مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مرار العشق سكريبت سولييه نصار

-انا مبحبكيش 

قولتها وانا حاسس بالذنب ولقيت دموعها نزلت ...كر*هت نفسي بسبب اللي بعمله بس مقدرش اخ*دعها اكتر من كده ...

حطت بسمة ايدها علي قلبها وقالت :

-وقبل فرحنا بأسبوع عرفت كده ...عايز تسيبني قبل فرحنا يا اياد ؟!!

غمضت عيني بألم وقولت:

-احسن ما اتجوزك وانا بخدعك ...احسن ما امثل عليكي الحب ...أنا مش عايز او*جع قلبك 

-وانت فاكر ان قلبي مش واجع*ني دلوقتي وانت عايز تسيبني ...أنا حبيتك عملت فيا كده ليه ..

بدأت تبكي ..حاولت بكل طاقتي اهديها لان حسيت ان الناس بدأت تنتبه لينا ...

-بسمة ابوس ايديكي اهدي أنا آسف بس مقدرش اكمل  معاكي وانا مش بحبك ...مقدرش أكون وحش كده ...

-بس أنا مطلبتش منك تحبني ...انت قولت ان الحب بيجي مع العشرة.  ...يمكن لما تتجوزي تحبني 

اتنهد بتوتر وقررت اوضحلها هي ليها حق تعرف ...

-ده قبل ما احب حد تاني 

بصتلي بصدمة وقالتلي بصوت مخنوق:

-انت حبيت حد ..

-ايوة أنا حبيت للأسف ...مكنتش عايز والله بس لقيت مشاعري بتروحلها ...مكنتش عايز اخو*نك عشان كده عايز انفصل... مقدرش اتجوزك وانا في قلبي حد غيرك كده ابقي بخو*نك 

-مين هي ...اعرفها 

-لا متعرفيهاش 

قولتها بكدب 

-انت كنت بتخو*ني 

هزيت راسي وقولت:

-والله ابدا أنا عمري ما خنت*ك ...أنا لقيت مشاعري مالت ليها  وحاولت اتخلص من المشاعر دي بس مقدرتش ..

مسحت بسمة دموعها وقالت:

-تمام النهاردة هبعتلك الشبكة بتاعتك 

-الشبكة من حقك لاني انا اللي ..

-لا مش عايزة أي حاجة تفكرني بيك ....

بعدين خلعت خاتم الخطوبة ومشيت ...

قعدت شوية مكاني ...كنت حاسس ان قلبي واج*عني ...مكنتش حابب اك*سرها بس مقدرتش اكون معاها وانا بحب واحدة تانية ...

تليفوني رن ولقيت ندي بتتصل ...ابتسمت بحب ورديت عليها .

-ايوة يا ندي قابليني دلوقتي فورا في كافيه....

.........

كانت بسمة طول الطريق بتعيط وقلبها واجعها ...قد ايه حست نفسها  ر*خيصة وان اياد باعها بالسهولة دي ...اياد ك*سرها اتخلي عنها قبل فرحها بأسبوع بس ...الناس تقول عليها ايه ...ويا تري رد فعل اهلها هيكون ايه ...

وصلت البيت تعبانة ....

شافتها مامتها وقالت:

-مالك يا بسمة فيه ايه يا حبيبتي ؟!

مقدرتش بسمة تسيطر علي نفسها وحضنت امها وبدأت تعيط وقالت:

:اياد فسخ الخطوبة يا ماما .

.......

-كده اقدر اقولك اني بحبك يا ندي ...كده اقدر احبك براحتي ..وانتي كمان من غير ما تحسي بالذنب اني خطيب اختك ...

ابتسمت ندي بحزن وقالت:

-بس بسمة ؟!

مسكت  ايديها وقولت بهدوء :

-بسمة هتتقبل أنا مقدرش أكون معاها وانا بحبك انتي ...وانتي ذات نفسك شاهدة أننا حاولت ابعد عنك بس مقدرتش ...

