مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

روايه: نور _ الجاسم 3🖤✨ "  البارت |1_2_3_4_5|   الجزء"3"

#موسوعة_القصص_والروايات 

..

       " في بيت شادي وملك..شادي نازل علي السلم بسرعه وباين انه زعلانه وملك نازله وراه بتجري وروح بنتهم قاعده قدام التلفزيون ولما شافتهم كده سابت الريمود وانتبهت ليهم"

ملك: شادي بقولك استني هنا..

شادي بخنقه: عايزه ايه بقي مني..انا قرفت.

ملك: بقيت انا اللي بنكد دلوقتي..

شادي: ايوه بتنكدي..تسمي ايه اني ادخل اخد شاور وحضرتك تفتشي في هدومي وتلاقي علبه فيها خاتم ولما اخرج واقولك اني جايبه ليكي تعملي تحقيق..هو الخاتم ده ليا ولا لواحده تانيه..جيبهولي بمناسبه ايه..انت اكيد بتكدب..خد اديه للزباله اللي تعرفها..قولتلك معرفش حد غيرك والخاتم ليكي اعمل ايه تاني!!!.

ملك بزعيق: انت كداب يا شادي..واكيد تعرف واحده عليا.

      " شادي مسكها من اديها جامد وهو بيجز علي سنانه بس تمالك نفسه وخد مفاتيحه وخرج"

ملك: براحتك يا شادي..براحتك اوي!!.

روح: انا ماشيه..

ملك: رايحه فين بقي أن شاء الله..هو كله هيمشي بسببي.

روح بصراخ: هو انا قولت اني ماشيه بسببك..أنا ماشيه علشان تتخانقو براحتكم..كل يوم خناق..خناق..انا تعبت!!

ملك: روح اقصري الشر انتي لسه مخلصه امتحانات متخلنيش انكد عليكي..

روح: انت هغور اوضتي..يا ريت متطلعيش ورايا..

       " روح طلعت اوضتها"

ملك: البت بتزعق..انتي يا استاذه روح  ( طلعت برضو وراها)

...

        " كنز لابسه بيچامه وقاعد علي السرير في اوضتها اللي في ڤيله ادم..وجمبها ليلي"

كنز: يووو..يا بنتي ارحمي نفسك هتعنسي..

ليلي بحزن: اعمل ايه بس يا كنز ابوكي مش بيحس.

كنز: قوليله..عرفيه انك بتحبيه!!.

ليلي: يا كنز انا بقالي سنين بلمحله..وهو مش حاسس..

كنز: مش كفايه تلميح..انتي لازم تواجهيه!!.

ليلي بتوهان: اواجهه ازاي؟!.

كنز: بصي يا ليلي انا بحب بابا جداً وعارفه انك بتحبيه وهو بيصعب عليا..بابا صغير مش كبير وقمور جدا وصاحبي بيعاكسوه..بس هو قافل باب الجواز والحب نهائي وانتي اللي هتفتحي الباب ده..وانا بقي اللي هديكي المفتاح..

ليلي: يعني اعمل ايه مفيش حاجه بتأثر فيه..

كنز بلمعه عين: خليه يغير..

...

        " في بيت جاسم كلهم قاعدين فوق الڤيلا علي السطح يعني ومشغلين التي ڤي علي ماتش كوره وقاعدين بيضحكو كلهم..جاسم حاضن نور وبيتفرج..تاليا بنتها بتتكلم في الفون..نوح ويزيد قاعدين علي الارض بيشجعو..حور قاعده علي رجل عمر وبتضحك وعمر عمال يقول نكت"

عمر: طب اسمع دي..

جاسم: اخرس يا اض كفايه..كتك داهيه في خفه دمك..

عمر بصوت انوثي: مبقناش نعجب يعني!!.

نور: ههههه..فاكر يا جاسم اول لما اتجوزنا وكان في ماتش برضو وكنا قاعدين في نفس المكان وانت حاضني كده..ولما الماتش خلص..هههههه..

حور: ايوه لما ضرب الظابط..ههههه..

جاسم بضحك: يا جماعه عندي حق..واحد بيقولي جاي اخد مراتك..هقوله ايه..

عمر: وهو يعني هياخدها بفسحها..ده كان عايزها في محضر.

نوح: جوووووول...طب والله العظيم حلوه.

يزيد بخنقه: يا عم الحكم ده قابض..

نوح: شششش..اسكت يا زملكاوي..

