مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#فارس #احلامي

#رانيا #محمود 

حلقة الثالثه

العيله ابتدت تنفذ خطه فارس بدون اعتراض ..كان الكل تعبان و مرهق وساعات بيشتكوا لكن فارس كان واقف ليهم ذي الجبل  ...لا تهاون ولا تضيع وقت ..الا ساندي كانت بتعمل المطلوب منها من غير ولا كلمه ..دايما كان عيون فارس عليها ومش عارف ليه ساندي مش بتطلع الغضب اللي جواها ..ليه مصره انها ماتكونش جزء من العيله 

وفي يوم بعد ما خلصوا شغل و جه وقت العشا اللي بيتجمعوا فيه في بيت فارس توفيرا للنفقات .كان المشهد كالآتي 

علي الطاوله الكبيره يجلس فارس في المقدمه و بجواره عمه و ابنه جمال و زوج خالته البشمهندس محمد .وتقوم سيدات المنزل بإحضار الطعام من المطبخ...وكالعاده تحضر ساندي في النهايه ..لتنزوي في نهايه الطاوله وتحضر طبق صغير و تاكل بهدوء دون أن تنظر او تتحدث لاحد 

جمال -: دلوقتي يا فارس احنا تقريبا رفعنا ميه الصرف من الأرض و المبيدات و كمان السماد موجودين في المخزن هنكمل بقى اذاي ..احنا محتاجين انفار نأجرهم..احنا مش هنقدر نكفي الأرض لوحدنا 

البشمهندس محمد -: فيه فلاحين جم الأرض النهارده وانتم كنتوا في الجمعيه الزراعيه طالبين شغل واليوميه بتاعتهم مش هتكون كتير 

فارس -: يا جماعه مش حكايه كتير ولا قليل..الحكايه ان مافيش اساسا سيوله ..السماد و المبيدات و قلبهم إيجار  ماكينه الرفع ..كل دول خلصوا علي السيوله ...انا بقالي اسبوع رايح جاي علي الجمعيه الزراعيه وعلشان اعمل سلفه و مش عارف هيوفقوا عليا امتي 

الكل سكت وأصبح الجو العام ممتلئ باليأس واحس الجميع بقله الحيله 

تحدثت ساندي وكالعاده لم تكن تنظر لاحد .-: يعني خلاص مافيش فايده ..احنا قطعنا نص المشوار ..بقالنا شهر بنشتغل ليل نهار لحد ما الأرض ابتدت تتعافي من جديد..ونيجي النهارده علشان مش عارفين ندبر أجره العمال نرجع تاني لورا 

فريده -: واحنا في ايدينا ايه يا بنتي ومعلنهوش 

ساندي -: لا من ناحيه في ايدينا فقدر اقولك يا عمتو فيه .و فيه كتير..فيه 3غوايش مع حضرتك وحلق و سلسه و كام خاتم مش بس عندك لا كمان عند سلمي عمتو سميره و البنات ..وعندي انا كمان 

ووقف ساندي و اكملت-: اتفضلوا ..ده حلق و سلسله ماما كانت لابساهم يوم ما ماتت اهم عندك يا فارس بيعهم ..وللأسف مش معايا حاجه تاني .انتوا عارفين بابا الله يرحمه باع كل مجوهراتي و مجوهرات ماما في فتره تعبه. والله لو كان معايا حاجه تاني تنفع تتباع ما كنتش اتأخرت ..

وقبل آت تغادر ألقت نظره على فارس .نظره لم تكن قصيره 

لكنها رأت في عينيه نظرات الإعجاب و الامتنان الشديد لها 

 ساندي  صعدت غرفتها تاركه ورائها نظرات الحيره علي النساء و نظرات الانتظار من الرجال .

سميره -: والله يا بنت اخويا انتي بميه راجل تسلمي ويسلم لسانك ..فارس خد ادي الغواشتين وانتوا يا بنات اقلعوا الحلقان و اطلعي يا عاليا هاتي السلاسل بتاعتكم والخاتمين من فوق يلا 

عاليا -: حاضر يا ماما .

فريده -: ياسلام وانا كمان خد يا فارس الدهب بتاعي اهو وانتي يا سلمي هاتي الحلق و السلسه 

سلمي بغيظ مكتوم -: حاضر يا ماما 

عالية نزلت ومعاها باقي الدهب ووضعتهم على ترابيزه الأكل 

فارس -: انا مش عارف اقول ايه جماعه 

( ثم وقف و اتجهه لأمه وقبل راسها و يديها وفعل نفس الشى مع خالته فريده)

فارس -: انا اسف والله اني باخد منكم دهبكم بس غصب عني والله ..انا مش عارف اشكركم اذاي 

فريده-: ان جيت للحق بعد الشكر لله لازم احنا كلنا نشكر ساندي  العيله الصغيره اللي كانت الأساس في كل ده و اللي ادتنا احنا الكبار درس كبيره .اسمه التضحيه 

سميره -: عندك حق انا هطلع لها 

فارس -: استني يا أمي أنا اللي هطلع الأول بعد اذنكم 

سلمي كانت هتنفجر من الموقف ..كده ساندي كسبت معركه حب فارس والعيله كلها ..حتي لو كانت ساندي فعلا مش مهتمه بعيلتها لكن كسبت حبهم واحترامهم..كمان 

