 |
سيقان في الوحل
البارت الثلاثون
#سيقان_في_الوحل
في الكافيه عيونها مركزه ع شاشه الموبيل لما عيونها اتحولت
مريم حبت تلهيها فقالت بأسلوب مرح : في صحتك نيرو
نيره مسكت الكاس وخبطتها في كاسها ورجعت حطته تاني وعيونها مسلطه ع الموبيل بتكشيره
مريم: اشربي نيرو
نيره ربعت ايدها بتكشيره: مليش نفس لـ اي حاجه انا مستنيه وليد يتصل ويقولي هيرجع البيت امتي؟؟!!
مريم :وضعك صعب جدا فاهمه انك قلقانه ع رَجلك
نيره بستياء: مريم ايه الطريقه البلدي الي بتتكلمي بيها (وقلدتها) قلقانه علي رَجلك
مريم: انتي قلقانه ع جوزك فاهمه كدا بس لازم تقلقي ع الطفل كمان ولازم تكوني هاديه العصبيه وحشه
نيره جتلها رساله ع موبيلها فتحتها بسرعه
مريم بهتمام: مين؟؟!!
نيره فتحت عيونها على الاخر للي شافته صوره وليد نايم عاري الصدر ع السرير ومنال نايمه بدماغها فوق صدره وصوره تانيه تبوسه من صدره
مريم لما شافت نظرات نيره المصعوقه خطفت منها الموبيل وشافت الصور
مريم بشهقه:هو ده كان في الخطه
نيره ملامحها اتحولت لهلاك وشدت الموبيل وقامت بدون اي كلمه
مريم قامت وراها: استني رايحه فين ؟؟
نيره بتمد بعصبيه وفتحت الباب وخرجت للشارع
مريم: نيره رايحه فين طيب استنيني
نيره قابلت هشام الي سالها: فيه ايه؟؟!!
مريم زقته: ابعد عن طريقي اروح وري نيره
هشام قلق من منظرهم راح وراهم لبيت منال
هشام رن الجرس وفضل واقف
مريم بصتله: ممكن انت تستني في العربيه
هشام: لأ انا هفضل معاكم مش هيجرالي حاجه لو شفت منال نايمه مع واحد
نيره بصتله لما قال نايمه مع واحد وحاسه انها هتموت من القهر لان الواحد ده يبقي حبيبها وجسمها وايدها بتترعش وهتموت علي الباب
مريم لفت وبصتلها ومن غيظها منه لحالتها لطشته بالقلم
هشام حك خده: ايدك بتوجع
مريم: هتموت لو متكلمتش وشاروتله بعيونها ع نيره
هشام التزم الصمت لان كلامها مظبوط
نيره بقلق: هي طولت ليه في فتح الباب
هشام بسرعه طلع محفظته وطلع منها مفتاح: مريم
مريم لفتله: انت ليه مقولتش من الاول ان معاك مفتاح
هشام: افتكرته دلوقت انه معايا
مريم بعصبيه: لأ قول انك عايز تحتفظ بالمفتاح بأرادتك لانك مش عارف تتخطاها مش كدا
هشام: كدا هطوحه لبعيد ورفع ايده يلقحه
مريم شدته من ايده بعصبيه: لاء استني افتح الباب الاول
هشام: ما تتكلمي براحه
مريم شخطت فيه:افتح اخلص
هشان نفخ : اللهم طولك ياروح وفتح الباب
مريم :يله بينا نيره
دخلوا الثلاثه وراحوا لغرفه النوم وهشام فتح الباب ونيره اتأخرت في الدخول من الخوف من المنظر الي ممكن تشوفه وقفت بعيد وحطت ايدها علي قلبها الي حست انه طلع من مكانه وبعدين اتشجعت وطلت من فوق كتف هشام لقت وليد لوحده نايم عاري ع السرير قربت عليه بخضه: وليد وليييد فوق اصحي وليد انت سمعني
هشام: احنا لازم الاول ناخده من هنا
نيره: تمام يله استني البسه قميصه الاول
هشام رفع وليد ع كتفه بصعوبه واخده ودخله العربيه
مريم بصتلها بحنيه: تحبي اسوق بدالك لو مش قادره
نيره: لاء هتصل بيكي لو جدت اي حاجه
مريم :تمام
نيره لفت وركبت مكان القياده وحركت العربيه
مريم بضيق: ليه حصل كدا
هشام بغباء: ايه الي حصل
مريم: منال ووليد يعني عملوا مش كدا
هشام وقف وتنح شويه: عملوا مش كدا الي هو ايه
مريم كشت عليه: غبي وسابته وراحت لعربيتها
هشام: استني ولف ركب جنبها
...................
