 |
💥💥النهاية 💥💥 بقلم ✍️ سلطان زماني
مشيت من عنده وانا متغاظة ونفسي اصوت في الشارع
واسمع الدنيا كلها حكايتي وافضحهم واقلب الطربيزة عليهم
كلهم كلمت وليد عايزة اسمع منه كلمتين يهدوني ويطمنوني
مش قادره بموت وجسمي كله بيتنفض طمني وليد وانا
هديت شوية واتفقنا اني هصبر شوية وأنه لما يقعد مع علاء
يحاول يقنعه أنه يطلق بس بشكل غير مباشر وقالي أنه بيقعد
معه وبيجيب سيرتك كتير من غير ما أقوله .
..لقيت سبع البرومبه علاء راجع من الشغل بيقولي مفيش
نزول تاني من البيت قولتله وده من امتي إن شاء الله
علاء ..الست المحترمة متخرجش من بيت جوزها من غير
اذن قولي علي الي انتي عايزاه وانا اجبهولك
_ والفلوس الي عند الناس دي مين يلمها
علاء ..والله الي عايز يجيلك هنا يدهالك اهلا وسهلا بس
انتي مفيش نزول ..وعايز حد يغلطني في كلامي ده
_ هو انت يابني كل ما حد يشخ في ودانك بكلمتين تيجي
تقولهم وتعمل عليا راجل
علاء ..احترمي نفسك
_ أنا محترمه غصب عنك وعن الي قالك الكلام ده
ما تسترجل كده وطلقني
علاء..لعلمك هتجوز ستك وهتعيش هنا مكانك وعيالك
هيعيشو احسن ما كانو عايشين معاكي وانا كمان هعيش
وهدلع وهتبسط وهتجوزها اصغر منك كمان
_ هقول ايه ما انت ناقص ومتعرفش حاجه عن الرجولة
ويابني طلق ب الادب بدال ما هخليك تطلق بقلة الادب والفضايح
علاء ..ماقولتلك بناتي أخدهم وانتي روحي للي عايزة تطلقي
علشانه الله يسهلك
_ اروح لمين ياوسخ هو انت فاكر كل الناس رخيصه ووسخه ذيك
مسكني من شعري محستش بنفسي الا وانا عماله الطش فيه
واضربه واهينه ومش ساكت وعمال يشتم ويقل أدبه ويغلط
ويقولي بتاعة الرجالة الي شايفه ليها شوفه وعايزة تخرب
بيتها اتصلت ب امي جت وبسبب صوته الي جايب اخر
الشارع وليد سمع وطلع وسمعه وهو بيغلط وبيقول اوسخ
الكلام عليا وامي بتحاول تهديه وانا سبتهم وبلم الشغل
بتاعي وهدومي وهدوم البنات علشان امشي لقيت أبوه وأمه
وسمعت صوتهم قلبي اتقبض اكتر طلعت وندهت علي امي
تجيب توكتك من تحت وقف علاء وقال هتنزلي لوحدك
ياوعد بناتي هيفضلو معايا ع أقل الي هيتجوزك وعايزة
تخربي بيتك علشانه يخدك فاضيه كده ..محدش هيربي
بناتي غيري مش معني اني ابوكي سابكم يبقا كل الرجالة كده
قولتله ياعره الرجالة ياوسخ يامنسون أنا اشرف من الي
جابك ومتجبش سيرة ابويا ع لسانك لانه مهما كان فهو
اشرف من النجس ابوك وانت الي تعرفك تكره صنف الرجالة
ده اصلا ومتفكرش في الجواز تاني
قرب عليا ضربني بالقلم وقعت ع الأرض وقمت ولسه همسك
فيه وافشخ امه اتلمو عليا حشوني منه وأبوه قال ل امي
انتي معرفتيش تربي بنتك ولا تعلميها الادب واهانتي دي أنا
مسامح فيها وكله عند ربنا عيب ياحاجه لما عيله اصغر من
ابني تهزقني وحماتي تبص ل امي ب استحقار ولقيت امي
فضلت تشتمني وتقولي جبتلنا الكلام وركبتينا الغلط أنا
عارفه ليه انتي مش مريحاني زاي اختك عمري ما سمعت
عنك يا الهام كلمه وحشه ولا اشتكيتي وعايشة راضيه ومبسوطة
حمايا ..بصي ياحاجه بنتك قليلة الادب ومتلزمناش وانا
مينفعش اخلي ابني علي زمته وحده محترمة لا وكمان تربي بناته
حماتي . احنا زاي ما دخلنا بالمعروف نخرج بالمعروف واحنا
علشان ناس محترمة مش هنحكي لحد ولا نجيب سيرة والي
هيسال هنقوله هما عيشهم اتقطع لحد كده
_ عيش اي يا اوساخ باولاد الوسخه وانت ياراجل ياشايب
ياعايب يالي بتحكي عن الاحترام كان فين ده وانت
بتتحرش بيا وانت بتغصبني انام معاك بالعافيه اتفو عليكم ياعيله نجسه
حمايا ..شايفه ياحاجه رمي البلاء والغلط استغفر الله العظيم
امي عماله تضربني بالقلم ع وشي وانا مش حسه ولا بحوشها
حتي كل الي وجعني وليد وهو بيتسحب وبيسبني وينزل
مش قادره اصدق وقيت امي ورحت مسكت التليفون
واتصلت بيه اول مره رن تاني مره لقيته حطني في الحظر
كلمت الهام فضلت اصوت واقولها ابعدي جوزك عني خلي
عمرو يسبني في حالي اقسم بالله ده وسخ وبووشيين وهو
