 |
#الاميره_المشوهه💙
#البارت_التاني💙" الاخير "
شكراً على التفاعل يا قلوبي💙
اميره: ايييهه
سما بغرور: هو اي اللي اي مبتسمعيش بيقولك خطيبته
اميره بجمود: انا مكلمتكيش انتي.. الف مبروك يا زين بس من الاصول انك تعزمني ده انا بنت عمك بردو
زين ببرود: بصراحه متشر'فنيش اخدك معايا عند نسايبي بمنظرك ده
لو فضلت احكيلكوا العمر كله عن وجع و كسرة قلبي مش هتحسوا بيها..
اميره بجمود: اه.. تمام الف مبروك ربنا يخليلك الاستاذه سما هي دي اللي تشرفك صح بالتعر'ي ده جسمه'ا كله باين و حاطه كيلو مكياچ و انت ماشي جمبها بمنظرها ده و الكل بيتفرج على جسمه'ا عادي.. تصدق اول مره اعرف انك معندكش نخو'ه يا زين انت مش را'جل
محسيتش بحاجه غير وهو بيضر'بني با'قلم و و'قعت على الارض
زين بغضب: انا راجل غصب عنك يا حيو'انه مش انتي اللي هتقوليلي اعمل اي و معملش اي
قومت وقفت بثقه و قولت
اميره: انت لو راجل مكنتش تقدر تمد ايدك عليا .. بيقولو اللي بيمد ايده على ست بيبقا ست زيها و انا متعودتش امد ايدي على راجل بس بعد ما انت مديت ايدك عليا اثبتلي انك مش راجل و ان لايق عليك كلمة ست.. المسامح كريم بس انا مسميش كريم انا اسمي اميره.. في لحظه كنت ضر'بته با'لقلم على وشه و هو واقف مصدوم هو و سما
سما قربت عليا عشان تضر'بني با'لقلم بس انا مسكت ايديها و عملت حركه برجلي خليته تفقد توازنها و تقع
سما: اااااااه الحقني يا زين رجلييي
اصل انا كنت بتعلم فنون الدفاع عن النفس و اتعلمت كام حركه جامدين كده
زين جري عليها
زين: معلش يا حبيبتي معلش حاولي تقومي معايا
اميره بسخريه: اسنديها يا زينه اصل بصراحه مش لايق عليك زين اصلك بقيت شبه النسو'ان ضحكت و سبتهم متغاظين مني و دخلت اوضتي
بصراحه اول ما دخلت الاوضه و'قعت في الارض بضعف و انهارت في العياط انا طول عمري قويه و بتحمل بس خلاص طاقتي خلصت انا تعبت مش هستحمل تاني قربت ا'نفجر حقيقي الوحيد اللي كان بيديني طاقه و قوه بيعا'يرني على شكلي.. ليه كده يا زين ليه ده انا حبيتك ذنبي اي في كل الجراح دي.. قومت وقفت و قولت بقوه.. خلاص كده انا جبت اخري منه و مش هسمحله يهيني اكتر من كده تاني.. خلاص يا زين وقتك معايا خلص و كر'هتك مع اني مكنتش بحب حد قدك بس خلاص حبك في قلبي بقا بح
فتحت اوضتي و خرجت عشان اغسل وشي ملقيتهمش.. احسن يارب ما يرجعوا عسلت وشي و رجعت اوضتي لعبت في الفون شويه و كلمت ماما اطمن عليها و بعدين نمت
تاني يوم...