فارس أمام غرفه ساندي بيخبط-: ممكن ادخل ؟

ساندي فتحت باب غرفتها -: اتفضل يا فارس تعالي 

فارس -: انا مش عارف اشكرك ولا اتأسفلك 

ساندي -: اتفضل بس اقعد و فهمني فيه ايه 

فارس يجلس علي الكرسي و ينظر مباشرا في عيونها -؛ : افهمك يابنت خالي ..انا عاوز اشكرك علي المبادره الرائعه دي اللي ماجتش من اقرب الناس ليا...و اعتذرلك اني اضطريتك تديني مش بس دهبك لا كمان الحاجه الوحيده اللي باقيه من ريحه مامتك...اتديهاني عن طيب خاطر 

ساندي -: الموضوع ولا محتاج شكر ولا اعتذار انا كان لازم أعمل كده ..لأن ماينفعش بعد كل المجهود ده يضيع علي الفاضي ..فارس انا عاوزه الأرض تستعيد عافيتها علشان أقدر ابيع الأرض واسافر 

فارس اتوجع قلبه بشده و كان حاسس انه مش قادر يتنفس من وجع الصدمه ..بس حاول أنه يتماسك 

فارس -: طيب يا ساندي ممكن سؤال ..

ساندي -: عارفه سؤالك..هو ليه انا مصره على السفره ..واظن اني قولتلك انتي و عماتي في المكتب قبل ما تفجر في وشي قصه ان الأرض مديونه و مش هينفع اسافر الا لما تتصلح و اعرف ابعيها 

فارس -: طيب في خلال الفتره اللي فاتت ليه ما اديتيش لنفسك فرصه انك تحبي عيلتك ..انتي ملكيش غيرنا يا ساندي حتي عيله مامتك مافيش فيها حد ..والدتك كانت وحيده اهلها وللأسف علاقتك بباقي عيله والدتك مقطوعه من قبل وفاه خالي ..ف ليه عاوزه تعيشي وحيده مالكيش اهل 

ساندي كانت بتسمع فارس وهي بتفكر في كلامه ..ليه فعلا هي بتعمل كده ليه مصره علي العناد ..العيله دى ما كانتش السبب في اللي حصلها... هي ليه بتعاقبهم علي ذنب مش ذنبهم .. بالعكس هما بيساعدوها 

فارس -: انا هقوم دلوقتي واسيبك ترتاحي ..بس ارجوكي فكري فى كلامي واتمنى تبعدي العند شويه ..يمكن وقتها تلاقي حقيقه تانيه غير اللي انتي مصره عليها ..وبرضوا شكرا يا بنت خالي وربنا يقدرني ارجعلك دهبك تاني 

خرج فارس وهو محطم القلب حزين ..جلس فى الحديقه لعل هوائها قادر علي تهدئته ولو قليل 

فارس بيحب الطبيعه و كان أمله انه يكبر مزرعه ولده و يبقي عنده اسطبل ..هو قدر بعد وقت طويل ان يكون عنده فرس علشان يبقى هو الفارس بتاعه ويكون اسم علي مسمي 

كان بيقضي وقته مع الفرس بتاعه كان مسميه رهوان 

كل حاجه مش قادر يحكيها لحد كان بيروح لرهوان يحكي معاه ..كان عارف كل حاجه عن حبه لساندي ..

فارسي-: اذيك يا صديقي العزيز ...( فارس وضع جبهته علي جبهه رهوان ) اه يا رهوان لو تعرف قد ايه بحبها اه لو هي تحس بيا او حتي تديني الفرصه اني اعبر لها عنى حبي و عشقي كمان ..كل مره بتكلم معاها بتوجعني بكلامها عن السفر و البعد ..بقيت اخاف اكلمها علشان مش عاوز اسمع كلام يضايقني تاني ....ياااارب انا تعبان و محتاجك معايا يااارب 

بعد اسبوع 

جمال -: الحمد لله يا عاليا الأرض ابتدت ترجع ذي الاول وكلها كام اسبوع و نطلع اول محصول شديد وعفى و انشالله نقدر نبيعه بمبلغ كبير ..بصراحه ساندي بنت خالك طلعت بت بميه راجل دماغها حلوه في الشغل .بس لما تحب تشغلها صح 

عاليا بغيره واضحه عليها -: دماغها بس اللي عجباك 

يا سي جمال ..واحترم نفسك انت بتعاكس بنت خالي والله لاهقول لفارس 

جمال -: انتي بتغيري ولا ايه يا قلبي والله لو الف ذي ساندي مافي جوه القلب غيرك انتي وبس ..دا انا مستني المحصول يطلع ويبقي فيه فلوس كويسه وهاخد عمك و طيران علي ابو الفوارس اخوكي و اطلب ايدك الكريمه ومش هعمل خطوبه جواز علي طول 

عاليا بسكوف المره دي -: انت مستعجل اوي كده ليه يا جمال ما احنا لازم نتخطب الأول 

جمال -: نعم يا اختي ليه يعني محتاجين تسألوا عليا ولا محتاجين وقت ندرس أخلاق بعض مثلا ..دا احنا بناكل علي ترابيزه واحده وحافظين بعض انتي ناسيه ان ماما سميره هي اللي اهتمت بيا و ربتني معاكم بعد ما امي و ابويا أطلقوا وهي سابتني ومشيت واديها اتجوزت كذا مره وخلفت اخوات ليا كتير بس للأسف معرفش حد فيهم 

عاليا -: ولا يهمك يا جيمي انسي اي حاجه تزعلك طول ما انا وانت مع بعض انشالله مافيش غير الحب و الأمان هو اللي هيحوط علي بيتنا 

