 |
البارت الواحد وعشرون
#سيقان_في_الوحل
رايكم ونرفع الحلقه رجاء للتكمله برايك بلاش نقطه وتم
.........
صحي وليد الصبح ولبس تي شيرت اصفر غامق كاجوال انيق محدد عضلاته وبنطلون جينزاسود وكوتش اصفر في اسود ورحلهم بكل نشاط ودخل الشاليه شافها خارجه من المطبخ
حنان ببتسامه: خير يا وليد صاحي بدري يعني
وليد رد بابتسامة جميله: هما مالك وملك مش هنا اصل كنت عايز اسألهم لو يحبوا يروحوا معايا السوق نشتري لهم حاجات
حنان: لاء هما راحوا للسباحه فضلوا يزنوا عشان يروحوا واخدتهم نيره وانا رايحلهم بس اخلص الاكل الي علي النار
وليد: تمام هروح اطمن عليهم
حنان في سرها: والله اب حنون يا نيره
وليد سابها وراح لقاه صفيه معاهم في حمام السباحه ونيره قاعده بتشرب عصير ع تربيزه وقف من بعيد لما شافها رايحه عليها ويدخل في الوقت المناسب
منال: اهلا يا نيره عاش من شافك اما حته صدفه ياتري انتي هنا تغير جو ومين العيال دول شكلهم لطاف اوي
نيره اتفاجئت بوجودها واضايقت لما شافتها وانقلب وشها:بتعملي ايه هنا؟؟!!!
منال حركت خصلات شعرها بغرور: ابدا عندي تصوير اه يبقي ده منتجعك انتي كمان بس بجد لطيف
نيره قامت: صفيه
صفيه: نعم
نيره: خدي العيال لجوه حالا
ملك بعتراض: ليه احنا عايزين نلعب شويه يا ابله نيره
مالك برجاء: ارجوكي ابله نيره
منال: ابله نيره هما دول اخواتك الله مش انتي البنت الوحيده لعمو فهمي (حطت إيدها ع شفايفها بشهقه مصطنعه) لاء اوعي تقوليلي دول اخواتك من ام تانيه بس صغيرين مينفعش يبقوا اخواتك بس ممكن عيال اختك عيال اخوكي لايق اكتر
نيره لمحت حد مقرب منهم لفت بسرعه شافت وليد مقرب من التؤام
منال: ولا تكونيش اتبنتيهم عيال مين قوليلي دماغي وجعتني
وليد هنا قرب من الولاد: يله يا ولاد تعالوا كلو حاجه خفيفه ونرجع تاني يله بينا
التؤام هزو دماغهم بالموافقه وهو مد ايده واخدهم بلطف ورفع عيونه وبص لنيره بحنان قابلت نظراته ببرود ورجعت تبص لمنال بحقد
منال: ايه ده خلوكم انتي وليد تتصالحوا واظاهر ان وليد بيحب العيال اوي بس ياتري بسبب الاطفال انتي وهو رجـ
نيره قطعتها بجراءه وشده : ميخصكيش بس انا سعيده عشانك ان فيه حد لسه بيديكي شغل ولازم تحافظي علي الفرصه الي عطوهالك وتحمدي ربنا انك لسه بتشتغلي وبلاش تتصرفي بنفس الطريقه الي كنتي بتعمليها زمان ورمتها بنظرات من فوق لتحت باحتقار وسابتها ومشت
منال قهرها كلامها وبينها وبين نفسها: صعب الناس تتغير يانيره الاول كان نفسي ادفنك ولسه بفكر في نفس الطريقه وهدفنك
..........منه محمد......
راحتله واقتحمت الشاليه ودخلت عليه: وليييد
وليد فز من مكانه واقف:أيوه
نيره بوش خشب: ليه منال هنا انت الي جبتها مش كدا
وليد بقهر: انا اصلا معرفش انها هتكون هنا بس لما عرفت حاولت احميكي انتي والاولاد
جمال جه من وراها :فعلا دي مش غلطه وليد
بصت نيره لجمال مستفهمه
جمال تابع كلامه:الوكاله بتستخدم موقعنا تصوير اعلان تجاري وغيروا الموديلز فجأه كنت عايز ابلغك بس لو مضايقه ممكن افركش كل ده حالا
نيره: لاء مفيش داعي طالما ده مهم للمنتجع عادي انا بقدر افصل بين الشغل والامور الشخصيه عن اذنك
جمال بصله وضحك: الحمد لله لحقتك قبل تفجير القنبله
وليد بزعل:والله مهما تقول انا الي وري اي مصيبه في عينها
جمال نغزه في كتفه: بس انت يا بطل قادر تغير نظره عيونها
وليد :تسلم يا جمال
جمال :بس قولي هو حصل حاجه لما نيره شافت منال
وليد: لأ محصلش بس لسه قلقان منها اصل شخصيه زي منال مش بتستسلم بسهوله بس انا هحمي نيره والاولاد بكل قوتي
.........منه محمد......
