 |
البارت 26
#سيقان_في_الوحل
وقفنا لحد ما وليد بص لجلال بنظره قاتله وسابه ومشي يلحق نيره راح ووقف قدام عربيتها يمنعها تتحرك حتي لو ع جثته و اتمنى المرة دي بجد تضربه وتكون القاضيه ويموت ويرتاح من الدنيا
مريم لما لمحت نظره الغدر في عيونها قالت بتحذير:نيره اياك
نيره بكل القهر والغضب والألم والوجع ولان الكرهه وصل لأقصى درجاته داست بكل قوتها وطارت دخلت في وليد لحد ما مريم قدرت واتحكمت في الدركسيون ولفته بعيد عن مكان وليد؟؟؟؟؟؟؟؟
مريم بتعنيف شديد: نييييره انتي عارفه كنتي هتعملي ايه كنتي هتقتلي ابو ولادك لاء يا نيره لاء كدا جنان لو حصله حاجه هتقولي ايه لولاده
نيره بعصبيه: مش شيفاه خاين أذاني ولسه بتلوميني وعاوز يدمر شركه ابويا مستحيل ضميري يتحرك ناحيه واحد زي ده
نزلت ودخلت البيت ومريم نزلت وراها مش عاجبها الكلام لاء ده مش عاجبها الموقف بالمره
نيره دخلت قابلت عمتها قربت وسألتها: فين العيال
حنان:طلبت من صفيه تحميهم فيه حاجه شكلكم ميطمنش
مريم: ولا حاجه بس بنت اخوكي كانت هتقتل تقريبا
حنان شهقت بفجعه: ايه لا فهميني مين ده الي هتقتله
مريم: وليد
نيره بعصبيه: جه وطلب فرصه من بابا بس هو جاي يسرق اسرارنا ياعمتو
مريم بغضب وحمقه: بس انتي مسمعتيش هما كانوا بيقوله ايه يمكن راح يتفاهم معاه ليه نسيتي انه مديره السابق
نيره بنفعال: تمام هو مظلوم وانا ظالمه يامريم ارتاحتي كدا
مريم عوجت بقها :انتي كدا لا بتسمعي لحد ولا بقيتي بتفهمي بس لو هتفضلي عنيده كدا روحي شوفي لك حل لمشكلتك لانك انتي الي بتدمري الدنيا اكتر
نيره زعقت بعزم ما فيها زي المجانين :ايوه انا الي عايزه الخراب
حنان بعدم فهم: لحظه لحظه ممكن تهدوا كدا وتتكلموا بهدوء وتفهموني ايه الي حصل انا مش فاهمه حاجه
مريم :عمتو حنان من فضلك ساعديني نضبط نيره ونشد لجامها
نيره قامت بغضب: انتي ليه معتقده ان وليد شخص كويس عايزه افهم انتي صديقتي ازاي تقفي معاه
مريم وقفت قصادها:لانك متنمره عليه ومبقتيش عارفه تميزي الي بتعمليه صح ولا غلط وعنيده وبتحكمي بالعند وخلاص وكنتي حتقتلي ابو ولادك وابو العيل الي في بطنك انتي متخيله
حنان: نيره الكلام الي قالته مريم كله مظبوط
نيره بتعيط وسطيهم: حرررام يا نااااس حتي انتي يا عمتو
حنان: ايوه حتي انا قبل ما نحكم ع اي شخص لازم نسمعله والافضل اتصالحي معاه ده اسلم حل لطريق الخروج مش تروحي تتجوزي من واحد انتي مش بتحبيه
مريم فجرت القنبله: غير كدا هو شاذ كمان
حنان شهقت بروعه :اااايه
ثريا الي كانت راجعه من برا و سمعت اخر كلمه وجالها زي صعقه: انتي كنتي عارفه ان خالد ملوش في الستات
نيره: لسه عارفه من قريب
مريم :وهو عارف انها عارفه واتفقوا يتجوزه بس بالاسم
ثريا :وايه الي جبرك ع كدا يا بنتي
نيره: قلت ابعد وليد عن طريقي عشان كدا قررت اتجوز خالد واسفه يا ماما اني عملت ده
ثريا :الحمد لله ان الفرح اتلغي ده انا هشكر الله ولا كنتي هتندمي بقيه حياتك
حنان :فعلا يا ثريا نحمد الله
ثريا :والله يا حنان ما كنت برتح له ولا بحبه من البدايه لما قرب من بنتي كان بيتصرف بدون كرامه لدرجه قولت ده بيحب بنتي ومستعد يبقي مَداس عشان كدا معترضتش بس كنت حاسه انه طمعان فينا
في الشركه بعد ما حكتله ثريا الفجعه طلبه يجيله مكتبه دخل وقعد قدامه كما التلميذ المعاقب
فهمي: بكل بجاحه طلبت بنتي للجواز وانت شـ
خالد وشه في الارض: انا متأسف
فهمي بغضب وحده: الصراحه بدل الاسف عايز منها ايه ليه اتصرفت راجل طبيعي وخدعتني وخدعت الكل ايه الفايده الي اخدتها من الكدب ده عايز تستخبي وتداري انك بتحب ست وانت قربت من بنتي وكنت عايز تستغلها
خالد : لا انا فعلا كنت معجب بنيره وفكرت اني اقدر اعيش مع ست و فعلا كانت نيتي خير ناحيتها كنت عايز اساعدها بعد فضيحتها مع وليد و
فهمي قطعه بعصبيه لانه قرفان منه :كفااايه كفااايه مش عايز اسمع فيه اتفاق بينكم انا معرفوش
خالد ارتبك: لاء مفيش حاجه
فهمي:وليه صاحبك كشف سركم كدا ع الملاء
خالد: لانه حس بالغيره
فهمي صرخ: غيره الي عمله غرز راسنا في الوحل عارف كدا
خالد: عارف انه هيأثر ع عايلتك بس انا مش هرحمه
فهمي بستياء : انا بجد قرفان انت خالتني ندمان اني وثقت فيك كان تفكيري غلط اخرج برررا اخرررج مش عايز اشوف وشك تاني
خالد قام بسرعه : حاضر
قاعد قدامه وفاتح الفيديو الي بيعترف فيه انه شاذ وبعدين قفله بقرفه واستياء
جمال: لسه وصلني الفيديو المقزز ده بس معرفش نيره تعرف بيه ولا لسه معندهاش علم وياتري لما تعرف ممكن تعمل ايه
وليد بتأكيد: اعتقد نيره عارفه بالموضوع ده واظاهر كل واحد منهم له اتفاق مع التاني
جمال: بس الاهم نيره مش هتتجوز خالد
وليد: لو عملت ده عشان افضل بعيد ده يستاهل ترمي نفسها في النار اكيد فيه سبب اقوي انها تعمل اتفاق معاه بس انا لازم اعرف ايه هو لان المسأله خطيره لنيره وهي مش فاهمه انها بتلعب بالنار لحد ما هتحرقها بس انا مش هسمح
جمال :عارف انك مش هتسيب الامر غير لما تكشفه وهتمضغه بسنانك
وليد: لازم امضغ عشان اعرف ابلع
جمال: اه بخصوص المشروع الي انت اخدته عرفت ان فيه راجل تقيل وراه
وليد هز دماغه وكملوا اكل لحد ما وليد تلفونه رن وكانوا التؤام عايزينه استأذن من جمال ودفع الحساب وقام يرحولهم
.......
