 |
رواية البت السودة الكودة الجزء السابع
للكاتبة/حنان حسن
بعدما رجعت للبيت
وانا فرحانة
ان مشاكلي بدات تتحل..
اتفاجئت
بعدما دخلت...
ان عندنا ضيوف
ولما انحققت في الضيف الي كان قاعد
لقيتة (حمزة)
وكان واضح
انه قاعد بينتظرني
هو ...وبابا... وبياضة ...
وزوجة بابا
واول ما شوفت حمزة
جريت عليه
وقولتلة...
حمزة
الحمد لله انك رجعلتي
وقبل ما اقرب منه
وقفني حمزة
وقالي...
انتي مين؟
بصتلة بدهشة
وسالتة
قلت..
ايه السؤال ده يا حمزة؟
انت مش عارفني؟
رد حمزة
وقالي..
انا كل الي اعرفة...
هو... اني حبيت واحدة في البيت ده
اسمها سمارة
وسمارة دي لونها( اسمر)
ودلوقتي
انا شايف اتنين اخوات تؤام
والاتنين ...
لونهم ابيض
فين بقي سمارة السمرة
الي حبيتها؟
بعدما سمعت كلام حمزة استغربت
وسالتة
قلت...
انت عرفت ازاي موضوع السمار ده؟
رد حمزة
وقالي...
هوانتي كنتي فاكرة
اني هحب واحدة واجي اتقدملها؟
قبل ما اعرف عنها كل حاجة ولا ايه؟
قلت...
يعني انت يا حمزة
جيت تتقدملي
وانت عارف
انك هتتقدم لواحدة لونها اسود؟
رد حمزة
وقال...
لون سمارة الي حبتها مكنش فارق معايا
لاني حبيت الانسانة... والشخصية الجميلة
وعشانها حبيت اللون الاسمر
وعشقتها اكتر بلونها الاسمر
وكان حلم حياتي
اني اتجوزها
لكن بعدما كتبت كتابي عليها
رجعت عشان اشوفها
لقيتها اتفقت مع اختها التؤام علي خداعي
واتبدلت باختها التؤام
فسالته
قلت...وعشان كده انت اختفيت
يوم كتب الكتاب؟
ومبقتش ترد علي الموبيل؟
رد حمزة
وقال...ايوه
وكنت هفضل بعيد عنها وانا بتعذب ...
لاني حبيتها بجد
لولا... ان امي قالتلي
انها عرفت من زوجة ابوكم
ان واحدة فيكم غيرت لونها
وانا دلوقتي عايز اعرف
مين فيكم سمارة؟
وليه غيرت لونها؟
وقبل ما ارد عليه
ردت بياضة علي حمزة
وقالت...
انا سمارة يا حمزة
وغيرت لوني
عشان كنت خايفة لا لوني ميعجبكش
وتبطل تحبني
فا رد حمزة
وقالها...
ومين قال ان اللون الاسمر مش جميل؟
بالعكس....
ده احيانا البشرة السمرة
بتزيد البنت جمال
علي جمالها
فا ردت بياضة
وسالتة
يعني خلاص يا حمزة هترجعلي تاني؟
وقبل ما حمزة يرد عليها
صرخت فيها
وقلت... بطلي كدب يا بياضة
متصدقهاش يا حمزة دي بتكدب
انا سمارة...
وانا الي غيرت لوني
عشان اوصل لحبك
واتجوزك
في اللحظة دي
وقف حمزة بينا احنا الاتنين
وقالنا..
طيب اصدق مين انا دلوقتي؟ واكدب مين؟
ردت بياضة
وقالت..
صدقني انا يا حمزة
انا الي بحبك بجنون
فا رديت عليها
وقلتلها...
حرام عليكي يا بياضة
انتي بتعملي كده ليه؟
انتي عندك حياتك الي قدرتي تتكيفي معاها
وعمرك ما حبيتي حمزة
لكن انا مش عايزة الحياة بتاعتك
ولا العرسان الي بيجوا للصورة...
انا عايز واحد يحبني
زي حمزة
سيببلي حمزة يا بياضة ارجوكي
وهنا وقفت بياضة تزعقلي
وتقولي...
بطلي تمثيل يا بياضة
بقي كفاية
وفي اللحظة دي
صرخ حمزة فينا احنا الاتنين
وقال...
اسمعوا انتوا الاتنين
انا مش هتجوز غير سمارة
الي لونها اسود
فا توقفنا انا وبياضة عن الكلام
وسيينا حمزة يكمل كلامة
فا استرسل حمزة
قائلا
وانا شايف ان قراري ده
هو الي هيحسم الموضوع
في اللحظة دي
في اللحظة دي
حسيت انها فرجت
وبصيت لحمزة
وقلت...
ايوه صح كلامك يا حمزة
لان فعلا الي قدرت تغير لونها اول مرة
هي بس الي هتقدر ترجع لونها تاني
رد حمزة
وقال..
خلاص...
انا هنتظر سمارة الي لونها اسمر
واول ما ترجعلي
هتجوزها...
واخدها ...ونعيش بعيد عن كدبكم
فرحت بكلام حمزة اوي
وقلت لنفسي..
اني فعلا مشاكلي كلها انتهت
وخلاص...
بمجرد ما هرجع للوني الغامق
هتجوز حمزة...
وقررت اروح لشمعة
عشان اطلب منها
انها ترجعلي لوني تاني ..
وتاخد لونها الابيض
الي مخدتش من وراه غير تعب القلب
والمشاكل...
وخسارتي لحمزة
المهم..
خرجت من البيت اجري
عشان اروح لشمعة
لكن ...ملحقتش اروح لشمعة
لاني ...