في الكافيه نسيت انه قاعد وردت علي الموبيل بكل اريحيه
مريم بحمقه: بنت التعالب هي عندك
ولفت بصتله وكملت: اقفلي هكلمك انا حاليا مشغوله فيه واحد مجنون في الكافيه
هشام اتفزع وقام: فين الراجل المجنون
مريم بستنكار: انت طبعا قولي قاعد بتعمل ايه ده كافيه مش مكتب ساعدتك
هشام ضحك: زهقت من المكتب الجو مزعج والكل مزاجه متعكر وابويا بيزعق انا هنا بشتغل بمزاج واخر روقان
مريم برطمت بكلام مش مفهوم وهي مش عاجبها وضعه!!!
هشام ابتسم علي اسلوبها وسألها:بتكلمي نفسك بس قوليلي كنتي بتكلمي مين من شويه وليه تعبيراتك وشك اتفاجأت ايه هو الموضوع
مريم بطرف عينها:هو الفضول حيموتك لو معرفتش
هشام كشر من كلامها الي بتحدفه عليه زي الدبش
مريم: يله لم حاجاتك وامشي حالا
هشام كشر: انتي ليه دايما تطرديني
مريم: لانك لو فضلت قاعد كدا ليل مع نهار هدفع نوروميه كتير
هشام طلع الفيزا وحطها في كف ايدها: خدي وهاجي كتير وهقعد براحتي وكدا مش هتقدري تطرديني يا بخيله
مريم نفخت بعصبيه :انت بارد وتنح ومجنون بجد مجنون انا ليه قابلتك في طريقي
هشام عملها حركات بوشه مستفزه وتنرفز
مريم قامت ورفعت فونها من ع الطربيزه:أروح أتكلم في التلفون أحسن
وقامت وسابته قبل ما تخبطه بكوبايه وطلعت تتصل بنيره
مريم :ها بتعمل ايه زفته منال عندك
نيره :جايه بتصور اعلان
مريم :بس خدي بالك يانيره لتعمل حركه كدا ولا كدا
نيره :متقلقيش عشاني انا قويه بما فيه الكفايه واقدر اتعامل مع الاشكال دي
مريم :تمام وطمنيني بالنسبه لوليد انه قرب من ولاده ع انه صاحب ومش ابوهم
نيره: اطمني كله تمام والعيال مبسوطين معاه
مريم :كنت عارفه والله حلو استمري عشان العيال اي نعم انا معنديش ولاد بس عارفه ان سعادتهم في وجود ابوهم جنبهم يا بنتي الأمان رب ثم أب
نيره بسخريه: لا عارفه كويس وبتقولي حكم
مريم ابتسمت:نيره لازم تخالي مالك وملك يعرفوا مين هو وليد
نيره بنرفزه: لاء ده كل اي اقدر اقدمه
مريم نفخت بضجر:خلاص الامر في ايدك بس وليد مش هيسيبك في حالك حتي لو كتبتي كلمه بتكرهيه بوسترات وعلقتيها في الشارع
نيره :مش هبقي طريه ولا لينه مهما حصل
مريم :انا اهوا وانتي اهو وهنتظر ونشوف
نيره بنرفزه:مررريم انتي صديقتي انا مش صديقته هو الله
مريم ضحكت: عشان كدا عايزه ارجعلك عقلك صدقيني هتلاقي الحب الحقيقي لو اتنازلتي شويه عن كبريائك
نيره اتنهدت قهر:هقفل السكه
مريم ابتسمت:عنيده يانيره عنيده يله اقفلي سلام
.........منه محمد........