نيره بتهزه بجنون: وليد اصحا وليد فوق وقولي ايه الي حصل
وليد ساند دماغه علي الشباك وعيونه مغمضه وابتسم
نيره بوعيد :استني عليا لو نمت مع منال بحلفلك يمين ماحد هيقدر يخلصك من بين ايديا لاني هقتلك هقتلك
وليد فتح عين واحده وابتسم علي غيرتها عليه
دخلت البيت ونزلت ولفت ناحيه بابه وفتحته: وليييد وليد فوق احنا في البيت بقولك قوم
وليد مثل انه مغمي عليه تماما
نيره جريت ع الفيلا: بابا ماما صفيه محدش في البيت ارجوكم تعالوا بسرعه ساعدوني عمتووو صفييييه
حنان نزلت جري وشعرها منكوش من اثار النوم: خير يا بنتي
نيره بخوف :عمتو تعالي ساعديني معرفش وليد مش بيفوق
فهمي وثريا وصفيه نزلوا والكل باصص للشخص الي واقف وراها بستغراب
نيره لما شافت دهشتهم لفت لقته جاي وبيقفل زراير قميصه
وليد ببتسامه: عمتي ماما ثريا عمي مساء الخير
نيره بغيظ :يعني كدبت عليا
وليد ضحك ونيره ضربته جامد في كتفه و بصتله بعصبيه بشكل خطير
وليد لفهمي: محتاج اتكلم معاك ضروري
فهمي: تعال
وكلهم دخلوا معاه غرفه الضيوف
وليد: كل حاجه مشت زي ما خططنالها محتاجين بس السمك ياكل الطعم
نيره :اي خطه هي منال اخدت المعلومات وانت ومنال كنتـ
وليد ابتسم لما افتكر الي حصل قبل ما تسحبه لغرفه النوم جابت كاسين شمبانيا وحطت مخدر في كاس وليد الي شافها بتحطه وقدمتهوله ولسه بيرفعه يشرب تلفونها رن راحت ترد ووليد فرغ الكاس في شلته الزرع ومثل انه شربه ولما رجعت عمل نفسه كابس عليه النوم ويثاوب ع روحه وهي فرحت واخدته للسرير وجردته من قميصه الي فوق وصورته كأنهم سوي عشان تحرق قلب نيره انها تمت بينهم علاقه حميميه واتسحبت وراحت حطت فلاشه في جهازه وسحبت المعلومات الي عليه وهي حاسه بالنصر والفوز
نيره: معني كدا انك متخدرتش
وليد: مستحيل اسيب الحشره دي تخدعني مره تانيه
ثريا بنفعال: ليه البنت دي فاجره ووحشه كدا
نيره: طيب ليه كنت فاقد وعيك لما وصلت لهناك حبيت تضايقني متعمد يعني
وليد: لاني معرفش ان هشام هيكون معاكم والا كنت هكشف الخطه
فهمي بمتنان: شكرا يا وليد بجد شكرا
وليد: العفو ياعمي
نيره: فهمت دلوقت ليه جلال متمسك بيك
فهمي: بس الراجل الي مع منال مش هيستسلم بسهوله
حنان بقلق: ممكن يعمل اي حاجه في وليد
ثريا: ربنا يسترها عليه
الكل بدعاء من القلب: امين
............