جاسم: هاتي الفون يا تاليا..هكلم ملك الزملكاويه دي كمان.

تاليا بعدت الفون شويه: حاضر يا بابي..ايه يا بنتي بقولك مش معبرني خالص..

        " تاليا واقفه بعيد عنهم"

البنت: يا بنتي ده اخوكي بتغيري عليه..

تاليا: انتي مش فاهمه احنا كنا بنحب بعض ازاي..بس من ساعت ما بدأ يحب ست روح وهو مش مهتم بيا..

البنت: انتي بتغيري من روح بنت عمتك؟!.

تاليا: لا طبعاً دي اختي بس بحس انها بتاخده مني..

جاسم: الفون يا توتي..

تاليا: طب باي دلوقتي...الفون اه  يا بابي..

يزيد: تعالي اتفرجي معانا يا تاليا..

تاليا: مش بحب الكوره يا يزيد..تعالي انت نتفرج علي فيلم.

يزيد: يلا..

نوح: اقعد يا اض.. روحي اتفرجي لوحدك احنا متابعين الماتش..

جاسم: ملك مش بترد...

تاليا: بابي خلي يزيد يجي معايا..هو دايما بيسمع كلام نوح..

جاسم: هو ولد يا روح بابي ومتابع الماتش مينفعش تيجي تقوليله فجأة تعالي نشوف فيلم..

تاليا: طب اعمل ايه بقي..انا عايزه بنت..

جاسم بيغمز لنور: غالي والطلب رخيص..

نور بكسوف: احم...روح بنت عمتك زمانها جايه..

تاليا: انا هروح اكلمها..

نوح بسرعه: لا خليكي انا هروح..

        " نوح جري علي تحت علشان موبايله تحت ونزل وقف قدام باب الڤيلا ولسه هيتصل الباب خبط.."

نوح فتح: روح..انتي بتعيطي لايه..

       " روح حضنته وهي بتعيط"

نوح: أهدي..طب في ايه انتي كويسه..عمتو وشادي كويسين؟!.

روح ببكاء: كل يوم خناق وانا تعبت اوي..انا عايزه ابعد عنهم.

نوح: أهدي يا روح أهدي..تعالي نطلع دلوقتي ونشوف حل.

روح بوش احمر: ح..حاضر.

نوح بضحك: ايه الطاعه دي كلها!!.

        " روح ضحكت وطلعت علي فوق و نوح وراها"

..

         " كنز واقفه في الاوضه وخلصت لبسها وبتلم حاجتها علشان النهارده هتبات مع عند جاسم وليلي قاعده بتكلمها "

كنز: يا لولي انا كبرت..خلاص خلصت ثانوي وهدخل جامعه يبقي تأجلي انك تقوليله لايه..

ليلي: بس انا هقوله بكره..

كنز: اوك..

     " كنز وقفت قدام المرايا تراقب نفسها وكانت لابسه چيب جلد وتيشيرت بنص كم احمر وكوتشي احمر وشنطه علي ضهرها بيضاء"

كنز: يلا ابقي قولي لبابي اني مشيت بسرعه علشان متأخرش وسلميلي عليه..باي يا لولي..

ليلي: باي يا حياتي..

..

     " كنز نزلت وركبت الاسكوتر بتاعها ايوه ما هي الدلوعه بتاعت العيله وطلباتها مجابه والاسكوتر ده كان من جاسم بمناسبة أنها خلصت ثانوي بمجموع كبير جداً ..ركبت الاسكوتر ونزلت في بنزينه علشان البنزين بتاع الاسكوتر بيخلص..ودخلت تشتري كوفي من جوه..قعدت علي كرسي قدام الراجل"

كنز: واحد ايس كوفي لو سمحت..

الراجل: حاضر يا فندم..

     " كنز طلعت الفون وبتقلب فيه وقاعد علي الكرسي اللي جمبها مالك اللي اتخانقت معاه قبل كده بصلها وضحك ودور وشه الناحيه التانيه وهي بصت للي بيضحك واتكلمت"

كنز: مش شايفه حاجه تضحك يعني..

مالك من غير ما يبصلها: المتدلعه!! 

كنز بتديق عين: انت ال...

مالك بصلها: هههه..شوفي الصدف اتخانق معاكي من كام شهر واقابلك تاني..ده ربنا كاتبلي اني ابوظ وشك الجميل ده..

كنز: هه..اظن انا اللي حظي حلو اني هضربك تاني ولا نسيت.