قدام البحر تربيزه كبيره للاستعداد لوجبه الغداء
حنان :كدا الاكل جاهز
صفيه: الله ريحته حلوه اوي يا دكتوره
حنان: انا يا بنتي شيف وافتخر
نيره قربت عليهم :بتعملوا ايه واول ما شمت ريحه الاكل بعدت بسرعه
حنان ببتسامه:حبيبته قلبي جيتي في الوقت المناسب ممكن تجيبي الولاد عشان ياكلوا هما ع الشط بيلعبوا مع وليد
نيره: خالي صفيه تجيبهم
حنان :لاء صفيه محتجالها في المطبخ يله روحي انتي
نيره كشرت:انا هبدل مع صفيه
حنان: يله نيرو هاتيهم صفيه يله معايا للمطبخ
صفيه: حاضر جايه اهو
نيره مشت مبوزه لقتهم بيلعبوا معاه علي الشط وقفت تتفرج عليهم بستمتاع
وليد :تعالوا هنا ايه رايكم نلعب لعبه الدغدغه عارفين ازاي نلعبها
وفضل يدغدغ فيهم وهما يصرخوا ويجروا منه
وليد عمال يجري وراهم ويحلق عليهم: تعالوا هنا مسكتكم
والعيال تصرخ ووليد رفعهم علي ايده وفضل يلف بيهم ونيره تبتسم عليهم وع سعادتهم الكبيره معاه
ملك لمحتها: نيره تعالي العبي معانا
مالك: تعالي اللعبه حلوه اوي
ووليد شاورلها تقرب منهم
نيره قربت منهم ووليد مصوب عينه عليها ويبتسم ونيره خفق قلبها بقوه ووشها احمر من نظراته
ملك مسكت ايدهم وحطتهم فوق بعض : الامير لقاه الاميره عشان كدا الاميره مش هتعيط تاني
نيره حكت رقبتها بارتباك وبصتله عمال يحرك حواجبه ليها بيغيظها وعلى شفايفه ابتسامه حلوه فهمت نغزته واتغاظت منه بصتله ببروووود ولفت وشها عنه وليد قرب ومسك ايدها جوه ايده والتؤام صقفوا وينطوا لفوق ووليد ونيره ابتسموا علي حماسهم
وليد: لسه زعلانه مني
نيره: انا مش زعلانه انا بكرهك
مالك :بتتكلموا في ايه احنا عايزين نلعب
نيره ابتسمت لهم:ولا حاجه ويله عشان ناكل وترتاحو شويه من الحر ونلعب تاني كلنا
التؤام حضنوها بفرحه ووليد اتسحب وجه من وراها وضمها لحضنه ونيره اتخضت وبصتله ورفعت حاجب بمعنى :نعم عاوز ايه
وليد بضحكه: عايز احضنك زيهم
نيره كشرت بضيق:انت ابعد
وليد رفع حاجب وبغلاسه :ليه ماالعيال حضنينك
نيره بنفعال :هما يحضنوني انما انت لاء
وليد بعناد وأصرار:بس انا عايز احضنك بقي
نيره ضربت الأرض برجليها بغيظ : قلت ابعد لكسر لك ايدك
وليد بغمزه:وانا مش منقول من هنا حتي لو جبت لي عنتر ابن شداد امال لو بقولك هاتي بوسه
نيره: بوسه باستك عقربه
وليد بسخريه: هو انا بحب حجر ولا ايه
منال جات وشافت المنظر وليد لافف ايده الاتنين ع وسطها بتملك وهي داخله في صدره الحنون الطاغي حاولت تبعده عنها وكل خليه في جسمها ترتجف بس هو رفض وعاند
منال لنفسها: هما دول بيلعبوا اسره مع بعضينا ولا ايه وطلعت الموبيل وصورتهم ورمت عليهم نظرات كره وحقد وانتقام ورجعت ابتسمت بخبث
.........منه محمد.........