تاني يوم انتظرها وهي داخله الشركه لقاها داخله عليه لابسه بنطلون اسود واسع ع بلوزه حمره بدم الغزال وشعرها الاسود الطويل ديل حصان واللون الاحمر هياكل منها حته عيونه منزلتش من عليها وكأنه عاوز يلتهمها بنظراته كانت حلوه اوي قرب واعترض طريقها
نيره بهجوم: النهارده هطردك من المكان ده
وليد بصلها اوي ورفع حواجبه الاتنين لفوق
نيره لماشافته طول في البصه فيها: بتبحلق في ايه
وليد ميل عليها واتكلم بين شفايفها عن بعد : مراتي بتتعصب بسرعه وبكل سهوله كنتي هتقتليني يا ريري هتقتليني
نيره ضربته علي صدره بعنف: مين دي الي مراتك يا بتاع انت
وليد ابتسم: ليه بتقربي وتلمسيني كتير وانا بنهار وع فكره كل الموظفين عيونهم علينا بعدين يفكروا انك بتغري حبيبك القديم لان قلبك مكسور من عريس المستقبل الشاذ وبعدين تخسري وتحصل ضجه كبيره وانا بستمتع بالتحدي واطمنك انك مهما عملتي انا مش رايح اي مكان بتفهمي ولا مخك طخين لازم افضل هنا والاهم من ده عندي سر مهم ولازم اكتشفه واعرف ايه الي مخبياه عني
نيره عقدت حواجبها زي الأطفال وبصتلو بنظره هزته من تحديها
وليد بستهزاء : الا بالحق لسه مستعده تتجوزي من خالد الشاذ وياتري ايه الصفقه الي قدمتوها لبعض
نيره بصتله و فضلها تكه من الغيظ والقهر تهجم عليه وتخنقه اتحركت من قدامه ومشت بغيظ ووليد ابتسم وراح وراها
................
في مكتب فهمي
نيره: بابا لازم تصدقني ده معندوش نيه كويسه اتجهنا هو جه هنا يعرف اسرارنا بابا لازم تسمعني وتطرده
فهمي بهدوء: وليه هيعمل ده ليه؟؟
نيره: عشان يساعد جلال طبعا ويخلي شركته تفوز ضدنا والمناقصه ترسي عليه
في نفس اللحظه وليد خبط ودخل ونيره نفخت زي الاطفال وهو ابتسم نص ابتسامه وخاصه لما شافها متعصبه دخل وقرب ومد لفهمي ملف
فهمي بستغراب: ايه الامر يا وليد
وليد قعد بهدوء: ابدا بس فيه فساد في قسم المشتريات ورأي نخرج الموردين من المناقصه المره دي وحضرتك تقدر تساعدني في اعاده النظر
فهمي: قصدك ان شركتي فيها فساد والموردين بيسرقوا لحساب بعض
وليد بجديه: فعلا لقيت مبالغ كبيره وغير طبيعيه
فهمي: هراجع ده بأسرع ما يمكن ولو كانت دي الحقيقه زي ما بتقول لازم افصل المتورطين
وليد: كان لازم ابلغكم عن اذنك وقام راح ناحيه الباب
فهمي: وليد فيه حاجه تانيه عايز تبلغني بيها بخصوص جلال
وليد بص لنيره بسرعه ومثل انه مرتبك ومتوتر ونيره بصتله بمعني قلت هطردك فتفضل قول
وليد بهدوء: ايوه روحت لجلال بيه اتكلم معاه في مسائل شخصيه مالهاش علاقه بالشغل ولو فيه كلام عنكم هو اني مش هشتغل تاني معاه لاني بشتغل معاكم حاليا
نيره وقفت قصاده بندفاع: كداب طبعا اخدت المعلومات وجريت تحدفهاله
وليد قرب منها بخطواته ومبتسم وعيونه عليها : عندك دليل
نيره لسه هترد من بروده ورده الي ناوي يجلطها بيه!!!
فهمي حب يلهيها: نيره عايز اتعامل مع الفساد بأسرع وقت
نيره اخدت الملف من فهمي ورجعت تبص لوليد بقهر : اكيد يا بابا اكيد
واخدت الملف وضربته نظره هزت فؤاده وقبل ما تخرج من المكان وليد ابتسم لها بشقاوه
فهمي: متخلنيش احس بخيبه امل لاني حميتك واديتك الثقه لاني مش عايز اثق في الناس الغلط مره تانيه
وليد: انشاء الله اطمن وهبقي محل الثقه
.....................
رايحه المكتب متعصبه ان خطتها فشلت فشل زريع ومجابتش فايده انها تطرده وتتخلص من قربه زقت الباب لقته قاعد وحاطط رجل فوق التانيه
نيره: بتعمل ايه هنا
خالد: اظن انتي عارفه انا ليه هنا مش لازم تسألي جيت عايز فلوس اظن حقي
نيره :مش هديلك حاجه بس فيه امور لازم نتكلم فيها وليد اكتشف ان فيه فلوس مسروقه عارف الفلوس دي راحت فين اظن انت الي جبت الموردين دول للشركه
خالد :انتي مفكره اني جبتهم عشان اسرق واحط في جيبي
نيره: انا بفكر وبس ولو عندك دليل تثبت برائتك قدمه والا يبقي انت الي سرقتهم وهبلغ عنك
خالد ضرب الطاوله بعنف:انتي دلوقت بتهربي من انك تديني فلوس وبتستخدمي السبب ده وتهدديني
نيره لوت شفتها: لاء ملوش علاقه بلاش تخلطها 2 مليون بالنسبه لي مبلغ مش كبير اوي بس مسالتك انت مساله كبيره ولازم اتعامل معاها الاول روح نضف الي عملته ونتكلم عن 2 مليون
خالد بشر كحد الجحيم: لو مساعدتنيش في الامر هكشف حـ
نيره قطعته ببرود اعصاب :عايز تفضحني مش كدا حتي لو فضحتني مين هيصدقك الكل هيعرف اني كشفت سرقتك من الشركه وده سبب انتقامك مني والفت حكايه تفتري بيها عليا
خالد صرخ فيها : انتي شيطانه يانيره شيطانه
نيره: لازم ابقي شيطان عشان احمي نفسي من العينه الي زيك ولو عايزني ابقي ابليس مستعده
خالد سابها وخارج بغضبه لقاه وليد طالع في وشه راح عليه بكل غضب
خالد: عشان تحقق انجاز في شغلك تدمر غيرك اظن دي مهنتك طبعا عشان تبقي قادر تنجح وانت مش من حقك تتهمني بالشكل ده
وليد رفع حاجب واتكلم بثقه: لما احب اقتل بني ادم هكون حذر ودايما مستعد ولو انت بريئ اثبت وابعد عن نيره واياك تفكر تأذي مراتي لان لو ده حصل انا مش هسيبك
خالد بصله نظره غريبه ونزل وسابه يجري ع السلم ووليد احتله القلق واتمكن منه
...............
