 |
البارت العشرين والواحد وعشرين
عفوا ايها الشبح احببتك بقلمي aya Elkhwaga
بعد ماظهرت عربيه في الضلمه خبطتني وظهر صاحبها وجري عليا وبعدها فقدت احساسي بكل شئ حواليا فتحت عيني في المستشفي والحمد لله ماحصلش حاجه كل الحكايه ان راسي اتعورت ونزفت دم كتير عشان كدة فقدت الوعي والراجل اللي خبطني طلع يعرفني٠٠٠٠٠٠٠ عارفين طلع مين؟؟؟؟ طلع دكتور نادر السعدني والحقيقه انه ماستبنيش وفضل معايا لحد مااتطمن عليا وطلب يعملي اشاعات عشان يطمن ان مافيش كسور او نزيف داخلي في المخ والحمد لله طلع مافيش حاجه ودي كانت المرة التانيه اللي ربنا ينجيني فيها من الموت فحسيت انها رساله من ربنا اني اقاوم واواجه مصيري وانقذ نفسي واهلي من ايد الشيطان اللي اسمه رامي هو اينعم ماضرش غيري لحد دلوقت لكن ياعالم بيخطط لايه وبصراحه بعد المكالمه الأخيرة اللي كانت بينه وبين كريم ونبرة الغل اللي كانت في صوته واصراره علي انه هينتقم مخوفاني علي اهلي جدا واحسن حل للخوف المواجهه وقررت اني ارجع البيت عند اهلي واواجه اهلي ورامي بس قررت استعين بحد وكنت هستعين بدكتور نادر لكن الحقيقه خوفت لا يطلع زي كريم او ليه علاقه بيه فنفضت الفكرة من دماغي بسرعه انااينعم دلوقت ماعنديش حد يساعدني بس انا معايا ربنا هو اللي هيلهمني حسن التصرف وقررت اخرج من المستشفي علي أقرب قسم بوليس واحكي كل اللي حصل معايا عشان نقدر نساعد اهلي بس افتكرت ان امي ساعتها هتتحبس بسبب اللي عملته زمان وساعتها هبقي انا اللي دمرت عيلتي ٠٠٠٠فقررت استخدم الحيله في استدراج رامي وقررت استدرجه لبيت الست سكينه عشان يبقي سهل عليا اخلص منه ومن شره بس كان لازم الاول اكلم الست سكينه واسافرلها عشان اقدر استدرجه عن طريقها وقررت اني في طريقي للصعيد اكون حضرت الخطه اللي هستدرج بيها ابليس قصدي رامي المهم ان دكتور نادر فضل معايا طول الليل لحد مااتطمن عليا لاني كنت تحت الملاحظه وحاول يفهم مني سبب وجودي في مكان الحادثه وفي وقت متأخر زي اللي كنا فيه لكن انا رفضت اتكلم وسكت٠٠٠٠ فقالي يالين انا متاكد انك في مشكله وانا عاوز اساعدك صدقيني ساعتها افتكرت كلام كريم ليا اول مرة وضحكت ضحكة سخريه وقولتله لا ماتقلقش عليا٠٠٠٠ قالي طيب يالين علي راحتك وسألني لو في مكان احب اروحه يوصلني ليه قولتله ايوا٠٠٠٠٠٠ وبعدين اترددت وقولتله لا شكرا قالي انا مش ممكن اسيبك في حالتك دي وامشي ضميري مش هيسمحلي ارجوكي قولتله طيب ٠٠٠وخوفت الحقيقه اقوله اني رايحه محطه مصر فقررت اني اخليه يوصلني اي مكان وانزل انا اكمل سكتي وفعلا بدأنا نتحرك بس واحنا ماشيين في ممر المستشفي شوفت شخص بسببه اتجمد الدم في عروقي ووقفت ٥ دقايق احاول استوعب اللي انا شوفته ده كان حقيقي ولا بيتهيألي لكن الشاب كان بعد علي مااستوعبت الموقف فجريت وراه وفضلت انده عليه واقول يونس يونس لكن ماالتفتش ليا٠٠٠٠٠ لكن برضه قررت اتأكد وقولتله لو سمحت لف وبصلي والمفاجئه انه طلع يونس فعلا بس المرة دي مش شبح لحم ودم زينا و ماطلعش بيتهيألي فضلنا باصين لبعض شويه وبعدها قالي انتي اسمك لين هزيت راسي وانا بدمع من الفرحه قولتله ايوا يايونس انت عارفني صح؟ ٠٠٠٠٠ قبل مايرد عليا رد عليا الممرض اللي كان ماشي معاه وقالي الحمد لله اخيرا ظهر حد قدر يتعرف عليه وبدأ يشرحلي الممرض ان يونس فاقد الذاكرة وانه جه المستشفي من حوالي ٨ شهور وهو في غيبوبه تامه وفضل علي الأجهزة اكتر من ٧ شهور وحاولنا كتير نتعرف عليه وعلي شخصيته او حد يبلغ باختفاء شخص بمواصفاته لكن ماحصلش بصيت ليونس وقولتله انت عارفني ياحبيبي قالي ايوا انا كنت بشوفك في أحلامي هو انتي تعرفي انا مين؟؟؟؟؟قولتله انت قلبي يايونس انت قلب لين وقطع كلامنا دكتور نادر وقالي محتاجه مساعدة يالين وسألني هو انتي تعرفي الأستاذ فمكانش قدامي حل غير اني احكيله حكايتي بس ماكانش ينفع احكيها في المستشفي لكن طلبت منه انه
يتكلم مع المستشفي ويخرج يونس معانا ووعدته اني في الطريق هحكيله كل حاجه قالي حاضر يالين وبالفعل اهتم دكتور نادر بكل شئ وخرجنا من المستشفي احنا التلاته بعد ماالدكتور اللي بتابع حاله يونس قالنا ان سبب فقدان يونس للذاكرة هي انه قعد في غيبوبه وقت طويل وبمجرد مانفكره بحياته القديمه هيقدر يفتكر كل حاجه عن نفسه ٠٠٠ وعرض علينا دكتور نادر نروح نتكلم في اي مكان أو يستضيفنا في بيته وساعتها انا وافقت علي اننا نروح معاه البيت لاني كنت خايفه علي يونس جدا لأن رامي كان فاكر انه مات وروحنا مع دكتور نادر علي البيت وبدأت احكي لدكتور نادر اللي اعرفه لكن طبعا الحكايه كامله عند الست سكينه وماما وطبعا يونس كان قاعد بيسمع كل حاجه وفي وسط مانا بحكي يونس مسك دماغه وبدأ يحصله تشنجات وبعدها فقد وعيه جريت عليه وانا بصرخ وانا مش فاهمه ايه اللي حصله مرة واحدة لكن لما دكتور نادر فوقه حصل اللي الدكتور قال عليه ونشاط دماغه رجع لطبيعته و استعاد ذاكرته الحمد لله والغريبه كمان انه استعاد ذكرياته معايا وقرب مني وقالي ماتخافيش يالين انا هنا كل حاجه هتتحل ياحبيبتي انا وعدتك ماصدقتش نفسي ده بجد !!!!!!قولتله حمد الله علي سلامتك يانن عين لين وفضلنا نبص لبعض ونسينا ان احنا في كارثه ولازم نتحرك بأسرع وقت قطع المشهد الرومانسي ده الدكتور نادر وهو بيقول مشاعر جميله وتحترم وكل حاجه بس ده وقته ؟؟؟؟؟!!!!!