الكل متجمعين علي التربيزه
وليد قشر الجمبري: دي لملوكه ودي لمالك
جمال: امبارح جم بيتي وعسكروا فيه شكلهم حبوه صح ياولاد
مالك: بيتك جميل اوي ياعمو
ملك :اه علي البحر ع طول
مالك :نقدر نيجي عندك تاني
جمال ببتسامه: طبعا يا حبايبي في اي وقت وياريت تجيبوا دكتوره حنان كمان هكون مبسوط ومرحب بحضرتك
حنان ببتسامه ناعمه:شكرا لذوق حضرتك
نيره الي من اول ما قعدت وهي عايزه تتقئ ووليد لاحظ انها مش بتاكل: وليد شكله هيقشر الجمبري لريري هي كمان
نيره بضيق:مفيش داعي مش بحب الجمبري
وليد طنشها وصمم وقشرلها وحطلها في الطبق قدامها نيره بصتله بغل وغيظ وحطت ايدها على بؤها وقامت بسرعه تجري ع الحمام
وليد قام من علي سفره الاكل بخوف: انا رايح اشوفها
حنان :عن اذنك يا استاذ جمال صفيه خدي بالك من الاولاد
صفيه :حاضر عيوني
جمال الي قام وراهم ووقف بعيد يطمن
وليد دخل الحمام وخبط ع الباب: نيره مالك
نيره بتتقئ بصوت عالي
وليد خبط تاني اسرع: نيره ممكن تفتحي الباب
حنان: نيره افتحي لعمتك حبيبتي
نيره فتحت الباب وحاطه منديل علي شفايفها ووشها شاحب
حنان: نيره انتي بخير
نيره بصعوبه من التعب: ايوه بخير
حنان مسكتها: يله بينا لازم ترتاحي
نيره خارجه معاها ومره واحده عيونها زغللت وداخت وليد لحقها بسرعه هو وحنان وجمال التزم الوقوف من بعيد
وليد: ناخدها مستشفي
حنان :لاء ملوش لزوم نسيبها ترتاح شويه وهتتحسن
حنان اخدتها لغرفتها هو عيونه مش مفارقه باب غرفتها شويه وخرجتله
وليد بخوف ولهفه :طمنيني عامله ايه دلوقت
حنان :بقت احسن دوخه خفيفه تقريبا قله نوم وارهاق
وليد: بس انا قلقان عشانها ممكن ادخل اشوفها
حنان بتردد:طيب لو صحيت وشافتك
وليد :اوعدك اقعد جنبها بهدوء ومش هضايقها
حنان: تمام ادخل
وليد ابتسم بفرحه:شكرا
حنان بينها وبين نفسها :ربنا يستر ومتصحاش تديلو علقه موت
.........منه محمد.........#سيقان_في_الوحل
في الكافيه
مريم بملل: انت مروح امتي بيتكم انا لازم اقفل الكافيه
هشام رفع عيونه وبصلها: هتقفلي بجد لسه بشتغل ويادوب بدئت اندمج واستمتع
مريم :يظهر لوحدك الي مستمتع لان انا مش مستمتعه خالص بالامر
هشام: تحبي تستمتعي
مريم بخبث: نستمتع سوي
هشام مسك صوابع ايدها وابتسم: ياريت
مريم قربت منه وضربته بالروسيه جامد: خد استمتاع ايه رايك في الاستمتاع عجبك صح
هشام اتالم واتغل منها ومسكها من طرف بلوزتها واتكلم بعصبية : كنت هعزمك ع العشي ليه الغدر ده والحركه الطايشه دي اياك تعيديها ماشي
مريم هزت راسها بالموافقة عشان يسيب البلوزه وفعلا سابها هشام
مريم شخطت فيه: قوم روح كول لوحدك لو كنت عايز
هشام :بس انا جعان وانتي كمان زي
مريم: ايش عرفك هي معدتنا مرتبطه ببعض وانا معرفش
هشام :لاء بس الطعم مش هيبقي لذيذ لما أأعد اكل لوحدي
مريم :وانا مش بهارات عشان يبقي لذيذ لما اروح معاك
هشام :طيب عشان خاطري تعالي معايا لان انا راشق هنا (مسك ايدها برجاء) من فضلك يا مريومه
مريم: انا مش جعانه (بطنها عملت صوت)
هشام ضحك وصقف: اظن كدا هتيجي معايا ها تحبي تاكلي ايه يا قمر
مريم :اي حاجه متفرقش يله خف لم كراكيبك دي
هشام تابعها بعيونه وهي بتبعد عنه وقلبه كئنه غاص بين ضلوعه
مريم لفت وبصتله بنص ابتسامه: يله خف
هشام فاتح بؤه ومبسوط عالاخر : اهو حمامه
........منه محمد........
