مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت❤بقلم سولييه نصار ❤1_2

- انا عملت اللي عليا واتجوزتك بس فيه حاجات لازم تعرفيها ...جوزانا مؤقت ..متعشميش اني هكمل معاكي انا بحب مها ومستحيل ابص لغيرها ...

كتمت دموعي بالعافية وقولت:

-براحتك طبعا يا ادم انا عارفة انك اتجوزتني عشان الفضي*حة وانا بشكرك انك أنقذت سمعتي

بصلي بشفقة وقال:

- اللي عمله اخويا ميصحش انا عارف انه يهرب يوم فرحه ويك*سرك بالشكل ده وانا مقدر مشاعرك عشان كده دو*ست علي مشاعر مها وصممت اتجوزك 

-شكرا ..

اتنهد وبصلي وقال:

-سميرة انا مش عايزك تتعلقي بيا خالص ..ومتتوقعيش مني اني اكمل معاك ...

رفعت راسي وانا بقول بصوت مخنوق:

-خلاص يا ادم والله عارفة انك اتفضلت عليا واتجوزتني ...وشكرا ليك وعارفة انك مبتحبنيش ولا انا بحبك اصلا ...انا حبيت اخوك وك*سر قلبي 

.وصدقني مش هكرر الغلط ده تاني ...ممكن بقا تطلع عشان ارتاح ..

هز رأسه وطلع ...نومت علي السرير بفستان الفرح وانا بعيط...النهاردة كان فرحي علي اللي حبيته من قلبي...وهو وهمني انه بيحبني ورسملي احلام كتيرة اووي وصدقته وفجأة في فرحنا بعتلي رسالة انه مش قد الجواز ...طالما مش قد الجواز ليه ربطني بيه ...ليه عيشني في الحلم السخيف ده والاسوا ان العيلة عشان تلم الموضوع جوزوني ادم بالغصب ...دمر*وا حياتي وحياة ادم والبنت اللي بيحبها ...بس كل ده بسبب رائد ...انا عمره ما هسامحه ...

.....

في الأوضة التانية كان ادم بيكلم مها علي الموبايل 

- يا مها انا كنت مضطر لكن انا مبحبهاش والله ....شهرين تلاتة كده وهنتطلق

ردت مها:

-لا يا حبيبي انسي انا هتجوز العريس اللي ابويا جابهولي ...مقبلش اتجوز واحد مطلق ..

-جرا ايه يا مها مالك ...بقولك جوازنا مؤقت ليه مصعبة الموضوع 

-مش مصعبة ولا حاجة بس حس بيا لما اشوف الراجل اللي بحبه بيتجوز بنت عمه 

-انتي عارفة ان رائد سابها...البنت كانت هتت*فضح

-ما تتنيل انت ليه تشيل شيلة غيرك ..بعدين رائد عنده حق فيه حد عاقل يتجوز واحدة بالمنظر ده دي مفيهاش ريحة الجمال ...اخوك خلع وانت لبست 

-ايه اللي بتقوليه ده يا مها ؟!

-دي الحقيقة يا حبيبي ...انت خلاص لبست فيها وهي ما صدق واحد اتجوزها وانقذها من العنوسة

-لا.انا اتكلمت معاها وعارفة أن جوازنا مؤقت ..

-طيب خلاص اثبت حسن نيتك ليا 

-ازاي 

-هقولك 

......

تاني يوم جات كل العيلة عشان تسلم علينا ...كنت قاعدة جمب ادم وانا حزينة لسه بفكر في رائد واللواللي عمله فيا ...الوضع اللي خلاني فيه ...خلي كل الناس تشفق علي المسكينة اللي هرب خطيبها يوم فرحه واتدبس فيها أخوه ...عملت امسك دموعي وانا بستقبل المباركات من العيلة ...فجأة قام ادم وقال:

-اظن مفيش حد بيننا غريب عشان كده انا عايزة ابلغكم قراري ..

بصتله بحيرة فقال:

- انا عملت اللي عليا واتجوزت سميرة عشان كده عايزاكم تتفهموني في قراري الجديد 

بصله ابويا وقاله:

-ايه هو قرارك يا ادم 

- انا قررت اخطب  مها الاسبوع ده !!!

يتبع 

الجزء التاني❤شكرا على تفاعلكم السكر زيكم❤بقلم سولييه نصار❤

-ايه اللي انت بتقوله ده يا ادم ...عايز ت*كسر بنتي 

قالها بابا بغضب ...