مالك بستفزاز ونظراته وحشه ليها: طب ما تيجي نجرب في بيتي وشوفي مين هيخلي التاني يمشي مكسور..go!!

الراجل: الايس كوفي يا فندم..

كنز بابتسامة مستفزه: ميرسي..بس اظن هو اللي هيشرب..

      " كنز في لحظه كانت خدت الايس كوفي رمته علي مالك بس لان الايس كوفي بارد طبعاً محرقهوش بس هو خلع النضاره اللي لابسها وبيمسح عينه"

كنز وهي ماشيه: المره الجايه انت اللي هتستخبي مني اظن كده بقي نبدأ... go؟!...

         " كنز كانت هتمشي بس سمعت صوته من وراها لفت ولقته واقف قدامها والناس بتتفرج"

مالك: go!!!.

...

عارفه أن البارت قصير بس معلش عايزه اشوف التفاعل هيبقي ازاي ولو سمحتو عايزه غلاف مناسب ليها واللي مشفش الجزء الاول و الثاني يدخل علي صفحتي جوه الجروب هتلاقي الأجزاء اللي فاتت..

بقلم نيللي ياسر

Nile Yasser😉🖤

روايه: نور _ الجاسم3            البارت  |2|       الجزء"3"

                            _ مالك الكنز _

بقلم نيللي ياسر.

..

مالك: go!!.

         " كنز ومالك بيضربو في بعض وبيكسرو الطربيزات والكراسي ومالك مش معارف برضو يضربها لانها متدربه كويس ولا هي كمان بس في النهايه كتف ايديها وهمس جنب ودنها "

مالك: فوقي يا بت..ده انا مالك رأفت ولو انا سايبك عايشه لغايه دلوقتي ف علشان انتي طفله بالنسبه لي ..بس واقسم بالله لو شوفت وشك تاني ما هرحمك...فااااهمه!!.

            " مالك سابها علشان يمشي بس هي كانت هتضربه في ضهرهه بس هو لف وكانت هتقع ومسكت في السلسله بتاعته والسلسله اتقطعت و وقعت واتفتحت وظهر صوره جواها لمالك وهو صغير وامه و..و.. ويوسف!!.. مالك وطي خد السلسلة وبص لكنز بغضب وركب عربيته ومشي وهي بتنده عليه بس مش بيرد!!.

كنز وهي ايديها في وسطها: يا ربي..ممكن يكون شبه..ايوه بس ده يوسف اللي حاول يقتل مامي نور انا متأكدة انا شوفته وانا صغيره..يعني الواد ده ابنه..

         " موبايل كنز رن وكان جاسم"

كنز: الو يا بابي..

جاسم: انتي فين يا كوكي انا مستنيكي.

كنز: انا خلاص جايه اهو..هما كلهم هناك..

جاسم: اه بس ملك وشادي اتخانقو كالعاده وروح هنا واكيد دقائق وهتلاقي ملك جايه تشتكي..وانا هستني ملك بعد كده اروح اجيب شادي من بيته..

كنز: أما انتو عيله فصيله اوي..يعني اقولكم اتجمعو كلكم عيزاكم في موضوع ملك وشادي بيتخانقو وانت تروح تجيب شادي..طب وربنا انا قاعده معاكو علشان الشبكه عندكو حلوه!!

جاسم: ههههه..يلا يا حيوانه مستنيكي..

كنز: ماشي باي يا جسومي.

           " كنز ركبت الاسكوتر بتاعها وراحت بيت جاسم"

....

          " في قصر جميل جداً الوانه غامقه بس شيك دخل مالك ولقي كريستينا مراته أو فاطمه لأنها اسلمت من اول ما اتجوزت يوسف قاعده بتتفرج علي فيلم قديم ل إسماعيل ياسين وبتضحك أبتسم تلقائيا وقعد جمبها"

مالك: كل يوم افلام اسماعيل ياسين..انتي مش بتزهقي..

فاطمه: عمري ما هزهق..انت مش فاهم اسماعيل ياسين ده كنز من كنوز مصر..مصر فيها حاجات كتير جميله وإسماعيل ياسين من احلي الحاجات دي..

مالك: ربنا يرحمه..وانا كمان بحبه جدا.

فاطمه: your okay؟!

مالك: انا كويس..بس عايزك تحكيلي اليوم اللي قابلتي فيه بابا..

فاطمه بحزن: انت كل يوم عايز تسمع الحكايه دي انت مش بتزهق؟!.

