مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️سولييه نصار♥️

-انا مبخلفش 

-انتي طالق 

قولتها ببرود ...حسيت اني دي إشارة من ربنا انا كده كده مكنتش بحبها واتجوزتها عشان خاطر ابويا وأنها بنت عمي ...

بصتلي لمياء بقهر وقالت:

-طلقتني يا ادهم ...هونت عليك !

-من حقي يبقالي ابن وانا صبرت عليكي سنتين وفي الاخر طلعتي مبتخلفيش اعملك ايه ...

دموعها نزلت وقالت:

-فيه حلول احسن ...كان ممكن تتجوز تاني وانا مش هزعل 

-انا مقدرش افتح بيتين ولا اقدر اكون مع اتنين مينفعش اكيد ه*ظلم عشان كده ننفصل بالمعروف احسن ...

مسكت أيدي هي وبتبكي وقالت:

-ادهم انت بتقول ايه ...ابوس ايديك متتخلاش عني بالطريقة دي بقولك بحبك ...هتسيبني لمين قولي 

بعدت أيدي وانا بقول :

-متقلقيش حقوقك كلها هتوصلك  يا لمياء ...أنا مش هرميكي ... هديكي فلوس وعنديكي بيت أهلك ولو عايزة بيت لوحدك أنا متكفل لكن مقدرش اخليكي علي ذمتي 

-يبقي انت مش عايزني وعينك علي واحدة تانية 

اتوترت وسكت فب*كت وقالت:

-بتحب نورا البنت اللي معاك في الشغل صح ...أنا كنت حاسة بده ...كنت حاسة انك هتلاقي طريقة وترمي*ني عشان خاطرها ...

بصيت للأرض. قولت:

-حاولت احبك يا لمياء ..حاولت والله بس مقدرتش بس حبيتها هي ...واهو أنا مش هظلمك ...انتي متقدريش تجيبيلي طفل وانا عايز اولاد ...وعايز نورا كمان 

مسحت دموعها وبصتلي وقالت؛

-هلم هدومي وورقة طلاقي توصلني عن بيت اهلي ...

وبعدين قدامي راحت عشان تحضر هدومها ...شوفتها وهي بتبكي ومك*سورة ...علي قد ما كنت مرتاح اني قدرت اسيبها علي قد ما صعبت عليا وافتكرت أن طول حياتي معاها اهتمت بيا ...لمياء ادتني الاهتمام اللي محدش ادهولي قبل كده ...كنت بشوف في عينيها الحب ليا بس للاسف مقدرتش احبها بالمقابل ...

....

راحت لمياء بيت اهلها وكانت منها**رة ...بتعيط كل يوم  مش قادرة تنسي أن الراجل اللي حبيته وقدمتله حياتها رماها بالشكل ده ...وانهار*ت اكتر لما بعتلها ادهم ورقة الطلاق ...ياااه هي رخي*صة للدرجة دي ؟!!

...

-نورا أنا طلقتها ... طلقتها عشانك ...عشان تقبلي تتجوزيني ...انتي قولتي قبل كده انك مش هتقدري تدخلي علي ضرة وانا اهو مش هدخلك علي ضرة ...

ابتسمت نورا بخبث وقالت:

-كده انت عداك العيب يا حبيبي ...تيجي بابا تطلبني من بابا ...

ابتسمت ليها بحب وانا بمسك ايديها وبحاول اطرد شعور الذ*نب اللي مسيطر عليا ده ...

....

اتقدمت لابوها اللي اكتشفت أنه مادي ...دفعني كتير اووي بس كله يهون عشان خاطرها وقررت اعملها احسن فرح الناس تتحاكي بيه ...

 ....

-هتفضلي لحد امتي كده يا لمياء حابسة نفسك ...هتفضلي لحد امتي قافلة علي نفسك ومك*سورة عشان واحد ميستاهلش!!!!

قالتها صفية اخت لمياء وهي بتزعق فيها ...

بصتلها لمياء وهي بتبكي وقالت:

-بحبه يا صفية بحبه وهو باعن*ي بالسهولة دي ..

-ميستاهلش دموعك ...اقفي علي رجلك وانسيه خلاص هتلاقي غيره انتي حلوة وصغيرة والف مين يتمناكي 

-بس أنا مش عايزة غيره !!!

-عرفتي أن فرحه النهاردة ...

بصتلها لمياء بصدمة ....

.....

في الفرح ...

كنت قاعد جنب نورا وانا مبسوط...فجأة بهت لما لقيت لمياء بتقرب مني ...قومت وقولت :

-لمياء ايه اللي جاب.. 

