 |
تكملة البارت( 28_29) بقلم سلطان زماني
عبده بقي يكلمني ب استمرار ويطمن ومعاملته ليا اتغيرت كتير
جدا حنيه بقا وكلام حب ولما كان يدخل في الكلام قليل
الادب كنت بسكت ومش برد فكان يغير الموضوع وبحس أنه
بيزهق ويقولي انتي قفل وأوعي تكوني بارده يادينا وكان
يشتكيلي من الستات الي معه أنه وحده منهم ممكن تنام وهو
نايم معها وكنت ادفع عنهم واقوله يمكن تعبانه وطالع عينها
طول النهار مع العيال وجسمها هلكان قالي مفيش كده عندي
أنا في ست غلبانه بتيجي مره كل اسبوع عند وحده منهم
بتعمل الحاجات التقيله كلها تغسل سجاد تغسل الحيطان كده
بكره تشوفي اني مريحهم علي الاخر قولتله بس انا مش عايز
اخلف تاني بصراحة قالي ليه كده بس ده انا نفسي اخلف من
يادينا واجيب منك اورطت عيال قولتله ع الاقل اول سنة
لحد ما نفهم بعض كويس واطمن قالي انتي لسه لحد دلوقتي
مطمنتيش قولتله اطمنت بس عايزة اطمن اكتر ياعبده
استأذنت منه اني هروح اشوف مرات ابويا قالي ماشي بس
خلي موبايلك مفتوح علشان لما احب اطمن عليكي وسيبي
ابنك عند امي علشان متتلخميش بيه في
الموصلات ..افتكرت طارق لما قالي سيبي ابنك وكان شاكك
اني اهرب . قولت اسال ليطل فاكر كده وقولتله ..ليه اسيبه
قالي خلاص ياحبيبتي برحتك خديه والله أنا لولا الشغل كنت
جيت وصلتكم اطمنت وجمدت قلبي وسبته بعد ما لبست
ونزلت وانا في التوكتك افتكرت الموقف وطارق قولت
احييييه عليا وع غباء اهلي بقيت حطه ايدي ع قلبي وبقول
يارب يكون إجازة ولا مش موجود هناك ..قبل الموقف لقيت
واحد قاعد بفرش بيبع نظرات شمس قولتله بكام دي قالي
دي رجالي في تشكيله حريمه حلوه ولسه بيفرجني قولتله لا
أنا عايزة دي وحسبته عليا ولبستها ودخلت ركبت جنب اتنين
ستات قولت اداري فيهم ولسه العربية بتحمل وباقي ٢ وقلبي
ده بيدق وخايفه ومرعوبه موت الحمد لله العربية كملت
وطلعنا وانا في الطريق كلمت مرات كريم وعرفتها وقالتلي
اني ابنها عنده درس هتوديه وتجيلي علي بيت مرات ابويا
رحت لمرات ابويا مصدقتش اني هنا وقالتلي مش كنتي
اتصلتي ياجزمة كنت جهزتلك غدا وعملتلك حاجات حلوه
الله يابت هو فين ابنك قولتلها شبط فيهم هناك وقعد يعيط
علشان يقعد معاهم قالتلي شكلهم ناس طيبين انتي بنت
حلال وانا دعتلك اني ربنا يوقفلك ولاد الحلال ويفتحها في
طريقك قولتله وربنا شكله قبل الدعوه قالتلي مفيش ارحم
واكرم من ربنا علي عباده وخدتني ورحنا السوق واشترت
لحمه وفاكهه وانا عماله اقولها ملوش لزوم والله ده انا كلها
ساعتين وماشية وهي تقولي يابت انا معنديش اعز منك
مجيتك عندي وشوفتي ليكي وانتي مبسوطة كده بالدنيا
وقفت تعمل الاكل وانا رحت فتحت الشباك ووقفت فيه بشم