في المكتب اتصلت بصديقه عمرها تحكلها عن الي حصل
مريم بسعاده: وليد هو البطل الي راكب حصانه الابيض ودايما يساعدك في الوقت المناسب
نيره: يساعد ازاي يعني
مريم صرخت بفرحه : انه اكتشف ان خالد متورط في فساد ولما حس انه هيتقبض عليه خاف وهرب وكدا مستحيل يبقي عنده الشجاعه يقربلك او يبتزك موافقه ع كلامي طبعا
نيره: لاء بس
مريم: لاء اياك تدوحري وتجادليني انه بيتظاهر وبس لو كان عايز يدمر شركتك كان سمح بالفساد والسرقه مش ده يأذي الشركه اكتر ولا انتي مش معايا ع الخط ليه يساعد في اكتشافها نيرو اسألي نفسك وليد ليه اتحمل ظلمك ومصمم يفضل جنبك اولا عشان يحميكي ثأنيا لانه بيحبك او نقول بيدمنك
نيره: مريم اسكتي
مريم شخطت فيها: لاء انا عايزه اتكلم اديلو فرصه
نيره بحيره: لكن يمكن يكون
مريم قطعتها :بيحاول يأذيكي اظن عنادك وغضبك هما الي هيأذوكي مش وليد نيره مقدمكيش وقت طويل وسلام لان البتي فور اتحرق
نيره بعد ما قفلت مع مريم وصراعات كتير جواها...كلام مريم من جهه والخذلان والنبذ الي شافته منه من جهه...نفسها تصدق كلام عمتها وصديقتها بينها وبين نفسها تسلم لمشاعرها وتديلو فرصه تانيه وتشوف لكن خايفه يخذلها رجعت غمضت عيونها بقوه تطردوه من تفكيرها وأفأفت بضيق من غبائها مستحيل تضعف قدامه!!!!!
................
في الكافيه
مريم جابت طبق وحطته قدامه: اتفضل كول ده وقولي رايك
هشام: انتي بخير مش سخنه ولا مريضه اخدك لدكتور
مريم: لا انا مش مريضه ولا سخنه بس سعيده انك اتغيرت ورفضت عرض باسم انت روعه
هشام ضحك اوي: الله يروعك وشكرا بس انتي الي غيرتي طريقه تفكيري
مريم وشها قلب فراوله: وليه تشكرني انت غيرت نفسك انا ماليش علاقه
هشام: اه بالحق عن أمر باسم وخالد عايز افهم
مريم قطعته تتوه الموضوع لانه محرج جدا: اه صحيح انت داخل المناقصه لشركه التمساح وانا صديقه مقربه من وريثه الامبراطور
هشام :مش فاهم وضحي واشرحي
مريم خطفت من ايده البيتي فور وقامت
هشام بندهاش :بتعملي ايه
مريم برقتله:مش هتاكله
هشام سحب واحده من الطبق وهو بيقول:ليه
مريم خطفتها منه و بعصبيه: لاننا طلعنا منافسين لبعض ومن هنا وطالع متجيش هنا تاني لحد ما يتم اعلان نتيجه المناقصه بسمه تعالي نظفي التربيزه هنا
هشام بيشد : ثاتيه اخد واحده
مريم ضربت ايده وبعدت بالطبق بشخط:ولا نص واحده
هشام ضرب كف بالتاني وضحك من اسلوبها وطريقتها:لاء مريم دي مجنونه اقسم بالله
....................
عشيق منال: اظن مهدتلك الطريق وخلصتك من الشركات الصغيره الي فاضل شركه الامبراطور عملت ايه
جلال: اتكلمت مع وليد مفيش داعي تقلق مش هيسبب لينا اي مشاكل
العشيق: انت متأكد ان وليد معهوش شئ يرجع يهددنا بيه
جلال: لاء اطمن انا هتعامل مع وليد ومش هيعترض طريقنا
العشيق احمد نفس من السيجاره :لو كان بيطيعك ويسمع كلامك كان رجع يشتغل معاك بس انا هلاقي طريقه اساعدك واتولي امره بنفسي كدا شغلنا هيبقي اسهل بكتير
جلال فتح عيونه بخوف: لحظه تقصد ايه هتعمل ايه معاه
العشيق صد وشه عنه وشاور للخدم بالكاس ورجع بص لجلال بمعني مبيقولش لحد الي ناوي عليه وجلال الدم هرب من وشه من غموض ليأذيه لان مهما كان ده ابنه!!!!!
..................
عند خالد الي اتصل بباسم اكتر من مره لكنه اغلق الخط في وشه خالد جن جنونه وراحله الشقه لقاه بيلم هدومه
باسم لف وبصله: ها جبت الفلوس
خالد بتوتر ورعشه: لسه شويه فيه مشكله صغيره نيره هددتني انها هتبـ
باسم اتجهاله ولف واخد الشنطه وخارج من المكان
خالد طلع وراه برجاء: باسم ارجوك متسبنيش مبقاش ليا حد ارجوك اديني فرصه اجمعلك المبلغ
باسم سلك إيديه عنه وبعصبيه :فرصه تاني انت فاشل كل شويه تخلقي لي اعذار ولا بتنجز اي حاجه يا اخي مقدرش اتحملك تاني
خالد حضنه من وسطه بقوه: باسم ارجوك متقولش كدا انت مش بتحبني يبقي لازم تقف جنبي ارجوك متسبنيش انا بحبك
باسم زقه وقعه علارض :بس انا مش بحبك وده يخصك لوحدك لو كنت بتحبني وسحب ايد الشنطه وخارج
خالد قام وضمه من ضهره: باسم ارجوك متمشيش ارجوك
باسم لف وضربه بوكس عنيف وقعه علارض
خالد قام يجري وراه: باسم ارجوك
باسم اتحول لوحش وفضل يضرب فيه بوحشيه كأنه اتجرد من الرحمه ويرفسه برجوله في معدته وخالد صرخ بصوت من الم الضرب
باسم شاور عليه بتهديد وشر : لو اعترضت طريقي مره تانيه هقتلك ساااامع هقتلك واخد الشنطه ومشي
خالد فضل يسحف علارض وراه ويصرخ بعزم ما عنده وفضل يعيط بقهر ويبكي بحرقه
...................
