 |
البارت العاشر
£ متأكده انك حامل فالشهر الخامس ؟!
-ايوه
£ السونار عندي بيوضح انك حامل فبدايه الشهر التاني
بصدمه - ازاي !!!
£ تعالي حتي بصي فالسونار و شوفي
بصت عليه و فعلا كان الجنين يعتبر متكونش اصلا
-ايوه فعلا .. تمام يا دكتوره شكراا
وخرجت من العياده وهي مصدومه
معني انها حامل فبدايه الشهر التاني يعني حامل من مروان .. طب ازاي و الدكتور قالها انها حامل من خمس شهور .. دماغها لفت ومكنتش فاهمه حاجه
قررت تروح المستشفي الي كشفت فيها سعتها و عرفت انها حامل .. كان الدكتور الي كشف عليها زميلها اصلا ( كشفت فمستشفي مازن وقتها عشان كانت اقرب مستشفي لبيتهم )
راحت المستشفي و سألت عليه فالاستقبال بس قالولها انه ساب المستشفي من حوالي ٣ شهور … توقيت قريب من التوقيت الي قالها فيه انها حامل .. خمنت ان مازن كان متفق معاه يقولها كدا .. هو يمكن اغ *تصبها بس مبقتش حامل منو
رجعت للدكتوره تاني
-معلش يا دكتوره بزعجك بس هو انا عندي غشاء بكاره !!
£ ايوه عندك سميك ف لازم يتفض بعمليه او لما تولدي طبيعي
هنا نور فهمت كل حاجه .. مازن مجاش جمبها اصلا … دي كانت خطته عشان يخلي مروان يطلقها و تتجبر تتجوزه ..
حست بفرحه و راحه لاول مره من شهور بس زعلت تاني اول لما افتكرت انها اصلا مش عارفه تتواصل مع مروان
روحت البيت و سألت البواب لو يعرف رقم لمروان و مش راضي يديهولها عشان هو قاله متديهوش لنور .. قالتله انها عايزاه ضروري جدا لو فعلا قاله متديهوش لنور
بس هو حلفلها انه ميعرفش اي رقم ليه
مكنتش عارفه توصله ازاي بس كانت حاسه انه مش هيقدر يغيب كتير عنها .. هو مذكرش المده الي هيغيبها
بس للاسف احساسها طلع غلط
فضلت طول شهور الحمل وحدها لغايه الشهر التاسع
وهو حتي متصلش بيها يسأل عنها … يدوب بس بيبعت مصاريفها علي حسابها فالبنك .. هي مكنتش عايزه مصاريف هي كانت عايزاه هو جمبها ف الوقت الصعب دا وكل يوم مامتها تسألها جوزك فين تقولها مسافر ف شغل
لغايه لما فيوم كانت سهرانه عالتلفزيون فالصاله
وقتها باب القصر اتفتح
هي استغربت طبعا وخافت احسن يكون حرامي عمل نسخه من مفتاحها او مفتاح اي حد
قامت من مكانها و مسكت عصايه كانت جمبها ( هي دايما بتاخدها معاها طول م هي فالبيت عشان بتخاف 😂)
وقفت ورا الباب و اول لما الشخص دخل القصر ضر*بته علي راسه جامد ف وقع عالارض
-مروان !!!
= ايدك تقيله اوي
جريت عليه بخوف
-استني استني راسك بتنزف
ربطتهاله بقماشه و سندته لغايه الكنبه
-انت كويس ؟!
بس مروان مكنش بيرد عليها … كان باصص عليها وعلي بطنها ب استغراب و صدمه
= ازاي لسا مولدتيش !!! المفروض تكوني ولدتي من ٣ شهور
-و دا يهمك ف ايه ؟ مش انت سبتني وحدي و قولت مش عايز بضاعه رخيصه ؟! جاي ليه دلوقتي تدخل حياتي تاني
= اظن ان دا بيتي و من حقي ارجعله فالوقت الي انا عايزه
-انا مش هسيبك المره دي تمشي الا لما تطلقني
= انا مش بطلق يا نور ..
-اااه ااااه
=بطلي استعباط طيب
-الحقني بموووت
ونزلت ميه البيبي
= ايه دا !!
بصراخ -انا بولد !! بسرعه خدني عالمستشفي بسرعه
سندها و دخلها العربيه و ساق بيها بسرعه للمستشفي
-براحه هنعمل حادثه !!
وقف علي جمب فالطريق وبدأ يكلم نفسه
= اهدي يا مروان اهدي .. هنوصل بسرعه بس اهدي
نور ف عز المها ضحكت عليه
-انت بتكلم نفسك ؟!!
= انتي بتضحكي عليا !!
بضحك -لا خلاص اهو بطلت ضحك .. بص خد معايا شهيق وبعدها زفير .. شهيق وبعدها زفير
عمل زي مبتقوله
-هديت ؟!
=اها
-علي فكره انت الي المفروض تهديني مش العكس بعدين انت خايف عليا ؟!
