مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-مش هتجوزه !

صرخت فيهم فضرب*ني ابويا قلم بعدين مس*ك شعري وهو بيزعق :

-هتتجوزيه يا ريم غصبا عنك ...

دموعي نزلت وقولت:

-يا بابا ده عنده ستين سنة ...يعني قد جدي حرام عليك ترميني الرمية دي ...

ضرب*ني بالقلم تاني   فوقعت  علي الأرض وقال :

-اومال هتقعدي هنا لحد امتي ...انتي عنستي خلاص ...

بصتله بصدمة وقولت:

-انا لسه عندي تمانية وعشرين سنة انت بتقول ايه ...

بصلي ببرود وقال :

-من غير كلام كتير يا ريم ...انتي هتتجوزي الحاج صابر ورجلك فوق رقبتك ...وفرحك هيبقي الاسبوع اللي جاي ...

وبعدين سابني ومشي ... حطيت ايدي علي وشي وبدأت ابكي ...معقول اتباع بالسهولة دي ومين ابويا يبيعني ...بس هو عمره ما حبني ...وبعد ما ماتت ماما بدأ يضر*بني ويعاملني بعن*ف ودلوقتي عايز يجوزني لواحد قد جدي عشان الفلوس ...حسيت كأني لعبة ابويا بيبيع ويشتري فيها ...بس لا أنا مش هستسلم مش هخليه يدمر حياتي بالشكل ده ..

....

تاني يوم 

-رايحة فين 

-رايحة المستشفي علي شغلي 

-مفيش شغل 

-يعني ايه يا بابا 

قام من مكانه وز*عق:

-يعني اللي سمعتيه يا روح امك مفيش شغل ...الحج صابر ميقبلش أن خطيبته تشتغل خلاص انسي الشغل يا دكتورة ...انتي كده كده في المستشفي دي كنتي بتقبضي ملاليم

-حرام عليك يا اخي انت ايه ...قولي هو انا مش بنتك 

زعقت فيه لحد ما صوتي راح فجأة حسيت بقل*م علي وشي وقال:

-القل*م ده عشان تبقي تحترمي نفسك ...

وبعدين طلع وقفل عليا من برا...

قعدت علي الارض وانا حاسة اني خلاص هموت من القهر ...هو ليه بيعاملني كده ليه ...أنا عملتله ايه لده كله ...ليه عمره ما حبني ...أنا مفتكرش اصلا أنه حضنني في يوم من الايام ...

 .....

عدا اسبوع وانا مح*بوسة في البيت ودموعي علي خدي لحد ما جه يوم الفرح اللي ابويا سمحلي اخيرا اطلع عشان اروح الكوافير ...

  .....

-ما تهدي شوية يا عروسة كل لما احطلك ميكب تبوظيه بسبب دموعك...أنا ورايا غيرك الله .

قالتها الكوافيرة وهي بتنف*خ ساعتها انفجرت وقعدت ابكي 

-يختي مالها دي ...يا بت فيه حد يبكي في اليوم المميز ده 

-مش عايزة اتجوز 

-مسم كلكم بتقولوا كده يختي وبعدين ...

بصتلها وقولت:

-العريس عنده ستين سنة 

-يالهوووي ايه ده ...يا قلبي يا بنتي واهلك ازاي يرموكي الرمية دي 

-عشان الفلوس

-طب وانتي مرفضتيش ليه 

-رفضت وابويا ض*ربني ...مش عارفة اعمل ايه 

-اهر*بي

-ايه

قولتها وانا مصدومة فمسكت أيدي الكوافيرة وقالت:

-زي ما قولتلك اهربي من هنا يا بت ...اهربي بعيد حرام اانتي صغيرة تدف*ني بالشكل ده ...

-بس انتي ممكن تتأذ*ي

-ملكيش.دعوة ....

وبعد نص ساعة كنت ماسكة فستاني وانا بجري من الباب الخلفي بتاع الكوافير 

......

طلعت بنت خالة ريم وهي بتزعق وتقول:

-العروسة هر*بت الحقونا يا نااااس 

يتبع

الجزء التاني♥️شكرا علي تفاعلكم السكر♥️بقلم سولييه نصار ♥️

-هر*بت !!هر*بت يعني ايه يا ست انتي 

ومسك ابو ريم في الست واتخانق معاها ....بس اخوات الكوافيرة مسكوا ابو ريم وضر*بوه 

.....

