 |
زواج اطفال الجزء الثالث بارت 2
عمر.. رحيم مين معاك في الاوضه
رحيم بص لرهف اللى برقت او ماسمعت صوت عمر وحركت راسها بنفي
رحيم بصلها وبص ع الباب.. مفيش يا عمر
عمر.. طيب افتح
رحيم شال ايده من على بوقها وشاور لها على الحمام تدخل فيه رهف راحت جرى دخلت
رحيم فتح الباب.. عايز ايه
عمر بخبث.. مين معاك اصلي سمعت صوت كده
رحيم.. مفيش حد
عمر زقه ودخل.. اممم بس مش عارف ليه سمعت صوت
رحيم.. ده صوت اللاب توب وبعدين أنت عايز ايه جاى لى
عمر.. لسه راجع من برا وكنت معدى جمب اوضتك وسمعت الصوت قولت اشوف في اى
رهف.. ياربى اى الورطه دى ده انت رخم يعمر
بتتحرك ايدها خبطت ف الشامبو وقع علي الارض حطت ايدها على بوقها يلهوى ااخ من غبائي
عمر ورحيم برا انتبهوا على الصوت
عمر ضحك ببرود.. ههه ما تقول يسطا مين وانا مش هقول لجدى انك بتجيب بنات
رحيم بغضب.. عمر احترم نفسك ويا ريت ملكش دعوه بأى حاجه تخصنى واتفضل يلا شوف انت رايح فين
عمر بصله بغضب وخرج.. ماشي يا رحيم بس هعرف برضو
رحيم قفل الباب وراح عند الحمام خبط عليها
رهف خرجت بخوف.. أنا اسفه والله مكنش قصدي اوقع الشامبو
رحيم .. انتى مين
رهف وهى بترجع شعرها ورا .. انا الدكتوره رهف هيثم الجابرى
رحيم ابتسم بسخريه.. ماشي يادكتوره رهف هيثم الجابرى
رهف .. شكرا ليك أنا ماشيه
رحيم مسك ايدها
رهف شهقت.. اوعى يا حيواان انت ازاى تمسك ايدى انت فاكرنى ايه
رحيم حط ايده على بوقها واتكلم بغضب.. اولا أنا مش حيوان ثانيا متفكريش نفسك مهمه يعني عشان امسك ايدك ثالثا لما انتى محترمه كده اى اللى مخرجك من اوضتك الساعه 2بليل بلبس زى ده وليه دخلتى اوضة شاب غريب رابعا بقي مش هتتزفتى تخرجي عشان عمر اكيد لسه صاحي عشان يعرف مين عندي ف الاوضه
رهف شالت ايده من على بوقها .. انت هتقعد تعدلى وبعدين انا محترمه غصب عنك وكنت خارجه اعمل قهوه ومعرفش ان حد هيكون صاحي وبعدين انت مالك ومال لبسي
رحيم بعد عنها وقعد ع السرير .. امم واى اللى دخلك اوضتى
رهف بتوتر.. ع عشان عمر
رحيم باستغراب.. ماله عمر
رهف لقيته داخل من الباب وكان ممكن يشوفنى كده ف دخلت هنا بسرعه وانا مفكره ان دى اوضه ريناد او لمار
رحيم.. طب م أنا شوفتك كده 😉
رهف بتوتر .. ء اننت بتغمز ليه
رحيم ضحك على شكلها
رهف.. ممكن اخرج بقي
رحيم .. طب وعمر هيشوفك
رهف.. يووه أنا هخرج واللى يحصل يحصل بقي مينفعش افضل ف اوضتك كتير
رحيم .. خلاص اخرجى
رهف راحت فتحت الباب لقت عمر في وشها اتصدمت
عمر .. مش تقول يا رحيم ان رهف اللى عندك
رحيم قام وقف عنده وعمر كان بيبصلها بخبث وبيبص على اللى هى لابساه بنظره مش كويسه
رحيم لاحظ ده واتضايق .. عمررر في ايه
رهف وقفت ورا رحيم هو فرح من حركتها وانها بتتحامى فيه
عمر.. مفيش حاجه بس كنت جاى العب معاك جيم بما انك سهران ولقيت رهف هنا استغربت
رحيم .. رهف روحي اوضتك
رهف اتحركت من وراه ومشيت بسرعه
رحيم .. ابقي احترم نفسك بعد كده وافتكر ان عندك اخت
عمر بسخريه.. وانت اللى بتقولي كده؟!