في المكتب عند فهمي دخل لما بعتله ع وجهه السرعه
فهمي: انا اسف اني جبتك ع ملا وشك بس فيه امر مستعجل عايز اشاوركم فيه
وليد: اتفضل
نيره: ايه هو يا بابا
فهمي بص لوليد: فيه مستثمر اتصل بيا محتاج حد يشاركه في استثمار في فندق 5 نجوم هيجدده وانا عملت شويه معلومات لقيت المكان جميل لكن
وليد بهتمام: لكن ايه؟؟
فهمي: الشخص الي هيقوم بيه هو انت يا وليد لانهم طالبينك بالاسم
وليد عقد حواجبه بستغراب: ازاي عرف اني بشتغل معاك
فهمي: انا مش عارف بس اكيد الكل عارف بستقالتك ويمكن هو اختارك لان كل الناس حابه تشتغل معاك وقام يجيب النظاره عشان يقدر يشوف الملف
نيره: لو كان الامر كدا هتعمل ايه خلاص لقتها انا اعمل شغله لانه هو هيكون مشغول
وليد بصلها انها عايزه تزحلقه ونيره ربعت ايدها وبصتله ورفعت حاجب غير نظرته لنظره كلها حب وعض شفته الي تحت ببطئ
نيره رفعت حاجب بغيظ وكلمته بحركه الشفايف: انت بتبحلق فين لف وشك هناك
وليد قلدها وحرك شفايفه: انا اسف وكتم ضحكته
نيره كان نفسها تدوس ع رقبته..مش وقته يستخف دمه
وليد: انا قادر اهتم بالمشروعين مفيش مشكله بس بطلب ان نيره لازم تكون المساعده بتاعتي
فهمي: موافق طبعا
نيره بدهشه: بابا
فهمي: يا بنتي انا مقدرش اثق في اي حد لازم تساعديه وحطي في اعتبارك انتي بتشغلي لصالح شركتك
وليد قام: كدا اتفقنا وخرج
نيره: بابا انت عارف اني مش عايزه اشتغل معاه
فهمي بهدوء: نيره علي انه قادر ومؤهل بس لسه غريب ولو انتي مش هتبقي عيوني ووداني قوليلي اقدر اثق في مين غيرك
نيره بستسلام: حاضر يابابا عن اذنك
وراحت مكتبها وهي مخنوقه فتحت الباب لقته قاعد وحاطط رجل علي رجل بتناكه
نيره بنفعال: انت بتعمل ايه هنا؟؟!
وليد اتجاهل عصبيتها وقام وقف بهدوء: ابدا جيت ارمي نظره ع وش البني ادمه الي رافضه تشتغل معايا ورافضه تقرب مني لانها خايفه
نيره ضيقت عيونها وزاد غيظها : انا مش خوافه ولا بعرف الخوف ابدآآآ
وليد همس جنب ودنها: متأكده
نيره بتحدي: اه متأكده انا واثقه في نفسي وعارفه اني مش اقل منك
وليد ابتسم: انا الي اقصده انك خايفه تتأثري بيا
نيره لفت وماشيه مسك وسطها وسحبها معاه قعد واخدها علي رجوله وبعد شعرها عن وشها وباس خدها
نيره وهي بتحاول تفك ايده لان دقات قلبها إرتفعت وخايفه يسمعها: انت يا نيله بتعمل ايه؟؟
وليد ضحك ضحكه لذيذه : ايه عصبيه هانم خايفه تقعي في حبي وبعدين متقدريش تقوميني
نيره ميته غيظ منه : مين دي الي تحبك انت ليك واحده زي منال
وليد: منال دي واحده خبيثه تافهه اما انتي حبي الي بسترد منه كياني ممكن ريري تتساهلي معايا شويه وتعترفي بحبك ليا
نيره قامت بنفعال وبعدت شعرها عن وشها المحروج واتكلمت بغيظ: انت يا معتوه سبني واخرج
وليد قام وقف وقفل زرار البدله ومط شفايفه: مفيش داعي تطرديني خارج بقيمتي بس هستني منك رد بانك عملتي صفقه مع خالد
نيره بعناد: مش هقولك حتي لو عملت ده
وليد حرك ايده ع خدها: يبقي عملتي كدا عشان مروحش اي مكان ودي خطتك عشان افضل غيران عليكي وافضل قريب منك وحواليكي
نيره مسكت الدباسه تهدده بيها: امشي من وشي لا اخلي ليلتك مهببه وعيونك يورموا
وليد ضحك وبعد عنها : لاء وعلي ايه اقصر الشر واخرج بكامل ملامحي
وراح ناحيه الباب ولف رمالها بوسه في الهواء ونيره حدفته بالدباسه ووليد ضحك ع شكلها النرفز ووطي واتفادي الدباسه ونيره حست بسعاده غير طبيعيه والإبتسامه هتاكل نص وشها
..................
بعد ما خلصه شغل ووليد قدر يقرب منها خطوه وده اعتبره في حد ذاته انجاز البدايه يزيل العواقب اخدها وأصر يوصلها بنفسه نزل الجراش ووقفها قبل ما يركبوا العربيه
وليدمسك ايدها بلطف: بقولك ايه ياحلوه فيه اجتماع بكره وتيجي تحضريه معايا
نيره تسحب ايدها من ايده بهدوء :وليه انفذ كلامك
وليد بألش :الله مش انتي الصبي بتاعي و ابوك قال كدا ولا نسيتي
نيره كشمتله ومشت تركب العربيه وهو ابتسم علي شكلها
في ظهور خالد الي نداه عليها بصوت كله غل: نييييره
نيره وقفت واتجمدت ووليد قرب وقف جنبها بقلق
خالد وهو شادد على اسنانه :بسببكم انتم الاتنين بقيت كدا
وفجأه بدون اي مقدمات طلع المسدس يضربها في صدرها كان ضهر وليد درع ليها واخد الرصاصه بدالها ووقع راكع ع الارض ونيره نزلت معاه واخدته جوه حضنها وصرخت بانهيار وبكل قوتها وجسمها كله بيرتعش :ووووليييييييد حد يلحقنااااااا
منتظره توقعاتكم
........................................................
