مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التالت والرابع الأخير 

❤شكرا على تفاعلكم السكر زيكم❤

اتصدمت ...لا اكيد فيه حاجة غلط ...بعتلي الشخص المجهول رسالة تاني وقال :

-لو عايزة تعرفي التفاصيل قابليني في الكافية اللي قدام البحر ..كافية....انتي عارفاه كويس ...

قلبي انقبض ...اقابل شخص معرفوش دي صعبة شوية بالنسبالي ...بس فضولي كان اقوي ...ايه اللي لم الشامي علي المغربي ...حد علمي مريم مش بط*يق عماد وكانت هي اللي بتحذرني منه فامتي حبوا بعض وأمتي اتقربوا معقول دي لعبة معمولة عليا ...الإنسان اللي كنت بحبه وصاحبتي عاملين عليا خطة ...من غير شعور وافقت اقابل الشخص المجهول ده ...

... .......

بالليل كنت متوترة وانا بحاول اخترع حجة عشان اقابل الإنسان ده ...عارفة أن ده غلط واني وعدت بابا اني ارفع رأسه بس فضولي الانسان اقوي منه كنت حابة اعرف أنا ازاي اتضحك عليا ...قولت لبابا أني محتاجة شوية حاجات تبع الكلية هشتريهم وبعد محايلات وافق ...خرجت من البيت وروحت علي الكافية ...لقيت شاب غريب بيشاورلي ...قربت ب*خوف منه ...قام وابتسم ليا وقال بنبرة لطيفة:

-اقعدي يا ماريا

قعدت ب*خوف ...واتأملت شكله حسيت انه مالوف حسيت اني شوفته قبل كده بس مكنتش فاكرة فين بالضبط ...ابتسم وطلع كتب ليا وقال:

انتي خبطتي فيا ووقع كتبك ومستنتيش حتي تأخديهم كنت مستعجلة وبتعيطي ...

بصتله بدهشة واخدت الكتب ...ابتسم ليا كانت ابتسامته حلوة ...اتوترت اكتر وانا ببصله وقال :

-اكيد عايزة  تعرفي أنا جبتك هنا ليه

-‏انت تعرف مريم وعماد من فين 

-‏انا كنت من اصحاب عماد ...زي ما تقولي كنت من الشلة بتاعته بس سلوكهم مش عجبني فقررت ابعد ...وانا عرفت حكاية الرهان ...

بصتله ب*خوف وقولت:

-ما دام بعدت يبقي عرفتها ازاي 

اتنهد وقال :

-كنت بتواصل مع واحد من الشلة وقالي...بس تعرفي قالي ايه كمان 

-‏ايه 

-‏ان مريم صاحبتك هي صاحبة فكرة الرهان!!!

-ايه 

قولتها بصدمة ...ايه كمية الصدمات دي ...مريم عملت كده ليه ...ايه عايزة ت*دمرني وت*ذلني كده انا عملتلها ايه ....

دموعي نزلت وفجأة بدأت ابكي 

-قدامك حلين يا مريم اما تربيهم او تفضلي تعيطي ...

مسحت دموعي وقولت :

-ليه عايزني انت*ذذقم ...انت برضه ليك غرض 

ابتسم بإعجاب وقال:

-يعجبني ذكاءك يا ماريا ...اكيد انا ليا هدف زيك وعشان كده هساعدك ..

-هدفك ايه بقا

-ادم*ر عماد ومريم 

-طيب هما اذوني وانت ...

لمعت عينيه بحزن  وقال :

-واذ*وني انت كمان يا ماريا ...انا مبعدتش عن الشلة بسبب مشيهم الوح*ش بس ...انا كنت بحب مريم وعماد كان عارف كده وهي كمان بس الاتنين عملوا عليه لعبة ...مريم اوهمتني انها بتحبني ولما جيت اعترف ليها برضه اتريقت عليا ...يعني تقدري تقولي اننا شبه بعض 

- انا مش قادرة اصدق ان مريم تعمل كده ...ليه ...انا عملتلها ايه ...انا كنت معتبراها اختي 

-وانا كنت معتبر عماد اخويا ...شوفتي يا ماريا احنا الاتنين شبه بعض ...ماريا مش فيه رسالة جاتلك من غريب وقالتلك خلي بالك من عماد ...انا اللي بعت الرسالة افتكرت انك هتكوني ذكية ومش هتتورطي معاه بس للاسف ...