- انا لو معملتش كده هخسر البنت اللي بحبها يا عمي ...مقدرش.اخسر مها  ...انا عملت اللي عليا بس متجبرونيش اكتر حرام عليكم 

-اخطبها يا ادم وانا معاك 

قولت بهدوء 

بصلي ادم بصدمة مش ادم بس الكل اتصدم  مني 

-انت اتجننتي يا سميرة 

-لا يا بابا بس ادم من حقه يبقي سعيد ..وانا مش هقف في طريق سعادته ...انا بنفسي هخطب مها من أهلها وافهمهم علي كل حاجة ...

الكل كان مصدوم من كلامي ...فاكريني اتجننت عشان هحر*ق  قلبي واخلي جوزي يخطب وانا علي ذمته بس اللي ميعرفهوش ان قلبي ات*حرق لما رائد باعني...كل العيلة حاولت معايا بي انا عملت اللي في راسي وروحت بنفسي اطلب ايد مها لادم ...

........

-طلبك مرفوض يا مدام سميرة انا بنتي غالية مجوزهاش لواحد متجوز ...

بصيت لادم بتوتر وقولت:

-يا استاذ علي جوازي انا وادم مؤقت وعلي  ورق كمان ...هو اتجوزني بس ...

سكت شوية وبعدين قررت احكيله علي كل حاجة ...

بعد ما خلصت مسحت دموعي بصلي الراجل بشفقة وقال:

-اسف يا بنتي بس برضه لا مش هوافق علي الجوازة دي...بنتي اتقدملها عريس أفضل وهي أدت موافقة أولية ولسه هنبلغ العريس ...

اتصدمت وبصيت لادم اللي اتصدم كمان ...ولسه هتكلم الراجل وقف وقال:

-نورتونا !

....

في البيت ...

كنت قاعدة في اوضتي خايفة ومتوترة ...ادم كان متعصب اووي وانا قررت مش اواجه دلوقتي ...

.....

في الأوضة التانية ..

ادم كان بيتصل علي مها وهي تكنسل لحد ما زهقت وردت عليه 

-خير 

-انتي ازاي توافقي علي العريس ...اتجننتي يا مها ...انا وقفت قدام الكل عشانك انتي .

-ده عقابك يا حبيبي ...انت عملت نفسك شهم واتجوزت بنت عمك دي ولبست يبقي خلاص ...انا حبيت بس اجيبك لحد بيتي واذلك ...وانت يا حبيبي خلاص مبقتش تلزمني العريس اللي معايا حاليا اغني منك 

-يعني ايه 

-ده انت مبتفهمش بقا ...ادم انا عمري ما حبيتك انا حبيت فلوسك ولما لقيت الاغني منك فكستلك 

وبعدين قفلت السكة في وشه !!

.......

شهقت بخوف لما ادم دخل عليا زي الإعصار وقفت فمسكني من كتفي وقعد يهز فيا جامد ويصرخ :

-مله بسببك انتي ...مها سابتني بسببك ....ارتبطت بحد تاني وسابتني عشان اتجوزتك ...عملت خير معاكي ملقيتش الا الشر

بكيت وقولت :

-ادم انا .....

-اخرسي متتكلميش...ليه حق رائد يهرب منك اصل ده مش شكل واحدة هو يتجوزها...هو طلع ذكي وهرب وانا إللى لبست فيكي .

دموعي نزلت وانا ببصله بصدمة بس هو كمل كلامه اللي يح*رق القلب وقال:

- مها عندها حق اخويا طلع ذكي وانا اللي لبست طول عمري في واحدة عانس. 

زقيته وحطيت ايدي علي ودني وانا بصرخ واقول:

-كفاية ..حرام عليك ...كفاية ...طلقني دلوقتي لو عايز ...

انهارت علي الأرض وانا ب*بكي ..فطلع برة بسرعة ...قلبي كان واج*عني الاتنين اذو*ني ادم ورائد ....

 بعد ساعة قومت بصعوبة عشان اخد شاور جرس الباب رن ...طلعت وملقيتش ادم افتكرته طلع ونسي المفتاح ...روحت فتحت وانا وبشعري ولقيت قدامي رائد!!!!!

يتبع

#حطم_قلبي

#سولييه_نصار

تفاعل جامد عشان انزل الباقي❤❤

تكملة الروايه من هنا