هوء وحسه اني سعيدة اوي وملكه الدنيا كلها ب أيدي
ومطمنه اوي بوجود عبده افتكرت هم المرواح وقولت ياريت
تكمل علي خير وميشفنيش تاني
جيه في بالي اني انا وعبده والواد بنخرج كتير وممكن
طارق يشوفنا ويعرف اني قاعده عنده ولو سأل هيعرف اني
اتجوزته وممكن يخطف ابني أو ياذيني هعمل ايه انا ساعتها
لما ياذي ابني وعبده يحبسه ..انتي يابت تنزلي معه وتخلي
ابنك عند حماتك لانه هيعرفك من الواد يافالحه
وانتي ابقي البسي نقاب وابقي قولي ل عبده انك حابه انك
تلتزمي وهو هياكل عليه الحوار ..افرحي بقا ومتنكديش ع
نفسك
مرات كريم جت وقعدنا ناكل ونهزر ونضحك وبجد كانت
وحشاني اووي فضلنا نحكي أنا وهي عن ام كريم ونضحك
ونسخسخ وبالصدفة كان كريم بيتصل بيا قولتلها اهو علشان
تصدقي ياستي ما تلمي جوزك وتبعديه عني بقا وميتين
ضحك
يتبع ..💥💃👯♀️🕺بدلعكم اهو علشان رأس السنة بقا وكده
هيصوا هيصوا👏👏😘
البارت (29) بقلم سلطان زماني
عبده اتصل بيا قومت سلمت ع مرات ابويا واخدت مرات
كريم وقولتلها تعالي معايا الموقف ووصفتلها شكل طارق
وكانت عايزة تفهم وعمال تستفسر قولتلها مش وقته هبقا
احكيلك في التليفون لما أوصل قالتلي طب مين ياختي الي
اول ما كلمك ده الكهرباء مسكت فيكي وبتكلمي برقه كده
معه قولتلها يخربيت اسالتك دي اروح بس وهبقا احكيلك ده
انتي اختي يابت هو أنا بخبي عنك حاجه قالتلي ده الي
عايزة احكيلك واحكيلك بس ملحقتش أشبه منك والله
قولتلها انتي اول ما كريم يروح شغله كلميني وانا كده كده
بكون فاضيه مش بعمل حاجه المهم نزلت وقالتلي مفيش حد
بالمواصفات دي خالص دخلت ركبت ووصلت وانا نازله لبسه
النطاره ومداريه بطرحتي حته من وشي وسمعت صوته كان
بيتخانق مع حد من بتوع المرور وواخد رخصة العربية
ورخصته وعايزين يخدو العربية علشان بيحمل من خارج
الموقف والناس ململومه كتير
معرفش اي الهبل الي جاني ووقفني من بعيد
عايزة اكلم حد يروح يفضو المشكلة دي صعبان عليه أنه
عمال يزعق ودمه محروق
فضلت وقفه لحد ما بتاع المرور رجعله الرخص وهو وراح ع
عربيته ودخل الموقف علشان يحمل وانا روحت ع طول
يدوب رجعت من هنا واستلمتني ام عبده ..قالتلي أنا ست
كبيرة ومعدش عندي خلق ولا صبر اني ادادي وتطبطب واغير
قولتلها ولما عبده قالك أني الواد هيفضل معاكي مقولتلوش
لا ليه قالتلي ما أنا بقولك اهو ياعنيه ..ابنك من نفسك كده
وانتي نازله تهديه في ايدك أما أنا مكسفش ابني واقوله لا ع
حاجه يقولها هزبت راسي ليها وقولتلها طيب يا ام عبده
قالتلي يرحم ايام لما كنتي بتقوليلي يا امي فاكره ياختي قبل
الهدوم والخروج والنغنغه الي ابني مغرقك فيها
بصتلها جامد اوي وانا في دماغي بقول تيجي أي انتي
يا ام شخة في جبروت وظلم امي وام كريم ..
