مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الخامس والسادس 

-انتي سرقتي*ه مني يا حرام*ية ده خطيبي !!

قالتها البنت وهي بتض*ربني ...حاولت اقاومها من غير ما اضر*بها مقدرتش ...حسيت بحد شالها عني ...ضرب*ها عصام بالقلم لحد ما بعدت وقف قدامي وهو بيدافع عني وقال:

-القلم ده عشان اتجراتي علي مراتي 

-عصام انت بتمد ايدك عليا عشان دي 

-دي تبقي مراتي يا كارمن وكرامتها من كرامتي اياكي تعملي كده مرة تانية 

-وانا حب حياتك وخطيبتك 

-كنتي ...كنتي خطيبتي بس انتي اللي سيبتيني صح 

-وندمت 

-وانا مش لعبة عشان ارجعلك بعد ما سيبتيني واتخطبتي لحد غيري يا كارمن ...أنا دلوقتي متجوز وبحب مراتي ...اتفضلي اطلعي برة ومشوفش  وشك تاني ...

دموعها نزلت ...حسيت بالزعل عليها بس متكلمتش ..كنت خايفة من عصام كان عص*بي خالص ...عينيه بتلمع بغضب ...كارمن بصتله بإنكس*ار وبعدين مشيت ...

...

مرت الايام والروتين هو هو ...اروح الشغل بتاعي وارجع نتغدي وبعدين عصام يخرج ..احيانا كان بيخليني اخرج معاه واتفسح ...حاول كتير يصاحبني وكان بيعاملني كويس بس انا حاولت اعمل حدود بينا ...

اما عصام فكل يوم يمر عليه يعرف دنيا اكتر ...ويتعلق بيها اكتر هو راجل لتعود يكون صريح مع نفسه هو اعجب بدنيا ...وعرف أنه فهمها غلط ...بس السؤال كان ليه كانت هترمي نفسها الرمية دي ..ده السؤال اللي كان بيسأله لنفسه دايما ...

.....

في يوم اتصلت بيا سالي بنت عمي وفرضت نفسها عليا وعزمت نفسها  علي العشا عندي هي وجوزها 

.....

قولت لعصام وممانعش ...

...

جه يوم العزومة وكنت واقفة مع اللي الطباخ في المطبخ اللي جابه عصام عشان يساعدني ...

.....

كنا قاعدين علي السفرة كلنا عصام وانا وسالي وجوزها وبنأكل بهدوء ...لما اتكلمت سالي فجأة وقالت:

-بجد دنيا محظوظ بيك يا استاذ عصام كله بيتكلم عن حظها كانت هتتجوز واحد كبير قد جدها بس جالها المناسب ليها بالضبط ...

حسيت عصام اتضايق وهو بيبصلها ...وانا سكتت ....كنت عارفة أن سالي مش جاية تبارك لا ناوية ته*يني في بيتي 

كملت سالي وقالت:

-مسكينة دنيا السن جري بيها ومقدرتش تتجوز صحيح ربنا ما ادهاش جمال زينا بس أداها حظ كبير وصحيح البخت للوحشين ...

ساب عصام معلقته وهو بيبصلها بقرف وقال:

-في عيني دنيا اجمل واحدة في العالم وهي مش محتاجة تعمل زيك عشان تكون جميلة في عيون جوزها ...وغير كده انا هو اللي محظوظ لاني معايا واحدة زيها محترمة ومبتك*سرش بخاطرك رغم قلة ذوقك وادبك انك فرضتي نفسك عشان نعزمك وجاية تهين*يها ...وسكوتها مش خوف منك بس لانها إنسانة قلبها ابيض مش مريض زيك ...

وش سالي صفر وجوزها حسيته اتعصب 

-استاذ عصام أنا 

قالتها سالي بتوتر فز*عق عصام وقال:

-مدام سالي أنا بطلب منك انك تطلعي من بيتي اللي يجي هنا يحترم مراتي وانتي محترمتيهاش عشان كده الافضل مشوفش وشك هنا تاني ....

.......

بعد ما مشيت سالي قرب عصام وزعق فيا :

-انتي ازاي كده ... ازاي تسمحيلها تهي*نك 

-انا عايزة انام 

وكنت همشي مسك أيدي وزعق بع*صبية وقال :

-امتي تبطلي ضعف*ك وسلبيت*ك دي ...لو فضلتي كده اللي جاي واللي رايح هيه*ين فيكي ...انتي ضعيفة يا دنيا وسلبية ...انتي أضعف واحدة شوفتها في حياتي 

زقيته وانا يصرخ واعيط :

-ايوة أنا ضعيفة وسلبية ...واقولك سمعت الازف*ت من كده وسكت ...امي عايرت*ني وعيلتي واصحابي ...وانت كمان عاير*ني دلوقتي وهسكت ...هسكت لاني معنديش حاجة اعملها عشان لو سكتت واحدة مش هسكت التانية ...

حطيت ايدي علي وشي وبدأت اعيط ...

لقيته قرب مني وحضني وهو بيقول :

-انا اسف ...

فضلنا لثواني كده بعدين بعد وهو ماسك وشي وبعدين قرب مني و ....

....