جمال -: بجد يا عاليا ..يعني مهما يحصل بينا مش هتسبيني و تعملي ذي امي 

عاليا -؛ مش هيحصل ابدا ابدا انا مقدرش ازعلك يا حبيبي 

جمال -: ايه بتقولي ايه حبيبك ..والنبي قوليها تاني

عاليا بكسوف -: لا ماقولتش انت بتسمع غلط و بتتلكك كمان

روح عالج ودانك 

جمال-: بقى كده طب تعالي بقي اشوف فين العيب في وداني ولا في دماغك

 .( بيقرب عليا و هي زقته و جريوا ورا بعض وهما بيضحكوا ..وعالية وهي بتجري خبطت في ساندي غصب عنها )

ساندي -: اه يا ظهري ...فيه ايه يا عاليا بتخبطيني ليه كده وانت يا جمال واقف تبص عليا ..ما تقوميني

عاليا -: انا اسفه والله غصب عني ما اخدتش بالي حقك عليا جمال -: هاتي ايدك يا ساندي معلش هي فعلا ما شافتكيش وهي بتجري 

ساندي بعد ما قامت و بتنضف هدومها -: وهي بتجري من ايه واللي بيجري ده بيجري بضهره ولت بوشه ...اه يا ضهري ياني اه يا رجلي 

عاليا وهي محرجه جدا '-: طب معلش تعالي اتسندي عليا و تعالي نوصل الاسطبل و اقعدي علي المرجيحة هناك وانا هشوف رجلك مالها ..تعالي بس امش براحه 

وصلوا للاسطبل و قاعدت ساندي ..أما جمال فاستاذن يشوف شغله و هيبقي يطمن عليها بعدين ..

عاليا -: انا هجيب شنطه الاسعافات واجيلك بسرعه 

فارس كان في مكتبه وسمع عاليا بتسأل نيره اختها عن مكان شنطه الاسعافات الاوليه 

نيره-: تقريبا في المكتب جوه بس مش متأكده روحى شوفيها وانا هشوفها في المطبخ ..بس انتي عاوزاها ليه 

عاليا -: اصلي بالغلط خبطت ساندي جامد فوقعت علي الارض و تقريبا كدها ركبتها انجرحت لأنها وقعت علي حجر كبير 

فارس قام بسرعه من علي المكتب -" عاليا انتي بتقولي ايه اتخبطت اذاي وهي فين 

عاليا بارتباك-: والله انا اسفه انا اللي كنت بمشي بسرعه شويه و خبطتها من غير ما اقصدي والله ده اللي حصل غصب عني 

فارس -: خلاص يا عاليا اهدي انا مش بقولك حاجه انا بس عاوز اعرف ساندي فين دلوقتي وهل هي مجروحه جامد يعني ولا ايه 

عاليا -: لا هي انشالله كويسه بس هي ركبتها بتوجعها شويه انا قعدتها علي المرجيحة اللي جنب الاسطبل..وأنا هجيب شنطه الاسعافات الاوليه وهروح عندها 

فارس بهدؤ حتي لا يفزع أخواته-: لا يا حبيبتي انا اللي هروح لها ماتقلقيش الشنطه عندي في المكتب ..وانتي يا نيره لو سمحتي اعملي مج كبير كاكاو باللبن ..ساندي بتحبه 

ابتسمت الاختين لعلمهم بحب اخيهم لساندي .لقد أخبرتهم سميره بذالك لكن طلبت منهم عدم اخبار اي احد حتي فارس نفسه لايجب ان يعلم أن أخواته البنات يعرفوا ما يشعر بيه تجاه ساندي 

كانت ساندي في الوقت ده  بتفكر في كل شي. الماضي اللي جزء منه كان جميل بوجود والدها والجزء المحزن هي افتقدها والدتها. والحاضر الغريب والغامض واللي بقي لا يحتمل لان سندها الوحيد راح الي الأبد. ايوه كانت مش بتسمع كلام باباها كتير ودايما صراع الاجيال كان بينهم دايما لكن كانت عارفه انه سند حقيقي موجود في حياتها

كمان المستقبل المرعب بمجرد التفكير فيه

قاطع شرودها فارس كان واقف جنبها وهي كانت في عالمها مش حاسه بوجوده

فارس :_انا جبتلك كاكاو سخن انا عارف انك بتحبيه و بعدين يا ستي و ريني كده رجلك مالها انا قابلت عاليا وقالتلي علي الخبطه اللي وقعتك 

ساندي :_فارس انت هنا من امتي

فارس '_من شويه

ساندي بتمد ايديها وبتاخد منه الكاكاو:_يعني شويه قد ايه

فارس :_شويه اكدتلي فيها انك سرحانة من بدري وتقريبا انا عارف انتي سرحانة في ايه

ساندي :_هههههههه طيب بفكر في ايه يا ناصح

فارس اخد من ايديها مج الكاكاو وحاطه علي الترابيزه جنبه ومسك ايديها وحطها علي وشه وبصلها في عنيها وكأنه تاه عن الدنيا :

فارس :_بتفكري في اللي فات من حياتك والحاضر اللي انتي عايشة وبكره اللي مش عارفه هيكون شكله ايه

ساندي وهي مستغربه جدا فارس اول مره يكون قريب منها كده واول مره بتحس بالدفا من القرب منه وقدرت تقرأ عنيه وفهمت ان فارس بيحبها والحب والعشق والخوف عليها  كانوا بينين اوي في عنيه. بس ساندي كانت مستغربه هدؤ فارس وكلامه فقالتله