قدرت أنا اركب اقطع تذكرة واركب القطر واروح الإسكندرية ...صاحبتي عايشة هناك وهي هتساعدني ....

نزلت من القطر والناس بتبص عليا  بصدمة ...تجاهلتهم ....وقررت اركب تاكسي يوديني للعنوان بس اتصدمت لما لقيت الفلوس وقعت مني...دموعي نزلت ...يارب المكان بعيد هعمل ايه دلوقتي ....والليل قرب يليل عليا ...مشيت وانا مش عارفة اروح فين ...كنت ماشية والناس بتبص للعروسة اللي ماسكة فستانها بصدمة .....وفجأة لقيت نفسي في مكان مفهوش ناس ...قلبي دق بخوف واتفزع*ت اكتر لما حسيت بصوت كل*اب ورايا ...بصيت عليهم لقيت كلا*ب كبيرة ...صرخت فكانوا هيهج*موا عليا. ...جريت بأقصي سرعة ليا وقدرت ادخل فيلا بابها مفتوح ...

حطيت ايدي علي قلبي ولسه هرتاح ...حسيت حد مسكني من أيدي ...

-مين انتي يا حرامية ؟!

بصيت علي الراجل الضخم اللي مسكني ولسه هبرر ...بعد وقال:

-مريم هانم أنا آسف بجد .....الحمدلله انك اخيرا رجعتي ...اياد بيه هيتجنن  ...

ولسه هبرر لقيته مسك أيدي ودخلني الفيلا .

-يا استاذ قولت أنا مش ...

ولسه هكمل كلامي لقيت واحد زي القمر  نازل من السلالم 

قربت علي الحارس وقولت:

-هو ده اياد بيه 

-ايوة هو 

-خلاص يبقي أنا مريم ...

شاورله اياد أن يمشي ...مشي الحارس بسرعة ولسه هتكلم ضر*بني اياد علي وشي وقال:

-جح*يمك ابتدي يا مريم ...فاكرة لما تصبغي شعرك مش هعرفك ...

شدن*ي من شعري وانا بصرخ ومش فاهمة حاجة وقال:

-انا هحبس*ك عشان تعرفي تهربي تاني...

...

فتح باب الأوضة فقولت:

-والله أنا ما مريم ...اسمي ريم ...يا استاذ افهم بس ...

بس هو مرضيش يسمعني وزق*ني لحد ما وق*عت علي الارض وقفل الباب...

...

اتصل اياد بأخته كرمة وقال:

-مريم رجعت يا كرمة 

-بجد 

-ايوة والله رجعت 

-طيب كانت فين 

-معرفش والله مش ده المهم المهم دلوقتي عايز اعرف  كانت مع مين ...عايزة اعرف هي خا*نتني مع مين ....مين عش*يقها بالضبط 

-يا اياد ما تطلقها وترتاح 

-لا يا كرمة لازم تدفع التمن الاول ...تمن قلبي اللي كسر*ته ..

......

في الأوضة كنت قاعدة وانا مرعوبة ومش فاهمة حاجة فجأة اتفزعت لما دخل اياد ...

-انا مش مريم 

-لا والله اومال مين 

-انا ريم والله معرفش مين مريم دي وجيت هنا صدفة...

ضحك اياد بسخرية وقال:

-فاكرة الشويتين دوول هيخيلوا عليا وهعتقك ...طيبة اووي يا مريم انتي ...لا يا حبيبتي هتدفعي تمن خيا*نتك ليا غالي ...مش اياد الصاوي اللي يتخا*ن ويسكت ...

قرب مني ومس*ك شعري وهو بيقول:

-انطقي يا بت مين هو عشي*قك 

-يالهووي علي حظي الاسو*د يا ناس ...والله يا باشا معرفش ايه عش*يقي دي أنا سمعتها في التلفزيون تلات  مرات ...بعدين مين الغبية اللي تخ*ون واحد زي  القمر زيك ...

زقني وقال:

-شكلك هتتعبيني اومال ايه ده يا روح امك 

وبعدين وراني فيديو علي الموبايل لواحدة شبهي بالضبط في وضع مخ*ل مع واحد غريب !!

يتبع