مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التاني والثالث الأخير 

زوج صديقتي 

❤شكرا على تفاعلكم السكر زيكم❤بقلم سولييه نصار❤

-برافو يا حبيبتي تفكير هايل ....يومين اضبط نفسي ونتجوز 

-خرج بابا الاول 

-لا.لا يا اماني ابوكي مش هيخرج الا بعد دخلتنا انا وانتي انا مبثقش فيكي 

-حرام عليك اللي انت بتعمله ده يا اخي انت ايه 

-بلاش دراما يا حبيبتي ويالا اقفلي دلوقتي انا وصلت البيت وصحيح ردي علي صفاء عشان قلقانة عليكي وكانت عايزة تجيلك بنفسها 

-طيب 

-بس حسك عينك تقوليلها حاجة انتي فاهمة 

وبعدين قفل السكة في وشي ....

وقعت علي السرير وفضلت اعيط ...انا استسلمت للشيطان وقررت اخون صاحبتي بس اعمل ايه ...ابويا هيروح مني لو معملتش كده ...كنت حاسة ان الدنيا كلها عليا ...غمضت عيني ونومت...بس حتي احلامي كانت كلها عن صفاء ...صفاء بتكر*هني وبتلومني اني سرقت جوزها منها ...كانت بتلومني  انا وهو في نظرها كان البرئ ...قومت من نومي مفزوعة وانا بعيط ...قررت اجرب اخر حل يمكن اقدر الحق نفسي ....

.......

بعد ساعتين اتصلت بيا صفاء ورديت...

-ايه يا بنتي فينك ده كله انا قلقت عليكي. ..

-صفاء هو عامر عندك 

-لا جه من ساعتين وطلع من نص ساعة قال وراه شغل في القسم 

-طيب انا جيالك عايزة اقولك حاجة ضروري ...

وبعدين قفلت معاها وغسلت وشي ولبست وروحتلها جري ...

........

-يا بنتي بقالك نص ساعة هنا وانتي ساكتة مش كنتي عايزة تقوليلي حاجة ..؟!

قالتها صفاء بحيرة ...دموعي نزلت وانا ببصلها فقالت بخضة:

-يالهوووي مالك يا بت بتعيطي ليه ؟!

-صفاء بابا اتحبس في قضية هيرو*ين 

-يالهوووي يا اماني ...مستحيل عم مدحت ميعملش كده ...

مسحت دموعي وقولت:

-وعامر هو اللي قبض عليه 

اتصدمت وقالت:

- ايه مقاليش حاجة زي كده طيب انتي مقولتليش ليه ...

حطيت وشي في الارض وانا بحاول اسيطر علي نفسي وقولت:

- جوزك عامر بيساومني لاما اتجوزه لاما هيحبس بابا عشر سنين ...ساعديني يا صفاء ...

-ايه اللي بتقوليه ده يا اماني

قالتها بصدمة فهزيت راسي وانا ببكي وحكيتلها كل حاجة 

وبعد ما خلصت قامت بغضب وقالت:

-اطلعي برة يا اح*قر خلق الله ...بتبوظي سمعة جوزي وتلاقيه ابوكي هو اللي غلطان 

-صفاء ..

-بقولك برة ..برة افتكرتك صاحبتي وانتي عايزة تلفي علي جوزي ...

-فيه ايه 

جه صوت عامر من ورايا ...

جريت عليه صفاء وحضنته وقالت:

-شوف يا عامر ...شوف اللي كنت بعتبرها اختي طلعت حاطة عينيها عليك وعايزة تسوء سمعتك قصادي ...دي طلعت شي*طانة بجد ...

بصلي عامر بغضب ولسه هيتكلم ...جات ومسكتني صفاء من ايدي وقالت:

-برة ...اطلعي برة مش عايزة اشوف وشك تاني ...انتي مش صاحبتي انتي طلعتي شي*طانة حي*ة من تحت تبن ...

وبعدين طردتني!!!

......

كنت في بيتي بعيط بجنون ...انا انتهيت صفاء مصدقتنيش ...وعامر اكيد هياذي ابويا ....

الباب خبط فجريت عليه ...فتحت لقيت عامر ... دخل وقفل الباب ...صرخت لما ض*ربني بالقلم وبعدين خنقني وقال:

-وديني لام*وت ابوكي بحس*رته لما يتحاكم زي الكلا*ب ..