نيره حست بخنقه سابتهم وقامت راحت وقفت قدام حمام السباحه وليد استأذن وطلع ووقف وراها وضم جسمها كله بين ايديه: حبيبه قلبي لسه زعلانه لاني ضايقتك
نيره فكت ايده ولفتله بعصبيه: ايوه انا مضايقه مقهوره انك بتخاطر بنفسك فكرت ان منال خدرتك بجد او حد تبعها اذاك (عيطت) انت عارف كنت قلقانه عليك ازاي طيب عارف انا خفت من غيرك ازاي
وليد خطف شفايفها بين شفايفه وباسها بقوة وفضل يبوس فيها من كل مكان ونيره حست انها داخت من حركاته
وليد بعد وحط عيونه في عيونها وقرب انفه بأنفها واتنفس هواها :ارجوكي متزعليش مني ولا تغضبي عليا عملت كل حاجه علشانا بس تعرفي انا سعيد انك قلقانه وخايفه عليا ومستحيل اسيبك انتي وولادي تاني اوعدك عملت الي وعدت بيه ابوكي وثبت له نفسي انتي كمان اديني فرصه ريري ونبدء حياه جديده سوي
نيره عقدت حواجبها وبصتله بستغراب : وعدت بابا بأيه؟؟
وليد قرب وبص في عيونها : اني لو نجحت ابوكي وكسب المناقصه هيديكي ليا وانتي موافقه تديني نفسك من كل قلبك
نيره رفعت نفسها وباست شفايفه بوسه خطف شقلبت كيانه ودوبته ووليد حضن وشها بين كفوف ايده وقربها منه وقرب شفايفه من شفايفها وباسها بشغف ورقه متنهيه وهي لفت ايديها وري رقبته واتعمقت في البوسه وهو داب معاها لحد ما نفسهم اتقطع وبعدو عن بعض عشان ياخدو هواء
نيره دخلت في حضنه: موافقه لاني بحبك
وليد ابتسم واخدها في حضنه: وأنا بعشقك
.....................
يوم ظهور نتيجه المناقصه صرخ زي الاسد من الصدمه: ايه ازاي ده حصل
منال قربت عليه: فيه ايه بتزعق ليه؟؟!!
العشيق بصلها بشركبير :قولت لك اهتمي بأمر وليد ازاي فاز بالمناقصه قوليلي ازاي
منال بصوت مهزوز : انا
شدها بأهانه من حماله الفستان : عارفه انا خسرت قد ايه بسببك هتتحملي المسؤليه وحياه امك
وضربها بالقلم ورفعها من شعرها عن الارض بعصبيه مفرطه
منال تصرخ بقوه : انا اسفه
ضربها ونزل لمستواه الارض وضربها قلم اقوي وطول ماهو بيضربها بيشد شعرها بقسوه
منال بكت بحرقه: ارحمني
ضربها قلم تالت وعطاها كفوف وري بعض وبعد عنها لما سمعها تتنفس بصعوبه
ومن كتر الضرب وقعت علي الارض ووشها كلو بقي بلون الاحمر وكأن صوابع ايده قطعت الشعيرات الدمويه الموجوده تحت جلد خدها لحد ما اتحول زي حته اللحمه الحمره
منال وطت وباست رجوله وتبكي بكل قوتها : ارجوك سبني امشي عملت كل الي طلبته مني معرفش ان ده هيحصل انا اسفه
العشيق شدها من جدور شعرها ورفعها لمستواه: ده بسببك ثقتك المفرطه الغبيه زيك انتي اه جميله بس ملكيش اي فايده غير في الفجور وبس
رماها ع الارض وأمررجلته يشوفه شغلهم معاها
منال من الخوف والرعب سحفت ع الارض: هتعملوا ايه اياك تقربوا محدش يلمسني محدش يقرب مني
الاتنين هجموا عليها بالضرب ببطش عنيف كأن قلوبهم اتجردت من الرحمه وهي بتصرخ بين ايديهم والعشيق بيتفرج بنتقام
البودي جارد سأله: هنعمل فيها ايه يبشا بعد كدا
العشيق: دي عارفه كتير خدوها وادفنوها جوه مقبره
رفعوا منال الي من كتر الضرب اغمي عليها تماما!!!!
..............
