه

نيرة  الدكتور قال إنك حامل

#ليلة_غيرت_حياتى_5

#بقلمى_إيمان

لم تنطق نيرة باى كلمه بالاضافة للذهول الذى ظهر عليها وفاجأة غابت عن الوعى للمرة الثانية 

فنطلق طارق يبحث عن الطبيب فجاء معه على الفور والذى أخبره بأنها أصيبت بصدمة شديدة وانه عليه أن يتركها فى المشفى الى أن تتعافى فهى فى وضع صعب بسبب انها حامل فى الشهور الاولى ولا يمكنه ان يعطى لها اى دواء قد يؤثر على الجنين

عاد طارق الى منزله لا يشغله شئ سوى نيرة وحالتها وكيف لها أن تكون حامل وهى مطلقة من عدة أشهر بالاضافة أنها مشهور عنها انها لا تصاحب الرجال فهى تتعامل مع الجميع بلطف ولكن فى حدود الزمالة وفقط وهو يعرفها من سنين عديدة انسانه محترمه وفى غاية الالتزام فكيف حدث ذلك وكاد ان يجن من كثرة التفكير

فى اليوم التالى ذهب الى العمل وقدم لها على إجازة بسبب مرضها ثم بعد انتهاء العمل توجه الى المشفى للاطمئنان عليها فوجدها بدءت فى استعادة وعيها وحالتها أحسن بكثير من الامس

أراد أن يتحدث معها فى موضوع الحمل ولكنه خشى عليها ان تفقد الوعى مرة اخرى فلم يحدثها فى شىء غير أنه سالها عن صحتها واخبرها بأنه قدم لها على إجازة من العمل.

خرج صوتها مترددا : طارق انت متأكد ان الدكتور قالك انى حامل متاكد من الكلام ده

نيرة انا مصدقت انك فوقتى وبدءتى تتحسنى خلينا نأجل اى كلام بعدين

لا يا طارق أرجوك جوبنى

ايوة يا نيرة الدكتور عملك تحليل ولا اسمه ايه ده اختبار وطلع ايجابى دا حتى افتكرنى جوزك وقالى بكل فرح مبروك

فانفجرت نيرة فى البكاء فاجأة فنزعج طارق بشدة وقال : ايه يا نيرة انده الدكتور ولا ايه بلاش تعملى فى نفسك كده 

فأجابته بسخرية : تعرف يا طارق وليد طلقنى ليه

لا معرفش انتى ماقولتيش على سبب انفصالك وانا مسألتش لانى مش بحب ادخل فى شىء ما يخصنيش

وليد طلقنى بعد الحب دا كله اللى كان بيينا لما الدكاترة اكدت لنا انى عندى عيب يمنعنى من الخلفة نهائي

فقال طارق بذهول : ايه انتى بتقولى ايه ازاى يعنى مينفعش تخلفى نهائي وازاى انتى حامل دلوقتى

عشان كده انا مش مصدقه ومش قدرة اصدق كمان انا حسه انى بحلم

فسكت طارق قليلا ولم يجيب ثم قال فاجأة : طب انا حخلى الدكتور يعيد التحليل ده تانى عشان نتأكد

بالفعل ذهب طارق للطبيب والح عليه فى اعادة الاختبار الذى اجراه فى السابق ، فانصاع الطبيب لطلبه برغم من أنه كان واثقا تمام الثقة من الاختبار السابق 

وللمرة الثانية تظهر النتيجة إيجابية 

ها يا نيرة صدقتى

نيرة بذهول : سبحان الله انا مش عرفة اقول غير كده

طارق وبرتباك شديد : نيرة انا فى سؤال حيجننى من وقت ما الدكتور بلغنى فى أول مرة بخبر الحمل

نيرة باستسلام : عرفة ياطارق انت عاوز تسأل عن ايه وحاجاوبك من غير لف ولا دوران

انا ححكى لك كل حاجة بس ياريت بعد لما احكى ما انزلش من نظرك واقسم لك انى حقول الصدق

من غير ما تحلفى يا نيرة انا مصدق لانك مش معرفة يوم ولا اتنين دى عشرة سنين

كتر خيرك يا طارق

فى ليلة رأس السنة وفى الحفلة اللى كانت عملها السفارة .............................

قصت نيرة على طارق كل ما حدث فى هذة الليلة بكل ما تتذكره من تفاصيل

طب ازاى مش فكرة وازاى مش عرفه دا مين ولا منين طب مش فكرة حتى نمرة الغرفة اللى كنتى فيها اهو نسأل من خلال الرقم عن الشخص اللى كان فيها ليلة راس السنة ونقدر نوصله

مش فكرة يا طارق اقسملك ما فكرة اى شىء نهائى اكتر من اللى حكتهولك انا اول ما الباب خبط طلعت اجرى من الاوضة لا عرفت رقامها ولا فى اى دور ولا اى شىء ونسيت بعدها الموضوع نهائى 

خلاص يا نيرة اهدى بس دلوقتى انا خايف عليكى بس يعنى دلوقتى انتى ناوية تحتفظى بالجنين ده

اندفعت نيرة وبدون وعى : ايوة طبعا انا لا يمكن انزله لا يمكن

طب يا نيرة وحتعملى ايه وانتى مش عرفة اى شىء او طريق يوصلك للراجل ده

معرفش يا طارق معرفش انا كل اللى اعرفه انى مش ممكن اتخلى عن ابنى 

خلاص خلاص ارتاحى انتى دلوقتى وان شاء الله نلاقى حل مناسب يخليكى تحتفظى بالجنين وفى نفس الوقت يحافظ ليكى وليه على سمعتكم

وانصرف طارق وهو لا يشغله شىء سوى ان يجد حل لهذة الكارثة.

فى اليوم التالى فى المشفى : نيرة خلاص انا لاقيت الحل لمشكلتك

قالت على الفور : بجد يا طارق طب ايه هو قولى 

أنا حتجوزك

يتبع 

تكملة الروايه من هنا هنا