تاني يوم صحيت وانا مصدومة وانا لاقياه جمبي ...لطمت علي وشي وانا بفكر اني عملت كارثة ...قومت بسرعة وقررت أنا هعمل ايه ...

....

بعد ساعة صحي عصام وهو مبسوط ...ولسه بيبص جمبه اتصدم لما ملقهاش ولقي ورقة مكتوب عليها (طلقني )

-دنيييييا !

يتبع.

الجزء السادس

-انتي عبيطة يا بنتي هربتي منه ليه ؟!!!

كانت اختي الصغيرة بتز*عق وهي غض*بانة مني ...مكنتش فاهماني ولا فاهمة وجهة نظري ...من وقت ما بلغتها اني سيبت البيت وطلبت من عصام يطلقني ...هت*جنن بسببي ...

قعدت جمبي ومسكت أيدي وقالت:

- دنيا حبيبتي اتكلمي...هربتي ليه منه ...ليه ؟!!كده كده كنتوا هتتطلقوا بعد ست شهور ...بس دلوقتي حضرتك مكملتيش معاه اسبوعين ايه اللي حصل ...انتي قولتيلي أن الراجل محترم وبيدافع عنك صح ...

دموعي نزلت وانا بفتكر اللي حصل ...الغلطة اللي عملتها ...أنا اتعلقت بعصام وخلينا جوازنا حقيقي. ..بس عصام هيطلقني وانا اللي هتع*ذب ...بصيت لاختي وقررت احكي كل حاجة ...حكيت اللي حصل معايا امبارح من اول ما جات سالي لحد الصبح لما صحيت جمب عصام ...

بعد ما خلصت اختي كانت بتبصلي بصدمة وقالت:

-يخربيت غبائك

-ايه ؟!!

-انتي عبيييطة الراجل بيحبك وانتي بتهربي منه 

-هو اتفق معايا يطلقني 

قولتها بعناد فقالت وهي متعصبة:

-اي واحد عنده عقل هيعرف إن بعد اللي عمله امبارح خلاص لغي الفكرة ...يعني هو عايز فرصة يعيش معاكي ...الراجل بيحبك يا دنيا ...محدش بيعمل كده إلا لما يحب ...ده دافع عنك اكتر من مرة .  بيعاملك كويس وبيطيب بخاطرك عايزة ايه تاني 

هزيت راسي وقولت :

-لا لا ...مستحيل هو مبيحبنيش ...هو بس بيتسلي وانا اللي هتعلق بيه وبعدين هيطلقني وانا هتع*ذب ...هو اصلا عايز ينتقم مني 

-يا دنيا 

-خلاص أنا قررت هطلق منه وطظ في الناس ...مش ناقصة وج*ع قلب يا الاء  ...أنا اتعذ*بت كفاية ومش عايزة عذ*اب تاني 

-الراجل جه وقدم قلبه ليكي يا دنيا وانتي كسرت*يه حرام عليكي 

بكيت وانا بحضن الاء وبقول:

-محدش اتكس*ر قدي  ...صدقيني كده احسن وهو ربنا يرزقه بالاحسن مني. ..

مرت الأسابيع  وانا متخبية عند اختي وجوزها مصطفي ...عرفت أن عصام قلب عليا  الدنيا ودور عليا وطبعا الاء قالتلي كده بس محدش جه في باله اني مستخبية عند آلاء .. ...اهلي كان هيبلغوا البوليس بس الاء قالتلهم الحقيقة واني في مشاكل مع عصام ومستخبية حاليا ...ابويا حاول يعرف مكاني منها بس الاء كانت عنيدة ورفضت تقول وحلفتهم ميقولوش لعصام حاجة وطبعا لأول مرة بابا يبقي ليه دور إيجابي أمر ماما متتكلمش وكان عص*بي معاها

...

روح عصام البيت وهو متضايق ...ليه عملت كده هو بيعشقها ...هو عرف بعد ما مشيت أنه حبها بجنون ...بس هي رفضته وكسر*ت قلبه ...هو عارف ان طريقته معاها كانت غلط بس ده الاول قبل ما يعرفها ...بس دلوقتي عرفها وعرف انها احسن واطيب قلب شافه في حياته وهو مش هيسيبها تفلت من أيده مهما حصل 

.....

في بيت الاء .  .كنت قاعدة مع الاء ومصطفي ...

لما قالت الاء 

-حرام عليكي يا دنيا الراجل هيتجنن ...بيدور عليكي في كل مكان ومرات عمك وسالي مش ساكتين شغالين يتكلموا هنا وهنا ...محدش قدر يوقفهم الا عصام اللي دافع عنك قدامهم ...أنا عمري.ما شوفت حد بيحب حد كده ...ازاي يا دنيا عايزة تبعدي عنه ...

قولت بتعب :

- الاء لو سمحتي ده قراري وانا حرة فيه ...أنا بكرة هروح لاهلي واخيلهم يطلقوني منه كفاية هروب لحد كده كويس...

ولسه هقوم وقعت مكاني واغمي عليا ...

.....

فتحت عيني لقيت قدامي عصام وهو مبتسم ...اتصدمت لقيته باس راسي وقال:

-مبروك يا حبيبتي انتي حامل !

يتبع 

#دنيا_الغرام.

#سولييه_نصار

تكملة الروايه من هنا