مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️روز 

- انا عايز اطلقك...مش عايز اعيش معاكي خلاص كر*هتك مبتفهميش. 

صرخ على في وشي ...حاولت مبكيش علي كلامه ...انا عارفة انه مبيحبنيش هو كان نفسه يتجوز اختي الاصغر مني والاحلي مني ...بس ربنا ما ارادش اختي كانت بتحب واحد غيره ورفضته وعشان يفضل قريب منها اتجوزني انا ...انا عارفة انه كان بيس*تغلني ...ده كان واضح ..بس انا وافقت لأني كنت بحبه ولسه بحبه اووي  ممكن الناس تشوفني اني من غير كرامة بس أنا بحبه ...بحبه لدرجة الهوس ومستعدة اعمل اي حاجة عشانه وعشان اكسب قلبه ...حاولت كتير اكسب قلبه اهتميت بنفسي حققتله كل طلباته علي امل انه يحبني في يوم من الأيام...بس ده محصلش .هو مكانش شايف الا اختي الصغيرة واللي للاسف كانت مش بتطيقه وكتير اقنعتني ابعد عنه عشان قلبي ميتك*سرش ...محستش بنفسي الا وانا بمسك ايديه ويقول:-

- لا يا علي ابوس ايديك متسبنيش انا بحبك حرام عليك ده جزاتي ...جزاتي اني ساعدتك ...جزاتي اني خ*سرت اهلي بسببك .. ...خ*سرت اختي بس عشان افضل معاك ...انا بحبك اووي 

زقني وهو بيقولي بقرف :-

-وانا مش بحبك ...بكر*هك ...سمعتيني بكر*هك  ...شكلك بيخليني عايز ار*جع ..ليه متكونيش جميلة زي اختك ...ليه ..انا حبيتها هي هي اجمل منك  ...هي احسن منك  ...واصغر منك وبدل ما اتجوزها هي اتورطت فيكي انتي !!

بكيت وانا ببعد عنه وقلت :-

-وانا ماجبرتكش تتجوزني يا علي ...انت اللي جيت وطلبتني بعد ما رفضتك اختي ..وكان عندها حق انها ترفض انسان زيك .

ضر*بني بالقلم وبعدين مسك شعري وقالي :-

- انتي طالق يا روز  ...اطلعي برة بيتي 

وبعدين فتح الباب ومسكني من دراعي وطردني برة 

..فضلت واقفة قدام الباب وانا مصدومة ..ده طردني  ...طردني  في نص الليل وهو عارف ان مليش مكان اروحله دلوقتي ...ابويا اتبري مني واختي بطلت تكلمني بسببه ...قعدت علي الأرض ابكي وانا مش عارفة اروح فين واجي من فين ...قعدت ساعة وانا ببكي  قدام الباب يمكن يحن عليا ويفتح بس مفيش فايدة قمت وخبطت عليه وانا بترجاه يفتحلي بش مفيش فايدة ...ضميت الجاكيت بتاعي كويس عشان يدفيني ومشيت ...مش عارفة هروح فين بس اهو احسن من قعدتي قدام البيت كده ...كنت بمشي وانا ببكي والناس بتبص عليا بإستغراب ...قعدت ابكي وانا افتكر اتنازلت قد ايه عشان بس يحبني ...ازاي كنت غبي*ة كده ...ازاي اخسر اهلي عشان واحد ...طلعت علي الشارع وعديت الطريق وانا مش واخدة بالي من العربية اللي جاية ...فجأة حسيت بحاجة جامدة خبط*تني ووقعت علي الأرض وبعدين فقدت الوعي. 

يتبع

الجزء التاني♥️شكرا علي تفاعلكم السكر♥️بقلم سولييه نصار ♥️

-قولي يا بني ادم انت بنتي فين ...بقالها اسبوع غايبة وانا دلوقتي اعرف !!!

قالها والد روز وهو ماسك علي وكان بيخ*نقه ...زقه علي وقال:

-قولتلك طلقتها ومشيت ...شوفها بتدور علي حل شعرها فين ...شوفها بنتك لفت علي مين ...

ضر*به ابو روز بالقلم وصرخ :

-اخرس قط*ع لسانك ...

كان علي هيمد أيده عليه بس اتدخلت منار وهي بتز*قه وبتصر*خ فيه :

-اياك حتي تفكر في كده والا وديني اوديك ورا الشمس ....مش عارفة روز كانت شايفة فيك ايه عشان تتخلي عننا وتبقي معاك ...