وبعدها قال ليونس تعالي معايا احنا لازم نعمل مشوار مهم وبعدين نيجي ناخد لين ونسافر لوالدتك قولتله مشوار ايه يا دكتور قالي لمانرجع هنقولك وقالي البيت بيتك يالين اتصرف في البيت زي ماتحبي وخد يونس وسابني ونزل وبعد اكتر من ٣ ساعات جه دكتور نادر هو ويونس لكن شكلهم كان متغير وملتزمين الصمت وخدوني وسافرنا الصعيد على بيت الست سكينه وطول الطريق ماحاولوش ينطقوا بكلمه واحدة حاولت اعرف مالهم او راحوا فين من غيري لكن كانت الاجابه مافيش٠٠٠٠٠ إرهاق عشان مانمناش وتعب اليوم واقترح دكتور نادر اننا ناجل التفكير والكلام لحد مانوصل عشان نقدر نركز في اللي جاي قولتلهم تمام وسكت بس الحقيقه قلبي ماكانش متطمن وكنت حاسه انهم مخبيين عليا حاجه كبيرةلك
نقدر نركز في اللي جاي قولتلهم تمام وسكت بس الحقيقه قلبي ماكانش متطمن وكنت حاسه انهم مخبيين عليا حاجه كبيرةلكن فضلت ملتزمه الصمت مش عارفه الحقيقه هل ثقه فيهم ان كل حاجه هتتحل ولا كنت خايفه أواجه كارثه جديدة المهم عدي وقت طويل ووصلنا بالليل متأخر شويه حوالي الساعه ١١وخبطنا علي بيت الست سكينه واول ماشافت يونس وقعت من طولها من غيرماتنطق ولا كلمه واظن ده رد فعل طبيعي لام شافت ابنها قدامها بعد موته ب٨ شهور تفتكروا ايه اللي هيحصل لما الست سكينه تفوق وتشوف يونس!!!!!!!! وتفتكروا ايه المشوار اللي الدكتور نادر ويونس راحوا من غيري؟؟؟؟ وليه رجعوا منه حالتهم مش طبيعيه؟؟ وتفتكروا كانت صدفه ان اللي يخبطني بالعربيه هو الدكتور نادر ؟؟؟ شاركوني في التعليقات ولو البارت نال استحسان حضراتكم رجاء ادعموني واستنوا البارت الواحد وعشرين بكرا من عفوا ايها الشبح احببتك بقلمي aya Elkhwaga
البارت الواحد والعشرين من عفوا ايها الشبح احببتك بقلمي aya Elkhwaga انا جايالكوا ورقبتي قد السستمه🥰🤗 كان بودي اقولكوا ان ده البارت الاخير من الروايه لكن غالبا الروايه بتتكاثر ذاتيا معلش بقي
Aya Elkhwaga
بعد مافتحتلنا الست سكينه الباب وشافت يونس قدامها وقعت من طولها من غير ماتنطق ولا كلمه وده رد فعل طبيعي لام شافت ابنها بعد ٨ شهور من موته عقلها ماقدرش يستحمل صعوبه الموقف جري يونس عليها وشالها
دخلها اوضتها وبعد مالست سكينه فاقت حضنت يونس وقالته ولدي طب كيف وفضلت تعيط وتحضن فيه ويونس يعيط والحقيقه المشهد كان مؤثر جدا لدرجه اني عيطت زيهم والدكتور نادر دمع وسابني وخرج برا الاوضه وبعد ماهديوا شويه لقيت الست سكينه بتقولي كيف يابتي ؟؟؟؟قولتلها هو ايه اللي كيف قصد حضرتك ازاي لقيت يونس ؟؟؟؟؟!!!!!قالتلي لاه٠٠٠٠٠٠كيف احساسك غلب احساسي كيف جلبك غلب جلب ام كد كديه جلبك مليح ونضيف وزين !!!!!!!قولتلها مافيش حد بيفضل قلبه حلو الظروف بتغير القلوب لكن حقيقي قلب يونس هو اللي زين ومليح جوي جوي ضحكوا هما الاتنين علي طريقتي وانا بحاول اتكلم صعيدي٠٠٠وبعدها قولتلها هو اللي لقاني مش انا اللي لقيته وطمني و٠٠٠٠٠٠ بصت الست سكينه ليونس بخبث لطيف وهي بتحاول تداري ابتسامتها
وقالتله وحشين بنات الصعيد
