مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#احببت_مصارع 

#الجزء_التاني 

الجزء الاخيييييييييير

ادهم بفرحة ودهشة : يعني بجد موافقة يا شاهي ..

شاهي: اه يا ادهم ..موافقة اروح اتعالج بس تبقي معايا ..اوعي تسيبني يا ادهم .اوعي 

ادهم :انا اصلا مقدرشي اسيبك ...

وفعلا ادهم كلم حد من تبع يوسف وقاله علي مستشفي كويسة اوي لعلاج الادم*ان 

ويومها بليل .....

ابراهيم بطيبة : ترجي بالسلامة يا حبيبتي ..اوعي تخافي انا هاجي ازورك في أقرب فرصة ..

شاهي بحب: انا مش عارفة اقولك اي بجد ..بس انت حنين اوي يا عمو  ربنا يخليك ليا ..

عادل: لا عمك ابراهيم ده مافيش اطيب منه ولا احن منه يا شاهندة يا بنتي والله ..بس انت برضو مافيش اطيب منك ابدا ...

شاهندة حست بالوجع اوي بسبب الكلمة دي ووطت رأسها ..ويوسف قرب منها وقالها 

يوسف: أيوة ومش معني أن الواحد مر بظروف وحشة بوظت تفكيره يبقي الإنسان ده وحش ولا اي يا عم ادهم ما تقول حاجة .. خلي عندك دم 

ادهم ضحك: أيوة طبعا يا كبير معاك حق  شاهي دي مافيش اطيب ولا احن منها ..والأهم بقي انها جدعة ومليون راجل كمان .

يوسف بضحك: ماشي يا عم الله يسهلوووو

ادهم .بضحك :اعوذ بالله .ربنا يستر علينا .... يلا يا شاهي احنا لازم نمشي دلوقتي ..

شاهندة مسكت ايده بخوف: يلا يا ادهم ...

هنا بحزن: شاهي .. تروحي وترجعي بالسلامة 

وقربت وحضنتها وقالتلها بصوت واطي :حقك عليا انا ظلمتك و جيت عليكي بس انا اسفة والله ..انت حقك ما تقبليش اعتذاري بس والله انا كنت مغيبة عن كل حاجة حتي كل اختياراتي كانت غلط وأسلوبي ..حقك عليا يا شاهي . 

شاهندة حضنتها: وانت كمان حقك عليا يا هنا ..وبعدين انا خلاص مسمحاكي ..

ادهم بضحك :يا واد انت يا ابو قلب طيب ..

منال: أيوة طبعا.. تروحي يا حبيبتي وترجعيلنا بألف سلامة يا رب .

وفعلا شاهندة ودعتهم كلهم وخرجت هي وادهم وراحوا المستشفي ...

___________________________________

في الفيلا ...

يوسف: أيوة يا بابا انا و فهد مسافرين كلنا كل واحد بمراته الي  المانيا يعني نعوض ام شهر العسل ده الي مصر كلها باصة فيه ..

منال :أيوة والله ..ربنا يتممها بقي بخير المرة دي يا ولاد ..

ابراهيم: ومسافرين امتي بقي يا عرسان انتوا 

فهم :بعد بكرة يا بابا ..يعني اسبوع كدة نغير جو لأن كتب كتاب علي تمارا بعد اسبوعين 

ابراهيم بضحك: يا عيني كلكم اتجوزتوا حتي الواد امير كتب كتابه الا علي يا عين امه متبهدل بجد 

يوسف بضحك: اللواء سراج مبهدله فعلا هههه

ابراهيم' يلا تروحوا ترجعوا بالسلامة. .