ساندي -:.انت بتحبني يا فارس 

فارس  بيرفع رجل ساندي و بينضف أثر الخدوش اللي في رجليها و كان بيتكلم بهدوء و بيبص في عنيها وقال

فارس -:من واحنا صغيرين من ساعه ما اتولدتي وانتى بيبي في اللفه كنت بشوف لمعه في عينك ليا وكنتي تضحكي ليا .انا كنت أول حد تعيطي في حضنه يوم وفاه والدتك .حتى لما كبرتي وبقيتي تبعدي عني وعن أهل والدك كلهم ..حبك ما نقص جوايا كان كل يوم بيزيد عارفه ساعه لما ضربتك بالقلم  الوجع نزل في قلبي الأول قبلك(سكت شويه وكمل ) ده كان حب ماكنتش عاوزك تكوني ضعيفه كنت عامل زى الدكتور اللي بيدي علاج بالصدمه علشان المريض يفوق 

فارس خلص تنضيف الجروح وساب رجلها وقام وقف قدام الاسطبل وكمل 

فارس -: انا حاولت الفتره اللي فاتت اني احسسك بالانتماء للعيله كنت بحاول اخليكي تندمجي معانا وتشتركي المسئوليه..قلت في نفسي لو هي حبت تكون جزء من عيلتها اكيد هتحس بيا وبحبي ليها ..بس انتي طول الوقت كنت حاطه حواجز بينا و كأنك في سجن ..وان الفتره ده مجرد فتره عقاب هتعدي و تخلص و تمشي وتنسينا .متعرفيش قد ايه اننا بنحبك و بنتمني تفضلي معانا ..لأنك والله لو لفيتي الدنيا ماهتلاقي حب ذي حبنا ( وبيشاور على قلبه ) ولت حضن يحتويكي ذي المكان ده 

كان فارس  بيكلمها وهو مديها ظهره علشان متشوفش دموعه ... هي مصدومه وبتفكر في كل الكلام ده بس مش عارفه ترد ...وفاجاه بعد صمت مش طويل تماسك وبصلها بسرعه ومسكها من كتفها وهي مخضوضه 

فارس..:_...الدور عليكي تجوبي انتي بقى على سؤالي بتحبيني تقبلي تكوني مراتي أم عيالي 

اتخضت ساندي  ما عرفتش ترد سابته وحاولت تمشي علي الرغم  من ان جسمها واجعها ....وهو سابها تمشي فضل قاعد في الاسطبل جنب رهوان يفكر في اللي حصل بينهم 

ساندي  طلعت اوضتها بصت من البلكونه لاقيته رجع الجنينه  قاعد ساكت مابصش على بلكونتها زي ما كان بيعمل 

كل مره 

الصبح نزلت تفطر كان موجود بس مش بيبوص عليها قضى يومه عادي في  الشغل وهي كمان كانت بتقوم بالشغل فى المزرعه .. فضل الوضع كده يومين لحد اليوم الثالث جات جنبه وهو واقف بيسرح شعر حصان جديد لونه ابيض وجميل اوي 

ساندي -: الله انت جيبت حصان جديد

فارس -: لا مش حصان دي مهره ..انا جبتها علشان رهوان مايعيش وحيد ..جبتله وليفه ليه يتجوزوا و يملوا الاسطبل خيول  صغيرة

ساندي وهي مكسوفه  بتحط ايديها علي شعرها المهرة: جميله اوي اوي. ياتري سميتها ليه

فارس وهو واقف ورا ساندي -: اسمها ساندي ( و حط ايده فوق ايدي ساندي وهي كانت علي شعر المهره )

ساندي حست بحرج شديد وبعدت عنه ووقفت وقالته-" -

- .جميل اسم حلو 

فارس نظر ليها نظره غضب ولم ينطق بل استمر في تمشيط شعر المهره 

ساندي  بزعل طفولي :_انت هتفضل كده كتير ..

فارس .:_.. وانتى عاوزه مني ايه .(كلمها من غير ما يبصلها وده غاظها جدا راحتله وبصتله

ساندي :_هو ايه انت عاوز ايه انت مخاصمني 

فارس .:-لا ابدا انا منتظر ردك على طلبي وسايبلك الوقت 

ساندي بحزن غريب طالع من جواها.:_..طيب لو قلت.. لا 

فارس غمض عينه واخد نفس عميق:_...دي حريتك وهحترم كلامك واعتبر الموضوع انتهى 

ساندي .:_طيب هتعمل ايه معايا 

فارس ...هعمل ايه انتى بنت خالي يعني جزء من عائلتي وهتفضلي اختي ما فيش حاجه هتتغير 

بصتله ساندي وقالت .:_انا عاوزه اسافر أمريكا اشتغل وابني مستقبلي 

فارس بعصبيه رمي المشط:_يعني انتي مش لاقيه نفسك غير هناك 

ساندي بنرفزه :_.انت عارف انى عاوزه ده من بعد وفاه بابا انا عاوزه ابيع الأرض واخد فلوسها .انا راسلت شركه في نيويورك وعاوزه اسافر في أسرع وقت .(مشيت من قبل ما يرد وهو بص لرهوان  وحضنه وبكى

**********************

عاليا -: صباح الخير يا جمال 

جمال -: صباح النور يا قمر 

عاليا -: و بعدين بقى حد يسمعك 

جمال -: الله و ماله .ما بصراحه انا تعبت اوي و مش قادر علي البعاد ولازم حل ..