البارت 27.
#سيقان_في_الوحل
خالد وهو شادد على اسنانه :بسببكم انتم الاتنين بقيت كدا
وفجأه بدون اي مقدمات طلع المسدس يضربها في صدرها كان ضهر وليد درع ليها واخد الرصاصه بدالها ووقع راكع ع الارض ونيره نزلت معاه واخدته جوه حضنها وصرخت بانهيار وبكل قوتها وجسمها كله بيرتعش :ووووليييييييد حد يلحقنااااااا اسعاف الحقونا اسعاااف
نيره خرجته من حضنها ووشها مخطوف الف لون: وليد انت هتكون بخير ها
وليد هزلها دماغه بـ ايوه وهو بيحاول يجاهد ان عيونه متغمضش عشانها لكن بدء جسمه يرتعش ورخا غصب عنه
نيره ضمته لحضنها بقوه وتصرخ وتبكي بحرقه: سااااعدوني حد يساااعدني
بعد ما طلعوله الرصاصه من كتفه ونقلوه لغرفه عاديه فضلت قاعده ع كنبه وعيونها منزلتش من عليه وكلها دموع وخوف ودعاء لحد ما فاق من اثار البنج وبدء يتحرك وفتح عيونه بشويش حس بألم في كتفه نيره قربت عليه تمنعه من الحركه: وليد الحمد لله هروح انده الدكتور
وليد مسك ايدها وسحبها عليه رغم الالم وحط ايدها علي قلبها وهي لسه في حضن ايده: بجد كنتي مرعوبه عليا انتي مش بتكرهيني ريري زي ما بتقولي
نيره حطت ايدها التانيه فوق ايده وابتسمتله ابتسامه لو اترجمت معنها اديتك فرصه تانيه
لقت اهلها داخلين شدت ايدها من بين ايديه وبعدت عنه بسرعه
فهمي بفزع وخضه: نيره
ثريا راحت ضمتها: بنتي انتي بخير
نيره: ايوه يا حبيتي اطمني وليد انقذني
ثريا بصتله مبتسمه بمتنان: شكرا يا بني الف شكر لانك انقذت نيره لتاني مره
حنان قربت منه وسلمت عليه:حمد الله ع السلامه يا ملك
وليد ابتسم : الله يسلمك
حنان:الدكتور طمني وقالي ان الرصاصه مجرد خدش بسيط والوضع مش خطير وهتتحسن خلال ايام انت كنت محظوظ
وليد: لاء ده خالد الي تقريبا مش بيعرف يستخدم سلاح ومكنش في حالته الطبيعيه
فهمي بعصبيه :انا هرميه في السجن
ثريا :بس ليه عمل كدا في الاول خدعنا وحاول يتجوز نيره ايه الي خلاه غضبان بالشكل ده انتي اتخانقتي معاه قوليلي
نيره اتوترت واتغير وشها هترد تبرر تقول ايه وهو لاحظ تغيرها
وليد لحقها واتكلم بسرعه: لاء الموضوع بخصوص الشغل لاني بلغت عن فساده
نيره بصتله وهو بصلها بمعني انا معاكي بس مسيري هعرف السر الي بينكم
ثريا: نيره لازم تاخدي بالك احنا لسه منعرفش مكانه
نيره :حاضر
فهمي :عمري ما تخيلت انه يتجرء ويعمل الي عمله
شويه كلهم مشيوا عشان يسيبه يرتاح
تاني يوم دخلوا كلهم يطمنه عليه ودخلوا التؤام بهيصه ويصرخوا بأسم وليد
وليد بفرحه وهما بينطوا عليه علي السرير: خالي بالكم اطلعوا براحه لتقعوا
ملك باسته من خده: وليد انت تعبان
وليد:يعني شويات
مالك: متخافش انا ههتم بيك
وليد : طيب ممكن بوسه عشان استمد طاقه خاصه منكم واخف بسرعه
التؤام قربوا منه وعطوله الف بوسه
وليد بنشكاح: لاء طاقتكم خففتني خلاص
التؤام هيصوا بصرخه: هييييه
حنان: هش براحه وليد لسه تعبان عارف فضلوا يعيطوا عشان يجوا يشوفوك حاسس بأيه دلوقت
وليد اتنهد: الحمد لله احسن
ملك: لازم الاميره تهتم بالامير
مالك: ايوه حرام مش عارف ياكل
حنان: نيره اكلي وليد وانا هروح اسأل الدكتور يقدر يرجع البيت امتي
نيره بحرج: عمتو
وليد مسك المعلقه بأيده الشمال وفضل يمثل انه مش عارف ياكل
ملك: نيره ممكن تاكلي وليد مش عارف ياكل
مالك: فعلا
وقاموا شدوها تقعد جنبه ونيره عاندت وقعدت وبس
ملك: اكليه يله
نيره مسكت المعلقه تأكله ووليد مد ايده وضمها من كتافها الاتنين واكل من ايدها بستمتاع والتؤام مبسوطين وهي وهو عمالين يضحكوا عليهم
...................
هشام راجع الملف و داخل عند جلال
جلال رفع عيونه وسأله: ها خلصت الملف الي ادتهولك
هشام لسه هيرد تلفونه رن طلعه من جيبه ورد: ايوه يامريم
مريم: هشام خالد ضرب نار ع وليد
هشام: ايه وليد انضرب بالنار
جلال وسع عيونه علي اخيرهم بروعه
هشام :تمام يا مريم
جلال بقلق وخوف: فيه ايه
هشام :وليد في المستشفي انضرب بالنار
.............
وليد واخد التؤام في حضنه ع دراعه الشمال وبيلعب في شعرهم: ها ياتري فيه حد عايز يسمع حدوته قبل النوم عن الراعي البسيط
التؤام رفعوا ايديهم لفوق: انا
وليد ضحك: واو الاتنين عايزين حمستوني خلاص هحكلكم كان فيه قريه وفي القريه كان فيه راعي اغنام
حنان دخلت ووليد يصلها و ابتسم لها
نيره: ها قالك ايه الدكتور
حنان قعدت جنبها: يقدر يرجع البيت حاليا
مالك مسك دقنه: كمل يا وليد
وليد الي مركز معاهم انتبه لمالك: اه كان فيه راعي بسيط عنده 100 خروف
دخل هشام وجلال ووليد سكت وحنان قامت هي ونيره الي كشرت وربعت ايدها
جلال بصلها بطرف عين وبص لوليد : عامل ايه دلوقت
وليد بضيق بص لنيره: ممكن تاخدي الولاد
نيره مسكت التؤام وهي لسه مكشره: عمتو اظن لازم نرجع البيت يا يله بينا ياولاد
جلال بص للتؤام وحس ناحيتهم بشئ مجهول ابتسم لهم اوي وفضل مركز عيونه عليهم لحد ما خرجوا انتبهه لنظرات هشام المتعجبه لـ اهتمامه بيهم!!!!
