 |
: بحبك
قالها رائد بتوتر لريناد ال واقفه قدامه
ريناد بجمود : طلقنى
رائد بصدمه : انتى بتقولى ايه
ريناد بسخريه : ايه ياحبيبى اتصدمت لاء فوق كده انت عارف جوازنا من الاول كان ازاى واكيد فاكر انت قولتلى ايه اول يوم جوازنا
رائد : بس مع الوقت حبيتك
ريناد بقوه : وانا مش بحبك سهله اهى اخر كلام عندي طلقنى يارائد
سابته فى صدمته ودخلت اوضتها وقفلت على نفسها وقعدت على السرير بملامح بارده خاليه من اي مشاعر وافتكرت اول يوم جواز ليهم
رائد بقر*ف : اتفضلي ادخلى يلا
ريناد بحزن : انا
رائد بعصبيه : انتي تخرسى خالص احنا عايزين نكمل كام شهر مع بعض ونخلص من الجوازه دي
ريناد بصدمه : انت بتعايرنى بحاجه انت السبب فيها
رائد بانفعال : السبب فى ايه مش انتي ال سلم"تي نفسك ليا
ريناد بصدمه أكبر : محصلش انت ال
رائد بغضب : ايوه انا بقا مانتي هتلبسى تهمتك فيا
ريناد بقوه : على فكره بقا انا مغلطش الغلط كله عندك انت وانت ال استغليت كل حاجه انت خدت مني فرحتي وفرحة قلبى وانا مش هسامحك هخليك تندم يارائد على كل ال عملته فيا وهخليك تحبنى واك"سر قلبك
رجعت من تفكيرها وابتسمت بانتصار : وبكده يبقى عملت كل ال فى دماغى ولسه يارائد
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
رائد كان فى الاوضه بتاعته وبيش"تم نفسه إن هو اعترف ليها وبان قدامها ضعيف
رائد : غبى انا ال ضعفت وحبيتها مكنتش اعرف انها بالقوه دي بس خلاص هي هتشوف مني وش تاني خالص
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم جرس الباب رن
رائد : قومي افتحي
ريناد ببرود : لاء
رائد بصلها بغضب وقام يفتح وشاف محضر : خير
المحضر : حضرتك الأستاذ رائد المنشاوى
رائد بقلق : ايوه
المحضر : متقدم دعوه من المدام ريناد الصاوى برفع قضية خلع عليك
رائد بص على ريناد ال واقفه بتبسم بانتصار واتكلم بغضب : ننننعم !!!!
يتبع
شكرا على التفاعل يابنات❤️ البارت الثاني
المحضر : حضرتك الأستاذ رائد المنشاوى
رائد بقلق : أيوه
المحضر : متقدم دعوه من المدام ريناد الصاوى برفع قضية خلع عليك
رائد بص على ريناد ال واقفه بتبسم بانتصار واتكلم بغضب : ننننعم !!!
المحضر : اتفضل أمضى هنا وتشرفنا فى المحكمه يوم الخميس الجاى
رائد مضى على المحضر وهو واقف مش مستوعب ال حصل دخل وقف قدام ريناد وقال بصوت ضعيف : ليه ؟؟ عشان حبيتك
ريناد : طلبت منك تطلقنى رفضت عملت احتياطى ورفعت القضيه
رائد بتنهيده طويله : بس كده حقوقك كلها هتضيع
ريناد بسخريه : فى دا"هيه مش هتيجي اكتر من ال راح
رائد اتكلم بحده : فكرى كويس ياريناد ال بيحصل ده غلط على مصلحتك
ريناد : هتعمل ايه يعني هتضر"بنى هتق"تلني مثلا ولا يفرق معايا انا واحده أهلها اعتبروها ما"تت بسببك انا اتد"مرت من كل حاجه حواليا برضوا بسببك مش هتفرق معايا بقا الحاجات البسيطه ال زي دي
سابته ودخلت الأوضه وهو قعد على الكرسي بغضب من كلامها
ريناد دخلت أوضتها وسمحت لدموعها تنزل وهي بتفتكر قد ايه كان ليها عيشه سعيده وسط الدنيا بحالها جابت كلية الطب ال أهلها بيحبوها وكانت فى أقصى فرحتها بس رائد جه بوظ كل فرحتها
عماد بجمود : اعتبرى أن أهلك ما"توا من النهارده خلاص
ريناد بدموع : بابا افهمني انا
عايده (والدتها) : امشى مع جوزك وياريت فعلا تنسينا
ريناد بوجع : حتي انتي ياماما شريف طب قولهم إن انا مظلومه عشان خاطرى
شريف لفت وشه الناحيه التانيه بحزن
ريناد خدت شنطتها ونزلت ورا رائد
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
عايده بحزن : البت وحشتني اووى ياعماد
عماد بجمود : متجبيش سيرتها تاني ياعايده
عايده : بس دي بنتنا ولا
قاطعها عماد بغضب : لو كملتى كلام عليها يبقا تروحلها لها انا داخل أصلي العصر
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ريناد خرجت من أوضتها فى منتصف الليل ومكانش رائد موجود دخلت المطبخ تعمل قهوه عشان رأسها مصدعه واتفاجأت أن الباب بيتفتح عرفت أن هو رائد خرجت من المطبخ عشان تروح أوضتها لمحت معاه بنت شكلها مش مظبوط