-طيب ودلوقتي ايه هيبقي وضعنا 

-استني كده شوية يكون موضوعي أنا وبسمة اتنسي هاجي اخطبك 

-وافرض رفضوا 

-بسيطة أنا هخطفك منهم ...

ضحكت .. ضحكتها كانت حلوة أوي ...متوقعتش اني احب بالجنون ده ويوم ما حبيت حبيت اخت خطيبتي بس الحب كده بيجي فجاة ...

........

بالليل بسمة بعتت الشبكة وعملتلي بلوك علي الفيس والواتس ...مكنتش حابب ان اللي بينا يخلص بالشكل ده وجوه قلبي كنت عارف ان بسمة بنت مثالية ومناسبة ليا بس بالعكس محبتهاش 

بقينا أنا وندي نتقابل في السر وكنت دايما اسالها عن حال بسمة عشان ارضي ضميري لحد ما حسيت انها اتضايقت بسبب الموضوع ده فبطلت اسال ...

في يوم اتأخرت ندي في شغلها وعديت علي الشغل بتاعها عشان اوصلها لحد البيت ...وقفت العربية  في مكان بعيد عن العمارة وبوست ايديها وقولت :

-لما تطلعي كلميني ...

هزت راسها ولسه هتطلع لقينا قدامنا بسمة بتعيط!!!!

يتبع

الجزء التاني♥️

-بسمة استني 

قولتها وانا بجري وراها 

مسكت ايديها أخيرا ...بصتلي وهي بتعيط ...بصيت في الارض وقولت:

-انا آسف 

-اختي ...اختي ليه عملت كده ...

بصت لاختها وهي بتصرخ فيها :

-وانتي ...انتي تعملي فيا كده يا ندي ...تعملي في اختك كده بتخو*نيني 

دافعت عن ندي  وقولت:

-احنا مش خاي*نين يا بسمة ...حاولنا نبعد كتير بس مقدرناش ...عشان كده انفصلت عنك 

زقتني وهي بتهز راسها وتعيط:

-لا انتوا خاين*ين ...انتوا الاتنين كسر*توا قلبي وانا عمري ما هسامحكم ...أنا بكره*كم بكره*كم اووي ...حسبي الله فيكم 

اتوترت وانا بشوف حرق*تها وك*سرة قلبها ...مكنتش عايز الموضوع ينتهي بالشكل ده ...بصتلي بنظرة عمري ما هنساها أنا وندي ولسه هتطلع لقيت ابوها في وشنا ...كملت...

......

كنت قاعد في بيتهم زي التلميذ المعاقب ...متوتر وخايف ....بسمة كانت بتبكي وندي متوترة وبتبصلي  بخوف ...مكنتش عارف مصيري أنا وندي ايه ...هما عايزين ايه ...عايزيني اتجوز واحدة وانا بحب اختها عايزيني اد*مر حياتي وحياة ندي وبسمة ...بسمة هتنساني بس أنا بحب ندي صعب انساها ...حاولت والله حاولت عشان مكس*رش قلب بسمة بس فشلت .... 

-عايزة أعرف انت ارتبطت بندي امتي 

زعق باباهم فيا .

بصتله وانا بقول بصدق:

-والله عمري ما خن*ت بسمة ...أنا وندي كنا بنحاول ننفي مشاعرنا دي ...صدقني  حاولنا ننكر  علي قد ما نقدر بس فشلنا ...عشان كده سبت بسمة وانا يا عمي بطلب منك دلوقتي أيد ندي 

-وانا معنديش بنات للجواز

-يعني ايه 

قولتها وانا متوتر وببص لندي ...كنت خايف ومرعوب 

بصلي بغضب وقال:

-يعني طلبك مرفوض يا استاذ ...انت دخلت بيتي وكسر*ت قلب بنتي الاولي ....عملت ش*رخ بين الاختين 

-انا 

-اخرس خالص متتكلمش ...مستحيل اجوزك ندي . .أنا مش هح*رق قلب بسمة بالطريقة دي 

-بس عادي تح*رق قلبي صح 

قالتها ندي وهي بتبكي 

-اخرسي انتي خالص ..وعقابك علي خيان*تك لاختك ده بعدين ...