مسحت دموعي وقولت :

-نعمل ايه ..

ابتسم وقال :

-هقولك بالمناسبة اسمي عادل ..

.....

مر اسبوع  وانا وعادل كنت بنجهز الخطة المناسبة الغضب كان محركاني ...انا كنت مقررة اني اسيب عماد وأبعد عنه بس لما تحس انك اتخدعت من أقرب الناس ليك ...الناس اللي اعتبرتها زي اخواتك بتحس بنار والنار دي مش بتهدي الا لما تاخد حقك ...والنار اللي في قلبي مش هتهدا الا لما ا*ندم مريم وعماد ...

......

-بسم الله مين دي 

قالها ابويا بخوف ابتسمت وقولت:

- انا ماريا يا بابا 

-ايه اللي عملاه في نفسك ده يا بنتي وفين النضارة ده انتي نظرك علي قدك 

- ما انا لبست لينسيز نظر يا بابا 

-وايه التسريحة دي 

- دي الموضة يا بابا ايه وحشة 

- لا يا بنتي قمر ...انتي رايحة فرح الساعة تسعة الصبح 

- لا رايحة الجامعة 

-وانتي بالشياكة دي .

-ايوة يا بابا يالا باي بقا ...

....

مشيت بسرعة وانا فرحانة انا اخيرا اقتنعت اني جميلة بشوية تعديلات بسيطة شكلي اتغير تماما ...قلعت نضارة قعر الكوباية ولبست لينسيز غيرت تسريحة شعري اللي عاملة زي الاطفال ولبست لبس علي مقاسي بدل من هدومي الواسعة ...اتغيرت ١٨٠ درجة ...

دخلت الجامعة بثقة ...اول مرة ادخل بالثقة دي ...كنت حاسس ان نظرات الناس كلها عليا ....

-مين القمر اللي نورنا 

كان صوت عماد بيعاكسني من ورايا ...بصتله وقولت :

-اخص  عليك يا عماد  نستني

-ماريا يخربيتك ايه القمر ده 

-ميرسي دلوقتي عن اذنك ورايا محاضرة 

بعدين سيبته ومشيت ...

....

-ازيك يا روما 

بصتلي مريم بصدمة

-ايه ده 

-النيولوك الجديد ..عجبك

- لا زي الز*فت فين ماريا البريئة 

-مات*ت يوم ما بعتي فيديو بتاعي انا وعماد لبابا

-ماريا انا ...

-متبرريش يا مريم ...لان الندالة ملهاش تبرير يا حبيبتي

وبعدين سيبتها وقعدت بعيد عنها 

.....

مرت تلات ايام وعماد ملاحقني في كل مكان ...مش سايبني في حالي وده كان اللي انا عايزاه بالضبط ...

....

-عايز ايه يا عماد 

-ماريا انا عملت غلطة كبيرة انا معجب بيكي مما تيجي نرتبط والمرة دي بجد علي فكرة 

-وخطوبتك اللي علي مريم بعد كام يوم 

ابتسم وقال :

-هفكسلها !

ابتسمت وقولت:

-اذا كان كده ماشي!!

يتبع الأخير 

-انتي اللي عملتي كده يا ماريا صح ؟!!!

جاتلي مريم وهي بتزعق لدرجة أن الطلاب كلهم سمعوها..