قومت لقيته واقف في الصاله بينده عليا بصوت عالي اوي.. قومت خرجتله و اتكلمت بزعيق
اميره: اي في اي صدعتني مش عارفه انام
زين بضيق: عندك معاد مع الدكتور كمان ساعه و حضرتك لسه نايمه
اميره بصتله بقر'ف: طيب خلاص مش حوار يعني مش محتاج الصياح ده كله.. هدخل البس
دخلت غسلت وشي و لبست دريس زهري و هيلز اوڤ وايت و طرحه اوڤ وايت و حطيت مرطب لشفايفي و خرجت
اميره: يلا؟
زين: يلا
نزلنا و ركبنا عربية زين و طلعنا على العياده
دخلت فضلت قاعده في الاستراحه عماله افرك في ايدي متوتره بطريقه رهيبه.. خايفه ادخل و يقولي ان مفيش علاج ليا حقيقي مرعوبه من القادم
التمرجي: المدام اميره فوزي
اميره بتوتر: ا.. ايوه انا اهو
التمرجي: اتفضلي دورك جيه
زين مشي قدامي و انا مشيت وراه.. حقيقي الواد زين ده مهز'اء و انا مهز'اءه اكتر منه عشان سمحت لقلبي انه يحبه بس خلاص الحب ده بح
دخلت للدكتور بصراحه العياده قمر و الدكتور قمرين اي ده اي ده.. لا بجد اي الحلاوه دي يا ولاد ده دكتور ده ولا جاي من مسلسل تركي.. اي يلا العضلات دي و العيون السوده القمر دي.. زين طلقني انا بكرش على الواد القمر ده.. طبعا الحوار ده كله كان بيدور في عقلي و فوقت على صوت زي القمر
الدكتور " اسلام "
اسلام بأبتسامه: اتفضل يا مدام اميره
يختيييي على الغمزات يا اخي تباً لجمالك خدت قلبي خلاص انا قلبي مهزاء اصلا
دخلت و قعدت على الكرسي
اسلام بأبتسامه هاديه: هااا قوليلي بقا فين الحر'ق اللي الاستاذ زين قالي عليه
اميره بأستغراب: في خدي اهو.. هو مش باين ده واخد نص وشي
اسلام بأبتسامه: لا مش باين انتي زي القمر مفيش حاجه متغيره في شكلك
زين بغضب: لاحظ ان جوزها قاعد يا دكتور و حضرتك عمال تعا'كسها
اسلام بأبتسامه: حضرتك ده الاسلوب اللي بتعامل بيه مع المرضى بتوعي لو مش عاجبك اسلوبي حضرتك تقدر تلغي الكشف.. مع اني اسلوبي صح جداً
اميره بغضب: زين لو مش عاجبك اسلوب الدكتور تقدر تستنى برا لحد اما اخلص الكشف و اطلعلك لاني مش هلغي الكشف عشانك
زين بضيق: صح.. انا خارج
اي ده.. ده خرج بجد تصدق انك مش محتر'م يلا!!
اسلام: هنكمل الكشف ولا اي؟
اميره بابتسامة: اه طبعا هنكمل
اسلام بهدوء: طيب اتفضلي نامي على السرير ده
اميره: اوك
قومت نمت على سرير الكشف و الدكتور عمل الفحوصات اللازمه و بعدين قومت
اميره بتوتر: هااا يا دكتور طمني
اسلام بأبتسامه: لا اطمني خالص .. اولاً اسمي اسلام متقوليليش يا دكتور لاني سني قريب من سنك اصلا.. ثانياً الحر'ق اللي في خدك بسيط جداً و علاجه سريع و هنبداء النهارده العلاج
اميره بفرحه: بجد يعني ممكن يمشي
اسلام: ان شاء الله
اميره: طب هو ممكن يختفي في خلال قد اي؟
اسلام: سنه
اميره: يااااه سنه كتير اوي
اسلام: احمدي ربنا انك متأخرتيش اكتر من كده الله اعلم كان حصل اي
اميره: الحمدلله
بداء يحطلي حاجات على وشي معرفش اي هي بس المهم اني اخف و اخلص..و بقا بيتكلم معايا و هو بيحطلي الحاجات دي
اسلام: مبتحبيهوش صح
اميره: هو مين
اسلام: جوزك
اميره: كنت
اسلام: و اي اللي حصل.. لو مش عايزه تحكي براحتك انا بدردش معاكي بس على ما نخلص
بدأت ادمع..