-يا بابا هو حبني أنا محبش بسمة والحب مش بإيدينا!!!

-بس كان بإيدك تبعدي ومتتعلقيش بيه. ..بإيدك ترفضي ومتح*رقيش قلب اختك ...

سكتت ندي وبدأت تعيط تاني . .

بصلي هو وقال:

-ودلوقتي اطلع برة لو سمحت !!!

 .....

مرت الايام وابو ندي حبسها في البيت ...شال منها الموبايل ومنعها من الشغل ...كنت هتجنن عشان اشوفها. ...دخلت اهلي في الموضوع بالعافية وكلموه عشان اتجوز ندي بس رفض ...كنت هتجنن منه ...عشان يحمي بنته الكبيرة ...يد*مر الصغيرة وي*دمر حياتي.  .كر*هته ساعتها وكر*هت بسمة لان بسببها كل ده حصل ...بسببها منعوني عن ندي ...

الايام كانت بتمر ببطء ...بس بعدها جه الخبر اللي غير حياتي ...من قريبة ندي عرفت ان ندي جالها عريس وابوها وافق ...اهلي منعوني بالعافية اني اتهور واروح هناك ...بس أنا صممت وروحت

.......

-بس أنا مش موافقة يا بابا أنا بحب اياد 

-علي جثت*ي تتجوزيه 

قالها ابوها بغضب 

صرخت ندي في بسمة وقالت:

-شوفتي كل ده بسببك انتي. .بيدمر*وا حياتي عشان الكونتسة بسمة متزعلش. ..أنا مش هتجوزه ..اهون  ليا الموت علي اني اتجوز واحد غير اياد ...

بعدين جريت علي المطبخ وبسرعة مسكت سكينة كبيرة ...

صرخت امها وبصلها ابوها بقلق وقال:

-بطلي جنان وسيبي اللي في ايدك دي 

لكن ندي بغضب جر*حت ايدها جامد 

صرخت بسمة وامها وابوها جري علي ندي اللي اغمي عليها ...

قلبي انقبض لما سمعت الصرخة وخبطت جامد علي الباب ...اخوها الصغير فتحلي ...دخلت ولقيت ندي سايحة في دم*ها...

.....

وديناها بسرعة علي المستشفي والحمدلله الدكتور قال ان الج*/رح سطحي بس فقدت د*م كتير عشان كده ادوها د*م .. 

........

كنا قاعدين كلنا برة مستنين لما أبو ندي قرب مني وقال:

-انا مش عايز اخ*سر ندي عشان كده يا اياد انا موافق  أنك تتجوزها!!

يتبع

الجزء الثالث♥️

- بابا طب وانا مفكرتش فيا 

قالتها بسمة بصوت مخنوق ودموعها بتنزل ...علي قد ما شفقت عليها أنا اتضايقت منها ...دي اختها كانت هت*موت قدامها وهي كل همها نفسها ...بصلها ابوها بحزن وقال:

مش عايز ندي تضيع مني أنا آسف يا بسمة حقك عليا أنا يا بنتي ...انتي قوية مش زيها...هي متهو*رة ممكن تعمل في نفسها حاجة تاني ...

سكتت بسمة ودموعها نزلت بصمت ...مشيت بسرعة من قدامنا ...

بصلي تاني ابوها وقال:

-جيب اهلك يا بني وتعالي اتقدم بس بشرط الجواز هيكون بسرعة...مش هنعمل خطوبة ولا فرح هيكون كتب كتاب وحفلة بسيطة ...مقدرش اج*رح بسمة اكتر من كده ...