عاليا بكسوف -: حل لايه 

جمال -: يا سلام حل ايه ..لا والله ..حل عسكري حلو كده 

عاليا-: ايوه يا خويا حلو اوى كمان ..بقولك ايه ماشوفتش ساندي 

جمال -: اعتقد انها راحت ناحيه الاسطبل 

عاليا -: اها الاسطبل ..وطبعا فارس هناك 

جمال -: اعتقد هذا 😁😆 لماذا 

عاليا -: اقولك و ماتزعلش 

جمال -: لا ياختي كده يبقى فيها شتيمه وانا ماليش مزاج اتهزأ النهارده بصراحه 

عاليا بتضحك جامد -: و اشمعنا النهارده يا خفيف 

جمال بحب -: اصلي ناوي النهارده اكلم اخو البت اللي بعشقها مش بس بحبها ..علشان نعمل خطوبه لحد ما

 أم المحصول يطلع قبل ما روحى تطلع الأول وبعد كده نتجوز 

عاليا -: بعد الشر عليك 

جمال -: يا جمالو القمر خايف عليا ولا ايه 

عاليا بكسوف -: الله طبعا مش هتبقي خطيبي 

جمال بهزار-: ايه ده مين قال هو انا قولت هخطبك ولا انا هكلم اخوكي انتي بتتلكيكي ولا ايه 

عاليا بغضب -: نعم ..تعالي هنا ياض انت ناوي تفلسع ولا ايه و الله لو فكرت بس تخرج بره بابا المزرعه لاكون مولعه فيها و ابقى وريني هتخرج اذاي ولا هتتجوز غيري اذاي .دا انا كنت فرمتها و اعمل ذي بوحه اسلخ قبل ما ادبح

جمال ضحك جامد -: يالهوي ايه ده المعلمه فتحيه بتاعت السلخانه لا مش معقول انا مش مصدق 

عاليا -: لا صدق اللى يفكر يقرب من حاجه بتاعتى ..هفرمه

جمال -: دي غيره بقى يا وحش 

عاليا -: الله ماتكسفنيش بقي 

جمال -: يالهوي يانا هو مش ما من شويه المعلمه فتحيه قاعده معانا ..ايه اللى رجع عاليا ..هو انتي برج الجوزاء 

عاليا بزعل طفولي -: ايوه وان كان عجبك وحتي لو ماعجبكش......

جمال -: خلاص يا قمر عاجبني اقسم بالله عاجبني. هو انا أطول ان القمر بنفسه يغير عليا .طب والله لاروح لفارس حالا 

جمال بيجري وعالية بتجري وراه بس مش بتلحقه.  بتطلع اوضتها وهي مكسوفه جدا مش عارفه هتواجهه اخوها اذاي 

 __________^^^^^^^^^^^ في المزرعه

جمال :_فارس ممكن اخد من وقتك دقايق

فارس :_ايه جمال بيستاذن قبل ما يتكلم جديده والله 😂

جمال :_بطل رخامه بقى بجد عاوز اتكلم معاك فى حاجه مهمه

فارس :_مهمه اوي ولا تتاجل

جمال :_لا ماينفعش مهمه اوي

فارس :_اتفضل انا سمعك

جمال :_باختصار شديد انا عاوز اتجوز 

فارس -: لا ياجمال بصراحه انت فاجأتني وانا مش مستعد للجواز دلوقتي .هههههه

جمال -: يادي ام الرخامه ....يا عم اديني فرصه اجمع نفسي واقول الكلمتين اللي بقالي سنه بدرب  نفسي عليهم 

فارس -: ليه ياعم هو انت ناوي تدخل الانتخابات محضر كلام وحاجات..يا اخي ..الموضوع سهل بسيط ...المهم هتجيب الدبة امتي 

جمال بصدمه و بيحاول يجمع نفسه -: دبل ايه ؟!!!!

فارس -: دبله حضرتك و دبله البرنسيسه عاليا 

جمال -: عاليا هو انت عارف 

فارس :_طبعا عارف 😉

جمال :_نعم ّ!!

فارس :_ههههه مادام تحب بتنكر ليه  اللى يحب يبان في عنيه

جمال  بإرتباك :_صح يا ابو الفوارس عندك حق طيب انت ايه رايك

فارس :_موافق... يلا روح لعليا وروحوا لماما وشوفوا هتعملوا الخطوبه امتي

 وبالفعل اتفقوا على ميعاد الخطوبه وعملوا خطوبتهم بشكل بسيط جدا والكل كان فرحان ساندي كانت بتحاول تبص على فارس لكنه كان متجاهلها تماما وهو عارف انها بتبص عليه ما كانش عارف هي فعلا رفضاه ولا عاوزاه بس بتكابر 

ساندي-" الف مبروك يا عاليا عقبال الليله الكبيره 

عاليا -؛ حبيبتي يا ساسو ربنا يخليكي ..عقبالك انتي و

 ابو الفوارس 

ساندي-: نعم انتي بتقولي ليه كده 

عاليا :- والنبي يا ساندي فارس بيحبك اوي و من زمان ياريت تحسي بيه و تكون معاه والله ماهتلاقي حد في حنيته ابدا 

جمال بيتدخل بهزار -: ولا حتي انا ياست لولو ..انا زعلان لازم تصلحيني 

ساندي بضحك -: فعلا لازم تصلحيه يا لولو 

عاليا -: جمال أفندي اهدي كده و قول هديت.خلينا نتكلم مع الاستاذه الامريكانيه ام مخ عاوز ظبط زوايا 

ساندي -: انا يا لولو حرام عليكي دة انا طيوبه خالص 

جمال -: لا بجد يا ساندي نتكلم جد شويه .. فكري في كلمنا فارس بني آدم حقيقي مافيش ذيه ..طبعا ماعدا انا 😅

ساندي -: ياسلام علي التواضع وبعدين انتوا ليه بتقولوا كده ومين قالكم ان فيه حاجه من ناحيه فارس ليا ..هو هو اتكلم مع حد في حاجه ...