اميره بدموع: كنت بحبه اوي بس.. بس بعد ما حصل في وشي كده.. هو بعد و كر'هني و خلاني اكر'ه شكلي و مثقش في نفسي بقيت اكره ابص في المرايه.. كان معايا خطوه بخطوه كان بيعلقني بيه كل شويه اكتر لحد ما جيه يوم فرحنا و دي كانت صدمة عمري قالي انه بيقرف يبصلي او يتكلم معايا حتى.. و .. و خطب واحده غيري و هبتجوزها اول ما نطلق
لقيته مدلي منديل خدته و مسحت دموعي بهدوء بس بصراحه ارتاحت لما حكيتله كل حاجه.. مع اني معرفهوش بس ارتاحتله
اسلام: احسن حاجه دلوقتي انك فضفتضي و عيطتي كمان العياط و الفضفضه بتهدي التعب النفسي و الجسدي و بتريح كتير
اميره: انا فعلا ارتاحت بعد ما حكيت
اسلام: هو انتو هتطلقوا؟
اميره: اه
اسلام: بصراحه جوزك ده ا'عمى حد يبقا معته القمر ده و يسيبه كده و يزعله
ابتسمت ابتسامه هاديه.. قعدنا حوالي ربع ساعه نتكلم شويه و انا نسيت ان زين مستنيني برا اصلا.. بصراحه اسلام شخص لطيف جدا و هادي شخصيته حلوه و بأقل كلمه يقدر يغير مود اي حد.. سهل التعرف عليه عشان كده عرفت كل حاجه عنه
عرفت ان والده متوفي و عنده اخت متجوزه و عايش هو و والدته لوحدهم و عنده 33 سنه بس مش باين عليه خالص!! انا فكرته اصغر من كده
المهم حكينا شويه و بعدين سلمت عليه و شكرته و خرجت لزين.. كنت مستغربه انه مكنش غيران عليا و انه سابني مع الدكتور و خرج بس هو هيغير عليا ازاي وهو بيكر'هني اصلاً.. بصيت عليه لقيته بيتكلم في الفون بطريقه ملزقه ركزت معاه شويه و عرفت انه بيكلم سما.. اقولكوا حاجه انا كنت بغير عليه لما اشوفه بيكلم طفله بس دلوقتي انا مش حاسه ناحيته بأي حاجه و حقيقي فخوره بنفسي
اميره: زين
زين: افندم؟
اميره: هنمشي ولا هنبات هنا
زين: يلا هنمشي
روحنا و دخلت خدت شاور و غيرت هدومي و دخلت نمت.. نسيت اقلكوا اني خدت رقم اسلام كنت هكلمه بس رجعت في كلامي و قولت مينفعش و عيب
عدت الايام و الشهور و انا و زين بنبعد عن بعض حرفياً.. لكن قربت من اسلام و بصراحه.. حبيته.. لا يجماعه متقولوش عليا مهزاءه مش انا تؤ.. ده قلبي اللي مهزاء.. مهو بصراحه اسلام يتحب شخصيته عفويه و لطيفه و شكله انيق و محترم و سنجل.. خطف قلبي يا جماعه
زين: اميره تعالي عايز اتكلم معاكي شويه
اميره: هااا
زين: احم.. انا فرحي انا و سما قرب
اميره ببرود: الف مبروك.. هااا اي تاني
زين: هي مش عايزه يبقالها ضره.. احنا عدا على جوازنا 9 شهور يعني ممكن نتطلق عادي
اميره: امممم.. و انا موافقه جدا شوف هنروح لامأذون امتى و انا معاك
زين: بكره
اميره بسخريه: ده انا مجهز كل حاجه بقا.. ماشي هدخل الم حاجاتي
دخلت الاوضه وانا مرتاحه اني خلاص هخلص من الهم اللي كنت عايشه في ده
دخلت كلمت اسلام و حكيتله هو بقا اقرب حد ليا و اي حاجه تحصلي بحكيهاله.. بعد ما حكيتله كل حاجه حسيته فرح
اسلام بفرحه: بجد يعني هتطلقي
اميره بأستغراب: اه.. مالك فرحت كده ليه
اسلام بتوتر: هااا.. لا مفيش انا فرحان عشانك بس مش اكتر
اميره بشك: اممم.. ماشي سلام بقا عشان الم حاجاتي
اسلام: ماشي.. خلي بالك من نفسك
اميره: حاضر
قفلت معاه و لميت حاجاتي و روحت عند ماما
تك تك تك
هاله فتحت الباب
هاله: اميره!!