هزيت راسي بحماس...كنت فرحان اووي أخيرا اللي بحبها بقت ملكي ...

طلع الدكتور من اوضة ندي وطمنا عليها وقال انه هينقلها اوضة تانية ونقدر نشوفها ...

.....

في الحمام ...

كانت بسمة بتبكي جامد حاطة ايديها علي بوقها ...كانت مقه*ورة منهم حاسة بالظ*لم ...كان نفسها تتخطي اياد بس اللي عمله هو واختها دم*رها نهائيا ...بصت علي نفسها في المرايا لقت نفسها ضعيفة ومكس*ورة ...كره*ت ضعفها وقررت انها مش هتبقي كده ...هي عمرها ما. هت*تدمر بسبب خيانة اتنين حبتهم ...وهترجع اقوي من الأول ...أكيد هترجع بس بعيد عنهم ...

غسلت وشها كويس ونشفته وقررت بس يطلعوا من المستشفي تبلغ ابوها بقرارها ...

.......

بعد ما بلغنا ندي بالقرار وفرحت ابوها مسمحش اني اقعد معاها اكتر من كده ..كنت ماشي في طرقة المستشفي لما قابلت بسمة ماشية عينيها مش باين أي دموع ...وقفت قدامها وانا متوتر بصتلي ببرود وقالت:

-خير ؟

-بسمة أنا ...أنا 

-عايز ايه انت لسه هتهته 

بهت وانا ببصلها مش هي الإنسانة المكس*ورة اللي كانت من شوية 

-انا حابب اعتذر علي اللي عملته ..أنا والله

-اعتذارك مقبول عايز حاجة تاني 

قالتها ببرود صدمني وكملت:

-انا اكيد مش هشيل منك يا اياد انت مش بالأهمية دي عندي ...

وفي عز صدمتي سابتني مفروض افرح أنها قررت تتخطاني بس ده ضايقني اووي ...

.....

بعد ما ندي نامت قعد ابوها جنب امها وقال:

-ده غلطنا احنا يا صفاء ...احنا معملناش حدود لاياد مع ندي اعتبرناه اخوها وسمحنا ليها تهزر معاه براحته ومكناش مديين خوانة وجات علي راسنا في الاخر ...احنا اللي متبعناش أوامر الدين وبنعاني دلوقتي ...

حطت صفاء رأسها علي كتف جوزها ودموعها نزلت وقالت:

-عندك حق ...

وبرة الأوضة كانت بسمة واقفة بتعيط ...بس مسحت دموعها بسرعة هما ميستاهلوش اعيط عليهم تاني 

.....

تاني يوم خرجوا من المستشفي وانا كلمتهم وبلغتهم اني هاجي اتقدم اخر الاسبوع ووافقوا ...

...

-بيقول جاي اخر الاسبوع ...مش عارف نبلغ بسمة ازاي يا صفاء 

لسه مراته هترد دخلت بسمة وقالت بهدوء:

-بابا أنا قررت اسافر لندن تبع مؤتمر طبي وهقعد هناك عند عمتي نورا  شهرين  ارفه عن نفسي شوية!

يتبع 

الجزء الرابع

-عايزة تسبينا وتمشي يا بسمة ...عايزة تبعدي ...هان عليكي ابوكي امك ...

-زي ما انا هونت عليكم 

-يا بنتي 

قاطعته بسمة وقالت بحزم:

-بابا لو سمحت أنا اخدت قراري ومفروض تحترموه 

-انتي بتهربي

دمعت بسمة وقالت بنبرة مكس*ورة:

-لا مش بهرب بس لو فضلت هنا هكر*هكم ...هحس انكم ظل*متوني ...لازم ابعد وانسي وده الحل الوحيد ...مقدرش اقعد وارسم ابتسامة سخيفة مزيفة وانا بشوف اختي اللي كانت أهم حد عندي بتتجوز خطيبي السابق والإنسان الوحيد اللي دخل قلبي ...صعب يا بابا ...انت هتجوز اياد وندي عشان خايف علي ندي ...يبقا خاف عليا أنا كمان وسيبني امشي من هنا ...سيبني اداوي جر*حي لوحدي ...وهرجع اقوي اوعدك ...