في الشركه
فهمي ع الموبيل: ايوه النتيجه وصلت شكرا لحضرتك
نيره: خير طمني
فهمي: الامبراطور فازت بالمناقصه
نيره صرخت بسعاده: بجد با بابا بجد فوزنا بيها
فهمي: شكرا يا وليد الف شكر دخلت علينا انجاز وفرحه لولا خطتك كان جلال هو الي فاز بأسلوبه القذر نفس كل مره
وليد ببتسامه نصر:انا مبسوط لفرحكم
فهمي قام وقف ومد له ايده ووليد وقف ومد ايده جو كفه
فهمي: قابلت اعتذارك وبخصوص بنتي زي ما وعدتك تقدر تكتب الكتاب لحد ما نعمل فرح عشان وجودك معاها يبقي بشكل رسمي مبروك يابني
وليد ابتسم لها ابتسامه جميله : الله يبارك فيك وشكرا
نيره قامت من مكانها وهي فرحااانه بفرحه وبسمه مرسومه علي شفيفها وراحت ضمت ابوها بسعاده وغمزت لوليد الي مبتسم ابتسامه عريضه خلاص قلبه دق ويرقع ويعلن عن فرحته نفسه يوصل للسحاب وعقله يوقف عن التفكير بكل شئ الا انه يتأمل فرحتها
.................
في شركه التمساح
جلال صرخ بصوت هز المكان : ازاي ده حصل
دريه بضيق: خسرنا ازاي قولي
جلال بهستريا: لاء اكيد فيه حاجه غلط
هشام في موقف لا يحسد عليه: بابا انا بجد اسف
جلال بصلهم وشخط فيهم:اختفوا من وشي حالا
دريه طبطبت علي ضهر ابنها بحنيه: ولا يهمك عملت الي عليك وزياده واخدت هشام وخرجوا
جلال اتصل بالراس الكبيره عشيق منال: ازاي حصل ده يبشا ...تمام نتقابل
.................
من ساعه مادخل وأأعد عمال يأنب ويبكت فيه
العشيق زفر الدخان من السيجاره : خسرنا بسبب موظفك السابق وليد فسد خطتنا
جلال بقلق: ناوي تعمل ايه بعد كدا
العشيق بقسوه في كلامه: اي حد بعترض طريقي ويوقف يعطل سكتي مش بسيبه يفلت من تحت ايدي
جلال بسرعه: لاء
العشيق بصله اواي بطريقه مخيفه
جلال اتوتر: قصدي الامر هيكبر ويخرج عن السيطره انا شايف نسيب الموضوع يمر وخيرها في غيرها
العشيق بصلو بكل غل وغضب: انت ازاي تجرؤ تديني محاضره اعمل ايه متنساش مين الي وصلك للي انت فيه قدراتك الضعيفه عمرها ماكانت شركه التمساح توصل للحجم ده فـ اقفل بؤك خالص وانا هتولي امر وليد بنفسي لان انا وهو صعب نعيش في نفس العالم
جلال وشه شحب واتملكه الخوف وخرج من المكان واتصل بوليد يحذره لكنه مش بيرد!!! جلال صرخ: رد يا ملعون رد عليا
................
قدام الشركه الامبراطور دخل وقرب من رجل الامن
جلال: عايز اشوف وليد
رجل الامن: اسمك ايه وفيه معاد
جلال بزهق: اسمي جلال مندور
رجل الامن: اسف مقدرش ادخلك وليد بيه قالي لو جيت مره تانيه مدخلكش
جلال بغضب:روح جبهولي عايز اشوفه حالا
رجل الامن :هو مش جوه ولو صممت هتصل بالبوليس
جلال زقه من صدره بقرف: غور
موبيله رن ورد لقاه هشام بيقوله يجي فورا للشركه
..............