بعدين زقني ووقعت ولسه هيطلع  ...مسكت رجله وانا بقول وانا بترجاه:

-ابوس رجليك يا عامر ...سامحني انا اسفة هعمل اللي انت عايزة بس متأذي*ش بابا انا مستعدة اتجوزك ...

بصلي بخبث وقرب مني وقال :

-لا  يا حبيبتي الجواز كان قبل عملتك السودا ...دلوقتي انا هاخد اللي انا عايزة منك من غير جواز يلا اخلعي !!!

يتبع.

الجزء الاخير❤شكرا على تفاعلكم السكر زيكم❤بقلم سولييه نصار  ❤

-لا مستحيل مش هخليك تلمسني 

صرخت وانا بزقه بس هو مسكني جامد وثبتني وقال:

-خلاص هعمل ده غصب عنك ...

حاولت أص*رخ بس هو كان بوقي وقرب مني ...خلاص كده حياتي اتد*مرت ...دعيت ربنا ان ينجدني منه ...فجأة باب البيت اتك*سر ودخل البوليس وبعدوه عني....لقيت صفاء بتدخل ومبتسمة بنصر وقالت:

-انت انته*يت يا عامر ...

بصلها عامر بصدمة ...حاول يبعد الشرطة عنه بس كان ماسكينه جامد 

-ايه اللي بتعمليه.ده يا صفاء انا جوزك ...انا جيت بس عشان اد*بها انها اتبلت عليا 

ضحكت صفاء وقالت:

-هو انت خالت عليك اللعبة دي يا حبيبي ...اماني لما حكيتلي علي كل حاجة انا صدقتها بس لمحتك دخلت البيت عشان كده مثلت قدامك وط*ردتها بعد ما اه*انتها وعملت نفسي مصدقاك...انا بس عايزاك تحط ايدك في جيبك كده ...

حط ايده في جيبه وطلع قلم ...

-افتح القلم يا حبيبي ...

فتحه واتصدم لما لقي فيه جهاز تسجيل صغير ...

- انا حقيقي لازم اشكرك يا حبيبي انك انت اللي جيبتلي الهدية دي في مرة وقولت اني لازم مثقش في حد وفعلا نفعتني معاك 

-انت فاكرة اني مش هقدر اطلع منها ..ده انا عامر رشوان 

- وانا صفاء مالك بنت اللوا مالك اللي يقدر ينهيك تماما خاصة انت والضابط زميلك اللي لبس لعم مدحت قضي*ة اله*يروين انا سمعت المكالمة كلها بينكم وبعتها للشرطة وقبضوا علي صاحبك ده 

- صفاء انا ...

عيون صفاء دمعت وقالت :

-لا يا حبيبي متتكلمش...دايما كنت ادعي ربنا ان يشفيك من العقم ...بقيت معاك وانا شبه متاكده اني مش هبقي ام وده كان قاه*رني بس   الحمدلله اني مخلفتش منك دي حاجة هشكر ربنا عليها دايما اني مخلفتش من واحد زيك حقي*ر راح يه*دد صاحبتي اللي زي اختي ...بس الحمدلله انت اخدت جزائك ...وهبعت المحامي ليك السجن عشان إجراءات الطلاق وحقوقي كلها توصلي فاهم ...

والشرطة اخد عامر ...قربت مني صفاء وانا علي الأرض مكاني متحركتش...كنت مذهولة من كل الكلام ده ...صفاء صدقتني ودي كلها خطة منها ...حضنتني صفاء وهي بتبكي وقالت:

-قومي يا حبيبتي قومي ...

- صفاء كنت خايفة اني اكون خسرتك...انا ...

-ششش ولا كلمة خلاص الحمدلله ...انتي فتحتي عيوني علي الشي*طان إللي كنت عايشة معاه شكرا ليكي 

-بابا ..

-متقلقيش عم مدحت هيطلع بابا قالي كده هو برئ 

- مش عارفة اقولك ايه 

-متقوليش حاجة انتي اختي يا عبيطة معقول اقفل الباب في وش اختي وهي محتاجاني...بعدين يالا قومي نشوف حد يصلح الباب ده الناس بدأت تتجمع وشكلنا مش لطيف 

ضحكت وانا بمسك ايديها وبقوم معاها...بعض الاصحاب بيكونوا اكتر من الاخوات ...دول الاصحاب اللي بيفهمونا كويس اووي يعرفوا الخ*طر اللي احنا فيه وينقذونا منه وصفاء كانت اجمل مثال للصحوبية دي 

تمت