مكملتش كلامي ولقيتها ض*ربتني بالقلم !!!

يتبع

الجزء التاني♥️شكرا علي تفاعلكم السكر♥️بقلم سولييه نصار♥️

-انتي اتجن*نتي !

صرخت وانا بمسك أيدها ...زقتني وقالت ببرود :

-لا عقلت ...ده اعتبره تمن جر*ح قلبي يا ادهم اللي عمري ما هسامحك عليك ...

-اطلعي بره 

قولتها وانا بحاول اسيطر  علي نفسي لاني مكنتش عايز امد عليها ...

بصتلي بق*رف وقالت:

-هطلع ...بس اعرف حاجة يا ادهم هت*ندم علي اللي عملته فيا وهتترجاني ارجعلك بس انا مش هرجع من النهاردة انت برة حياتي ...عمري ما هفكر فيك ولا عايزة منك حاجة ابدا ...

وبعدين مشيت ...كنت حاسس أن كلامها المرة دي بجد ...وأنها فعلا هتنفيني من حياتها للابد وعلي قد ما شوفت أن ده احسن حسيت اني متضايق شوية ...

.....

-كفاية بقا يا نورا نكد*تي عليا في ليلة دخلتنا 

-فرحي با*ظ وانت قاعد بارد كده ...كان مفروض توقفها عند حدها  مش تخليها تتمادي...

-خلاص يا حبيبتي انا اسف ...

اعتذرتلها وانا متضايق ... مكنتش متضايق بسبب الفرح كنت زعلان عشان لمياء ...حاسس اني اذي*تها كتير بس بتمني أنها تقدر تتجاوزني وتلاقي اللي يقدرها ...

مسكت ايديا وهي بتقول :

-هسامحك بس بشرط 

-اشرطي يا ستي 

-تسافرني المالديف اقضي شهر العسل هناك 

-مالديف!!!!

......

مرت الأسابيع ولمياء قدرت تلاقي شغل في المستشفي بحكم انها دكتورة اسنان شاطرة ...كانت دائما شاغلة وقتها عشان متفكرش في ادهم تاني ...قررت تنجح وتعتمد علي نفسها بجد لحد  ما تكبر 

بس من ناحية تانية المشاكل بيني وبين نورا بدأت تظهر أولها أنها مهملة جدا ..

-بيت ده ولا زر*يبة يا هانم !!

زعقت فيها فبصتلي ببرو*د وهي بتحط المانكيير وقالت:

-انا طلبت منك تجيب واحدة تساعدني في شغل البيت 

-وانا قولتلك ظروفي حاليا مش سامحة خالص يا نورا نسيتي مصاريف الجواز وشهر العسل اللي قط*مت ضهري

-وانا مليش دعوة انت متجوز مش جايب خدامة 

- لمياء كانت بتعمل كده

-مليش دعوة بطليقتك أنا غيرها ومش هكون زيها ...

سكت وحسيت اني مخنو*ق منها ...هي دي نورا اللي عملت المستحيل عشان اتجوزها!!

...

-دي بقت عيشة تق"رف

-مالك يا نورا 

قولتها بعصبية  

-مالي ...بجد بتسال هي دي العيشة اللي وعدتني بيها 

..لا بقيت اعرف البس زي الاول ولا اكل زي الاول وانت كل اللي علي لسانك الظروف الظروف 

-الست الأصيلة مفروض تستحمل ظروف جوزها لمياء كانت ...

-يوووه يق*طع لمياء يا اخي ...يق*طعها أنا مش هي قولت ...مش هستحمل اللي استحملته هي ...طيب ما هي استحملت كتير واهتمت وانت رميتها وكنت بتخ*ونها معايا !!!

-نورا 

-ايه بكدب ...يا حبيبي الستات اللي زي لمياء بياخدوا علي رأسهم ...انتوا صنف مينفعش الست تضحي عشانه ..فلو حالك متعدلش يبقي تطلقني احسن مش هعيش معاك في الف*قر !!

اتصدمت من كلامها وعرفت قد ايه انا غلطان اني فرطت في لمياء عشان واحدة زي دي !!

....

الإنسان غريب ممكن في لحظة جهل منه يبدل الماس بالتراب وده اللي عملته ...عرفت أن نورا حاجة مزوقة من برا بس ب*شعة من جوه ...عرفت قد ايه هي مادية وبتاعة مصلحتها واللي اثبتلي غلطي اكبر اني في يوم 

-انا عملت التحاليل اللي قال عليها الدكتور

-وقالك ايه ؟!