ابتسمت ببرود وقولت:

-اهدي يا روما يا حبيبتي لاحسن يطقلك عرق ولا حاجة 

-اخرسي ...سمعتيني اخرسي خالص ...مش قادرة اصدق انك شيط*انة للدرجادي ...عماد سابني بسببك قبل خطوبتنا بيوم سابني ...رمان*ي كأني ولا اسوي اي حاجة ...انا عملتلك ايه عشان ت*أذيني بالشكل ده يا شيخة منك لله ربنا ياخدك يارب 

- لا يا روما يا حبيبتي معملتيش حاجة انتي بس يا اختي يا صاحبتي روحتي اتفقتي مع عماد ان يعمل رهان عليا ويك*سر قلبي ومكتفتيش بده لا صورتيني كمان وبعتي الفيديو لبابا ...لا حاجات بسيطة متاخديش بالك منها ...انا بس عايزة اسأل سؤال ...

قومت وقربت منها وقولت:

- انتي ليه ب*تكرهيني كده انا عملتلك ايه ...ده انتي كنتي اختي واكلين شاربين سوا ...انا دخلتك بيتي وعرفتك أسراري...حبيتك وامنتلك وده جزاتي ...ليه يا مريم 

-عشان تبقي زيي

بصتلها بحيرة ..لقيت  وشها اتملي حقد وقالت:

-كان لازم تبقي زيي يا ماريا ...محبتش براءتك...دايما عاملة حدود مع الشباب  والكل بيشهد بإحترامك...لما بمشي معاكي  ...بشوف نظرات الناس ليا ازاي ماريا المحترمة ماشية مع مريم .

.كرهت*ك وكره*ت احترامك...مكنتش قادرة ابقي زيك بس كنت قادرة اخليكي زيي ...لما عرفت بحبك لعماد دي كانت فرصتي عشان اثبت ان ماريا المحترمة ممكن تكون أسوأ من مريم كمان ...

رجعت ورا وانا مصدومة ..

- مش معقول ...ده كله في قلبك ...كل الح*قد وال*كره ده في قلبك وانتي عاملة انك بتحبيني ...انا عمري ما بصيتلك زي الناس ...ده انا كنت بدافع عنك قدام اهلي واصحابي ...

بصتلها بخيبة امل وقولت:

- مش عايزة اشوف وشك تاني وربنا يسامحك علي اللي عملتيه لاني عمري ما هسامحك ....

.....

سيبتها ومشيت كده مريم أخذت عقابها بس عقابها الاكبر  هو السواد اللي في قلبها ...الح*قد والك*ره مش هيخلوها تعيش في سلام ...ودلوقتي فضل عماد ...

........

في الكلية وفي نفس المكان اللي اعترفت فيه بحبي لعماد وقف عماد قدام الناس كلها وقال بإبتسامة :

-ماريا انا بحبك ...معرفش ازاي ضيعت*ك من ايدي مرة بس بحلف اني ندمان وندمان جدا كمان ...ماريا انتي جوهرة وانا مش حابب اضيعك...غلطة عمري اني عملت الرهان ده وانا هصلحه !!...

اتنهد وقال:

-ماريا انا بقول قدام الكل اني بحبك ...بحبك اووي وبحط قلبي تحت رجلك وانا تحت امرك ..

ابتسمت وابتسامتي اتحولت لضحكة شريرة وقولت:

-مكنتش اتخيل اني اكسب الرهان بالسرعة دي ...

بصلي عماد بصدمة فغمزت وقولت:

-ايه رايك في الديجافو ده يا عماد ...حلو صح ...اصل انا راهنت اصحابي اني هخليك تعترف بحبك ..مراهنتش علي كتير يعني راهنا علي عشرة جنية...اعذرني انت حتي كتير عليك المبلغ ده ...

ضحك باقي طلاب الجامعة عليه ...ولما شوفت ده حسيت النار اللي في قلبي بتبرد ومشيت ....

وانا وطالعة من الكلية خبطت مرة تانية في عادل ووقعت كتبي 

بصلي وضحك وقال:

- انا عمري ما شوفت ديجافو بالجمال ده ❤

ابتسمت بكسوف وقولت:

-وانا كمان ❤

ودي نهاية قصتنا بس  بداية حياة ماريا وقصة حبها مع عادل

تمت