منال: أيوة يا عادل واحنا كمان لازم نرجع علشان عمر سافر علشان  فريدة وكمان جامعة هنا 

عادل: أيوة صح ..عندك حق

فكريني يا منال . صحيح يا هنا انت اي قرارك يا بنتي 

هنا بحزن: قرار اي يا بابا 

عادل: هيثم كلمني وعايز يتجوزك  يا هنا وندمان علي كل الي حصل منه 

ابراهيم :الله الواد ده عبيط ولا اي انا مش فاهم بجد 

عادل: لا الواد ده متعقد من فكرة الجواز ده اكيد 

انا مش فاهمه. شوية يبعد خالص وشوية يقرب 

حاسه أنه مش واخد قرار بالاستقرار  

منال بحدة : اه يا عادل وانت بقي عايزها تتجوزه ليه بقي إنشاءالله  ما انت بتقول اهو أنه مجنون 

عادل: هو انا قولت اتجوزيه يا بنتي ..يا منال انا بسألها علي رأيها الله مالك عايزة تزعلي وخلاص 

منال بحدة: لا بقي لا تسألها ولا بتاع ..العريس ده مرفوض تماما  ولازم تنساااه بقي. ...

عادل :يووووه 

نور: اهدي يا ماما مش كدة .هنا ليها رأي مبقتش صغيره ..ولا اي يا هنووون 

هنا: انا كمان مش عايزاه بعد اذنك..

عادل: جهزي شنطك يا هنا علشان هنسافر بكرة 

هنا :حاضر يا بابا ...

وفعلا هنا طلعت أوضاعا علشان تجهز حاجتها ونور وشمس طلعوا معااااها ...

_____________________________

في المستشفي ..

وصل ادهم وشاهي معاه وبمجرد ما دخلوا المستشفي ..شاهي مسكت في ايد ادهم بخوف 

شاهي بصوت فيه وجع : ادهم انا خايفة اوي ..

ادهم حضن ايديها: اهدي يا شاهي انا عايزك قوية 

اوعي تخافي وانت معايا وفي حضني .اوعي 

وفعلا شاهندة بدأت تطمن لكلام ادهم وحضنته جامد ....

الدكتور :احم بشمهندس ادهم 

ادهم خرج شاهي من حضنه بدأ يمسح دموعه..أيوة يا دكتور ...هي جاهزة.. صح يا حبيبتي 

شاهي مسكت ايد ادهم :اه يا ادهم بس يا دكتور ممكن اشوف ادهم كل يوم ..كل شوية والنبي 

الدكتور بهدوء وهو بيحاول يخدها علي قد عقلها أيوة طبعا كل يوم ..وكمان اول ما حالتلك تبقي كويسة ممكن يقعد معاكي كمان ..

وفعلا شاهي هديت واتطمنت من كلام الدكتور وودعت ادهم وراحت مع الدكتور بس دموعها مفرقتش وشها حتي ادهم كمان برغم جرح بطنه الا انه مكنش حاسس باي وجع غير لما الدكتور اخد شاهي من حضنه ..

وادهم مشي رجع الفيلاااا ... واتفاجاه ان عم عادل و منال وهنا سافره لعمر اسكندرية. ....

فقرر يروح يقعد في الإسطبل ...

_______________________________$$

في القسم ..

علي :أيوة يا فندم يوسف اخد إجازة علشان يعمل شهر العسل الي متهناش عليه يا عيني 

امير: هههه والله يوسف ده محسود وربناا 

سراج: بس انتوا رجالة بجد واسود .

امير بحزن: كان نفسي اشارك معاهم اوي يا فندم 

سراج: وانت ما شركتش يا أمير ..ده انت كنت اكتر واحد مهتم بالعملية دي .. انا فعلا فخور بيكم اوي 

علي: طب يا فندم فخر بفخر بقي ..امير هيعمل فرحه معايا انا وتمارا 

سراج بفرحة :ده بجد ..ده خبر حلو بجد ..مبروووك يا أمير 

امير بسعادة :الله يبارك فيك يا فندم شكرا ..

سراج: يلا بقي اتفضلوا بقي ...

وفعلا امير وعلي مشيوااا . وكل واحد بيجهز في حاجة .... علي اهتم بتجهيز لكتب كتابه هو وتمارا 

و امير بيواظف علي العلاج الطبيعي ....

____________________________

في الإسطبل .

يوسف نزل الإسطبل ولقه ادهم قاعد بيعيط ..

واول ما شافه مسح دموعه ...

