 |
أحببت مشكله
سما :وقف يسطا على جنب هنا الله يسترك
إياد (اخوها) :منك لله يا بعيده دكتورة اي دي بس يا ربي يا بت اتعلمي الشياكه الاناقه الانوثه اي حاجه يا ماما هتعنسي جمبي
سما :اقولك حاجة يا شق الجواز مش مهم على قد ما هو مهم انك تلاقي حد يشاركك دماغك وتفاصيل حياتك الهبله فاهمني يا شقيق
إياد :ارحمي امي يا سما ده انتي الي يشاركك يبات في الحج؛ ز يا ماما انزلي يا ختي انزلي احسن انا صحتي على أدى
سما :نزلنا يا عم يلا سلام؛؛؛؛ صباح الخير يا عسل
الموظفه بصتلها من فوق لتحت :عايزه اي انتي وازاي دخلوكي من الباب اصلا
سما :اي براحه على نفسك احسن يطقلك عرق
داليا :تعرفي لو مخرجتيش دلوقتي انا هندهلك الأمن لا أمن اي انا هطلب البوليس،،، سما لسه هترد جه راجل ومعاه طفل صغير
الراجل :ابوس ايدك يا بنتي خليه يدخل ابني هيم؛ وت والزايده هتن؛ فجر ومفيش مكان في المستشفيات الحكومي انا هدفعلك جزء وهروح اتصرف في الباقي بس ابني يدخل
داليا :بقولك ايه يا حج شكلك كدا مش بتفهم قولت ده سيستم مستشفى اعمل اي انا لو سمحت بئا برا علشان راحت المرضى إلى فى المستشفى
ام الولد :ابوس ايدك يا بنتي شوفي اي صرفه والله هنجيب الفلوس حتى لو عيزاه نكتب وصلات احنا موافقين
داليا :يوووه يا أمن يا أمن
سما :اسم ابنك اي يا حج
رأفت بلهفه :أحمد يا بنتي أحمد
سما :يا سمير يا سمير
سمير :يخرب بيت معرفتك السودا يا سما يعني امك كان لازم تكون اخت امي
سما :اخلص ياض ابوحميد تعبان شويه ومحتاج يقعد معانا هنا شويه؛؛؛ اسمع بئا يا ميدو انت دلوقتي هتروح مع عمو سمير تمام وهو هياخدك علشان يخفف الوجع ده اتفقنا
احمد :يعني بطني مش هتوجعني علشان انا وجعاني اوي؛؛ سما باسته من خده؛؛ تؤ كل الوجع هيطير يلا
رأفت :انا مش عارف اقولك اي يا بنتي انا هجيب الفلوس والله هجبها؛؛ سما :خليها على الله وبعدين الفلوس دي هات بيها حاجات لأحمد لما يخرج بالسلامة،،؛؛ اما انتي يا عسل تصفي حسابك وتمشي ها
سمير :عمرك ما هتتغيري طيب ليه بئا تقطعي بعيش السكر
سما :متيجي وانا اقولك وبعدين دي مستشفى ابن خالتي يعني براحتي
سما :اه اراكي توزعي من مال امك
أحببت مشكله ٢#بقلم رحمه محمد
زين :دكتور سمير ازيك
سمير :انا كويس الحمد لله يا بشمهندس اي محدش شايفك يعني
زين :معلش مشغول شويه قولي بئا قولتلي انك محتاج تعمل ملحق للمستشفى مش كدا
سمير :اه فعلا وباقي التفاصيل اتفضل نتفق عليها في مكتبي؛ اه صحيح دي دكتوره سما هتتولي مع حضرتك كل حاجه خاصة بالشؤون الاداريه والماليه اصل المبنى ده هيبقى خاص بيها
زين :اه اهلا بس انا افضل التعامل معاك يا دكتور ده اتفاقي من الاول وشرطي الوحيد
سما :ليه بئا أن شاء الله هو انا شفاف مش بيتشاف قدامك ولا اي
زين باقتضاب :انا هستأذن؛ سمير كان هيوقفه بس سما اتكلمت :مع السلامه هو مفيش مهندسين غيرك في البلد ولا اي وبعدين إلى ميحترمش البشر صعب يلاقي الاحترام منهم
زين :انتي ازاي تتكلمي معايا كدا وبعدين انتي هتعلميني الفلسفه والأدب في أي يا دكتور احنا من أمتي بندخل عيال في شغلنا؛ سمير :اهدي بس يا بشمهندس وخلاص تعاملك هيبقى معايا أنا ومش معاها
