 |
زواج اطفال الجزء الثالث بارت 4
عمر.. لأ والله ولما كانت في اوضتك كانت فين الحدود يا ترى كانت بتعمل ايه عندك في وقت زى ده يا كبير يا محترم
رحيم لسه هيتكلم
الجد.. اللى سمعته ده صح
رحيم بتوتر.. جدو لو سمحت افهمنى انا...
الجد.. اللى سمعته ده صح انطقق
رحيم.. ايوه
عمر بصله بخبث
الجد. وانت ياعمر عملت ايه انت كمان ماهو الظاهر كده محدش فيكم طلع متربى
رحيم.. كان عايز يمسك ايدها ولما مرضتش كان هيمد ايده عليها المحترررم
الجد بدون مقدمات ضر،، ب عمر بالقلم ..
عمر بغضب.. أنت بتضربنى يجدو عشان دى وبعدين ماهى كانت مع رحيم في الاوضه الساعه اتنين بليل
الجد.. انا واثق فيها وف رحيم لكن انت ليك حساب تاني معايا
عمر وهو لاينوى خير.. تمام يجدى مشي وسابهم
رحيم.. جدو لو سمحت اسمعنى
الجد.. اسمع أنت انا مرضتش اضر،، بك قدامه عشان انت الكبير وقدوه ليهم بس لو اتكرر الموضوع ده تاني متلومش غير نفسك
رحيم.. حاضر
..........،،،،،،،،،،........،،،،،،،
مازن دخل اللبيت متأخر.. مساء الخير ي ماما
اروى.. مساء النور اروى فين
مازن.. هى مش هنا
اروى.. لأ مانت وهى بترجعوا مع بعض كل يوم
مازن.. اتصلى ب ايلين كده ممكن تكون هناك
اروى بعد دقايق.. التليفون مغلق يا ماازن اختك فيييين
مازن.. اهدى بس يا ماما هتكون فين يعني
اروى.. الساعه 11 وهى لسه مرجعتش انا هتجنن اتصرررف
مازن.. فين بابا
اروى.. بابا عنده شغل في شرم وهيفضل اسبوع
مازن.. طيب اهدى اهدى بس أنا هروح عند ايلين دلوقتي واشوفها
اروى.. أنا جايه معاك
سليم.. هتكون فييين يعني
لارا بخوف.. مش عارفه يسليم أنا هتجنن تليفونها هى ولين مغلق أنا خايفة عليهم
سليم .. استنى هتصل على مازن
على الناحية الأخرى
مازن.. الو يعمو لين لين مجتش عندكم
سليم.. انا بتصل اسألك عليهم حتى ايلين مختفيه
مازن.. اييه طيب انا جاى أنا وماما
،،،،،،،،،،،،،،...............،،،،،،،،،،،...........
انس.. أنا قلقان اوى ي يوسف
يوسف.. طول مانت كده مش هنعرف نعمل حاجه اتنيل انشف شويه
انس.. يابني احنا خاطفين بنتين عاااارف يعني ايه
يوسف.. عارف عشان كده كل واحده هتفضل ف اوضه عشان ميحاولوش يهربوا وهنتصل بأهلهم بعد اسبوع عشان زمان الشرطه دلوقتي بتشوف شغلها
انس.. والشرطه مش هتقدر توصلهم دلوقتي يعني
يوسف.. أنا قفلت تليفوناتهم و..