هشام قابله بهجوم شديد: ازاي تغير وظفتي من غير ما تقولي
دريه قامت بعصبيه لدرجه الكرسي عمل صوت:الكلام ده صحيح ياجلال
هشام: لو مطلبتش ملفي عشان ارجع غلطتي ولا كنت اكتشفت الحقيقه انت مفكرني ايه قولي اهبل عمرك ما وثقت قيا ليه
دريه خبطت علي المكتب:ماترد عليه ليه ساكت
هشام بقهر:مش هيرد لان الي قولته كله مظبوط لو كنت مفكر ان وليد الشخص الوحيد الي يقدر يشتغل عندك روح رجعه لان انا ماشي
دريه: استني يا هشام مينفعش تمشي وتقدم استقالتك لو عملت ده معني كدا انك خسرت قدام وليد وانا يستحيل اسمح ان ده يحصل
هشام بقهر :بس انا بستسلم وخرج
دريه :قوم روح وراه بس ليه تهتم بيه عمرك ما اهتميت بيه كل الي يهمك وليد وبس
جلال بتقطيم:ابنك ضعيف وده كل الي بيفكر فيه فسبيه يمشي ولا روحي اهتمي بيه بنفسك وسبيني في حالي
دريه صرخت :جلال
جلال اتعصب عليها لان دماغه مقلوبه مع وليد: قولت سبيني في حالي
دريه خرجت وراه وندهت عليه: هشام مينفعش تمشي لـ اي مكان ولو انت استسلمت انا لاء
هشام :كفايه يا امي كفايه ده مش مكاني انا زهقت من الجري ظي ظل وليد فكفايه وسابها وغادر المكان
دريه بحقد وكره: وليد امتي تموت وارتاح
.................
كيف لا أحبك أكثر من نفسي، وكل نبضة من نبضات قلبي تخفق باسمك. أحبك عدد أنفاسي، وأنفاسك
اخدها بالعربيه لـلارض الي اشترها يبني عليها المنتجع
نيره بهدوء: احنا رايحين فين بابا قالي ان عندك مشروع مميز وعايزني اشوفه
وليد: ايوه لان المشروع ده مميز جدا جدا من اي مشروع نفذته قبل كدا وعايزك تشوفيه بنفسك
نيره بتعجب: ليه
وليد ببتسامه جميله :لاننا هنديره سوي ونعيش فيه سوي
بعد لحظات ركن العربيه ونيره نزلت ووليد مسك ايدها: اشتريت الارض دي وكنت ناوي ابني منتجع صغير لمستقبلنا
نيره لمحت اليافطه: اسمه ريري
وليد ببتسامه: ايوه ريري ع اسمك ها عجبك
نيره اتحمست:طبعا عجبني اوي
وليد: تعالي افرجك عليها
اخدها وفرجها اماكن كتير كلهم احلي من بعض
وليد :ها ايه رايك
نيره: جميله اوي والارض كبيره ماشاء الله ومكانه مميز ,,وليد
وليد بعشق وضمها لحضنه : نعم يا قلب وعقل وروح وليد
نيره: فيه حاجه عايزه اقولك عليها
وليد بهتمام: ايه هي
نيره مسكت كف ايده: احنا هيجلنا بـ
قطع كلامهم ضرب نار متصوب عليهم من كل اتجاه
وليد رفع عيونه وشاف اتنين ماسكين مسدسات والشر والغدر في عيونهم
وليد مسك ايدها: اجري
واخدها وطلع يجري بيها بخطوات سريعه مش عارف يروح فين بس المهم يخرج وباقصي سرعه لكن ضرب النار مكمل عليهم وبيأمروهم يقفوا اصل هما هيقفوا يعني غباء انا مالي اكمل انا
وليد مسكها من وسطها وحاول ينزل بيها لمكان فيه ناس لكن قدر واحد منهم يصطادوه ووليد اخد طلقه نام بيها هو ونيره علارض
نيره جسمها كله تلج وصدرها نازل طالع زي السهم من المنظر الي قدامها:وليد وليد
الراجل المجرم قرب منهم وابتسم ابتسامه شريره ووجهه المسدس لوليد يخلص عليه وليد لف وبصله وفتح عيونه واخد نيره لحضنه ومنتظر ياخد الرصاصه والاتنين اتشاهدوا
رايكم رايكم بلاش تم تم تم عشان نكمل وخلاص قربنا للنهايه منتظره توقعتكم وتعليقاتكم الجميله
يتبع
تكملة الروايه من هنا هنا
تعليقات
إرسال تعليق