جلال بصله وحط ايده ع عمود السرير: مين الي ضربك بالنار شوفت الي عملها كان متعمد
وليد بيأجاز: كان سوء تفاهم وانا بخير
هشام بتريقه: انا لو مكانه كنت قتلتك لو حد سرق مني حبيبتي يوم فرحنا حتي لو كان جواز مزيف
جلال أستغرب : انت بتتكلم عن ايه
هشام: الشخص الي ضربه بالنار يبقي خالد عريس نيره
جلال بعصبيه: شايف محدش مرحب بيك هنا حد منهم كان ناوي يقتلك لازم ترجع لعشك
هشام اتخنق: انا طالع استناك برا
وليد: ليه ما عندك هشام امتي هتبدء تشوفه وتقدره وتحترمه ولو كنت هنا هتتكلم في المواضيع القديمه يبقي اتفضل وانا هكون بخير
جلال زعق فيه: انت ليه دماغك ناشفه كدا انضربت بالنار ولسه مُصر تفضل معاهم هو انت متعرفش انه فيه ستات غيرها قولي وانا اجبلك الف غيرها ويبقوا تحت رجلك
وليد بقهر: ونيره الانسانه الوحيده الي حبيتها وهفضل احبها لحد اخر نفس فيا وبعدين انا مقدرش اعمل الي انت بتعمله امتلك الستات واخفيهم في اخر الدنيا
جلال بنفعال: انت بتهني يا ولد
وليد ببرود: كلامي غلط يا جلال
جلال وشه اتصدم: جلال انت نسيت مين انا انت لايمكن تقطع علاقتك بيا سااااامع
................
في ممر المستشفي
حنان: الراجل الي دخل يشوف وليد مين هو؟؟!!
نيره: ده جلال ريسه السابق جلال
حنان بتذكر: ليه حاسه اني اعرفه بس مش عارفه قابلته فين؟؟
مالك: ممكن يا ماما حنان اجي اشوف وليد تاني
حنان بتسامه: طبعا يا حبيبي لما يخرج من المستشفي هو هيجي يلعب معاكم زي العاده
التؤام فرحوا وهيصوا بسعاده
نيره: وليد وجلال مقطعوش علاقتهم سوي ازاي تطلبي مني افتح صفحه جديده واديلو فرصه
حنان سكتت واخدت الولاد وخرجوا قدام المستشفي
نيره ضربت جبينها: عمتو يظهر نسيت مفاتيح عربيتي فوق في غرفه وليد معلش ممكن تستنيني هنا ع ما اطلع اجيبها
حنان: ماشي حبيبتي يله احنا يا ولاد نروح ناكل ونستني نيره
نيره طلعت ولقت هشام واقف في الممر راح عليها
هشام : نيره
نيره: نسيت مفاتيح عربيتي رجعت اخدهم
هشام ابتسم: تمام اتفضلي
نيره قربت ولسه هتفتح الباب سمعت اخر جمله قالها جلال
=انت نسيت مين انا انت لايمكن تقطع علاقتك بيا ساااامع
ثريا قربت منها:بتعملي ايه يا نيره
نيره: ابدا نسيت مفاتيح العربيه بس جلال جوه
فهمي اتعصب وفتح الباب ودخل بغضب: انت بتعمل ايه هنا
جلال: موظف عندي انضرب بالنار جيت اهتم بيه
فهمي: بس هو مش في شركتك
جلال: انضرب بالنار من موظف عندك انت تقدر تهتم بيه طب ازاي وانا هرجع وليد لشغله
فهمي: محدش يقدر ياخده طالما انا مسمحتش بده انه يحصل
جلال بغل: وهو مش هيطيع اوامرك بعد اللحظه انت زمان سرقت مني ثريا مش هسمحلك تاخد حد مني تاني
الكل دخلوا في حاله زهول دهشه وحيره وحسوا إن فيه حاجه طبعا من شكلهم وفهمي عيونه اظلمت وماسك نفسه عنه بالعافيه وافتكر كل حاجه كأنها اللحظه
جلال كان معجب بثريا من ايام الكليه لكن ثريا عمرها ما اعتبرته اكتر من زميل ولا فكرت فيه كحبيب ابدا وحبت فهمي الي كان زميلها بس اكبر منها بسنتين في نفس الكليه وجلال لما عرف انهم ع علاقه أهانها قدام الكل واتهامها انها بتحب فهمي لانه من عايله ثريه وعشان كدا هي اختارته ورفضته هو عشان من عيله بسيطه وفهمي اتهجم عليه وضربه وجلال اقسم انه هينتقم منهم وبقي طار نصي لحد ما اتجوز جلال دريه وحيده لشركه التمساح وبعد ما ابوها اتوفي مسكته ادراه الشركه وبقي ينافس فهمي وكل هدفه انه يوقعه لحد وقتنا هذا
هشام: بابا هو فيه ايه؟؟
جلال بحده: اسأل فهمي
فهمي بصله بنظرات مرعبه
ثريا بحده: امشي يا جلال حالا ولو الزمن رجع بضهره لا يمكن اختارك ابدا سيبنا في حالنا بقي
جلال لف لوليد نظرة وعيد: متنساش ترجع واخد بعضه وخرج وهشام طلع يلحقه
فهمي بلع ريقه وراح قعد علي الكنبه وفك الجرافت شويه من الخنقه
نيره راحت قعدت جنبه ومسكت ايده: بابا
فهمي ابتسم غضب عنه وطبطب علي ايدها: انا بخير
وليد: انا اسف بخصوص جلال بيه هو مش قادر يصدق اني بعدت وعاوزني ارجع
ثريا: طول عمره كدا لا يمكن يتقبل الخساره
نيره:ماما يله نروح عشان بابا يرتاح
فهمي قام وشاور عليه بالسبابه: هقولهالك تاني اوعي تخيب املي مها حصل والا مستحيل تاخد فرصه تانيه تكفر بيها عن اغلاطك
وليد: اطمن زي ما اتفقت معاك انا مكمل
فهمي: يله بينا
وليد: نيره
نيره لفت وبصتله وسكتت
وليد كمل: معرفش ايه النزاع الي بينهم زمان وانتي تعرفي عنه حاجه
نيره: مش لازم اجاوبك لانه ميخصكش افضل بعيد وخرجت
وليد اتنفس بضيقه ولنفسه: ازاي ميخصنيش لو حد عرف انا ابن مين ياتري هيكون عندي امل ابقي معاكي انتي وولادي يا نيره
....................