سمعوا صوت صراخ
انس.. ادخل سكت اللى هنا وانا هشوف التانيه
انس دخل عند لين
لين .. عااااا أنت مين وانا بعمل اى هنااا يمامااااا
انس.. ششش اى الصوت ده اسكتى
لين.. عاااااا الحقوناااااييي يا ماااماااا
انس كتم بوقها بإيده.. اخررسى بقي
لين.. ااااممممم وبدات تتحرك بس ايدها كانت مربوطة
انس.. انتى طفله يابت اهدى بقا
لين .. امممممم
انس بعد ايده عنها
لين بدموع .. ايلين فيين والنبى
انس.. صحبتك؟
لين بسرعه.. ايوه هى فين وانت مين مش انت اللى خطفتها بالله عليك متأذيها والله هديكم كل اللي عايزينه وخلونا نمشي
انس.. هى جمبك ف الاوضه دى متقلقيش عليها
لين.. أنا اول مره اشوف خاطف كده أنت عايز مننا اى وانت مين
انس .. معرفش واسكتى بقى
لين بخبث.. طيب ممكن تفك ايدى؟ بتوجعني خالث
انس رفع حاجبه.. بتوجك ايه؟؟
لين.. خالث 🥺🥺
انس ابتسم بخبث هو كمان .. امم طيب يعسل أنا خارج واياك اسمع صوت فااااهمه
لين بخوف.. آه فاهمه فاهمه
انس خرج وقفل الباب .. هه خالث 😏
ايلين .. أنا فين وانت مين؟
يوسف .. انتى مخطوفه
ايلين.. لأ ولا مرتبطه
يوسف.. نعم؟ بقولك مخطوووففه
ايلين بصدمه.. ايييه انت اننت مييين يا ماااماااع يا بااااباا يا ليييين حد يلحقنى
يوسف باستغراب .. لسه حد مندهتيش عليه؟
ايلين .. يا ماااازن ياانااس حد يلحقنى عااااااا
يوسف بضحك على تلك المجنونة .. ههه يلحقك فين بقي مفيش حد يقدر لحقك هنا غير السمك
ايلين.. لى انت خاطفنى ف بيت سلطع واسبونج بوب
يوسف.. حلو بتهزري اهو وقعد ع الكرسي وكمل بخبث.. يعني هتسلينى
ايلين بخوف من نظرته .. انت اننت عايز منى ايه
يوسف .. مش لازم تعرفي دلوقتي
ايلين بتذكر .. لين لييين فين كانت معايا
يوسف .. ف الاوضه التانيه
ايلين وهى بتحاول تفك الحبل.. عايزة اشوفها والنبى ودينى لها
يوسف .. هى اختك؟
ايلين.. لأ بنت... وانت ماااالك أنت عاايز اييه والله العظيم مازن لو عرف انك خاطفنا هيقطعك حتت ويرميك للكلا،، ب يا كلب 🐶
يوسف مسك شعرها القصير الناعم.. اتلمى يابت انتي متعرفيش انا ميين يروح امك
ايلين.. اااه سيب شعرى يا حيووااااان يا مااااماا ااااه ابعد عني
يوسف وهو بيشد شعرها اكتر.. اعتذرى
ايلين بصراخ.. ااااه شعريي ابعد ااااه
لين سمعت صراخها ... ايلييين ايلييين يا اسمك ايه انت ياااناس
انس فتح الباب.. ايي أنا مش قولتلك مسمعش صووت
لين.. حااضر حاضر والله بس والنبى سيبها
انس قفل الباب وخرج
يوسف.. قولتلك اعتذرى يإما قسما بالله ل..
الباب خبط .. يوسف تعالى
ايلين.. يوسف؟! أنا عرفت اسمك وهقول لبابا وعمى ومازن والله العظيم هيخلوك تتمنى المو،، ت يا حيووان وديت ليين فين
يوسف مسك شعرها جامد.. غلطه كمان وهتسمعى خبر مو،، تها فااااهمه اعتذرى بقولك يإما هق،، تلها قدام عينك
ايلين بخوف .. لأ لأ خلاص والله
يوسف بصوت عالي خلاها تنط من مكانها.. اعتذررييي
ايلين .. أنا اسفه
يوسف ساب شعرها وخرج بغضب
انس.. في ايه احنا متفقناش على كده بتمد ايدك عليها لى
يوسف.. هو ده اللي لازم يحصل وبعدين احنا خاطفينهم مش جايبينهم يتفسحوا لازم يخافوا
انس بندم.. على اخر الزمن يتقال علينا خاطفين يا يوسف
يوسف.. مش وقت ندب اقفل تليفونك وشيل الخط منه
انس.. عملت كده
يوسف.. انا جعان
انس.. وانا برضو واكيد هما جاعو
يوسف .. خلاص نطلع واحده فيهم تعملنا أكل
انس.. أنت بتهزر احنا في ايه وانت ف ايه
يوسف.. لأ مش بهزر وراح فتح اوضة لين
لين اتخضت منه..