وليد دخل ملهوف عليها لقاها متسطحه ع السرير قرب ومسح ع شعرها بهدوء وقعد جنبها ع الارض ومسك ايدها بحنيه: هستناكي لليوم الي تسامحيني فيه وهنبقي عايله كامله(باس ايدها برقه ولطف) انا بحبك بجنون نيره فضل يكلم فيها وعيونه تتأمل ملامح وشها الشاحب لحد ما عيونه غفيت وهو لسه حاطط دماغه علي حرف السرير تلفونها رن قامت عشان تاخده اتفاجئت بيه انه نايم حاولت تميل بجسمها بشويش وتاخد الموبيل من ع الكمدينو هو حس بحركه ومعاها ريحه حلوه اخترقت كل حواسه فتح عيونه وقام بقي وشه في صدرها بصتلو وارتبكت من نظره عيونه واتعدلت بسرعه
وليد ابتسم : خدي موبيلك
نيره ردت: ايوه يا بابا صباح الخير
فهمي: نيره حالا تكوني في البيت حالا
نيره قامت من مكانها مفزوعه:فيه حاجه يا بابا
فهمي: قلت ارجعي وقفل في وشها الخط
نيره ملامحها اتغيرت وشكلها مضايق جدا
وليد استغرب: ايه الي حصل
نيره كشرت فيه لقت صوت مسدج فتحته وشافت الفيديو وهو حضنها من وسطها وقلبها رجف ومات من الرعب وليد قرب وشاف الفيديو وسابها وخرج شايط وراح للغرفه الي كانوا فيها فريق الاعداد ومنال وسأل العامله: فين الضيوف الي كانوا هنا
العامله: مشوا النهارده الصبح
كور كف ايده واتك ع سنانه وعيونه قلبت كحد الجحيم
جمال بيجري وراهم وبيسأل : فيه ايه يانيره
نيره: بعدين نتكلم مش وقته
وليد الي راجع ولسه بيلف لقاه نيره وحنان بيجروا بخوف وواخدين التؤام وبيركبوا العربيه وجمال جنبهم نداه عليها بصوت عالي وطلع يجري وراهم
نيره: يله ياعمتو سيبك منه واطلعي بسرعه
جمال بستغراب: وليد في ايه,, ايه الي حصل
وليد وواضح إنه ع اخره : الزفته منال بعتت فيديو ليا ولنيره والولاد وفهمي عرف ان انا ونيره سوي
جمال فتح عيونه: ايه
وليد عيونه حمر من كتر العصبيه: حتي لو معملتش ده اليوم كانت هتلاقي اي طريقه تأذي بيها نيره وكدا احسن خالي الاقنعه تنكشف والحقيقه تتعرف وانا مش هخالي الموضوع يعدي بسهوله
جمال: وليد اهدي ارجوك هروح اشوف الناس وارجعلك استناني نفكر سوي
وليد لقاه موبيله رن فتح الخط لقاه صوت بركان وانفجر فيه:ايه الجنان ده رجعت وبدل ما تيجي تشوفني روحت للبنت دي انت فعلا ابن جاحد
وليد عقد حواجبه بدهشه: انت عرفت ازاي؟؟
جلال: منال كتر خيرها بعتت لي الفيديو هو انتم بتحبوا في بعض ومعاكم شويه عيال معرفش جبتهم منين تعال عندي حالا المكتب محتاجين نتكلم
وليد قفل وحس بالندم مسح على وشه وجواه يتوعد لمنال لانها هي السبب رجع اتصل بجالا الي طبعا هرته سلامات لما زهقته في عشته وفي الاخر طلب منها تجبلوا عنوان منال ضروري
........منه محمد........
عند فهمي كان الوضع متكهرب كانت ثريا قاعده تفرك ايديها ببعض
فهمي بحده: ايه الجنان ده قولتلي انت نيره هتتجوزه فهمني ليه نيره مع وليد
خالد بهدوء: اظن لازم نستني لما توصل نيره وتفهمنا يمكن الموضوع مش زي ما بنفكر
فهمي بنفس الحده: انت ايه حكايتك قاعد هادي كدا بعد ما شوفت ده بعينك انت مخبي عني حاجه انت ونيره
خالد اتوتر وخاف: لاء يافهمي بيه انا منتظر اسمع تفسير الاول جايز اتقابله صدفه حضرتك عارف مين بعتلك الفيديو حاسس ان فيه ان في الامر
فهمي :معرفش بس الي بعت الفيديو نيته سيئه ناحيه بنتي بس انا هكون صارم وحازم مع نيره المره دي
دخلت نيره مع حنان فهمي بدون اي كلام فجأها بقلم ع وشها: قوليلي اخبي وشي فين بنتي الوحيده واقفه تتمسخر مع وليد ليه مش قادره تصوني كرامتك ليه قوليلي
