 |
رواية #عندماالتقينا
البارت الثامن
نور بتلقائية : بس انا مش موافقة
الدكتور بارتباك :معلش فكري وهاخد جوابك بعد اسبوع عن اذنكم
والد نور :كده كسفتي الراجل يا نور لا زعلتيني منك
نور :اسفه يابابا بس انا مش بفكر في الجواز دلوقتي وبعدين انا لسه بدرس يابابا
والد نور :بردو يا نور الراجل اتحرج من ردك وبعدين ممكن نعمل الخطوبة والفرح يبقي بعد تخرجك
كل هذا كان يدور تحت انظار ومسامع مراد
نور :لا بردو يا بابا مش دلوقتي
والد نور :خلاص ياينتي زي ما تحبي بس بردو فكري وهنرد عليه بعد اسبوع إن شاء الله
قاطعته فوزية :جرا ايه يا عبد الحق ما تنشف كده مع بنتك شوية هو ايه اللي مش موافقة ده دكتور قد الدنيا وهيشلكم من الف*قر اللي انتوا فيه وبعدين مفيش عريس احسن من ده ممكن يتقدم لبنتك انت ناسي انتوا ساكنين فين ده انتوا قاعدين في الحي السادس يعني لو حد جالها هيكون في نفس مستواكم هتديها لواحد يشحتوا سوا كل هذا الكلام كان تحت انظار ومسامع مراد وعائلته
مراد كان يحترق بما يسمعه من اهانة لنور وعائلتها
تقدمت نور تجاه عمتها لتقف امامها
نور :للاسف لو مكونتيش عمتي واكبر مني في السن مكونتش اترددت في اني اعرفك مقامك كويس احنا اه علي قد حالنا ومعندناش فلوس كتيره بس عندنا اللي احسن واغلي
عندنا شقة لو دخلتيها هتلاقي دفا وحب مش موجود في في قصور احب اقولك ان الغني مش غني فلوس الغني غني قلوب بس للاسف انتي متعرفيش واه صح كنت هنسى احب اقولك اني لو عايزة ابقي غنية واعيش اهلي في ارقي المناطق الموضوع مش هياخد مني اكتر من ساعة ولا انتي نسيتي الملايين اللي جوزك كاتبهم باسمي
فوزية بغضب:انتي متقدريش تعملي كده
نور :لا اقدر تحبي تشوفي بنفسك
فوزية بحقد وغضب :بنتك ي عبد الحق لو مست قرش من فلوس عيالي مش هيحصل طيب
نور : قصدك انك هتحاولي تقت*ليني تاني صح
فوزية :محصلش
مراد وقد نفذ صبره :لا حصل واحنا دلوقتي هنروح نعمل محضر
فوزية لعبد الحق:قول حاجه يا اخويا
عبد الحق :اخوكي دلوقتي مش اخوكي ده اللي لسه كنتي بتعايريه بفقره لا وكمان حاولتي تق*تليلي بنتي
عبد الحق :انا قولتلك يا فوزية لو طلع ليكي يد في محاولة ق*تل بنتي انا اللي هحطك في السج*ن بإيدي
فوزية ومازالت تنكر وتمثل البكاء :مش انا يا اخويا والله ما عملت حاجه
قام مراد رغم اعتراض والديه ثم وجه كلامه لوالد نور
مراد:اسمحلي يا عمي نروح القسم ونعمل محضر باللي حصل والرجالة انا حاجزهم عندي هجيبهم وهيقدموا شهادتهم
والد نور :بس انت لسه تعبان يابني
مراد :لا يا عمي انا كويس
والد نور :اللي تشوفه يابني
اتصل مراد بحسن وامره ان يحضر الرجال الي القسم واعطاه العنوان ثم تجهز مراد ليخرج من المستشفي اصر مراد علي والد نور ان يركبوا معه في السيارة فوافق والد نور بعد اصرار شديد من مراد
توجه الجميع الي القسم وكان حسن والحراس في القسم والمجر*مين معه
وصل الجميع الي القسم وكانت فوزية خا*ئفة بشدة ولكنها كانت تظهر عكس ذلك
دخلوا الي القسم والجميع رحب بهم عندما عرفوا انهم عائلة عز الدمنهوري
عندما رأي والد نور المجر*مين كان سيشتبك معهم ولكن منعه مراد
احد المجر*مين يحدث نفسه:انا لا يمكن اتسج *ن انا لازم اهر*ب ثم يدخل ظابط وهو يتحدث في الهاتف وإذ بأحد المجر*مين ياخد سل*اح الظابط ثم يجذب نور اليه ويوجه السلا*ح نحو رأسها في مشهد ارع*ب الجميع
مراد :سيبها والا محدش هيخلصك من ايدي
المج*رم :مش هسيبها ولو حد قرب مني هق*تلها
الظابط :قولي عايز ايه وانا هنفذهولك بس سيبها
الم*جرم :وسعولي طريق علشان اخرج ومحدش يجي ورايا
وبالفعل حدث ما يريد تحت انظار الجميع ودموع نور و والديها وحزن مراد واهله وكأنها نظرات وداع نور
………
اتمني البارت يعجبكم ♥️
تشجيع ودعم حلو زيكم كده ♥️
تكملة الروايه من هنا
تعليقات
إرسال تعليق