#سوء_ظن
#الثالث والرابع
- عايز اي يا حازم!
- عايز اشوف مراتي.
- مِش هتشوف حد وياريت نخلص الموضوع بكُل أدب.
ضِحك ببلاهة - موضوع إي اللي نخلصه! انتوا بتستهـ ـبلوا!
ايجت نيرة من جوة وعلى ما يبدو إنها كانت بتسمع كلامهم، وقفت قُصاده وزعقت - يعني بـ ـجح وبتغلط كمان! يا بجاحتك.
- لِمي لسانك يا نيرة، أنا محترم وقوف مامتك، عايز ادخل عشان نتكلم.
- وانت كنت احترمتني لما روحت اتجوزت عليها! ولا احترمت إن ملهاش حد حتى غيري!!
- لأ بجد أنتِ هبلة! أنت مفهمة مامتك إني متجوز عليكِ! أنتِ هبـ ـلة يا نيرة!
- آه هبلة، دانا شايفة الرسالة بعيني! دانت ياخي جاي تاني يوم!
- إن بعض الظن إثم، أنتِ فكرتي وظبطي كُل حاجة في دماغك ولا أنتِ فاهمة حاجة أصلًا!
- بس بس إي هتتخانقوا على السِلم! خش يا حازم.
دخل وقعد وهو بيبصلها بضيق، قعدت وهي مربعة إيدها وبتبصله - ها هتقول إي.
- عارفة أنتِ متستهليش حتى أبررلِك.
- لا والله!
مامتها اتكلمت - طب قولي أنا يا سيدي، بلاش هي.
بصلها - هي قالتلك إي!
- إنك اتجوزت عليها وخرجت العصر وراجع تاني يوم الضُهر وإنها شافت إسمها في تلفونك.
طلع تلفونه واداه لنيرة - طلعيلي كِدا.
مسكت الفون بتحدي وبدأت تدور فيه لحد ما وصلت لإسم موني - أهو أهو.
زعـ ـق - خُشي على المحادثة يا ست بامبة أنتِ.
فتحت المحادثة وهي بتبصله وبعدين بصت للفون وشهقت من اللي شافته وهي بتغمض عينها بغبـ ـاء على اللي عمتله...
#سوء_ظن
#أمل_صالح 💛.
عايزة اقول ان كل اللي اتوقعوا إنها أخته غلط 😂👍.
هستنى توقعاتكم 👀♥️.
#سوء_ظن
#الرابع
زعـ ـق - خُشي على المحادثة يا ست بامبة أنتِ.
فتحت المحادثة وهي بتبصله وبعدين بصت للفون وشهقت من اللي شافته وهي بتغمض عينها بغبـ ـاء على اللي عمتله...
رفعت وشها وقالت بصوت واطي عكس صوتها لما كانت بتزعق من شوية - شوف يا اخي سوء الظن.
رفع حاجبه - لا والله!
بص لمامتها - وري المحادثة لطنط كِدا.
قفلت التلفون - لا لا مِش مُهم.
- اخلصي يا نيرة.
فتحته تاني بتردد وادت التلفون لمامتها - أهو.
أخذته منها وبدأت تقرأ المحادثة بصوت عالي -
"مجتش ليه يا حازم المأذون مستني!"
" حاضر يا موني، جاي يا حبيبي"
"حبك بُرص يا قليل الرباية، تيجي أنت بس وأنا اوريك موني دي هتعمل فيك إي"
" موني بقا، متبقاش قفوش"
" وماله وماله قول اللي عايزه وأنا هقول لعادل صحبك إنك عايز تُرقص بمطوة في فرحه"
رفعت وشها بملل - ايوة مين موني برضو، يابني أنا مليت.
- أنا اسمي إي يا طنط!
- حازم! يابني أنت أهبل.
- حازم إي!
- حازم مُنير!
- ودا ملفتش نظرك لحاجة!
بصت ليه بغباء ونيرة قالت - مسجل ابوه موني يا ماما...
بصت لحازم وكملت - بعدين هو عايز المأذون لي، ماهو يَـ أنت اللي هتتجوز يا هو!
- أولاً مسجله موني عشان كان حكم في لعبة بينا ونسيت أغيره، ودا فرح واحد صاحبي كُنا راحين بابا شاهد وانا رايح كصاحبه.
- ولي كُنت بايت برة لتاني يوم!......
#سوء_ظن
#أمل_صالح 💛.
كدا وضح الحكاية اسمها سوء ظن لي، بس يترا حازم كان بايت برة لي 👀!!
بالنسبة لطول البارت هتعرفوا في آخر بارت هو بيبقى صغير لي 💛.
مستنية توقعاتكم عن سبب بياته برة 😂!
تعليقات
إرسال تعليق