 |
قمر... بابااااا باااابي انت يا حج ما ترد اله
الوالد (مازن )..... في ايه يا بت الجزمه بتصوتي علي الصبح ليه وامك فين
الام(سندس)... الجزمه وراك يا حج
قمر بضحك.... هههههه الحق دي سمعتك هههههه
مازن... هو يوم باين من اوله اصلا
سندس.... ادخلي يا جزمه جهزي نفسك علشان تروح المستشفي لحد ما اجهز الفطار جتك القرف مش عارفه واحده بالهبل ده بقيت دكتوره ازاي
قمر بفخر... معاكي الدكتوره قمر مازن الشرقاوي اهم دكتوره علاج طبيعي في مستشفي( نبضات قلب الخاصه)
مازن.... ربنا يوفقك يا قلب ابوكي
قمر... حبيبي انت يولا اما الوليه دي ولا اعرفها
سندس.... شكل ابو ورده وحشك صح قولي مش تتكسفي
نسيب العيله المجنونه دي شويه
----------------------
في فيلا من اهم فيلات الاسكندريه انها فيلا الشاذلي
احمد... يبني ونبي ريح قلبي وتعاله نروح نكشف
رعد.... قلتلك للمره الالف لا يعني لا ، كفايه بقااا حرام عليكم اطلعو براااا برااااا وفضل يتحرك بالكرسي بتاعه ويكسر كل حاجه قدامه
احمد..... يا رب اهدي ابني وريح قلبه هو تعب قوووي
ميرا من خلفه.... متخفش يا عمي انا هدخل احاول اتكلم معاه
احمد.... شكرا بس يا رب يرضي،
ميرا.... ازعل كده يا عمي ده انت في مقام بابا ورعد ابن عمي
احمد... ربنا يخليكي لينا
في المستشفي
------------
مي... بت يا قمر الدكتور معاذ عاوزك
قمر.... استغفر الله العظيم يا رب لسه بنقول اصتبحنا لقيتك في وشي يا وش الفقر وماله دكتور زفت عاوز ايه مني
مي.... والله ما اعرف يختي روحي شوفيه انتي
قمر..... تمم يا بقرتي
وبالفعل قامت قمر من مكتبها واتجهت الدكتور معاذ وخبطت
معاذ... اتفضل
قمر... نعم يا دكتور
معاذ.... بصي يا دكتور قمر في حاله صاعبه محتاجه علاج طبيعي وهو شخص مشهور رعد الشاذلي
قمر... اه سمعت عنه اصغر رجل اعمال في مصر والشرق الاوسط
احمد من الخلف.... وعمل حادثه بقاله 6 سنين ولحد دلوقتي مش قادر يمشي ومش عاوزه يعمل علاج طبيعي
معاذ... احمد باشاا اتفضل
احمد... شكرا وموجه كلامه لساندي بصي يا بنتي انا سمعت عن شطارتك وقد ايه انتي ناجحه في مجالك علشان كده هطلب منك طلب
قمر.... اتفضل يا احمد باشا
احمد... معاذ ممكن تسبنا لوحدنا شويه
معاذ.... تحت امرك يا باشا وقام بالخروج
قمر..... بصي يا قمر انا مكنش ليا في الدنيا ديه غير مراتي نبض اللي وقفت في ضهري وبقت سندي ولما ولدت رعد ابني ماتت يعني يوم ولاده رعد كان يوم حزين وسعيد ليا لان حب عمري ماتت وابني اتولد وجه علي الدنيا المستشفى دي هيا نفس المستشفي اللي رعد ابني اتولد فيها علشان كده اشتريتها وخليت اسمها نبضات قلب لاني كنت بعش نبض
قمر بدموع... الله يرحمها
احمد.... انا حاليا مليش غير رعد ابني ومحتاج حد يساعده في حياته ويبقي معاه علشان كده ملقيتش غير ديما لما كنت بجيب ممرضين ليه مش كانو بيستحملوه لحد ما دكتور معاذ شكر فيكي وانا الصراحه دورت وراكي وعرفت انك وحيده برده ملكيش غير ابوكي وامك وغير كده شطره في شغلك علشان كده كنت عاوز اطلب ايدك ل رعد ابني