يوسف :اي بقي يا عم هتقضيها حزن و اليسا  كدة ..ولا اي ما تجمد كدة وخليك راجل ..لازم ماتبقاش ضعيف  .. 

ادهم بدموع :خايف عليها اوعي ... قلبي واجعني علي بعدها اوي .مش مصدق انها بعيدة عن حضني 

انت مش متخيل انا بحبها ازاي ..

يوسف : يا ابني وربنا عارف وحاسس بيك

دي لما نور بعددت عني شوية كنت هتجنن  .. بس هي كويسة  دلوقتي ومعاك مش بعيدة عنك يعني  الحوار كله كام يوم  وترجعلك احسن من الاول كمان .. انت لازم تبقي فرحان يا ادهم انها رجعتلك كويسة ووافقت تتعالج  

ادهم :والله فرحان وبحمد ربنا بس غصب عني يا يوسف ..حاسس اني رجعت وحيد تأتي بعد ما لقيت نصي التاني 

يوسف: اخس عليك يا دومي بقي انت وحيد وانا والواد فهد الرخم ده ..ده غير امير وعلي اللي محسوبين عليا دووول 

ادهم ضحك جامد :ربنا يخليكوا ليا يارب ...

يوسف: بص بقي انا عايزك تركز كدة وتفوق علشان هي محتجالك اوي ..وانا مسافر انا وفهد عايزك توعدي انك بجد تاخد بالك من نفسك يا ادهم 

ادهم  :متخفش يا يوسف انا علشان شاهي مستعد اعمل اي حاجة علشانها . خلي انت بالك من نفسك .

وفعلا ادهم بدأ يهدي و عدي يوووم كامل منغير اي تغير وفعلا يوسف و نور وفهد وشمس سافروا . 

يقضوا شهر العسل في المانيا  .. 

___________________________________

بعد مرور اكتر من تلات ايام .

في الاوتيل.  

علي بحدة :أيوة يعني انت فين انا مش فاهم .

تمارا: انا وراك اهوووو...

علي بحدة :اتاخرتي ليه كل ده .

تمارا: علي اهدي الناس بتتفرج علينا ..اهدي 

علي  بحدة وهو بيشد ايديها وبيجز علي سنانه : ماشي يا تمارا ..تعالي معايا.  

تمارا بزعل: هاجي بس سيب ايدي قولتلك الف مرة اتحكم في اعصابك معايا يا علي انا مش متهمة عندك اتفاقنااا...

وفعلا مشيت وعلي مشي معاها و فضلوا ينقوا في اي حاجة ليها علاقة بالديكورات بس كانوا متجنبين بعض تماما  ..

وبعد حوالي ساعة ....

تمارا بزعل  :انا لازم امشي علشان اتاخرت 

علي بضحك: لا والنبي معرفتكيش انا كدة يعني ..لا مش هتمشي انا قولت للواء وهو قالي موافق 

تمارا بدهشة: موافق علي اي 

علي: اني اغدي خطيبتي حبيبتي في احسن مطعم 

تمارا: حبيبتك برضووو 

علي : اه وربنا حبيبتي وكلها كام يوم وهتبقي مراتي وبعدها بكام شهر هتبقي ام ياسمين و احمد 

تمارا بضحك: مين ياسمين وأحمد 

علي : عيالنااا ..يا اما بدعي ان الأسبوع ده يخلص بقي ونكتب الكتاب يا تمارا 

تمارا: يا رب يا علي ...

وفعلا تمارا وعلي راحوا واتغدوا براااا......

________________________.

في مكتب امير حالته بدأت تتحسن اوي ونزل الشغل 

امير بعصبية  :طيب يعني انت مش حابب تعترف أن انت الي قتل*تها يلااااااا

المتهم :انا بري يا باشا و ربنا انا ماقتلتش حد صدقني 

امير بحدة :طبعا يا حبيبي هصدقك ..يا عسكري خده علي الحجز وعايز أحله استضافه معاه هو مخصووص .

العسكري: أوامرك يا أمير بيه.  قوم معايا يلاااا

وقعد امير علي مكتبه بعد ما العسكري اخد المتهم علي الحبس ..