مالك بضحك: انتي حكاياتك جميله اوي والحكايه دي من اجملهم!!.

فاطمه: ماشي يا لمض..انا كنت مضيفه طيران واليوم اللي ابوك جيه هو وجدك اميريكا انا كنت علي نفس الطياره بس كنت بتكلم عربي كويس بطبيعه شغلي  كنت بقدم لواحد عصير وحاول يلمسني..بس ابوك وقف وبدأ يهزق الراجل ده وكان هيضربه..وانا اللي جه في بالي أن ده المصري اللي بيقولو أن دمه حامي وكده..كنت مبتسمه طول الرحله وعماله ابصله وهو واخد باله ويضحك..و...

مالك: و ايه؟!.

فاطمه: حبيبي الوقت اتأخر وانا هقوم اصلي ادخل نام وبكره نكمل..

مالك: ماشي تصبحي ع خير.

فاطمه: وانت من اهله يا حبيبي..

...

        "ليلي واقفه قدام باب الڤيلا وبتتكلم مع كريم الحارس الشخصي لادم"

ليلي: كريم هو انت جيت قبل ادم لايه؟!.

كريم: انا كنت معاه بس هو جاله مكالمه في العربيه تقريباً من استاذه كنز وطلب مني ادخل انا وهو جي ورايا..

ليلي: امم..طيب يا كريم.

كريم: بحب كريم منك اوي..بحسها مختلفه.

ليلي بكسوف: ش.. شكراً.

كريم: ايه شكرا دي..يابنتي ردي حلو كده..

ليلي: مش بعرف!!.

ادم: بس انا بعرف..قدامي يا ليلي..

ليلي بخوف: لا انا مروحه.

ادم بزعيق: بقولك قدامي انتي بقيتي بتعاندي لايه كده..

ليلي بدموع: مش من حقك تزعقلي..

كريم: استاذ ادم هي ملهاش..

ادم: اششش..اخرس انت..قدامي يا ليلي..

         " ليلي دخلت وهو قفل باب الڤيلا جامد وهي اترعشت ولقته بيمسك دراعها علشان تلف ليه"

ادم: واقفه تضحكي وتهزري ولا كأنك تعرفي أدم الصياد..

ليلي بدموع: ادم الصياد.. ادم الصياد..مين انت يعني.. بالنسبة لي ايه..انا مجرد بشتغل عندك..

ادم بزعيق: اهو انتي قولتي بشتغل عندك يبقي تحترميني.

ليلي: انا محترمه كويس وبحترمك كصاحب الشغل بتاعي لاكن اي تطاول منك..يبقي انا بستقيل..

      " ملحقتش تكمل لأنه زقها علي الحيطه و وقف قدامها"

ادم: لو انا بالنسبه ليكي صاحب الشغل ف انتي بالنسبة ليا حاجه كبيره جدا..

...

           " كنز دخلت وكلهم كانو قاعدين حتي شادي جاسم جابه كنز قعدت وبتفرك في ايديها"

كنز: احم..انا جمعتكم النهارده لاني قررت اسافر..ايوه انا هسافر فرنسا لنادر..أو اللورد!!.

..

البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فات يدخل علي صفحتي جوه الجروب هتلاقي البارت اللي فاتت والجزء الاول والثاني 😉🖤

بقلم نيللي ياسر.

Nile Yasser     البارت قصير بس احنا لسه في الأول

روايه:" نور _ الجاسم 3🖤💫"     البارت (3).    الجزء (3).

بقلم نيللي ياسر.

   • | مالك الكنز| •

..

كنز بتوتر: انا قررت اسافر فرنسا لنادر أو اللورد!!.

نور وقفت بخوف: ا..انتي بتهزري..( بصراخ) ردي عليا..انتي بتتكلمي بجد..انا ما صدقت خلصت من الناس دي.. تقوم بنتي تروح برجليها ليهم...

حور: أهدي يا نور اكيد في حاجه غلط..

نوح: كنز انتي مسافره بجد..ومين نادر ده؟!.

كنز: يا جماعه..انا عايزه اكمل تعليمي بره..واقصد يعني احنا نعرفه..ف ممكن..

نور بصراخ: ممكن ايه..دي ناس مشوفناش منها حاجه عدله..مفيش سفر انتي سامعه...جاسم اتكلم..

جاسم بهدوء ما قبل العاصفة: اخرجو بره..

ملك: جاسم بس..

جاسم بزعيق: قولت اخرجو..بررررره!!.