ريناد بسخريه : بقينا نجيب بنات ليل معانا اهو واحنا جاين
البت بشهقه : من دي ياحبيبتى هو مقالكيش أن هو اتجوزنى ولا ايه على سنة الله ورسوله
ريناد بصدمه : الكلام ده صحيح يارائد
رائد بخبث : اكبر صح هو الكلام ده قولت الحق اجيب بديل ليكي بقا انتي عارفه أن راجل وعايز ال تكون معايا وبما انك هتمشي اجيب غيرك
اتصدمت من كلامه ووو
يتبع
ياريت بس ياجماعه ال ياخد اي اسكريبت ليا عشان ينزلوا فى جروب ميحطش عليه صور مش كويسه انا مليش ذنب أشيل الذنوب دي انا مبحطش غلاف للاسكريبت عشان ميكونش فيه اي حاجه تشيلنى ذنب ياريت تكونوا فهمتونى
متنسوش ذكر الله يابناويت 🥺❤️
#ستندم
شكرا على التفاعل ياقمرات❤️ البارت الثالث
البنت بشهقه : مين دي ياحبيبتى هو مقالكيش أن هو اتجوزنى ولا ايه على سنة الله ورسوله
ريناد بصدمه : الكلام ده صحيح يارائد
رائد بخبث : اكبر صح هو الكلام ده قولت الحق اجيب بديل ليكي بقا انتي عارفه أن راجل وعايز ال تكون معايا وبما انك هتمشي اجيب غيرك
اتصدمت من كلامه ودخلت أوضتها بدون كلام
البنت بدلع : مالك ياحبيبى
رائد بضيق : ادخلى دلوقتي انتي ياسهر
سهر بضيق : ماشي
دخلت الأوضه التانيه وهو بص على أوضة ريناد واتنهد وقال : انتي ال خلتيني اعمل كده
خرج من البيت بأكمله
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ريناد جهزت هدومها فى الشنطه وقررت انها هتمشي وتبعد عنه بس قعدت على السرير بدموع وقالت : كمان ليك عين تكسرنى وتجرحني انت اكتر واحد انا حبيته والله بس انت ال بدأت بكده ط طب هروح فين انا لازم اتصرف لان مش هينفع ارجع لأهلى تاني
قامت جهزت نفسها واخدت هدومها وخرجت ولسه هتفتح باب الشقه كان رائد داخل
رائد ببرود : رايحه فين
ريناد بجمود : ماشيه
رائد : وانا مش هسمحلك تخرجى
ريناد بدموع محبوسه : رائد بعد أذنك سيب حتي ولو ذكرى واحده افتكرك بيها احنا خلاص مينفعش نكمل مع بعض ولو طلقتني انا هتنازل عن القضيه خالص ومش عايزه اي حقوق انا هبعد خالص عنكم
رائد بحزن ومسك أيدها : ريناد انتي ليه مش عايزه تفهمي أن حبيتك بجد
ريناد بعدت أيدها عنه وقالت : خلاص يارائد كله انتهى و
قاطعها صوت سهر وهي بتقول بدلع : ايه ياحبيبى هتفضل واقف كده كتير
ريناد بسخريه : كلم مراتك بقا
سابته ونزلت وهو خرج وراها مسك أيدها وقال : قولتلك مفيش خروج من هنا
ريناد زقت أيده بحده وقالت : ابعد عني بقا عايز ايه انا بكر"هك بكر"هك
سابته ومشيت وهو اتصدم من الكلمه ال قالتها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ريناد مكانش قدامها غير الشقه المشؤ"ومه بتاعتهم القديمه ال فيها كل حاجه أذيتها دخلت الشقه وكانت الشقه مبهدله ومتربه قعدت على أقرب كرسى وافتكرت الليله ال غيرت حياتها
ريناد : أيوه جايه
فتحت الباب وقالت بدهشه : رائد !!
رائد بابتسامه : مش هتقوليلي اتفضل
ريناد بتوتر : م مفيش حد من أهلى هنا كنت محتاج حاجه
رائد دخل وقفل الباب وقال بحب : على فكره انا بحبك اووى
ريناد بصدمه وتوتر : ا انت بتقول ايه وقفلت الباب ليه اتفضل أخرج احنا جيران وبس
رائد قرب عليها وقال : وانا مش بعتبرك جارتى انا بعتبرك حبيبتى
ريناد بخوف : أرجوك أخرج ميصحش كده أخرج
رائد قرب عليها اكتر ولسه هيقبلها ابوها دخل من الباب واتصدم
عماد بصدمه : بنتى ومع راجل غريب فى البيت
ريناد بدموع : بابا أنا
قاطعها صف"عه قو"يه من والدها وهو بيقول : اخرررسى يا........* انا معرفتش اربيكي وانت انا هقتلك انت وهي
رائد بتوتر : انا مليش دعوه انا
ريناد قاطعته بدموع : كداب يابابا والله كداب
رجعت من تفكيرها واتنهدت قامت دخلت الأوضه وابتدت تجهز الاوضه ال هتنام فيها
وفجاه الباب خبط وراحت تفتح بس اتصدمت من ال شافته شافت اخر واحد ممكن تتوقعه قالت بصدمه : مراد !!!!!
يتبع
ياترى مين مراد ده توقعاتكم❤️ ومتنسوش ذكر الله يابناويت 🥺❤️
#ستندم
بقلمى هاجر العفيفى
دمتم في حفظ الرحمن💙
تعليقات
إرسال تعليق