بمجرد ما خرجت من البيت
شوفت سيارة ادام بيتنا
بتقترب مني
ولما بصيت بداخلها
اتفاجئت
بالشيخ نوايا
قاعد في العربية
ولما شافني ادامة
سالني
وقال..
ها؟..... ايه اخبار مشاكلك يا عروستنا؟
اتحلت كلها مش كده؟
هزيت راسي
وقلت...ايوة اتحلت
فا بصلي الشيخ
وقالي...
الجن دستور
نفذ اتفاقة معاكي
وجه عليكي الدور
عشان تتجوزي دستور الليلة
بصيت للشيخ نوايا الدجال
وسالتة..
قلت..هو دستور حدد شخصية الانسان
الي هيتجسد في صورتة
في ليلة الزفاف؟
رد الشيخ نوايا
وقال..ايوه
قلت ..ارجوك يا عم الشيخ
انا مش عايزاه يجيبلي حد غريب...
ولا حد شكلة ملخبط
ابتسم الشيخ
وقالي
متقلقيش...
الجن مينفعش بيتجسد غير
في شكلي انا
بصيت للشيخ نوايا برضا
وقلت...
ايوه كده طمنتني
كده بقي يبقي اتفقنا
لكن...
عندي طلب لو سمحت
قال..ايه طلبك؟
قلت..
تقول لدستور يديني فرصة .. وشوية وقت
عشان استعد للزواج
رد الشيخ نوايا
وسالني
وقال..
يعني يكفيكي فرصة كام ساعة مثلا؟
قلت...قول لدستور اني هاخد وقتي ...
و هاجي باليل
عشان نعمل دخلتنا
رد الشيخ نوايا
وقالي..
بس خلي بالك
لو خلفتي وعدك مع دستور
هتوصلي نفسك للهلاك
فا رديت ع الشيخ نوايا
وقلت..
طبعا فاهمة ...
ومش هخلف وعدي ابدا
فا تركني الشيخ ومشي بسيارتة
وبعد ما اتاكدت ان نوايا بعد بسيارتة...
روحت بلغت البوليس
عن الشيخ نوايا
ولما سالوني
قلت...
انه بيستغل شغلتة في السحر والاعمال
وبيغتصب البنات الي بتروحلة
تحت مسمي( رغبات الجان)
وعرفتهم انه بيهددني
اني لو مكنتش اروحلة الليلة
واقيم معاه علاقة
هياذيني
فا اتفق معايا الضابط
اني اروح للشيخ نوايا
في المعاد
وافهمة اني جاهزة
عشان انفذ الاتفاق الي بيني وبينة
وبالفعل ...
روحت ودخلت عند نوايا
وبعدما وقفت ادام نوايا
قلتلة...
قول لدستور اني جاهزة
فا ابتسم الشيخ نوايا
وعمل الشويتين...
واطلق البخور ...
وفضل يكلم نفسة شوية
وبعدها...نزع عنة ملابسة
واقترب مني
وقالي...اقتربي
وقبل ما يعمل الي في دماغة
اتفاجئ بهجوم رجال الشرطة علي البيت
وفي دقايق ...
قبضوا علي الشيخ نوايا وكل مساعدية
وفي اللحظة دي
اعتقدت اني بكدة اتخلصت من الشيخ نوايا (الدجال)
واخيرا انتهت كل مشاكلي
وفضلت امني نفسي واحلم
اني بمجرد ما هروح لشمعة...
وابدل لوني ..
هرجع لحمزة ....واتجوزة
ونعيش في تبات ونبات
ونخلف صبيان وبنات
وفضلت احلم باللحظة الي هيحصل فيها ده فعلا
وبسرعة روحت لغاية الجنينة
عشان اقابل شمعة
لكن لما وصلت بالقرب من الخيمة الخيش
لقيت ناس كتير متجمعين حوالين الخيمة
وكانهم...بيتفرجوا
علي منظر ملفت للنظر
في اللحظة دي
خوفت ...
وقلبي وقع في رجلي
وقلت ...
يانهار مش فايت
لا تكون شمعة ماتت؟
دا ساعتها مش هقدر اغير لوني الابيض
وحمزة مش هيتجوزني؟
فا قربت بسرعة من الخيمة
عشان اعرف في ايه ؟
واللمة دي ليه؟
وبمجرد ما اقتربت من الخيمة
شوفت شمعة بتنازع وبتتالم
وكان واضح انها تعبانة اوي
وفهمت ان الناس طالبين لها الاسعاف
فا جريت عليها
وقلتلها..
الف سلامة عليكي يا شمعة
ارجوكي قومي كده ...واجمدي ابوس ايديكي
حمزة ممكن يرجعلي يا شمعة
والحل في ايدك انتي
لو بادلتيني ورجعتيلي لوني الاسمر تاني
فا قومي بقي
عشان نتبادل الالوان
وفي عز ما شمعة كانت بتتالم
فتحت عنيها...وليقتها
ابتسمت
وقالتلي...مين ؟
سمارة؟
انتي بنت حلال
انا فعلا دلوقتي محتاجة اتبادل معاكي
لكن مش هتبادل الالوان
فسالتها
قلت..
امال هنتبادل ايه؟
وقبل ما شمعة تكمل كلامها
دخلوا رجال الاسعاف
و اخدوها معاهم ومشيوا
وفضلت انا واقفة محتارة
مش فاهمة شمعة كانت تقصد ايه بكلامها؟
تفتكروا شمعة عايزة تتبادل معايا ايه.........؟؟؟
لو عايز باقي احداث الرواية...صلي علي رسول الله
وطبعا مش هننسي
نضع عشر ملصقات..مع متابعة للمدونه في الأسفل
مع تحياتي
البارت الأخير من هنا
تعليقات
إرسال تعليق