قرب الأب وحضنها ...عينيه كانت مليانة دموع وقال بذنب :

-حقك عليا يا بنتي ... حقك عليا ...سافري بس انتي هتوحشيني اووي ..

ابتسمت بسمة بدموع وقالت:

-هرجع اقوي يا بابا متقلقش ...هتخطي اللي حصل ثق فيا ...

-انا واثق فيكي يا حبيبتي ...واثق جدا ...

بعدت بسمة ومسحت دموعه  وقالت:

-السفر بعد بكرة لازم اجهز من دلوقتي 

هو ابوها رأسه...عارف انها مش عايزة تكون هنا لما اياد  يجي يتقدم بس مرضاش يعلق....

راحت بسمة تجهز نفسها ....

.....

في البيت أنا كنت بعد الأيام عشان اروح اتقدم لندي ...كنت سعيد بس حسيت أن سعادتي ناقصة ...كل لما بفتكر ملامح بسمة الباردة والطريقة اللي كلمتني بيها بتضايق ....كان نفسي تتفهم أن الحب مش بإيدينا ...وهي شكلها عمرها ما حبتني ....معرفش ليه لما وصلت للنتيجة دي اتضايقت ...معقول نرجسيتي توصلني أن اتمني أن اخت البنت اللي بحبها تفضل تحبني وتتع*ذب...أنا عمري ما كنت اناني كده....حاول اطرد الأفكار دي من دماغي بس للاسف كانت بتترسخ فيا اكتر ...

......

جه يوم السفر وبسمة لسه هتطلع من الأوضة عشان تمشي وقفت قدامها ندي ...كانت بتبكي وبتقول:

-برضه مصممة متودعنيش ...

بصتلها بسمة ببرود وكانت هتمشي ...مسكت ندي ايدها وقالت :

- بسمة احنا اخوات 

-كويس انك لسه فاكرة 

قالتها بسمة ببرود وبعدين زقت ايديها ومشيت ...

سافرت بسمة وقررت تلاقي نفسها قررت تتخطي اللي حصل وترجع اقوي مش كل البعد هروب بس هي متأكدة لو قعدت حالتها هتسوء هي بعدت عشان ترجع اقوي وتوريهم أن مش اتنين زيهم يقدروا يكس*روها !

......

مرت الايام بسرعة لحد ما جه اليوم اللي هتقدم فيه .....ولصد*متي مكنتش متحمس اووي معرفش ليه .. أنا اهو اخدت اللي عايزة اللي بحبها هتبقي ملكي خلاص ...بس حاجة في قلبي بتقولي أن فيه حاجة ناقصة  ...وعقلي كان خايف يعترف بالحقيقة ...

....

رحت عشان اتقدم ...كانت ندي قدامي بس رغم كده كانت عينيا بتدور علي شخص معين ...شخص شغل تفكيري الفترة اللي فاتت ...كنت عايزة اعرف هي فين بس خوفت اسأل لحد ما قال بابا:

-لو حابب يا ابو بسمة أن كتب الكتاب يبقي في بيتي عشان بسمة ف...

قاطعه ابو بسمة وقال:

-لا متقلقش بسمة سافرت لندن ...كتب الكتاب هيكون هنا ...

وقفت وانا متضايق وقولت لندي:

-بسمة سافرت ...ليه مقولتليش حاجة زي كده ...

اتصدمت ندي فقال ابوها :

-وانت مهتم ليه ببسمة حابب  اعرف ؟!!

يتبع 

#مرار_العشق 

#سولييه_نصار

تكملة الروايه من هنا