نيره الدموع اتحجرت في عيونها من قوه القلم ده غير الالم النفسي
ثريا شدته: فهمي براحه واديها فرصه تفهمنا كمان
حنان وقفت قصاد نيره قبل ما يتهور عليها تاني: الموضوع مش زي ماانت فاهم نيره لازم اقوله الحقيقه قبل ما الامور تتعقد وتسوء
نيره ردت بسرعه عشان تمنعها: قابلت وليد هناك بالصدفه والاستاذ جمال هو الي طلب انه يجي ويساعده في المنتجع واتقابلنا صدفه
خالد: معني كدا انها مقبلتوش متعمده وانا واثق في كلام نيره
نيره :بابا صدقني ارجوك عمري ما اتصرف بحماقه والطخ سمعتي
فهمي بحده: ليه ممنعتوش يقرب من الاولاد كان لازم تفضلي بعيد عنه
حنان: بس الولاد ووليد اتقابلوا كذا مره والعيال متعلقين بيه وهيزعلوا لو منعتهم عنه
فهمي بعصبيه وصوت عالي:انا قولت كلمتي يا حنان متخلهوش يقرب من ولادك من اللحظه
حنان بتحاول تمتص غضبه :حاضر يا خويا حاضر
خالد حب يولعها: بس الغريب انهم اتقابلوا فجأه اظن ان وليد عرف ان نيره في المنتجع ورحلها لهناك
فهمي ضيق عيونه: كلام منطقي ووليد من النوعيه الي مش بيستسلم ابدا راح وراها هناك
خالد: ومش بعيد يكون هو الي وري الفيديو لانه عمل ده قبل كدا واكيد سلط حد يصور ويعته لينا يحرق دمنا او يكون جلال عشان يدمر سمعه نيره
مسكت نيره نفسها لاتلف تضربه من كلامه
فهمي: اي ان كان هو مين المسأله دي لازم تنتهي انا مش قادر اتحمل فضايح وحرقه دم تاني بعد كدا نيره هتتجوزي انتي وخالد بأسرع وقت ممكن
نيره واقفه ساكته مقهوره غمضت عيونها بألم لان مش طالع بايدها حاجه وافتكرت كلامه وتهديده === يبقي انتي كمان اوعديني انك مش هتتجوزي خالد والا هقول للدنيا ان التؤام ولادي
خالد مسك كف ايدها مبسوط وبيرقص جواه من الفرحه : تمام انا ونيره هنتجوز في اسرع وقت لاني بحب نيره ومش هسمح لـ اي حد يمس سمعتها تاني
فهمي بنظرات حازمه : مسمعتش ردك
نيره بغصه ما كانش منها إلا تنفذ امره ردت بهدوء: حاضر يا بابا هتجوز منه في اسرع وقت ممكن
حنان من جواها نار تغلي على نيره: نييييره
نيره ضغطت ع إيد حنان بقوه وثريا عيونها دمعو وفهمي حس ان كلهم مش موافقين وخالد الي مبسوط لكل الي حصل لان ده هيصب في مصلحته هو
........منه محمد......
جلال: قولي هي البت دي عمتك لدرجه بقيت مفتون بيها لدرجه تدهورحالتك بالشكل ده وتسيب ابوك وامك قولي ايه الي في البت دي عن غيرها من النسوان
وليد بهدوء رغم جواه مخنوق: اتكلم في الي يخصك وبس
جلال بعصبيه :ازاي قدرت تعمل فيا كدا ازاي تتجرء يا ولد وتخوني ولا نسيت اني ابوك
وليد حط ايده الاتنين وري ضهره ووقف في وشه بثقه:قولي معلوماتك عن الابوه لو كنت قصدك الاب الي سببه اني موجود فأنا كأبن وصلتك لفوق مع شركتك واظن انا اتحملت غلطتي في منتجع ستارت باستقالتي ومفيش شغل تاني بينا
جلال: لاء انا لسه محتاجلك وانت هترجع الشركه واوعي تفكر انك حتبقي سعيد مع بنت فهمي لانك ابني الي لا يمكن يقبل بيه فهمي زوج لبنته
وليد: انا هحل ده بنفسي بس لو اتدخلت فيه اوعدك ان دريه هتعرف سرك
جلال بزعيق: انت بتهددني يا ولد
دريه دخلت بهجوم واندفاع: انت ايه الي رجعك هنا تاني
وليد لف وبصلها بستخفاف وسابهم ومشي ودريه لسه هتتكلم جلال همشها وراح قعد ع المكتب وحط ايده علي راسه من القهر(((من لا يستطيع أن يقوم بواجب الأبوة لا يحق له أن يكون اب)))
رايكم وتعالوا نشوهه منال بميه النار ونبوظ الفرح ونضرب كرسي في الكلوب
يتبع
تكملة الروايه من هنا هنا
تعليقات
إرسال تعليق