زين :اتمنى ووقتكم خلص معايا هنحدد أن شاء الله معاد تاني عن إذنك؛؛ بعدها مشي من غير ما يسمع رد
سما :😏😏لا محترم الأخ؛ مين ده
سمير :لا شليه من دماغك خالص الله يكرمك زين ده من اشطر مهندسين وما صدقت انه قبل يستلم المستشفى بتاعتك هو صحيح معروف عنه الغرور بس دقيق جدا في شغله وده إلى بيخلي الكل يتعامل معاه
سما :ايوا بس مش كدا يعني؛ المهم انا هروح بئا
سمير :مش هتستني إياد
سما :لا عندي كدا كام مشوار هعملهم َوبعدها اروح يلا سلام///
زين :مش تفتحي في حد يرمي نفسه قدام عربيه حد كدا
سما :ليه مستغنيه عن عمري ولا حبك مموتني وبعدين انت ازاي اصلا تدوس إلى مشغلاك
زين :مشغلاني لا حلوه وركب عربيه وخبطه؛ ا خفيف بحيث تقع بس سمت:اه يا ابن **طيب انت وقعت مع مين،، الو يا سمير الحقني يا سمره اختك اتعلم عليها /////////////
إياد :🤣🤣🤣يا فرحتي يا سعادتي سما في الجبس يلا خلي الشعب يفرح يا شيخه
سمير :الواد ده بيحبك اوي بس مش اكتر مني هههههه
سما :فرحان فيا يا طور منك ليه ده انا حتى مصدر البهجه إلى فى حياتكوا ده انا الحاجه المؤنثه الوحيدة في العيله إلى مش بيعيش فيها نسوان دي
إياد :بس قوليلي مين اللي تسلم ايده عمل فيكي كدا
سما :يا بابااااااااااا
أحببت مشكله ٣# بقلم رحمه محمد
محمود :في أي يا سما مين مضايقك يا بنتي
سما :العيال دي فرحانين فيا علشان انا في الجبس
محمود :عندهم حق
سما :بابااااا
محمود :فرحانين لأنك هتتهدي اقصد هتقعدي في البيت شويه وخصوصا في اوضتك
إياد :يالهوي بنحبك حب مش طبيعي
سمير :ده استنى كمان ابويا لما يجي هتكمل وصله الحب فيها هههههه
سما :ماشي ماشي بكرا الزمن يعرفكوا قيمتي ويعرفكوا اني مصدر الحنان والرقه إلى فى البيت
سمير :استغفري يا سما استغفري محدش ضامن عمره يا حجه تموتي وانتي بتكدبي كدا ولا حاجه
إياد :ياربي لا أخ الرضاعه طايقك ولا الحقيقي هههههه
سما :ماشي يا شق منك ليه ماشي هما تلاته دلوقتي في حياتي اقوم من جبسي واوريهم
الكل :مين التالت///////////////////////////////////////
زين : فوقيه يا فوقيه
فوقيه :نعم يا زين باشا
زين :سيلا اخدت الدوا واكلت ولا لا
فوقيه :بصراحه هي جاتلها النوبه بتاعتها وفين وفين عقبال ما هديت
زين بخوف :وهي فين وازاي تسبيها لوحدها ودوها مش بتاخده في مواعيدها ليه كلكم كدا مش هتخلصوا من أيدي
فوقيه : بالله عليك يا بني خلاص انا المسؤوله عنها وانت منبه محدش يجي جنبها غيري وانا السكر علي عليا شويه فنمت من غير ما احس سامحني
زين :وشهيره هانم فين بئا من ده كله
فوقيه :شهيره هانم أصلها كانت
زين :بس تمام حضري العشا ليا وليها وهاتيه على فوق؛؛؛؛ سيلا؛ يا سو حبيبه زين
سيلا :زين هو انا فعلا معو؛ قه وكمان انت بعد ما هتتجوز هترميني في المستشفى بعيد خالص
زين حضنها جامد :حبيبه قلب اخوكي مين اللي قال كدا
سيلا :النهارده رانا دي جات وانا مكنتش قادره امسك الكوبايه اشرب وكمان وقعت فهي قالتلي كدا
يتبع
تكملة الروايه من هنا هنا
تعليقات
إرسال تعليق