-قال اني عقيم ومبخلفش

-الحمدلله جات من عند ربنا يبقي طلقني وارحمني من قرفك !!

يتبع

الجزء الاخير♥️شكرا علي تفاعلكم السكر♥️بقلم سولييه نصار♥️

-انت طالق 

قولتها ببر*ود وكملت:

-بس ده جزاتي أن بعت الغالي بالر*خيص...وانتي رخي*صة وهتفضلي طول عمرك ر*خيصة ...

سابتني نورا ببساطة حسيتها ارتاحت لما طلقتها وعرفت انها عمرها ما حبتني ...قعدت علي السرير ولقيت دموعي بتنزل لوحدها ...ده عقابي علي خ*يانة لمياء ...لمياء حبتني اكتر من اي حاجة وصانتني وانا خو*نتها. استحق العقاب ده .. أنا حتي مش قادر اروح واقولها سامحيني ...مليش عين اطلب فرصة تانية لاني عارف انها خلاص ر*متني من حياتها للابد كنت شايف ده في عينيها لما جات فرحي ...كل كلمة قالتها صح ..انا هند*م واطلب السماح وهي مش هتسامح ...

 ......

قدرت اخيرا لمياء تفتح عيادة خاصة بيها وقدرت بتعاملها تنجح وتكسب سمعة طيبة كنت مراقبها من بعيد ...بطمن اني محدش هياخد مكاني في حياتها لاني نويت أرجعها ليا مهما حصل ....

.....

جات رسالة للمياء علي الواتس من رقم غريب 

فتحتها ولقت:

-تخيلت لقاءنا فابتسمت فماذا لو التقينا (مقتبس(

بصت لمياء بحيرة علي بيت الشعر ده ...مين ممكن يبعتلها الكلام ده ...مسحت الرسالة وعملت بلو*ك للرقم عشان تريح بالها ....بس الاشعار بدأت تجيلها من أرقام مختلفة ...اشعار حب ..وكلام لطيف ...وهي كانت تمسح بهدوء وتعمل بلوك ...بس الرسائل متوققتش كأن واحد فاضي مش وراه غيرها ...وآخر ما فاض بيها طلعت الخط وك*سرته عشان ترتاح ...وقتها وقفت الرسائل بس الورود بدأت تتبعتلها كل يوم ونفس الكلام اللطيف وكانت هي ترميها وتقطع الرسائل اللي بتجيلها ...لحد ما قررت أظهر قدامها ...أظهر واكون راجل واطلب أنها تسامحني ....

....

-خير جاي ليه ؟!!

قابلتني ببرو*د لما روحتلها العيادة ...الب*رود اللي قابلتني بيه خوفني...حسيت أن وجودي مش مرحب بيه خالص وأنها مش عايزة تشوفني وبصراحة عندها حق أنا اذي*تها كتير بس مستعد اعمل اي حاجة عشان ترجع 

-ازيك يا لمياء 

-الحمدلله احسن من الاول بكتير ...بقيت ناجحة ومعتمدة علي نفسي وفخورة اووي بيها وانت 

-انا مش كويس ...

اتنهدت وكملت وقولت:

-انا طلقت نورا 

سكتت شوية وقالت بهدوء:

-,ربنا يهدي الحال والمطلوب اعمل ايه 

-انا عايزة ارجعلك ..

ضحكت بتريقة وقالت:

-اه  فهمت ...انت طلقت حبيبة القلب وجاي للاستبن مش كده 

-لا ...أنا 

-انت ايه ...انت اناني فاكر اني هستناك تطلقها عشان ارجعلك زي العبي*طة بعد ما رمتن*ي وطلقتني ويا تري المحروسة سابتك ليه 

-كشفت وطلعت عقي*م وسابتني ...يعني حقك رجع ...

حسيتها زعلت عليا بس قالت:

-اسفة ليك يا ادهم بس لا برضه مش هرجع ...مش هتخلي عن حياتي دي عشانك ...أنا نجحت وبنيت حياة جديدة انت مش جزء منها ...أنا مش هقبل بأقل من اللي استحقه ...وانا استحق اللي احسن منك 

كلماتها جمدتني مكاني وحسيت اني خ*سرتها للابد 

....

مرت سنة وأنا وحيد حاولت بكل الطرق أرجعها بس مقدرتش لحد ما فق*دت الامل لما هي اتجوزت دكتور زميلها ارمل ومعاه بنت وشوفتها سعيدة معاه ساعتها قررت اطلع من حياتها وده كان اق*سي درس في حياتي 

تمت