ولقه موبيله بيرن ..

امير :الو يا عريس ..عامل اي في الشهر العسل 

يوسف :ههههه احلي شهر عسل في الدنيا وربنا 

وانت عامل اي في شغلك يا سنجل  يا وحيد 

امير :هههه انت بتعايرني علشان سنجل يا جو 

ماشي كلها كان يوم واعمل فرحي يا كلاب

اخبار نور اي صحيح 

يوسف بحدة: وانت مالك ياض انت بمراتي 

امير :ههههه مراتي ..والله يا يوسف انا فرحان بيك اوي عقبال ما تشيل ولادك يارب 

يوسف بضحك: يارب يا خالتي .. بقولك 

نور شدت التليفون من يوسف :الو يا أمير .عايز اي من جوزي 

امير بضحك: هههه وربنا هو الي كان بيرن عليااا يا نور ...

نور: اممم هو الي رن تقريبا كدة زهق مني بدري 

يوسف ضحك جامد :يا بنتي بطمن علي الواد اجرمت يعني ..

نور: لا احنا في شهر العسل ..معلش يا امير انا مضطرة اقفل السكة في وشك بقي 

امير بضحك:  لا براحتك يا مرآة اخويا .  .

......................................  .

في أوضة نور ويوسف ..

نور بضحك : ده انت يومك اسود وربنا 

يوسف: هههه بس ينفع يعني تقفلي السكة في وشه كدة 

نور :ملكش فيه بقي ..وبعدين انت رايح تكلم صاحبك قد كدة زهقان مني ..اومال لنا نرجع هتعمل اي 

يوسف :وربنا ما اقدر ازهق منك يا بطل انت 

بس كل الحكاية أنهم وحشوني ما انا كنت متعود ت

اشوفهم كل يوووم ...

بقولك اي ما تيجي نخرج احسن في حتى مكان جديد عايز افرجك عليه ..

نور بفرحة حضنته: اوكي هقوم البس 

وفعلا جهزت ونزلوا هما وفهد وشمس وخرجوا واتغدوا براااا

...........................

وكانت الايام عادية جدا عمر كان بيساعد فريدة وكان دائما واقف معاها ومش سايبها حتي في الدراسة كان بيساعدها علشان تخلص آخر سنة ليها في الجامعة .. 

أما هنا بقي قررت تنسي اي حاجة مرت بيها و فعلا اهتمت بدراستها وجامعتها ...

اما ادهم كانت الايام بتمر عليها شبه بعضها وخصوصا أنه عارف ان الفترة دي اصعب فترة علي شاهي وكان بيسمع صوت صراخها و كان حاسس بيها ...

بس عدت الفترة الصعبة في علاجها  ...

وبعد مرور أسبوع كامل رجع يوسف وفهد من السفر ومعاهم مراتتهم علشان كتب  كتاب علي وتمارا ...

وفعلا كتبوا الكتاااااب .....

المأذون انهي كتب الكتاب ....

علي جري علي تمارا وحضنها تحت تسقيف الناس والزغاريط والفرحة ....

علي بفرحة  :مبروك يا تمارا ..انا مش مصدق نفسي وربنا . خلاص بقيتي مراتي 

تمارا بفرحة: أيوة يا علي بقيت مراتك ..وربنا انا كمان ما مصدقة .. 

نور بضحك: لا يا اختي صدقتي ..ده انت دخلتي القفص برجلك وربنا . 

ندي :لا واي اتجوزتي ضابط الله يكون في عونك وربنا يا تمارا ..

امير: ماله يا اختي الضابط بقي ..ده اكتر واحد دغري في العالم لا وسالك كمان 

ندي ضحكت: طبعا انت هتقولي..

نور :مين ده الي سالك ولا علشان اخدك بالصوت 

دول اكتر ناس سوسة وربنا ده مش بعرف اخد مع الراجل ده حق ولا باطل.   