رحيم بصله بنظره خوفته .. ايوه انا وروح اوضتك ولو سمعت انك ضايقتها انت حر
عمر.. تمام
................. ........... ...........
رهف كانت قاعده في الاوضه بتعيط .. ياربى يعني هيقولو عليا ايه دلوقتي مش محترمه وبروح اوضة الشباب ياريتنى م اتزفت خرجت كان لازم قهوه
........... الصبح على الفطار اتجمعوا ماعدا رهف
الجد.. امال رهف فين
ريناد.. لسه نايمه يا جدو
عمر بص لرحيم .. اصلها نايمه متأخر
رحيم بصله بغضب والجد لاحظ كده
الجد.. وانت عرفت منين؟
عمر.. وانا جاى من برا شوفتها ماشية في الطرقه
الجد.. ماشي يا عمر
رحمه كانت قاعده مركزه مع عز. وهو مش مديها اهتمام
رحمه.. احم ممكن تاخدنى معاك يا عز وانت رايح الشركه
عز من غير مايبصلها.. ما تخلي السواق يوديكى
رحمه.. ماهو انا جايه الشركه معاك ورحيم مش رايح انهارده فقولت اجى معاك يعني
عز .. ماشي
.
انس.. يا جدو بقي حضرتك مش ناوى تجيب العربيه
الجد.. لأ وقولت ميت مره لا مش جايبلك حاجه
انس.. ليه اشمعنا أنا
الجد.. هو كده لما تقعل وتبقي راجل
انس قام من ع الاكل وخرج
عز .. يلا
رحمه قامت بسرعه.. يلا
ركبت جمبه قدام وقالت بدلع .. عز ممكن تقفلى الحزام عشان مش عارفه 😒
عز ببرود .. مش مهم تربطيه
رحمه بغضب.. طييب 😠
وصلوا الشركه وهى كانت ماشيه جمبه والكل بيبصلها بسبب هدومها القصيره وهى ماشيه بدلع وفرحانه بنظرات النااس ليها
عز مشي من جمبها ودخل المكتب وهى دخلت وراه
رحمه .. مش هتعرفنى على الشركه يا عز
عز وهو ماسك الملفات .. روحي لريتاج وهى تفرجك انا مش فاضي
رحمه بغضب .. ريتاج ميين وبعدين انت مالك كده حتى مش باصصلى وانت بتتكلم
عز.. ريتاج السكرتيره وبعدين أنا ورايا شغل كتير ومش وقت دلع اتفضلى يلا
رحمه خرجت وهى هتفرقع .. فين ريتاج دى
ريتاج.. ايوه يافندم
رحمه بتكبر.. تعالى فرجينى ع الشركه وعرفينى عل النااس اللى هنا
ريتاج .. اتفضلى
................ ................ ...........
يوسف.. ايوه زى ما بقولك كده
انس.. ياعينى يصحبى يعني بقيت فقير
يوسف.. مش وقت هزار انا على اخرى
انس.. يعم انا اصلا سبتلهم البيت ومشيت جدى مش راضي يجبلى عربيه
يوسف .. وهتروح فين؟
انس.. مفيش يومين كده وهرجع هروح عند اى حد من الشله
يوسف.. طب واللى يجبلك العربية
انس .. مش فاهم
يوسف.. أنت مش عايز عربيه بأى طريقة وخلاص وانا كمان عايز عربيه
انس.. يعني هنجيب عربيات لعبه ولا ايه مش فاهم
يوسف.. يابني بطل هزار بقا
انس.. يعني هنجيب فلوسها منين انت معاك فلوس
يوسف.. هتبقي معايا ومعاك
انس.. بطل تتكلم بألغاز وقول قصدك ايه
يوسف.. احنا هنخطف بنت ونطلب من اهلها 2 مليون ونجيب العربيات وانا اهلى مش هيسألوا جبتها ازاى اصلا وانت اركنها عندي من غير ماتعرفهم واخرج بيها براحتك
يوسف بصدمه ... ايييه نخطف بنت؟؟؟
يتبع ...
تكملة الروايه من هنا هنا
تعليقات
إرسال تعليق