رجعت البيت تنادي علي الاولاد: ملك مالك انتم فين يا عيون نيره
التؤام جريوا عليها بلهفه وفرحه: هيييه نيره رجعت
نيره نزلت علارض وحضنتهم وفضلوا يبوسه فيها
ملك بحماس: تعالي معانا هنوريكي مفاجأه حلوه اوي
نيره اتحمست معاهم: واو مفاجأه ايه دي يله وروني
اخدوها لغرفه الضيوف وقالولها انها تفتح الباب وتشوف المفاجأه
نيره بفضول ولهفه للمفاجأه : يا تري ايه الي هشوفه لما افتح الباب
وليد قابلها ببتسامه حلوه: انا رجعت
نيره اتنرفزت: انت بتعمل ايه هنا يا كائن انت؟؟
ثريا: طلبت من حنان تجيب وليد يفضل معانا يومين تلاته لحد ما كتفه يتحسن لانه مينفعش يبقي لوحده
نيره اتعصبت:بس كدا مش معقول اصابته مش خطيره دراعه لسه فيه ليه ميقدرش يقعد لوحده
حنان بمكر: اتكلمي مع ابوكي في ده لان هو الي قال يفضل هنا عشان يشتغل لحد ما يخف خالص وبراحته
وليد قرب منها ونطق بهدوء: المناقصه قربت وانا مش عايز اضيع دقيقه من وقتي في الراحه عشان كدا طلبت من ابوكي ابدء وجبت الشغل هنا عشان اكمله
نيره: تمام ارتاح ع الاخر وليد حس بخنقه من نفورها منه واتغير وشه بحزن حنان بصتله بمعني انه مش عاجبها اسلوبها معاه وثريا إاتغاظت من اسلوبها الفظ وراحت وراها !!!!!
ثريا بتعنيف:بزمتك انتي واحده عاقله ليه بتتصرفي زي الاطفال كدا يا نيره
نيره بغل:انا بكرهه مش عايزه اشوفه دقيقه اقوم اشوفه ليل مع نهار
ثريا شخطت فيها:بس الراجل انقذ حياتك لولاه مين عارف كان حصلك ايه
نيره :بس انا بخير دلوقت
ثريا بشويه انفعال:بس ابوكي قال بأن خالد حر لسه مقبضوش عليه ولازم ناخد بالنا كويس ونحذر وانتي كمان لازم تحرسي ع نفسك وكويس ان وليد هنا ومعانا كدا هنحس بأمان اكتر ابوكي صحته تعبانه
نيره بستسلام: تمام بس ليومين ثلاثه ولما يحس انه بقي كويس خاليه يمشي
ثريا كتمت ضحكتها لانها عارفه انها بتحبه بس بتبعده لأنها رافضه وجوده وقربه مسدت ع كتفها وهزت دماغها بحاضر وسابتها وخرجت
نيره نفخت بملل : يعني انا بحاول اهرب منه ومقربش يجيلي هنا لاء انا شكلي هسيبلوا البيت واهج
............
في شقه متواضعه اجتمع فيها الفواحش التي نهانا الله عنها
شاذ: ممكن اسألك سؤال شخصي
باسم: اسأل
شاذ: حبيبك القديم الي قلت يعني انك بتحبه
باسم: لاء ده كان صديق قديم وبسببه خسرت كل حاجه واطمن مفيش حب بينا والامر انتهي خلاص
خالد: بس منتهاش بالنسبه لي
باسم انتفض من مكانه برعب: انت ازاي دخلت هنا
خالد بصوت ينتحب: اشترتلك المكان ده بأسمك ولا نسيت(بص للشاذ الي معاه وزاد غضبه) لو مش عايز تموت اخرج بسرعه
الشاذ قام وباسم مسك ايده الولد حدف ايده: متقوليش حاجه العمر مش بعزقه وقام خطف هدومه وخد ديله في سنانه وهرب بسرعه البرق
باسم ببكاء ورجاء وتوسل: ارجوك بلاش تأذيني انا بحبك انا عملت ده عشانا
خالد صرخ بعصبيه مخيفه: عشانا وحب انا زيك فكرته طول السنين دي اننا بنحب بعض بس طلعت مغفل وغبي اهبل وانت استغليته انت عمرك ما حبيت الا نفسك
باسم بتوتر هستيري :ممكن نبدء من اول وجديد واوعدك عمري ما هتصرف بالطريقه دي تاني ارجوك اتوسل اليك نزل المسدس ارجوك يا خالد
خالد بنظرات قاتله : وماله نبدء من جديد بس مش هنا ورفع المسدس وضربه طلقه في جبينه اتحدف بيها ع السرير ورجع حط المسدس جوه بؤه وضرب نفسه طلقه اتحدف بيها علارض منكب ع وشه وفارقوا الحياه للابد
.............