عاليا -: لا والله يا ساندي ماحصلش فارس مش بيحكي حاجه لحد ..بس انا أخته و بعرف اخويا كويس وبعدين حكايه حبه ليكي مش النهارده ولا امبارح ولا حتي من سنه

فاتت ..احنا عارفين وشايفين ده في تصرفاته معاكي من سنين و بصراحه مش عارف اذاي ما شوفتيش ده ولا حاستيه. دي مشاعره تقريبا فضحاه للعيله كلها 

.ساندي بتوتر-: بقولكم ايه النهارده يومكم انتوا وبس و ماتفكروش في اي حد تاني ..ربنا يسعدكم و يهنيكم 

بعدت ساندي عن عاليا و جمال وهي مكسوفه و متلخبطه  ..بتحاول تدور بعنيها علي فارس و مش عارفه ليه ...

فريده -: تعالي يا ساسو اقعدي معانا انتي واقفه لوحدك ليه 

ساندي -: هاه !!!!مافيش يا عمتو انا جايه معاكى اهو 

سلمي -: شكلك كنتي بتدوري علي حد صح 

ساندي صامته تنظر لسلمي فقط 

سلمي -: الله انتي مش بتردي ليه 

فريده -: يوه بقي ما كفايه كلام يا سلمي ..روحي شوفي ابوكي فين خليه يجي الناس بتسأل عليه 

سلمي -: انا مش رايحه في حتي انا تعبانه وعندي صداع 

ساندي -: ولا يهمك يا عمتو هروح انا اشوف عمو محمد فين 

سلمي تداركت الموقف -: لا لا خليكي هقوم ادور انا علي بابا و فاارس كمان ..

فريدة-: شوف البت الغياظه بتعمل ايه ..معلش يا ساندي اصلها بتغير علي ابوها ..تصدقى انها لو شافتني قاعده معاها تفضل ورايا لحد ما تقومني من جنبه وتقعد هيا 

ساندي بغضب مكتوم '-" ربنا يخليهالكم يا عمتو 

بعد أسبوع من الخطوبه كان عيد ميلاد ساندي .فارس كان عاوز  يفاجأ ساندي راح لوالدته وقالها على  فكره عيد الميلاد 

فارس -: امي يا ست الحبايب 

سميره-: ست الحبايب مره واحده لا كده يبقى فيها طلب كبيره كمان ..خير يا سي فارس عاوز ايه من ست الحبايب 

فارس ضحك من كلام مامته..-: اه يا فهماني اكتر من نفسي ..انا عاوز اعمل عيد ميلاد لساندي انتي عارفه أنه بكره و كنت بفكر اخليه يوم مميز و خصوصا انه اول عيد ميلاد ليها بعد وفاه خالي و عاوز اجيب لها هديه سلسله بدل السلسله بتاعت مامتها اللى ادتهالي ابيعها 

سميره '-": و ماله يا حبيبي عقبال ما تجيلها شبكتها و اشوفكم احلي عريس و عروسه واشيل عيالكم علي ايدي 

فارس باس ايد مامته -": يغني انتي موافقه 

سميره -:: اممم موافقه علي ايه بالظبط .عيد الميلاد و لا الخطوبه 

فارس بابتسامه-":  لا ياست الكل خلينا مؤقت في حفله عيد الميلاد. أما اي حاجه تانيه فخليها لوقتها 

سميره -: و ماله يا حبيبي اللي تشوفه ..بقولك انا معايا قرشين كده خدهم و هات لها سلسله محترمه كده تليق

 بيك يا حبيبي...

فارس -: ربنا يخليكي ليا يا ست الكل 

اخوات فارس و مامته وفريده جهزوا حفله بسيطه لكن مبهجه لساندي علشان تتبسط وحاولت عليا ونيره أنها تخلى ساندي طول اليوم بره بيت المزرعه علشان تكون حفلتها مفاجأه ليها ..و  شغلوها في الأرض  ورجعت البيت بالليل كانت المفاجاه ..ساندي بجد فرحت اوي وعنيها دمعت من الفرحه 

سميره -: الله فيه ايه بقى القمر بيعيط ليه يوم عيد ميلاده 

ساندي-: حبيبتي يا عمتو ربنا يخليكم ليا و ماتحرمش منكم ابدا..انا مش عارفه أشكركم اذاي 

فريده بتحضن ساندي و بتطبطب عليها -: لو عاوزه فعلا تعملى حاجه تفرحنا يا حبيبتي انك تقعدي معانا و تسيبك من فكره السفر دي 

ساندي مابقتش عارفه ترد تقول ايه بس اكتفت انها ابتسمت و حضنت عمتها ...كانت  بتدور على فارس بعنيها  ما كنش ماوجود ما حضرش  علشان كانت مشاعره هتفضحه  كفايه أنه يعملها حاجه تفرحها وده أهم حاجه عنده

سميره -: ماجاش و مرداش يحضر ...هو قالي كفايه أنك تكوني سعيده و فرحانه في يوم عيد ميلادك 