قمر بصدمه... ايه ازاي
احمد.... هتتجوزيه بس لحد ما يتحسن انا عارف انك هترفدي تفضلي عايشه في نفس البيت معاه وتبقي دكتوره خاصه ليه علشان كده قلت تتجوزو ويبقي جواز علي ورق بس ايه رايك ارجوكي وافقي
قمر بتردد... طب ممكن تديني فرصه افكر لو سمحت
احمد... تمم يا قمر
عند رعد
---------
رعد بصوت عالي وغضب.... قلتلك قبل كده مشوفش وشك في الاوضه بتعتي اطلعي بره
ميرا بدلع.... ليه بس يا رعودي ده انا بحبك وبتمشي بايدها علي جسمه
رعد بقرف وبيزق ايديها.... ابعدي عني انتي مش محترمه اطلعي بره
ميرا بخوف.... ح حاضر
رعد بعد خروج ميرا...... اووووف يا رب انا تعبت والله تعبت قوووي
في بيت قمر
---------
قمر وبتفتح الباب.... السلام عليكم
سندس.... هيا مين دي يا مازن دي مش قمر بنتك الهبله
مازن.... البت شكلها وقعت علي دماغها وهيا جيه
قمر بهدوء.... كل ده علشان قلت السلام عليكم
سندس.... ايوه مش متعودين علي الاحترام ده
مازن... مالك يا قلب ابوكي متغيره ليه
قمر... في حاجه عاوزه احكيها ليكم
سندس و مازن.... خير
قمر.... حكت ليهم كل اللي حصل، وبس كده
سندس بحزن... رينا يشفيه ويعافيه يعيني عليك يبني فعلا ربنا مش بيدي للانسان كل حاجه
مازن... فعلاً والله، بس انتي رايك ايه يا قمر
قمر... والله ما عرفه يا بابا بس احمد بيه حط امله كله فيا انا
خلص البارت عارفه انه صغنن بس تتعوض لو لقيت تفاتل ممكن انزل كمان بارت 👈👉
#بقلمي
#يتبعsarahmahmoud
ŸÄŚÖÖ MÄȞMÖŮĐ
البارت التاني 🥀🔏
وقعت في حب عاجز 😌♥
----------------------
وقفنا البارت اللي فات لما قمر حكت لاهلها علي اللي حصل معاها وطلب احمد بيه منها يا تري هتوافق ولا لا وده اللي هنعرفه البارت ده يلا نبدأ
تاني يوم
-------
صحيت قمر من النوم وقامت اخدت شاور و قامت بالوضوء والصلاه وبعدين طلعت فطرت و راحت علي المستشفي وطول الوقت بتفكر هتعمل ايه مع عرض احمد بيه وصلت قمر المستشفي ودخلت علي مكتبها وفضلت سرحانه كتير لحد ما سمعت صوت الباب بيخبط
قمر... اتفضل
احمد... يزيد فضلك يا رب
قمر... احمد بيه اهلا وسهلا بحضرتك اتفضل اقعد
احمد بابتسامه.... ها يا قمر فكرتي في اللي قلتلك عليه
قمر..... احم الصراحه انا قلت لاهلي وهما قالو الاختيار اختياري انا والصراحه مفيش حل تاني غير اني اوافق
احمد بفرحه.... بجد يعني هتساعديني
قمر بابتسامه.. ايوه يا احمد بيه بس في حاجه
احمد... اولا انا هبقي ذيك والدك ف ممكن تقولي ليا يا بابا او عمي ثانيا ايه هيا الحاجه دي
قمر... يعني كنت عاوزه اعرف طبعه و ليه معملش العمليه او العلاج الطبيعي
احمد.... رعد طيب وحنين اوووي ذي والدته الله يرحمها و بالنسبه للعمليه هو مش عاوزه يعملها لان فاقد الامل اووي انها تنجح
قمر.... تمم يا بابا
احمد.... طب يلا علشان توصليني ل والدك واطلب ايدك
قمر... تمم يا بابا
وبالفعل قمر اخدت احمد و طلعو علي بيتها واتفقو يكتبو الكتاب اخر الاسبوع اللي هو الجمعه بحيث يتكلم مع رعد