$$ إن تقبلي حبي فقربكِ جنتي أو ترفضي قربي فتلك جهنمي وكأن الحب خُلق لكي وحدك دون سواكي $$
بالليل اتسحب وفتح الباب بشويش ودخل غرفتها براحه واتسحب ودخل كأنه ماشي ع قشر بيض كانت نايمه جنب التؤام وماسكه القصه الي كانت بتحكهلهم قرب اتاملها لحظات نايمه زي البيبي سحب القصه منها بهدوء اتقلبت وهو لقط القصه وحطها ع الكمدينو وقرب بشويش وقعد جنبها ع طرف السرير وميل وباس خدها نيره حست بريحه انفاسه قلبهادق بقوه وفتحت عيونها وجايه تعدل نفسها وتقوم زقها لوري وحط شفايفه فوق شفايفها واخدهم في بوسه حميمية مثيره تزيد من جنونه وتعصف بيها لهلاكها فضلت ترتعش زي اوراق الخريف..حست بدقااات قلبها تزيد مع لذه شفايفه الناعمه علي شفايفها وهي استجابت واندمجت معاه لثواني ووليد اتعمق ولما افتكرت الي عمله بسرعه حاولت تبعده وتزقه في كتفه لكن بدون فايده كأنه جدار اقوي منها
وليد عض شفتها وهمس لها: بس هَتصحي العيال
نيره ملامحها مولعه وبصوت هامس: انت جيت هنا ليه مش مكسوف ع دمك
وليد قرب منها اوي وهمس في ودنها بحنان: جيت اقولك اني سعيد وطاير عشان معاكي انتي وولادي تحت سقف واحد
نيره: طيب اخرج بقي وبطل تضايقني
وليد بوقاحه: لاء انا عايز انام هنا واضايقك
نيره قامت وسحبته من ايده وبتزقه من ضهره : قلت لك اخرج وحل عني
وليد: احل عنك ليه وانت بتاعتي ها ممكن يا حبيبتى انام هنا
نيره ضربت كتفه : لاء مش ممكن ياوليد بشا
وليد قرص ارنبه انفها: عارفه بحب الطريقه الي بتقولي بيها اسمي دليل علي حبك ليا
نيره باستخفاف: انت واثق في نفسك اوي يا كازانوفا انا مش هخالي نارك تحرقني تاني
وليد بحزن: عارف انك مقلقه مني بس انا مسيري هستولي عليكي واخطفك لجنتي
نيره: مستحيل تلمسني تاني
وليد: مش هلمسك الا برغبتك انتي لان الانسان لا يمكن يعاشر ملاك وانتي ملاكي الجميل ريري
نيره زهقت منه: والملاك بتقولك ابعد عنها وانا لا عايزه اشوفك ولا عايزه حتي معرفتك ولو مسبتيش في حالي هخنقك وتموت وارتاح منك
وليد بضحكه: طيب انام الليله معاكي وبعدين ابقي موتيني براحتك وبعدين منا كنت ناوي اموت نفسي وانتي الي غيرتي راي
نيره بغل وغيظ منه: تصدق بالله انا عمري ما شوفت ابرد ولا اتنح منك وقلت لاء يعني لاء
وليد ابتسم بخفه :ليه لاء اسمعي الكلام انا حلو ومش بعض وهبقي تحت رحمتك
نيره نفخت :اوووف اخرج بقي ورزعت الباب في وشه وهو عمال يضحك عليهم
نيره سندت دماغها علي الباب وحطت ايدها ع شفايفها ووليد برا نفس الشئ
....................#سيفان_في_الوحل
تاني يوم انتشر خبر وفاه خالد واتكتب ان نيره السبب في وفاته
فهمي بغضب: الاسهم نزلت لتحت بسبب الخبر الي اتسرب
وليد بهدوء: ممكن تهداء من فضلك الي هنعمله حاليا مؤتمر صحفي ونقولهم ان شركتنا ملهاش علاقه بخالد وموته امر شخصي
فهمي: هيورطه نيره بموته لان جوازه منها اتلغي من وقت قريب ولازم ارد ع حمله الاسئله اعمل ايه؟؟
نيره وهي ترتعش وتضم نفسها ووليد مقهور عليها
وليد بصلها وقال: مفيش داعي تفكر في الموضوع حاليا الاول نعمل مقابله ونكسب ثقه المستثمرين عشان مفيش حاجه تأثر ع المناقصه نيره بلغي الصحفين كممثله للشركه ياتري انتي مستعده
نيره هزت له دماغها واتنهدت وسكتت
وليد: تمام يله نبدء
واخدها وراح بيها الشركه بعد عده ساعات
مراسله: ياتري ايه هو سبب وفاه خالد في رايك؟؟
نيره بأيجاز: معرفش
المراسله: هل الامر متعلق بعلاقته بباسم ولا عشان فرحكم اتلغي ولا عشان وضعه اتأثر في الشركه
نيره اضايقت من صيغه الاسئله السخيفه مش قادره مخنوقة حاسه انها متهمه وواقفه في جه التحقيق
وليد حس بخنقتها ورد بالنيابه عنها: موت خالد ملوش علاقه بأنسه نيره ولا بالشركه اظن وفاته سببها صراع شخصي
مراسل اخر: هل ده هيأثر علي المناقصه
وليد بثقه ونبره فيها قوه: لاء كل حاجه ماشيه طبيعي وواخدها وماشي
مراسل وقفه: معلش عندي سؤال بخصوص فرح انسه نيره وخالد ياتري كان وراه غطا لشئ ما
نيره: لاء مكنش غطا لحاجه ؟
مراسل ضرب سؤال قاتل في الصميم :ياتري كنتي عارفه انه شاذ جنسيا
كل الانظار اتسلطت عليها ووليد انتظر تجاوب علي السؤال لكن رمشت بعيووونها وسكتت تماما
وليد :ياريت منتكلمش في حياته الخاصه الميت له حرمته والشركه كلها حزينه بالخبر
نيره بدئت معدتها تقلب والفلاشات زغللت عيونها وبدئت تحس بدوران مسكت كف وليد واتكت علي صوابع ايده بقووة...ووليد حاوطها لصدره من كتافها
مراسله:وبالنسبه للمناقصه
وليد :مفيش فيها اي عواقب وانا المسؤل عنها عن اذنكم وبيمد بيها بخطواته
مراسله جريت وراهم :استني جاوبي الاول ع الاسئله من فضلك انسه نيره
نيره وقعت في حضن وليد الي جري بيها بسرعه من قدامهم والامن اتصدر المشهد ومنع دخولهم
وليد فضل مسندها لحد باب مكتبها ونيره فلتت نفسها منه وبعدت عنه: انا بخير دلوقت
وليد: لكن
نيره قطعته بهدوء: عايزه افضل لوحدي
وليد حس بضيقتها نداه السكرتيره: خليكي معاها من فضلك
السكرتيره: حاضر
...................
مريم جاتلها اول ما وليد اتصل بيها ودخلت ع طول وسحبت كرسي وقعدت
مريم بحزن لحالها: لسه سامعه الخبر دلوقت من وليد عامله ايه؟؟
نيره عيونها رغرغت بالدموع: بيقولوا عني اني السبب في موته المشكله الي خلقتها اتسببت في خلق مشاكل كتير لناس تانيه
مريم: خالد عمل ده في نفسه متحمليش نفسك الذنب
نيره اخدت نفس عميق ومسحت دموعها عن خدودها: المفروض اعمل ايه بعد الي حصل مش عارفه دماغي فيها دوشه ومشوشه مفيش حاجه تمت بسهوله زي ما اتصورت
مريم بجديه: اقبلي الحقيقه
نيره: اي حقيقه
مريم: حقيقه حبك العميق لوليد وسامحي واديلو فرصه لو مكذبتيش ع نفسك من الاول مكنتش الامور اتعقدت بالشكل ده
نيره سرحت في كلامها وانها تحاول تديلو فرصه وتسامحه لان التسامح هو الشئ الوحيد الي هيحسسها بالراحة وينجيها لبر الامان وتقدر تكمل حياتها وتستمرر فيها!!!!
رايكم رايكم وتعالوا نشوف نيره والغفران وبدايه حياه جديده مع وليد بعد عتاب طويل ومنتظره توقعاتكم للي جاي
يتبع........
تكملة الروايه من هنا هنا
تعليقات
إرسال تعليق