ساندي بخجل شديد-: هو مين يا عمتو 

سميره-: فارس ياروح عمتو ...انا عارفه كل حاجه و مش من النهارده..لا يا حبيبتي..من زمان اوي من وانتوا عيال صغيره من  أيام رقيه الله يرحمها كمان ..تعرفي لما اتولدتي ..فارس طلب ايدك من رقيه .وعبدالحميد كان فرحان اوي وقاله أنه موفق كمان 

ساندي -: انتي بتقولي ليه الكلام ده دلوقتي يا عمتو 

سميره -: انا مش هغصبك علي حاجه يا قلبي ابدا طول ما انا وعمتك فريده فينا الروح وعايشين علي وش الدنيا هتفضلي في عنينا و حدش يقدر ولا يغصبك ولا يضايقك...انا بس بتمني انك تكوني في حضني طول عمرك ..والحيره اللي جوه عنيكي ده تختفي 

سلمي بغضب من كل الاهتمام بساندي د-: هو احنا مش هنطفي الشمع ولا ايه ..عاوزين ننام بدري عندنا شغل الصبح 

فريده -: بت انتي بلاش تعكنني فرحتنا ...

عاليا -: خلاص يا عمتو خلاص يا سلمى كفايه خناق ..يلا ياساندي نطفي الشمع 

نيره -: استنوا قبل مانطفي الشمع ..اتمني يا ساندي امنيه بس خليها جواكي قدامك 10 ثواني 

ساندي غمضت عنيها واتمنت امنيه واحده 

نيره-: يلا نطفي الشمع..هاهاهاها

 .بعد الحفله ما خلصت رجع فارس  على البيت وخبط على اوضتها وحط هديتها على الأرض 

فتحت ساندي الباب وهي عارفه أنه فارس بس للأسف  ملاقيتش حد اخدت الهديه كانت سلسله مكتوب عليها اسمها 

فرحت بيها اوي و حسيت ان قلبها هيقف من السعاده..بس دايما سعاده ناقصه ..افتكرت لما نيره طلبت منها اتمني امنيه 

اخدت نفس عميق و رجعت السلسله مكانها تاني في العبله ونامت و هي بتدعي ربنا يحقق اللي هي اتمنته 

بعد يومين نهله صديقه ساندي رجعت من أمريكا ما كانتش عارفه باللي حصل لساندي واتوصلت معاها تاني

نهله -: حبيبتي يا ساسو كل ده يحصلك وانتي ماتفكريش تكلميني ..

ساندي -: معلش يا نهله انا كنت في فتره صعبه و متعبه جدا .كمان كنت فاكراكي عرفتي ان بابا فلس و كمان مات مامعهوش اي حاجه و انك اختفيتي ذي كلهم ما اختفوا 

نهله -: يعني كل سنين الصداقه دي وانتي شايفه صداقتنا ضعيفه للدرجه دي 

ساندي-: يا نهله من فضلك ماتلوميش عليا ..انتي ماتعرفيش الدمار اللي عشته . انا صحيح حكتلك بس حقيقي الحكايه حاجه وأنك تعيشي التجربه دي حاجه تانيه ..انا مش عايشه في تجربه لا انا عايشه كابوس مش عارفه هخلص منه امتي 

نهله -: طيب خلاص انتي تيجي تقعدي معايا اسبوع شهر اي حاجه انا نزلت مصر لوحدي وبقيه العيله لسه في أمريكا..سبحان الله اني أصر انزل و ماما كانت معترضه وخصوصا بعد ماخلصنا كل اوراقنا هناك ..بس الظاهر كده ربنا نزلني علشانك ...وأنا كنت هتجنن عليكي و اقول هي اذاي صاحبتي عشره عمري اول ما اسافر تختفي كده ولا ترد عليا ولا تكلمني 

ساندي -: بلاش لوم فيا ارجوكي ..بقولك ايه انا هاجي بكره او بعده بالكتير انا فعلا محتاجه أبعد عن هنا شويه 

نهله-:  تمام  مستنياكي

ساندي  بجد كانت عاوزه تبعد عن فارس والمزرعه وكل حاجه..هي حاسه انها مشوشه

في نفس اليوم بليل 

ساندي -: مساء الخير يا فارس

فارس -: اهلا يا ساندي اتفضلي اقعدي واقفه ليه 

ساندي جلست أمام فارس -: انا كنت عاوزه اقولك علي حاجه كده 

فارس -: اتفضلي خير 

ساندي-: انا ناويه بصراحه كده اروح اقعد اسبوع عند صاحبتي نهله ..دي عشره عمري وزميلتي وكمان جارتنا 

هي هاجرت أمريكا من سنه تقريبا لكني اتفاجات انها رجعت من قريب ..وقولت اروح اقعد معاها و اغير جو 

فارس -: اممممم ..هي عيلتها رجعت من أمريكا همت كمان 

ساندي -: لا هي لوحدها نزلت شويه و هترجع تاني أو مترجعش بصراحه مش عارفه...مش ده المهم ..المهم بالنسبه لي اني عاوزه اروح لها 

فارس بابتسامه-: يعني افهم من كده انك بتستأذنيني 

ساندي بعفويه -: ايوه .هه قصدي لا ..قصدي مش عارفه .اناا 

بس بقي بتبصلي كده ليه 

فارس ولازالت الابتسامه علي وجهه -: خلاص يا ساسو روحي وانا هوصلك بنفسي .. انا عارف انك  عاوزه تخرجي بره كل حاجه شويه ...وده من حقك 