بصلها علي بأ*لم وقال:

-لو كنتي وافقتي تتجوزيني مكانش ده حصل ...

ابتسمت بتريقة وقالت:

-ايه اتجوزك انت ...اكيد مجن*ون...يا علي أنا عارفة حقيقتك ...انت انسان سطحي لا عندك رجولة ولا نخوة وانا مستحيل أسلم حياتي لواحد زيك ...اختي غلطت اووي لما آمنت لواحد أجوف زيك ...وكويس انها جات منك وطلقتها لاني مش عايزاها تربط حياتها بإنسان زيك ...

-لولا مكانتك في قلبي مكنتش سكت يا منار ...

-هتعمل ايه يعني هتضر*بني ...قبل ما تمد ايدك يا علي هك*سرهالك ...واختي هدور عليها وارجعها بيت العيلة تاني وانت لو فكرت تقرب منها حتي هنشوف مني اللي عمرك مع شوفته اختي طيبة بس انا لا أنا اللي يقرب لعيلتي اد*مره ...

بعدين منار اخدت ايد باباها ومشيت ...بص علي عليها بحزن ...ليه قلبه اتعلق بواحدة مش شايفاه  اصلا ...هو مبيحبش روز ...مش شايف غير منار ...حاول كتير ينساها بس مقدرش ...وشكله هيفضل يحبها للابد ...

قعد علي الانتريه بتعب بس فكر أن اختفاء روز ممكن يساعده يقرب من منار لو بين أنه مهتم وناوي يدور عليها معاهم ...

...

طلعت منار  وهي بترتعش ....افكار كتير مخي*فة بتيجي في عقلها ...يا تري اختها راحت فين ....لع*نت نفسها لو كانت وقفت جمب اختها مكانش ده حصل ...صحيح روز هي اللي بعدت عنهم عشان خاطر علي بس هي كانت لازم متستلمش ...تحاول تبقي مع اختها ترجعها لعقلها بالعافية ...هي عارفة قد ايه روز طيبة وغلبانة بس كل بسبب الشي*طان علي أن بس لما تلاقي اختها وتتطمن هتحر*ق قلبه ...

-ها يا منار هنعمل ايه يا بنتي ...

قالها ابوها بقلق ...مسكت منار أيده وقالت:

-متقلقش يا بابا هعمل المستحيل عشان أرجعها ليك ...اختي هترجع تنور بيتها تاني ....

.........

فتحت عيني وانا بحس بألم قوي في راسي .وجسمي كله واج*عني ...حاولت اقوم بس صرخت لما حسيت بو*جع ...بصيت حواليا لقيت نفسي في اوضة غريبة وريحة غريبة في مناخيري ...جيت علي نفسي وقومت وانا ببص للمكان بذهول وانا مش فاهمة حاجة ...فجأة جات واحدة لابسة ابيض بإبتسامة وقالت:

-حمدالله علي سلامتك يا حبيبتي ...

-انا فين

-انتي في المستشفي ...بقالك اسبوع في غيبوبة ...دكتور رشاد هو اللي جابك هنا ..يالا قوليلي اسمك ايه عشان نتصل بحد من عيلتك 

-معرفش

-متعرفيش ايه ...

هزيت راسي بخوف وانا ببكي وبقول بجنون:

-انا مش فاكرة اسمي ...مش فاكراه !

يتبع

الجزء التالت♥️شكرا علي تفاعلكم السكر♥️بقلم سولييه نصار♥️

-يعني ايه مش فاكرة اسمك 

كانت دكتور كبير بيسالني فبصتله بتوتر وانا ببكي وقولت:

-مش فاكرة والله مش فاكرة حاجة ابدا ...

دموعي نزلت فبصلي بشفقة وقالي :

-متقلقيش يا بنتي أنا هساعدك توصلي لعيلتك ثقي فيا ...

مسحت دموعي وانا مرعوبة حاسة بالخوف واليأس صعب انك تصحي في يوم وتكتشف انك مش عارف انت مين اصلا ولا مفروض تثق في مين بس مفيش حل تاني لازم اقبل اي ايد هتتمدلي ...

بعد أيام خرجت من المستشفي ورجعت مع الدكتور محسن اللي خبط*ني وعالجني في المستشفي الكبيرة بتاعته ...وداني بيته كان متجوز وعايش مع مراته وبنته صفاء 

-هنا تعالي يا حبيبتي ..