ياولدي ؟؟؟؟ بصلها يونس وابتسم بعد مافهم قصدها وقالها كيف بس ياام يونس دا انا جدامي ست الصبايا وست الستات كمان وزينه الصعيد كلاته٠٠٠ بصيتله وضحكت وقولت في سري مش قليل انت برضوا يايونس ومامته حضنته وقالتله يسلملي جلبك ولسانك ياجلب امك الله يسعد جلبك ياولدي وقررت اسيب يونس يقعد مع مامته شويه وسيبتهم وخرجت للدكتور نادر في محاوله مني اني اعرف مخبيين عني ايه وهنعمل مع رامي ايه من غير ما امي او الست سكينه يتضروا قالي الصبح بإذن الله هتفهمي كل حاجه لكن انا عاوزك علي طول قويه يالين مهما حصل ٠٠٠٠ قولتله حرام عليك يا دكتور ماتلعبش باعصابي ارجوك قالي صدقيني كل شئ هيبقي كويس بس انا مش عاوزك تتوتري قطع حديثنا يونس بعد ماخرج من أوضة مامته وقالنا اسف اني سبتكم لوحدكم فضلت متبته في حضني لحد اما نامت زي العيله الصغيرة٠٠٠٠٠٠٠ قولتله بتتحول انت يايونس قالي ازاي يعني!!!! عشان كنت بظهرلك زي العفريت ؟؟؟قولتله لا عشان بتتكلم صعيدي ومصري لبلب وبتتحول علي حسب الشخص اللي بيكلمك بص في عيني وقالي برقه وبعرف اعمل حاجات تانيه كتير ٠٠٠٠٠٠ رديت عليه بدلع وقولتله زي ايه ؟؟؟؟؟قالي بعرف اخطف قلوب البنات الحلوين قولتله ايه ده هما حلويين .؟؟، قالي احلي من القمر قولتله طب وبتخطف بس ولا بتتخطف كمان ؟؟؟؟؟!! قالي ياريتني اتخطفت بس داانا وقعت وماحدش سمي عليا ٠٠٠٠٠٠٠ قولتله بجد يايونس ٠٠٠٠ قالي بجد ياقلب يونس والمشهد بقي رومانسي علي الاخر والدكتور نادر يبصلي شويه ويرجع يبص ليونس شويه وبعدها قالنا انا مش متضايق اني بقيت اباجورة لا خالص ولا متضايق اني بقالي يومين صاحي ولا حتي اني سافرت ١١ ساعه عشان نحل كارثه انا كل اللي قاهرني ان الاحساس عندكوا في ذمه الله ده وقته وراح شادد يونس من دراعه وقام قايله انت بتعوض ال٨ شهور اللي نمتهم مش وقته ياسي روميو عندنا حوار كبير الصبح ولازم نرتاح كام ساعه عشان يومنا هيبقي طويل بكرا طبعا انا اتكسفت خالص ومانطقتش بولا كلمه ويونس قاله ماشي يادكتور اتفضل معايا وخدوا علي اوضته وقالي تحبي تنامي مع ماما ولا في اوضه لوحدك قولتله هدخل انام مع مامتك كدة كد ه كلها ٣ اربع ساعات والنهار يطلع قالي ماشي يا حبيبتي تصبحي علي خير وفضل واقف باصصلي لحد مادخلت الاوضه وساعتها لقيت
دكتور نادر بيسحبوا من قفاه في مشهد يهلك من الضحك عدوا الكام ساعه وصحينا وقعدنا مع الدكتور نادر يشرحلنا ايه اللي حصل وهيحصل بدا دكتور نادر بالكلام وقالي انتي حكيتلي في وسط الكلام ان كريم كان طالب عندي وانه بيشتغل في مستشفي الطب النفسي فكان لازم اوصل لكريم الاول عشان نقدر نوقع رامي وعشان كمان نقدر نوصل للخطه اللي حطوها للانتقام فقررت اوصل لكريم عن طريق المستشفي او الجامعه ولما سيبناكي في مصر