= متأكده انك بتولدي ؟! اصل شايفك بتهزري
نور افتكرت المها
-بسرعه سوق للمستشفي بسرعه
و وصلو المستشفي و اخدوها لغرفه العمليات
ومروان كان متوتر جدا و بيقرألها قرآن
£ انت جوزها صح
=ايوه ! حصل حاجه !!
£ لا اهدي .. بص احنا حاولنا معاها بس هي رافضه خالص انها تبدأ فالولاده … وكدا خطر علي حياه البيبي وحياتها
= رافضه ليه !
£ بتقول عايزه تقولك حاجه الاول
دخل ورا الدكتوره لاوضه العمليات
= نور مش راضيه تولدي ليه !!
كانت بتتكلم وهي بتتألم
-مش هولده غير لما تعرف انه ابنك .. مازن ملمسنيش وقتها عمل الخطه دي بس عشان تطلقني و بعدها اتجبر اتجوزه عشان يستر عليا
مروان فكر فكلامها كدا للحظات و شاف ان عندها حق .. المفروض لو حامل من مازن كانت هتكون ولدت من ٣ شهور
= بجد يعني انا ابو الطفل دا ؟!
-ايوه
£ يلا يجماعه الوقت بيضيع مننا
مسك ايدها و هي كانت بتدوس عليها كل م تحس بالالم
£ يلا هانت اهو هاانت
بعياط و صريخ -انا تعبت بقا تعبت ومش قادره ازق تاني
=لا حاولي تاني عشان خاطري .. هنسمع روبانزل بعد متخرجي من المستشفي و انا الي هعملك الاكل كمان
-انا نفسي ف بانيه و مكرونه
مروان ضحك
= والله الي عايزاه بس حاولي بس تاني
و فعلا حاولت تاني وتالت و رابع لغايه لما قدرت تولد … مروان اول لما سمع صوت البيبي وهو بيصرخ صرخته الاول فضل يعيط وهو مش مصدق نفسه
= شايفه ابننا حلو ازاي !
-شبهك
= شبهنا احنا الاتنين
-طلقني يا مروان
= هرمونات النكد اشتغلت ياااه
الدكتوره ضحكت
-مش انت قعدت طول الشهر دا بعيد عني ؟ دلوقتي جاي كأن محصلش حاجه وكأنك متهمتنيش فشرفي !!
= ايه دا انتي بتتكلمي بجد !! طب استني نكمل كلامنا دا فالبيت
و سأل الدكتوره لو ينفع يروحو البيت وقالتله ايوه
ف اخد ابنه و اخدها و راح للقصر
= استريحي بس يومين بعدها نشوف الموضوع دا بعدين انتي لسا والده اصلا
-رجعت ليه ها . وحشك القصر مثلا ؟!
= نور قولتلك نتكلم بعد يومين تكوني استريحتي
و طول اليومين دول كان ملازمها دايما و كانو هما الاتنين بيتقاسمو مهام البيبي . هي تغيرله مره وهو يغيرله .. هي تنام وهو يمسك البيبي بعدها هو ينام وهي تمسكه .. كان نفسها اليومين دول ميخلصوش .. هي بتحبه بس مش هتيجي علي كرامتها عشان اي حد .. هو اهانها كتير و مستناش حتي يسمعها و دا كان مأثر فنفسيتها اوي خصوصا انه كمان سابها ف اصعب ايام حياتها وهي ايام الحمل بس فنفس الوقت قلبها بيحنله و عايزه تديله فرصه تانيه
لغايه لما قررت انها خلاص هتديله فرصه تانيه
راحتله اوضته وهو نايم
-مروان ..
صحي بسرعه
= ايه عمر حصله حاجه !!! ( عمر اسم ابنهم)
-لا بس عايزه اقولك حاجه
قام و قعد عالسرير
= كلي اذان صاغيه
-انا قررت ادي لجوازنا فرصه تانيه .. عارفه اني كدا باجي علي كرامتي جامد بس دا عشان عمر و عشان كمان ..
= عشان ايه !!
-عشان بحبك
مروان وقف عالسرير و بيتنطط
= قوليها تاني قوليها تاني
نور ماتت علي نفسها من الضحك ( انا كمان بصراحه😂)
-متجوزه طفل يناااس .. انزل بس
= قوليها تانييي
بكسوف- بحبك
نزل من عالسرير وحضنها
= وانا كمان بحبك جداا
و عاشو اسبوع فسعاده و كانت كل حاجه مظبوطه فحياتهم .. مكنش فيه اي مشاكل و كانو سعداء بس مروان كان بيكون سرحان احيان كتيير
بعد الاسبوع دا مروان قرر يرجع الشغل عشان عليه شغل كتير متراكم بس هيخلصه بسرعه و يجي .. مش هيرجع متأخر
وهي مستنياه الباب خبط
فتحت الباب وكانت بنت جميله و طويله و عينها اخضر و شعرها اصفر و بطنها كبيره كأنها حامل
~ مروان هنا ؟!
-وانتي تعرفي مروان منين
~ انا مراته التانيه
يتبع
ايه رأيكم فالصدمه دي ؟ 😂♥️♥️
هستني رأيكم كالعاده ♥️
# ملاكي_الحارس
تكملة الروايه من هنا
تعليقات
إرسال تعليق