جات واحدة كبيرة في السن بس جميلة وشيك وبصتلي بإبتسامة وسلمت عليا وقالت:

-اهلا بيكي يا بنتي محسن حكالي عنك متقلقيش البيت بيتك لحد ما نلاقي اهلك 

ابتسمت وانا حاسة بالأمان الموضوع بسيط هما في وقت قريب اكيد هيلاقوا عيلتي اتمني أنهم يلاقوهم ...

........

في البيت ...

كانت ماسكة منار صورة اختها وهي بتعيط ...قلبها واج*عها عليها ...ياريت كانت حاولت اكتر توقف في وسطها عشان متتجوزش الإنسان ده لأنها كانت عارفة أنه مش كويس ....عارفة أنه عمره ما حبها هي ....بس هي كانت عام*ية ماشية ورا الحب وخلاص وادي خ*سرت وضاعت وهي هتتجنن وتلاقيها حطت أيدها علي وشها وبدأت تعيط ...قلبها واج*عها علي اختها ياريت تمسكت بيها لآخر لحظة ...بعدت ايديها لما لقت ابوها بيطبطب عليها ...بصتله بحزن وقالت:

-روز ضاعت مننا يا بابا ..

قعد باباها جنبها وحضنها وقال:

-لا يا منار ...هنرجع روز لينا وهنبقي مع بعض زي الاول ...مش هنتخلي عنها 

-بس هي فين 

-هنلاقيها بإذن الله ...ليا واحد صاحبي ضابط قدم مساعدته وربنا يسهل ...

مسحت منار دموعها وقالت:

-كله بسبب ال*زفت علي ياريتها ما حبته 

سكت الاب ..حس أنه كمان مشترك في الغلط هو اتخلي عن بنته كان لازم يوقفها بس هو استسلم واهي بنته ضاعت منه ...مش عارف يواسي نفسه ولا يج*لدها أنه اتخلي عن بنته بالسرعة دي ....

.......

مرت الايام وأهل روز وعلي بيعملوا المستحيل عشان يلاقوها ...علي كان اكتر واحد فيهم بيبذل مجهود عشان يلاقيها ويطلع في عيون منار هو البطل ...كان مستعد يعمل اي حاجة عشان تحبه ...حتي لو هيدور علي مراته اللي مبيحبهاش ....

.....

-خير يا علي مش ناوي تحل عننا شوية 

قالتها منار وهي متعصبة فقرب منها وهو بيقول بتوسل :

-منار أنا بعمل المستحيل عشان الاقي روز وترجع...وهرجعها 

بصتله منار بصمت وقالت:

-ولما ترجع هتعاملها كويس يعني ولا ناخدها من قصيرها وتنفصلوا واختي ترتاح منك 

-لا انا هطلقها واديها حقوقها بشرط تبقي ليا ...

-اطلع برة 

-منار 

صرخت منار فيه وقالت:

-قولتلك اطلع برة أنا مشوفتش أحق*ر منك وانا هخلي اختي تتطلق منك ...

قام علي بغضب وقال:

-ماشي يا منار بس متزعليش من اللي هعمله ...

......

في يوم 

قرب عم محسن مني ومسك أيدي وقال بسعادة:

-مبروك يا حبيبتي لقينا جوزك خلاص ...واحد صاحبي في الشرطة جاله قضية اختفاء زوجة وكانت صورتك موجودة فيهم...طلع اسمك روز ومتجوزة من علي توفيق ...هو جاي دلوقتي في الطريق ...

قلبي دق بتوتر وانا حاسة اني فيه حاجة غلط ...طيب اهلي فين ...

بعد نص ساعة 

كنت قاعدة مع علي اللي ماسك ايدي وهو مبتسم بغموض وقال:

-انا كنت هتجنن عليكي يا حبيبتي ...يالا نروح البيت ...

قلبي انقب*ض وبعدت أيدي وانا بقول بتوتر :

-هو أنا مليش أهل ...اب ام او اخوات .

ابتسامته اختفت وبصلي بحزن وقال:

-لا ملكيش أهل يا حبيبتي اعتبري كده اهلك من زمان طردوكي من البيت لما اتجوزتيني حتي دلوقتي هما معتبرينك مي*تة ومحدش فكر يدور عليكي!!!

يتبع

#روز

#سولييه_نصار