 |
سكريبت❤بقلم سولييه نصار❤
- رايحة فين يا ليلي؟!
- رايحة فرح علاء ..
قولتها وانا بحاول امنع دموعي
- انتي مجنونة عايزة تروحي فرح جوزك ....مش كفاية وافقتي انه يتجوز عليكي ...ليه عايزة توجع*ي قلبك بالشكل ده يا بنتي حرام عليكي نفسك ...
بصيت لأختي بقهر وقولت:
- عايزة اشوف مين دي اللي فضلها عليا يا ضحي ...مين دي اللي كان مستعد يتخلي عن مراته وعياله بسببها ...عايزة اشوفها ...عايزة اعرف هي حلوة لدرجة أن علاء يحبها وميحبنيش انا رغم كل اللي عملته عشانه ...ده انا بديت معاه من الصفر ....كنت بشتغل وانا حامل عشان أساعده ويوم ما ربنا يكرمه يرميني الرمية دي ؟!!للدرجادي انا رخ*يصة ..
دموع ضحي نزلت وحضنتني جامد ....قعد ابكي جامد ...قلبي كان واج*عني اووي ...اللي حبيته اكتر من حياتي وعملت كتير عشانه اول ما وقف علي رجله باعني....انا وعلاء متجوزين من تمن سنين اول ما اتجوزته كان ظروفه علي قده عشان كده اشتغلت معاه عشان اساعد ...كنت بكون حامل وبشتغل....اكون تع*بانة واشتغل لحد ما قدر يتثبت في شغله وظروفه بقت احسن ..ساعتها بدا يبعد عني ...غير باسوورد تليفونه ...لحد ما اكتشفت انه بيكلم واحدة تانية ....في يوم صحيت من النوم وملقيتوش جمبي فقومت ادور عليه لقيته في البلكونة بيكلمها بصوت واطي بيقولها كلام عمره ما قالهولي....ساعتها انهارت وصرخت في وشه ...ساعتها ارتبك شوية وحاول يبرر بس لما قعدت ازعق واصرخ مد ايده عليا .
..ودي كانت اول مرة يمد ايده عليا ...اشتكيت لأهله عشان انا يتيمة ومليش الا اخ مسافر برة مصر بس حتي امه جات في صفه حمايا الوحيد اللي حاول يساعد بس لان حماتي اللي كانت مسيطرة مقدرش يعمل حاجة ...ساعتها ببرود قرر علاء انه يدب*حني...جالي في يوم وقالي في منتهي البرود انه هيتجوز وأن لو حابة اطلق مفيش مشكلة ساعتها انهارت ...جاولت افكره باللي عملته عشانه بس هو مسمعش ... ولأني أض*عف من اني انفصل واتب*هدل عيالي وافقت انه يتجوز...
...
خرجت من شرودي وقولت بوجع:
-لازم اروح يا ضحي ...خليني اروح ....ممكن تخلي بالك من الاولاد لحد ما اجي
-براحتك يا ليلي .
....
لبست كويس وروحت الفرح ...كنت متوترة وم*وجوعة وعقلي بيعيد اللي عملته عشانه ...قد ايه ضحيت عشانه وهو باع ده كله ...هو قه*رني وك*سرني وانا مستحيل اسامحه...
....
وصلت الفرح اللي كان هايص ولقيته بيرقص مع مراته ...كانت جميلة اووي والفرح كان متكلف وافتكرت الفرح البسيط اللي انا رضيت بيه لاني بحبه ....
قعد علي الكوشة فروحتله
-مبروك يا عريس
-ليلي ايه جابك هنا ؟!
قالها بإرتباك بس بعدين بقا بارد وقال:
-مش نبهت عليكي تكوني مع الاولاد
-جيت ابارك لجوزي ممنوع ..واشوف العروسة بنت الحسب اللي اخدتك مني
بصتلي مراته بق*رف وقالت:
-تصدقي الحق عليا ...هو كان عايز يطلقك بس انا رفضت ...قولت اهو نعتبرك دادة وتربي الاولاد
-ده انا اللي هربيكي يا حيلتها
-ولسه همسكها من شعرها مسكني علاء وبعدين ض*ربني بالقلم وهو بيزعق:
-اطلعي برة انتي طالق!!!