يوسف فك ايدها.. تعالي يابت انتى اعملي طفح
لين زقته بقرف.. اوعى ايدك دى واى بت انتى دى انت مش عارف انت بتتكلم مع مين
يوسف بسخريه .. مع مين يعني
لين.. انا لين مالك البنا
انس بصدمه .. ايييه؟!!!!!
،،،،،،،،،،،،،،،...........،،،،،،،،،،،،،........،،،،،،،،،،،،
عمر.. زى ما قولتلك كده
رحمه.. دا انت سوسه يلا
عمر وهو بيحط ايده مكان الضر،، ب.. والله يا رهف هربيكى انتى وهو
رحمه .. بس انا كداا
عمر.. في ايه
رحمه.. بصراحه كده أنا بحب عز ومش هقدر اعمل كده
عمر.. وهو عز هيتأذى ف ايه
رحمه.. عشان اخته وكده يعني
عمر بغضب.. نعمم وانا مش اخوكي
رحمه.. خلاص خلاص متزعلش هعمل اللى قولت عليه
عمر.. ماشي
رحمه دخلت عند رهف
رحمه.. رهف عامله ايه
رهف.. الحمدلله كويسه
رحمه .. احم انا عرفت ال حصل وبعتذرلك بالنيابه عن اخويا
رهف.. ماشي يا رحمه ياريت تقفلى ع الموضوع
رحمه بخبث .. ممكن تيجي معايا اخد رأيك في فستان
رهف.. ما تجيبيه هنا
رحمه .. تعالي بس بدل مانتى قاعده في اوضتك محبوسه كده
رهف.. لأ مش قادره روحي انتي جيبيه وتعالى
رحمه خرجت وراحت اوضة رحيم
رحيم.. خير يا رحمه
رحمه بتمثيل .. انا كنت عند رهف من شويه وهى منهاره من العياط ومش عارفه اسكتها ممكن تيجي معايا يمكن تسمع كلامك
رحيم بقلق .. مالها ما كانت كويسه
رحمه.. تعالي نشوفها
رحمه خدته وراحت عند اوضتها.. ادخل شوفها وانا هعملها عصير ولا حاجه تهديها
رحيم خبط ودخل كانت رهف قاعده زعلانه وباين على وشها اثر الدموع
رهف .. ادخل
رحيم فتح الباب ودخل
رهف اتعدلت على السرير .. رحيم؟!!
رحيم.. احمم رحمه قالت انك زعلانه و...
رهف.. شكرا لاهتمامك بس مينفعش تدخل اوضتى وفي وقت زى ده انا مش ناقصه كلام من حد لو سمحت
عمر.. جدى عايز اتكلم معاك
الجد.. حلى الكلام ف الوقت ده
عمر وهو بيشده لخارج الاوضه .. تعالى بس نروح المكتب عشان اكلمك
رحيم.. العفو وانا آسف انى هسببلك مشاكل عن اذنك
رحيم خرج من اوضتها في الوقت اللى جده طلع فيه
رحيم اتصدم والجد كذلك
الجد.. رحييم؟!!!
رحيم.. جدو اسمعنى انا كنت..
الجد بغضب.. كنت بتعمل ايه في اوضة بنت عمك في الوقت ده يا محترررم
يتبع...
بعتذر عن التأخير بس مفيش تفاعل وانتو مش مشجعينى اكتب زى الاجزاء اللى فاتت 🙂
النااس اللي اتلخبطت يجماعه لين ومازن هيكون ليهم دور في حياة عيلة الجابرى فهمتوا قصدي ومش هقول اكتر من كده عشان محر،، قش الاحداث 😂😂♥♥
تكملة الروايه من هنا
تعليقات
إرسال تعليق