علي: اي يا رجالة ما تلموا مراتتكم بقي وعايز العروسة علي جمب بقي 

فهد بضحك: ماشي يا عم هنيالوووو 

يلا يا شمس بينا احنا بلاش نقطع عليهم ....

وفعلا قضوا اليوم في الهزار و الضحك وعلي من فرحته كان عمال يرقص هو وتمارا ..

وفعلا كان يوم حلو بجد ......

________________________

روحوا الفيلا ..

فهد بضحك: النهاردة اليوم كان جامد بجد ..

شمس: ههه لا علي هو الي مسخرة فعلا ..

يوسف :بس بجد زعلت اوي علشان ادهم ماجاش معانا كان نفسي يفك شوية ويغير جو معانا بقي 

شمس: عندك حق يا يوسف . طب هو فين دلوقتي 

فهد :لا انا كلمته وقالي ان عند شاهندة الدكتور سمحله أنه يشوفها  .انت مش متخيل صوته وفرحته يا يوسف أنه هيشوفها.  

نور :يارب ترجع تاني بالسلامة احسن البت دي ادبهدلت كتير اوي ..

يوسف :طب يلا يا اختي علشان انا عايز انام عندي بكرة شغل.   

نور :ماشي يا حج هات بايدك ...

يوسف بضحك: تعالي يا اختي ..تصبحوا علي خير 

فهد: وانت من أهله ..

وفعلا طلع يوسف ونور الاوضة ....

شمس شدت فهد من قميصه ..

فهد  بضحك : 'اي يا عبيطة انت في اي ..

شمس: انا مش عايزة انام ..تعالي نقعد في الإسطبل أو اقولك تعالي نكمل كورس تعليم ركوب الخيل 

فهد :انت عبيطة يا بت ..ده الجو اتاخر اوي ..

تعالي نرتاح شوية وبكرة أعلمك الي نفسك فيه 

شمس بزعل؛ يووه بس انا مش جايلي نوم بقي 

فهد : تعالي بس ده انا اول ما هاخدك في حضني هتنامي علطووول .  

وفعلا طلعوا ونااااموا ...........

__________________________**

ادهم في المستشفي عند شاهي ..

ادهم قاعد وشاهي كانت حضناه جامد اوي وادهم كمان كان حاضنها بس كان حاسس قد اي هي ضعيفة وفي خلال فترة قليلة اوي  خست اوي 

شاهي بدموع: وحشني حضنك اوي ..متنسبنيش يا ادهم انا تعبت بجد 

ادهم: يا حبيبتي انا معاكي اهو..  بعدين فات الكتير ما باقي الا القليل ..لازم تجمدي  كدة علشان نعدي الفترة دي بخير .....

وفعلا ادهم فضل مع شاهي لحد ما اتاكد انها نامت من التعب وخرج وسابهااا .....

وعدي اسبوووعين علي الابطاااال  وكانت شاهي بدأت ترجع تاني لطبيعتها و الأحوال بدأت تتظبط حتي فريدة حالتها بدأت تستقر...🎉🎉

وفعلاااااااااااااا تم فرح علي وتمارا و امير و ندي 

ووقتها امير كان بيقدر يحرك أيده و اول ما الفرح خلص سافروا علي باريس. ...♥️♥️ 

____________________________$_$_$ //

______________________$_$_$//

بعد مرووووووور سنةةةةةةةةةةة

في المستشفي....

منال:  لووووووووووووولي الف مبروك يانور يا حبيتي يتربوا في عزكوا يا يوسف ..

هنا :ماشاءالله بجد  زي القمر يا نور ..شبهي

ادهم بهزار :اعوذبالله بقي القمرات دول شبهك 

هنا :اه غصب عنك كمان يلاااا..شاهي سكتي جوزك الله 

شاهندة :الله .. سميتهم اي يا يوسف 

نور: لا انا الي سميت علفكرة مش هوووو 

يوسف :لا يا اختي متفقناش علي كدة انت البنت وانا والواد ..

نور: لاااا الولد اسمه معاذ و البنت اسمها دنيا 

يوسف: وانا ماليش راي في ام الليلة دي ولا اي .اومال لو ماكنوش عيالي يعني ..