السبب في كل الي بيحصلي ده لقيت امي ورايا عماله
تضربني ع بوقي وجاب دم وتقولي انتي اتجننتي ولا ايه اي
الي بتعمليه ده انتي عماله تخربي الدنيا وتوقعي الكل في
بعض بتخربي علي الناس عيشتها ليه
قولتلها يا امي انتي متعرفيش حاجه ولا حسه بحاجه قالتلي
يابنتي ما انتي كنتي زاي الفل واشتغلتي وربنا كان فاتحه
عليكي وزاي الفل مالك اي حصل ما كنتي راضيه بعيشتك ومبسوطة
قولتله أنا عمري ما كنت مبسوطة ولا مرتاحه أنا كنت
بتشعبط بتعلق ب قشايه بتحايل علي اليوم علشان يعدي
غصبه نفسي علي واحد عمري ما شفت منه حاجه حلوه لا هو
ولا أهله أنا الناس الوسخه دول موتوني بالبطئ وانا اشرف
منهم كلهم وبناتي هيعيشو معايا أن شاء لو هقتلهم كلهم
جيه جوز امي وبعدها لقيت الهام دخله وقالتلي مالك ومال
عمرو عايزه يسيبك في حالك ازاي
امي قالتلها احنا في ايه ولا في ايه دلوقتي مش وقته
الهام ..لا أنا عايزة اعرف بقا واشوف آخرة الحقد والغل الي من ناحيتي ده ليه
_ حقد وغل ايه يا الهام
الهام ..حقد وغل ع عيشتي وشقتي وكمان علي الراجل الي
متجوزاه كمان ..عيب عليكي ده انا حته اختك المفروض
تفرحيلي مش تحسديني وتخربي بنا
_ أنا اخرب بينكم أنا احسدك ياالهام انتي تصدقي كده عليا
الهام ..اه لما تلفي عليه وتتميصي علي جوزي علاشن يسلفك
20 الف وتقوليله ده انت لو بعت كام غويشة من بتوع مراتك
هتجبهوملي وهو يقولك اعيش واجبلها ولما تقوليله انك كان
نفسك تتجوزي راجل زايه وكلام كتير وفي الاخر علشان
يخلص من زنك يدهملك ولما يطلبك بيهم تقولي عليه الكلام
ده تبقي بتخربي بنا وأزاي تقوليله اصلا ميقولناش وأزاي
تخبئ علينا حاجه زاي دي
جوز امي ..الكلام ده ملوش لازمة دلوقتي ممكن يا الهام تسكتي
الهام ..حسك عينك تيجبي اسمي ولا اسم جوزي ع لسانك وانسي اني ليكي اخت
_ قسما برب الكون وحق الي رفع سبع سموات جوزك ده
ناقص ووسخ وانا لولا العيبه كنت سمعتك بودنك
الهام ..اه سمعيني يا كدابه وريني
جريت مسكت الموبيل لقيت جوزي امي اخد مني الموبيل وقفله وشاله في جيبه
اغم عليا من كتر الصوت والطم علي وشي وعماله اشتم في
عمرو وعلاء وحمايا فوقوني وملقتش الهام ولقيت امي عماله
تبصلي بصات اني اتجننت ولا عليا عفريت وبتبكي وعرفت
أنهم بعتو جابو الماذون وجوز امي حاطط ايده ع راسي وبيرقيني
أطلقت منه واخدت بناتي من بعد ما خربت الدنيا وفضلت
اصوت ولميت الدنيا عليا والشارع كله وممشتش غير لما
لميت كل حاجتي واخدتهم معايا ورحت قعدت عند امي
وفضلت عايشة اكتر من 20يوم اكني في غيبوبه مش بتكلم
مع حد ولا بنزل والي حاول يخرجني من الحالة دي وحاول
اكلم وليد لسه عامل الحظر اخدت تليفون امي وكلمته لقيته
ببرد عليا ببرود واستحقار وقالي انسي الي بنا وأنه علاء
فاضح الدنيا وبيقول كلام للناس صعب وسأب الشغل عند
عمرو حاولت معه مره واتنين ولقيته واخد قرار قفلت معه
ومسحت رقمه من عند امي
وحالتي ساءت وبقيت بكلم نفسي كتير ومش متزنه ولا عقله
وبغلط في الناس الي عليهم اقساط وبتعصب عليهم
وبخسرهم وبقيت بقلق من كل الناس وبشك في كل الي
حواليا جبولي شيخ لما شكه اني حماتي عملالي عمل ومفيش
نتيجة جوز امي بقا يسمعني قران ويخليني انام والسماعات
في ودني وشجعني اني اصلي والتزم في الصلاة وعملت كده
يااااااااااه
لقيت علاجي في الصلاة وتقربي من ربنا بقيت ادعي من
قلبي أنه يقويني ويرجعلي ثقتي في نفسي ويهدي حالي
ويعوضني عن كل المرار الي شفته وينتقملي منهم
كلهم ..ويشيل حب وليد من قلبي وينسهولي
الصلاة والدعاء والقرآن والذكر هما دول الي خرجوني من
الحالة الي كنت فيها ..الحمد لله ربنا جعل جوز امي سبب أنه
يساعدني ويديني نص المحل بتاعه وافتحه ملابس وارجع
لشغلي تاني واخدت شقة لوحدي وعايشة مرتاحه بربي بناتي
وشلت فكرة الجواز ده من دماغي نهائي وبقا عندي عقده منهم
👏انتهت 👏 رايكم بقا ياحبايب قلبي 😘
تعليقات
إرسال تعليق