حضنتها جامد كانت وحشاني اوي
اميره: وحشتيني اوي يا ماما
كنت بشوفها كل فتره بس بقالي شهرين مشوفتهاش
هاله بدموع: وحشتيني اكتر يا قلب امك
خدت شنطتي و دخلت الشقه
اميره: شوفتي خدي خف ازاي فاضل حاجات بسيطه و يخف خالص
هاله: ربنا يسهل و تخفي و تبقي زي الفل يا حبيبتي و احسن من الاول.. ايوه صح اي الشنطه دي
اميره: قررت انا و زين اننا هنتطلق بكره
هاله بشهقه: يلهوي ليه حثل بينكوا حاجه
امير بسخريه: اي يا ماما ما انتي عارفه ان ده جواز مصلحه عشان كلام الناس بس.. فرحه كمان شهرين هو و سما
هاله: الواد ده طلع ند'ل
اميره: سيبك منه.. انا عايزه اكل ملوخيه
ايوه انا مفجوعه عادي..
روحت تاني يوم انا و زين عند المأذون و تمت اجراءت الطلاق.. حقيقي خرجت من عند المأذون و انا مبسوطه اوي مكنتش اتخيل اني لما اطلق انا و حب طفولتي ابقا فرحانه كده
عدا اسبوع و كنت عايشه في راحه غريبه عمري ما عشتها
قومت في يوم نشيطه و مبسوطه اوي معرفش ليه خدت ساور و لبست و قولت انزل اتمشى شويه و انا بفتح باب الشقه لقيت اسلام واقف قدامي!!
اميره: اسلام!! بتعمل اي هنا و اي الورد ده
اسلام: طب قوليلي اتفضل حتى
اميره: احم اسفه.. اتفضل
اسلام دخل و قعد و كان ماسك بوكيه ورد شكله حلو اوي بـ لوني المفضل " بيبي بلو💙 "
هاله: مين هنا يا اميره
اميره: تعالي يا ماما ده دكتور اسلام اللي بيعالجني
هاله بترحيب: اهلاً اهلاً يابني اتفضل.. تشرب اي
اسلام: لا مش هشرب حاجه انا بس عايز حضرتك في موضوع
هاله: خير يا ابني
اسلام بص لأميره بحب و بعدين اتكلم
اسلام بأبتسامه: كنت عايز اطلب ايد اميره من حضرتك
اميره بصدمه: نعمممم
هاله بفرحه: ده انا ليا الشرف يا ابني.. بس مش لما تخلص عدتها الاول
اسلام: انا هستناها العمر كله
اميره: انتو بتقولوا اي هو انا مش موجوده ولا اي
اسلام: ممكن حضرتك تسيبينا لوحدنا خمس دقايق
هاله: حاضر يا ابني هعملك قهوه على ما تتكلموا سوا شويه
اسلام: اتفضلي
ماما دخلت تعمل القهوه اللي هي متعرفش هو بيشربها اي اصلاً .. و انا قعدت قدام اسلام و انا مصدومه هو انا اه بحبه بس متخيلتش انه يجي يتقدملي
اميره: اي اللي انت بتقوله ده.. انت عايز تتجوزني ليه
اسلام بابتسامه: ببساطه كده عشان بحبگ
اميره بدموع: بس انا مطلقه
اسلام: كانت تجربه و عدت عادي
اميره: و لسه مخفتش يعني لسه مشوهه
اسلام: ده مش تشوه ده تميز وانا بعشق الحاجات المميزه مبحبش اقلد الناس
اميره: الناس هتعايرك عشان انا معاك
اسلام: الناس هتحسدني عشان انتي معايا
اميره بدموع فرحه: انا بحبگ اوي
اسلام: و انا بعشقگ يا اميرتي.. سكي على القهوه يا حجه و اعملي شربات💃♥️
كلام الناس عباره عن رأي و احنا مش شرط ناخد برأيهم.. يعني بأختصار يا اما تعيشي حياتك صح بمزاجك و ترضي نفسك.. يا اما تعيشي حياتك غلط بمزاج الناس عشان ترضيهم.. الجوازه المتأخره احسن من الجوازه الغلط.. و مش كل القرايب حبايب ممكن يكونوا عقا'رب.. عيشي لنفسك مش للناس💙
"إذا قـدر لي أن أعيـش حيـاتـي مـرة أخـرى لـگنت وجـدتك عاجـلاً💙"
" تمت بحمد لله " ارجوكم قولوا رايكم لانه بيفرق معايا جدا
#اميرتي_المشوهه💙
#بقلمي_منى_محمد💙
" بعتذر لو في خطئ املاء"
تعليقات
إرسال تعليق