يتبع
الجزء التاني❤شكرا على تفاعلكم السكر زيكم❤بقلم سولييه نصار ❤
-علاء
قولتها بصدمة وانا ماسكة خدي ...كنت مصدومة ..يااه بعد كل ده للدرجادي رخ*يصة عنده كده ...قلبي وج*عني ...كان بينزف من جوا
-يالا اتفضلي اطلعي برة ...الست اللي تقلل من احترام جوزها متلزمنيش ...اللي متحترمش الست اللي اتجوزها جوزها ...هي اللي صممت اني مطلقكيش لكن انتي واحدة ناكرة للجميل
بصتله بصدمة وقولت:
- انا يا علاء ...انا ناكرة للجميل !بعد كل اللي عملته عشانك ...
-وانتي عملتي ايه اصلا ده واجبك انك تقفي مع جوزك وبعدين انتي بعد ما انا اترقيت بطلتي تشتغلي وارتاحتي
-وانت واجبك مت*قهرش مراتك
-ده شرع ربنا
-وشرع ربنا كمان بيقول انك لازم تصرف عليا ومش مجبورة اشتغل واساعد
- ايوة وانتي عايزة ايه دلوقتي؟!!جاية تعملي الدراما دي ليه انا قادر افتح بيتين وكنت هخليكي علي زمتي رغم اني بطلت احبك ...ودي غلطتك انتي ....انتي مقدرتيش تحافظي عليا ...
اتنهد وقال :
-لو سمحتي كفاية كده واطلعي برة عشان حضرتك بوظتي فرحي واهانتي نفسك وعكرتي مزاج مراتي ...امشي ومتقلقيش حقوقك هتوصلك وطبعا الشقة من حقك
-علاء انا
كنت علي وشك اترجاه...انا مقدرش اعيش من غيره بس لقيته سبقني وقال:
-متجبرنيش استخدم العنف واطردك يا ليلي مهما كنتي ام ولادي امشي يكرامتك بقا بالأساس كنت هطلقك ...
-تطلقني ...يعني انتي بايعني للدرجادي...ليه يا علاء بعد كل ده ...
-لان مليت ..ايوة مليت منك وشكلك مبقاش يعجبني ...لاني لقيت الاحلي واللي قدرت احبها اكتر منك ...
دموعي نزلت ورجعت لورا وانا بعيط ...كنت هقع بس حمايا مسكني...بصلي بشفقة هو الوحيد اللي كان شفقان عليا ...جات حماتي وأخته من ورايا ومسكتني حماتي وقالت:
- ما خلاص يا اختي بلاش الشغل الهندي بتاعك ده يالا غوري وامشي بوظتي فرح ابني
بصتلها بصدمة وانا بعيط ...دي حماتي اللي خدمتها بعيوني لما عملت حادثة ...دي اللي بنتها كانت بت*قرف ما تاكلها حتي وانا كنت بأكلها...كنت بشوف كل اللي انا عملته ان*هار ...انا عملت كتير بس محدش قدر ولا صان ..حماتي وبنتها شدوني لحد ما طردوني من القاعة ...
مشيت في الشارع وانا زي الميتة لحد ما وصلت البيت وانه*ارت في حضن اختي وانا بحكيلها كل حاجة ...
-لازم نتصل بأيمن يجي يربيه ...لازم حد يوقفه عند حده
قالت وهي مق*هورة وبتعيط ...مسكت ايدها ...وقولت:
-كل اللي عملته ضاع ...كل اللي ضحيت بيه اتنسي...انا اتذليت هناك يا ضحي...ضحي لما ربنا يكرمك وتتجوزي اوعي اوعي تيجي علي نفسك عشان حد ...متظلميش نفسك زيي لان اللي بيضحي الزمن ده بيجوا عليه ...اهو علاء رم*اني بطريقة م*هينة ...
-عشان كده لازم يتربي ...صدقيني ايمن بس اللي هيربيه
- ايمن ليه حياته ومراته
-واحنا اخواته يا ليلي لازم يقف معانا
-لا بالله عليكي يا ضحي سيبي ايمن
-طيب هتعملي ايه ؟
-هرجعه ليا ....علاء هيرجعلي انا
يتبع
#ليلي
#سولييه_نصار
فيه غلطة بسيطة ليلي يتيمة بس عندها أخ واخت ايمن اللي برة مصر وضحي اللي في مصر
تعليقات
إرسال تعليق