رحنا المستشفي لقيناه في اجازة واخدنا عنوانه وروحناله البيت لكن فضلت اني اقابل كريم لوحدي خوفا علي يونس من اي خطر وخليت يونس يستناني في العربيه وكدة كدة العربيه ازازها عاكس وماحدش هيشوفه وطلبت منه ماينزلش من العربيه لأي سبب وطلعت البيت خبطت كتير وماحدش فتح وكنت خلاص هنزل لكن بمجرد مالقيت الباب اتفتح ولقيت قدامي شخص مرهق ودقنه طويله واضح عليه الاكتئاب بسبب اللامبالاة اللي كان فيها قولتله ازيك ياكريم اقدر ادخل فتح الباب وسابني ودخل قعد علي كرسي في الصاله واتأكد من حاله الاكتئاب اللي كان فيها لما دخلت لقيت الشقه مضلمه والشبابيك مقفوله فتحت النور وقعدت وبدأت الكلام معاه وقولتله انا عندي ليك خبر للأسف وحش بس انا لازم ابلغهولك وابلغك كمان الرساله اللي طلبت مني لين اوصلهالك والحقيقه انه بمجرد ماسمع اسمك انتفض من مكانه وكأن روحه رجعتله وقالي لين هي فين ؟؟؟؟؟؟وساعتها بس عرفت ان خطتي هتنجح بإذن الله قولتله انا اسف اني مضطر ابلغك خبر وحش زي ده ٠٠٠٠٠٠ رد كريم بصدمه لين حصلها حاجه قولتله البقيه في حياتك يااستاذ كريم مراتك تعيش انت بعد صمت دام اكتر من دقيقتين وكأنه بيستوعب اللي سمعه من الصدمه وبعدها
رد قالي انت بتقول ايه لين ماتت
ايه التخريف ده !!!!!،قولتله اهدي ياكريم وحاول تتماسك الانهيار مش هيرجعها ربنا يصبر قلبك وارجوك استحمل وجودي كام دقيقه كمان لان لين قالتلي ابلغك باللي حصلها واقولك علي الشخص اللي قتلها وساعتها اتسمر مكانه لانه فهم طبعا انا اقصد مين ٠٠٠٠٠٠ قولتله انا لين زارتني مرة كانت عاوزة تعرف وقتها هي عن
ها انفصام ولا لا ؟.وساعتها قو لتلها انه لا٠٠٠٠٠ وحاولت اطلب منها تحكيلي مشكلتها عشان اساعدها وللأسف رفضت فأديتها كارت فيه أرقام وقولتلها لو احتاجت مساعدة ماتترددش انها تكلمني لكن برضه ده محصلش لكن امبارح جالي مكالمه في وقت متأخر من المستشفي اللي لين كانت فيها قبل ما تتوفي بببلغو
مكالمه في وقت متأخر من المستشفي اللي لين كانت فيها قبل ما تتوفي بببلغوني ان في بنت عامله حادثه وحالتها خطيرة ومالقوش معاها اي إثبات شخصيه بيها كل اللي لقوه معاها هو الكارت بتاعي قفلت مع الشخص اللي كلمني واتوجهت للمستشفي فورا بدون حتي مااعرف هويه البنت واول ماوصلت دخلوني ليها عشان اتعرف عليها لكن للأسف ذاكرتي مااسعفتنيش افتكرها لكن هي اوى ماشافتني كأنها شافت طوق نجاه رغم حالتها الحرجه طلبت مني اسمعها لأنها عندها كلام خطير وبدأت كلامها بكارررررررثه
تفتكروا ايه اللي هيحصل في البارت الجاي وياتري تمثيليه الدكتور هتنجح مع كريم ولا لا ؟؟؟؟؟استنوا البارت الاتنين وعشرين وبإذن الله يكون الاخير من عفوا ايها الشبح احببتك بقلمي aya Elkhwaga
تكملة الروايه من هنا هنا
تعليقات
إرسال تعليق