في فيلا الشاذلي
---------------
احمد... رعد ممكن ادخل
رعد.... اتفضل يا بابا
احمد... جهز نفسك كتب كتابك يوم الجمعه
رعد بصدمه.... نعم ده اللي هو ازاي
احمد... ذي الناس شفت بنت واعجبت بشخصيتها واخلاقها ف طلبت اديها ليك لا وكمان دكتوره علاج طبيعي يعني هتساعدك
رعد بغضب..... ودي جايه علشان فلوسي ولا علشان تساعدني
احمد.... الجواز ده هيبقي علي الورق ودي ذي ثفقه لحد ما ربنا يقومك بالسلامه هتكون معاك خطوه ب خطوه
رعد.... ويا تري عطتلها كام
احمد.... ولا مليم هيا قبلت تساعدك لانها بنت ناس، و اه الجواز ده علي ورق ومحدش يعرف عنه حاجه غير انا وانت وقمر واهلها بس اما بالنسبه للباقي هتتعملو كانكم متجوزين بج
رعد.... اما نشوف اخرتهااا
احمد... انا رايح الشركه سلام
رعد... سلام
عند قمر
-----------
مازن.... تعالي يا قمر هنا
قمر.... نعم يا بابا
مازن.... متاكده يا حبيبتي من قرارك ده
قمر... ايوه يا بابا، وبعدين احمد بيه حط كل امله فيا و لحظت الفرحه اللي في عنيه لما وفقت قلت انا اللي بعمله صح
مازن.... ان شاءالله خير يا حبيبتي
عدي اسبوع من غير اي احداث غير ان قمر بتحضر الحاجات اللي هتخدها معاها لما تتجوز وبتخلص شغلها في المستشفى و رعد كالعاده حابس نفسه في الجناح بتاعه بقاله 6سنتين واخيرا جه معاد كتب الكتاب واللي هيكون في فيلا الشاذلي بسبب حاله رعد
في فيلا الشاذلي
--------------
احمد.... اتفضلو يا جماعه نورتونا
مازن.... ده بنورك يا احمد
احمد موجه كلامه ل قمر..... بسم الله ما شاءلله الهم بارك
قمر بخجل... شكرا يا بابا و قامت بطبع قبله علي يده
(فكانت ترتدي قمر فستان باللون الاسود مع حجاب باللون اللون الاحمر وحذاء بكعب عالي باللون الاحمر وكانت تضع بعض اللمسات من المكياج)
احمد.... طب انا هطلع اجيب رعد
قمر.. احم ممكن بعد اذنك يا عمي اطلع اتكلم معاه الاول
احمد... طبعا يا حبيبتي وكده كده المأذون لسه موصلش، يا سناء يا سناء
سناء (الخادمه).... نعم يا احمد بيه
احمد... خدي قمر و وصليها لغرفه رعد
اخدت سناء قمر و وصلتها غرفه رعد وكانت في الدور التاني لان الفيلا عباره عن 3 ادوار، الدور الاول او الارضي عباره عن مكتب احمد والمطبخ وريسيبشن وغرفه المعيشه وغرفه السفره وغرفتين للضيوف، اما الدور التاني عباره عن الجناح بتاع رعد وجناح احمد وجناح اضافي وغرفه رياضه، والدور التالت نفس الدور التاني بس لعم رعد، راحت قمر ل رعد وخبطت علي الباب
رعد.... ادخل يا بابا
قمر... احم احم انا مش والدك انا قمر
رعد موجهه نظرهه لمكان الصوت واتصدم من جمال قمر ولبسها المحتشم وكان مش مصدق ان دي مراته لانه كان متخيله شخصه متهوره وطماعه وهتتجوزه بسبب الفلوس بس
قمر بخجل من نظراته... ممكن اتكلم مع حضرتك شويه
رعد.... طبعا اتفضلي، عاوزه تتكلمي في ايه
قمر....
خلص البارت يا تري قمر هتقول ايه ل رعد وهل هيحبو بعض ولا لا
500 كومنت او لابك و هنزل كمان بارت
#يتبع
#بقلميSarahmahmoud
ŸÄŚÖÖ MÄȞMÖŮĐ
تعليقات
إرسال تعليق