اسكتي يابت مش وقتها خالص سبتها ودخلت لقيت ابني
نايم فضلت العبه وابوسه علشان يصحه جبتلو معايا حاجات
كتيره وانا جايه الواد صحي اتسرع ..كنت علي طول اصحيه
كده وكان يقوم يضحك ويقعد يبوس فيا في ايه ماله اي
حصله
خدته في حضني بقا ماسك اوي في هدومي ومش عايز
يسبني خدته وطلعت بيه برا اسالها اول لما شفها عيط ورجع
يصرخ تاني
دخلت ومسالتهاش شكيت أنها ضربته قلعته ملط وفضلت
أفتش في جسمه زاي الهبلة لبسته تاني علشان ميبردش
هموت واعرف بنت الجزمة دي عملت فيه ايه ..بعد شوية
ابني راق وانا روقت ونسيت وكلمني عبده اطمن عليا اني
وصلت وقفل علي طول
كلمتني مرات كريم الفضول قاتلها هتموت وتعرف مين الي
وصفتلها شكله ده والتاني الي اول ما كلمني قومت ومكنتش
ع بعضي قولتلها دي ناس قرايب امي أنا قاعدة معاهم قالتلي
هنبتديها كدب بقا امال اختك الكبيرة اي
قولتلها ده واحد ابن حلال كده متقدملي بس ايه يابت راجل
بجد وهيبة ونضيف مش زاي الزفير الي عندك
قالتلي ربنا يكرمك ياحبيبتي ويكمل فرحتك علي
خير ..عقبال أنا ما اخلص بقا منه
قولتلها تخلصي ليه خليكي بقا ربي عيالك لعلمك أنا كنت
الاول بفكر والله اني ارجع لكريم علشان خاطر ابني
قالتلي ياريت والله رغم اني مكنتش ينزلك ولا انتي بتطلعي
عندي وكل كلمنا في التليفون والخباثه بس كنتي عاملة روح
في البيت عاملة حس دلوقتي البيت بقا كئيب وكله قافل ع نفسه البيت اكنه مهجور
قولتلها ليه ده ليه
يابنتي ام كريم فاكره اني انتي وامك عملتوا عمل لكريم
بوقف الحال والربط كريم من ساعة ما طلقك وهو مقربليش
خالص بيجي البيت يستحمه ويغير هدومه وينزل يقعد تحت
حتي في الشغل تائه ومش مركز وفي عالم تاني
قولتلها وانتي تصدقي اني اعمل كده
أنا طبعا مش مصدقة انتي مجنونة بس امك طالع عليها كلام
أنها كان ليها في الكلام ده علشان كده هما مصدقين
قولتلها كريم كويس هو بس العيب في امه وأبوه ..هو اتولد
شاف امه الكل في الكل وهي الي راكبه ف واخد النطاعه
والبرود من ابوه ومتعلم من امه الرجولة غلط ماشي بدمغها
حاولي معه أنا متأكد وابصم بالعشرة أنه بيحبك وانتي الي
بعضمه لسانك قولتي كده وحده وحده عليه. هو هيتعدل ويتصلح حاله
قالتلي بقا بعد الي عمله فيكي ده كله بتقولي كده
قولتلها أنا نفسي أنه يبقا احسن راجل في الدنيا علشان ينفع
ابني ويبقا فخور بيه وحتي لو مت أو جرالي حاجه ابقي
مطمنه وهو معه
قالتلي أنا بدعيله والله إمه بس الي مش مبطله كل شوية
تبخر وتجيب شيوخ يقرو وترش ميه بملح وبتاكدله الموضوع
ربنا ينتقم منها عمري ما شفت في حياة وحده مؤذية كده
المهم اعملي زاي ما قولتلك
قالتلي ومين بقا ياختي بتاع الموقف ده
ضحكت جامد قولتلها دي بقا وصلني مره وبعيد عنك جراده
لزقه بغره قفلت معه يتجوزني
ده الي عرفني ع كريمة ووصلني وخلصني من المشكلة دي
قالتلي ياختي ده انتي فتحتي ع الرابع لسه عدتك
مخلصتش وجالك عريسين مره واحد
قولتلها لو كنت لفيت شوية كان جالي 20
قعدنا نضحك واكدت عليها انها تفضل معه ومتسبوش ولا تطلق وتحاول تغيره
يتبع ..🕺👯♀️مدلعكم دلع السنين اهوو ..رأس السنة بقا ولازم اليوم يكون مختلف عن كل يوم 🕺👯♀️💃💥اضرب 👊
تعليقات
إرسال تعليق