ساندي كانت سعيده مش لأن فارس وافق لا ..لكنها سعيده لان فارس حقيقي اكتر إنسان فاهمها 

فارس وصل ساندي لحد فيلا  نهله ... وهي كانت سعيده جدا .. و فارس اول مره يسمع ضحتها و كان سعيد علشانها 

سابهم و رجع المزرعه تانى

نهله ويا ساندي فضلوا يهزروا و يستعيدوا ذكريات زمان 

ساندي فضلت تحكي كل حاجه و اوجاعها 

نهلة -:كده يا ساندي ازاي كل ده يحصلك وما تكلمنيش كنت تحكي لي وأنا ابعتلك تجيلي أمريكا 

ساندي .-:..ملحوقه عاوزه اسافر 

نهله .-:. طيب يا ستي نخلص الاورق و اول طياره ونطير بيها انا وانتى وكمان شغلك موجود في شركه خالي ومكانك محجوز فيها من دلوقتي 

ساندي فرحت وحضنت صحبتها وأول مره تحس بالأمان بس فضلت تفكر في فارس مش عارفه ليه صورته مش بتفارق خيالها 

نهله بتشوف صحبتها ديما سرحانه وماسكه سلسله مكتوب عليها اسمها دي هديه فارس ليها 

نهله:_ خير ايه اللي واكل عقلك 

ساندي ...ماتخديش في بالك 

نهله:_ ازاي من ساعت ما جيتي وانتى سرحانه وبتلعبي في السلسلة ايه حب ولا ايه ههههه

ساندي ...:-والله انتي فايقه ورايقه 

نهله :_...على بابا يا قطه وايه حكايه فارس آبن عمتك ده كلي شويه يتصل بيكي وانتى مش بتردي ولما يزهق يتصل على البيت هيموت ويطمن عليكي كل شويه يسأل هي ساندي اكلت كويس طيب أخبارها ايه دلوقتي طيب هتسفروا ولا هي تراجعت عن قرارها ههههه ده واقع باين عليه 

ساندي بحزن .:_..انا ماستهلش قلب زي فارس ...ولمعت عنيها بالدموع

نهله ...:_لا عندك نعمل اثنين كابيتشينو وتحكيلي كل حاجه بالتفاصيل على فكره انا بموت فى التفاصيل مش بحب الكروته وضربتها بالمخده وضحكوا هما الاثنين ...وبعد وقت طويل 

ساندي .:_... بس يا ستي وده كل اللي حصل بالتفصيل الملل 

نهله وقد تغيرت تعابير وجهها .:_..حرام عليكي يا ساندي في حد يلاقي الحب ده ويديه ضهره يا بنتي فكري لحسن بجد تندمي مش هتلاقي الحب والحنان ده فارس من نوع مش موجود صدقيني بلا أمريكا بلا شغل بلا هبل دا لو انا لقيت إنسان زيه اقسم بالله لسيب العالم كله واقعد تحت رجليه البني آدم ده راجل بمعنى الكلمه بجد فكري 

ساندي بعصبيه:_ هو انتي معايا ولا معاه 

نهله :_...انا مع الحق 

ساندي مقاطعا :_خلاص يا ست المحاميه انا تعبت وعاوزه انام اطلعي يلا وطفي النور ..

نهله-:  عيني في عينك كده....انتي مش هتنام...ساندي بقولك ايه فاكري قبل أي خطوه 

ساندي-" تعرفي يا نهله يوم عيد ميلاد قبل ما اطفي الشمع اتمنيت ان فارس يلاقي الحب الحقيقي معرفش ليه ماتمنيتش لنفسي حاجه...

نهله -: والله بتحبيه صدقيني 

.ساندي -: اطلعي بره و اقفلي النور عاوزه انام 

.بس طبعا مانمتش وفضل كلام نهله يخبط جوه دماغها لحد ما راحت في النوم 

تاني يوم ..

نهله .-:.ساندي اصحى كفايه المغرب هتدن 

ساندي ..-:.طيب وانا مالى عاوزه ايه 

نهله ..-:.اصحى يلا اجهزي في حفله جامده عملها شريف زملنا فكراه 

ساندي .-:بلاش مش عاوزه اشوف الاشكال دي مافيش حد فيهم فكر يسأل عليا في ازمتي 

نهله -:.ما يمكن ماكانوش عارفين زي حالاتي يالا بقى خلاص انسى احنا نروح ننبسط شويه ونرجع يالا ارجوكي 

ساندي وفقت لأنها فعلا زهقانه وعاوزه تخرج 

في الحفله اتبسطت وافتكرت إيام زمان وهي قررت ولا تعاتب ولا تسأل وفعلا هي جايه تنبسط وبس 

ساندي -: مين الشاب ده اول مره اشوفه 

علي -: ده اسامه المصري 

ساندي -: ده جديد ولا ايه 

علي -: لا ياستي انتي بس اللي بقالك كتير مش بتيجي ده ابن المليونير عيسي المصري 

ساندي بذهول-: أسامة عيسي المصري 

لما ساندي سمعت الاسم ده رن في دماغها (عيسى المصري)الراجل اللي كان السبب الوحيد في اللي دمر لها حياتها و السبب في موت ابوها ... استرجعت كل شريط احزنها قدام عنيها في لحظه وفضلت طول الحفله مركزه مع اسامه  و  بعد ما روحت اتكلمت مع  نهله...وكانت   عاوزه تعمل حاجه تطفي النار اللي جواها

#فارس احلامي

تكملة الروايه بعد قليل