شاهي :هههه بجد شكلهم حلو اوي بجد مبروك 

ادهم وهو بيحضن شاهي وبيشدها ليه: عقبالنا يارب يا شاهي ..

شاهي بصتله بحب :يارب يا ادهم ..

يوسف :انت يا عمو احنا في المستشفي مش وقت تسبيل هاااا.  اقنعوا نور انا عايز اسمي ابني سيف 

فهد: ده انت رخم اوي يا اخي ما تسيبها تسميهم هو انت الي حملت ولا هي ..

نور: حبيبي يا فهد وربنا 

يوسف بحدة :يا شيخة حبك برص يا شيخة ..وبعدين بقي كدة عموما شمس في السابع يعني كلها شهرين و تخلف وساعتها انا الي هسميها...

فهد ضحك: لا يا حبيبي انا و شموستي متفقين بنتنا هنسميها كارما  .فريح نفسك يا حبيبي.  صح يا شموسة 

شمس: اه طبعا 

وفاجاه الباب خبط و دخل امير و ندي وعلي و تمارا  وعمر ومعاه فريدة كانوا لسه راجعين من اسكندرية........ 

يوسف: اهلا بالوحوووش ...

امير :يا خرابي عليك يا ابو العيال هههه 

وربنا ما مصدق أن يوسف اتجوز ودلوقتي جاي اباركله علي خلفته . مبروك يسطاااا ..

يوسف بقرف :اسطا .روح الله يقرفك يعني ظابط وليا وضعي وفي الاخر اسطااااا 

عمر قرب من دنيا بنت يوسف علشان يشيلها هو وفريدة ...

يوسف :انت يا  ولااااا  استأذنت قبل ما تمسك حاجة مش بتاعتك ..

عمر بضحك :حاجة اي يا ابني ده انا خالهااا 

يوسف اخد دنيا من أيده: ..لا يا حبيبي انا بنتي مافيش راجل غريب يلمسها ..عندك معاذ اهو امسكه ..

كلهم فضلوا يضحكوا علي يوسف . وعلي غيرته .

ابراهيم: الله يكون في عون البنت دي والله  لما تكبر 

عادل: والله عندك حق يا ابراهيم ..ما تجيب البت اشيلها يا يوسف بطل غلاسة بقي دي حفيدتي

يوسف :لا يا عمو معلش دي ممتلكات خاصة 

فريدة :الف مبروك يا نور ..اعتقد بقي مبقاش عندك حجة اهوو ولدتي قبل ميعادك ..فرحنا اخر الشهر ..

نور: والله ما كنت هاجي علشان بطني بصراحة شكلي كان هيبقي نكتة الفرح ..

يوسف: ما تقلقيش يا حبيبتي ما زلتي شكلك نكتة ..

وقعدوا يهزواااا و يضحكواااا ....

و عدي الشهر و تم فرح فريدة وعمر ....

وعلفكرة هناااا كانت معاهم بس شالت موضوع الجواز من دماغها اصلا  برغم أن هيثم حاول يرجعلها كتير بس هي كانت رافضة تماما 

  وقررت تركز الاول في جامعتها بس محصلش كدة وحاليا هي معجبة بالدكتور بتاعها وعزمته علي فرح عمر و فريدة 

وجيه وبعد الفرح ..اتكلم مع والدها وطلب ايديها واتفقوا علي الجواز بعد ما تخلص جامعتها وده كان شرط هنا ....

في الفرح .....

علي :ما يلا يا جماعة ناخد صورة جماعية كلنا مع بعض 

وفعلا يوسف أتصور هو ونور ومعاهد دنيا ومعاذ أولادهم 

وشمس وفهد وكانت كارما لسه مشرفتش الحياه 

وابراهيم وعادل ومنال وهنا والدكتور بتاعها 

امير و والدته وندي و علي و تمارا واللواء سراج 

وطبعا عمر وعروسته واهلهاااا

والفرح ما يحلاش الا بوجود بسنت 💖💖

وبكدة انتهت قصة احببت مصارع ... 💖💖