 |
👑البارت الثالث عشر👑 بقلم ✍️ سلطان زماني
مرات ابويا حاولت أنها تقعدني معها بس إخوتها بصلوها الي
هو مش ناقصين مشاكل ووجع دماغ وفضايح
وخصوصا بعد ما اخويا بقا يعمل مشاكل وبيتخانق كتير في
الحته وهما عارفينه وكمان عارفين عم منصور وكريم
وحماتي دخلت جبتلي فلوس وانا علشان مسببلهاش احراج
ولا ابهدلها معايا مشيت
متستهلش مني غير كل خير علشان ..أنا الشهادة لله
مشفتش منها غير الخير
أدتني موبيل قديم من عندها وانا نزلت رحت الموقف مش
عارفه اروح فين ولا هبات عند مين ركبت المكيروباص
عايزة ابعد عن البلد وخلاص خايفه منهم مش هيسكتو ولا
هيسبوني في حالي بعد الي عملته
وخايفه اكتر حاجه علي ابني ..اموت لو حد اخده مني
وصلت ونزلت من العربية مش عارفه حد هنا ولا عارفه
هروح فين وجعانه هموت وادخل الحمام وعايزة اغير ل ابني
قعدت جنب الموقف علي الرصيف وبصه للأرض وسرحانه
في امي وبفكر اني المفروض كنت رحت ل اخويا وعقلي
بيقولي هو استحمل امه الي جبتله توكتك وجوزته وكانت
بتصرف عليه لما هيستحملك ياهبلة
بقلم سلطان زماني
ولقيت رجل قدامي وبرفع عين واشوف مين لقيت السواق
الي كنت راكبه معه قالي انتي مستنيه حد
بصتله وانا كانت عيني مدمعه قولتله لا مليش حد اصلا
علشان استناه🥺
قالي طب هتفضلي قاعدة كده في الشارع ما تيجي عندي
لحد ما تشوفي انتي هتعملي اي ولا تروحي عند مين
قولتله عندك فين
قالي شقتي متخفيش قاعد لوحدي مش معايا حد والمكان
امان خالص
قولتله لا متشكره أنا هشوف اي حتي وأسأل
قالي لو عديت اي عربية حكومة هيخدوكي تسؤل وهناك بقا
في القسم هيعرفو حكايتك وهتبقي شغلانه تعالي إداري
عندي لحد ما تعرفي تظبطي دنيتك وامورك حرام العسل ده
يقعد في الشارع وقام اخد ابني شاله وقالي يلا بينا
مشينا وساب الميكروباص في الموقف وقالي هو هيحمل
هوصلك واسيبك وشوية اخلص شغل اجيلك
بقلم #سلطان_زماني
قولتله أنا عايزة اشتري خط قالي سهلة دخل اشترالي الخط
وبعدها راح جبلي فينو وشوية جبن وحاجات ل ابني وطلعت
عنده فوق ونزل هو بعد ما نزل جريت ع الباب ليكون قافله
بالمفتاح وحبسني لقيت الباب مفتوح قولت الحمد لله
دخلت لقيت عفش عروسة وشكلة متجوز وهمومها موجوده
وقمصان نوم كمان دخلت الحمام وغيرت ل ابني وقعدت
كلت وفضلت قاعدة علي اعصابي
الراجل ده كمان مش مرتحاله وكل ما اسمع كركبه عوالسلم
أو صوت رجل طالعه أو نزله قلبي يتقبض وجتتي تكلبش من
الخوف والرعب
نفسي انام بس خايفة حسه اني لو نمت هقوم علي نصيبة
كلمت مرات ابويا طمنتها عليا وقالتلي أني عم منصور جيه
وسالهم عليا وحكلهم الموضوع ..قالهم اني كريم كان
بيضربني علشان بخرج من غير إذنه واني حماتي كانت
بتحوش عليا وزعقت لكريم وطلعته فوق واني أنا مسكتها
وعملت فيها كده واني كريم هيتجنن ويوصلها وأنهم مش
هيسبوني واني كريم راح ل احمد اخويا ولما فضل يزعق
وعايز يدخل الشقة يدور احمد ضربه وفرج عليه الناس وكان
عايز يعمله محضر والناس حجزتهم من بعض
بقلم #سلطان_زماني
فضلت اقولها والله كدابين اقسم بالله كانت عماله تقوله ايوا
اكسر عينها الوسخه ربيها.. كسر عضمها ومكنتش بتحوش
ولا زعقتله الكداب
ة وانا اه ضربتها بس مكنتش حسه بنفسي وانا بعمل كده
غصب عني كان جوايا وجع وقهرة منها مش قادرة انسلها لما
زقتني من السلم ولا لما كانت بطني مفتوحه وكانت عماله
تجرجرني زاي البهيمة وراها غصب عني والله يا امي
قالتلي بس ياحبيبتي علشان خاطري والله أنا قلبي موجوع
عليكي حسه اني سكاكين بتقطع في قلبي انا هكلم اخويا
ياخد الشيخ ايهاب ويرحلهم ويهديهم ونحاول نحل بالود .
بقلم ✍️ #سلطان_زماني
.يا امي الناس دي معندهمش ود ولا يعرفو ربنا قالتلي المهم
انتي قاعدة مع مين ..كدبت عليها وقولتلها اني قاعدة عند
راجل طيب هو ومراته ومتخفيش عليا انا بخير قالتلي طب
الحمد لله أنا هكلم اخويا دلوقتي ياخد الشيخ ايهاب
ويرحلهم وهبقي اقولك واضمنك باذن الله
قفلت معها وبعدها بنص ساعة طارق ده جيه ومعه حاجات
شيلها كتير فضل يلعب ويهزر مع ابني وسألني ع اسمه قولتله
منصور قالي طب مش هتجهزلنا الاكل يا ام منصور قولتله أنا
مش جعانه كلت قالي ازاي بقا علشان يبقا عيش وملح قومي
ياشيخه متتكسفيش😧
يتبع ..بارت طويل اهو عايز تفاعل بقا يليق بالقصة ومتنسوش تقولو توقعاتكم 😘😘
تكملة الروايه من هنا
تعليقات
إرسال تعليق