       " كلهم بيبصو لبعض بعد كده خرجو وسابو جاسم مع كنز"

جاسم بهدوء: لايه يا كنز..

كنز: جسومي انا..

جاسم: انتي الوحيده اللي شاركتيني حزني لما نور كانت بعيدة عني..وانتي اللي برضو اللي شوفتي الماس دي عملت فيا ايه وضحكو علينا ازاي..يبقي لايه تروحي ليهم.. وبعدين انتي مسمعتيش الزفته مادلين قالت ايه قبل ما تمشي..قالت إن جوزها كان تاجر مخدرات وأسلحة كبير.. يبقي اكيد انتي عايزه تروحي هناك بسبب...

كنز اتنهدت: لما وريت ل بابي ادم صوره نادر وقولتله هو انا اعرفه اصل اول ما شوفته قولتله انت اللورد..رد وقالي.. ان لما مامي ماتت كان لازم يجيب حد يحرسني ونادر كان أكفأ واحد للمهمه دي وبابي جابه الڤيلا واسم الشهره بتاعه اللورد..وعلشان كده الاسم فضل في دماغي..بس نادر رفض أنه يحرسني لانه كان مسافر فرنسا..واكيد هناك اتعرف علي مادلين..

جاسم: كنز سؤالي واضح..عايزه تسافري لايه..

كنز: انا عرفت أن يوسف عنده ابن..و..و

جاسم بصدمه: ايه..!!

...

ادم: أنتي بالنسبة ليا حاجه كبيره اوي يا ليلي..

ليلي بدموع: ايه هي الحاجه الكبيره..

        " ادم غمض عيونه بوجع وبعد عن ليلي"

أدم: كنز روحت.

ليلي ببكاء: انا ماشيه ومش هرجع الا لما تعرف انا ايه بالنسبة ليك..بس عيزاك تتأكد اني بحبك..

ادم: ليلي استن...

        " ليلي قفلت الباب وراها وعيطت بعد كده طلبت اوبر ومشيت وادم قاعد مكانه بيفكر كتير في مشاعره ناحيه ليلي"

ادم لنفسه: منكرش أن في مشاعر إتجاه ليلي ومتأكد انها مش بنتي ولا اختي..لاني بحبها..بس مش هقدر..هدي راحت مني زمان..وريناد ضحكت عليا..خايف تطلع زي ريناد..أو..أو تروح زي هدي..انا مش هقدر..انا اسف يا ليلي..

...

جاسم: ااايه...طب وانتي عرفتي منين..انا الواد ده مش هسمحله يقرب من حد من اهلي...ردي..

كنز: الولد ده يبقي مالك اللي اتخانقت معاه...

جاسم: مالك..انتي اتخانقتي مع حد اسمه مالك..

كنز: الموضوع كان من شهور..يوم عيد ميلادي..

جاسم: امم.افتكرت..طب انتي ايه علاقتك بالموضوع وبرضو لايه هتسافري...

كنز: الموضوع ملهوش علاقه ب مالك..انا كنت عايزه اسافر علشان اكمل تعليمي بره واخلي نادر يدربني..انا محتاجه اتدرب..ولو انت مش موافق خلاص انا باخد رأيك..ف لو مش موافق انا مش هسافر..

جاسم: اممم..طب واللي يجيبلك نادر هنا؟!.

كنز بلمعه عين: بحبك يا جسومي!!.

..

تاليا: مامي هي كنز مسافره بجد..

نور بتعب: اطلعي اوضتك يلا وخدي روح..

روح: بس يا نور..

ملك: اسمعو الكلام يلا..

ملك: روح هو فين عمر..كان زمانه بيقنع كنز..

حور: معرفش هو سلم علي كنز اول ما جت ومشي..

ملك: طب اهدي يا نور.. أن شاء الله مش هتسافر اكيد يعني مش هتروح لتجار سلاح ومخدرات برجليها..

نور برقت: ايه..جاسم مجبليش سيره انهم تجار مخدرات..كنننننننننز!!!

...

            " مالك قاعد علي السرير وبيحاول يصلح السلسلة ومش عارف طلع الصوره شالها في جيبه ورمي السلسه "

مالك: ماشي يا كنز وربنا لوريكي...

       " مالك قام ودخل ل فاطمه امه وكانت بتقرأ قران صدقت وبصت لابنها"

فاطمه: عايز تقول حاجه..

مالك: الصراحه اه..فاكره البنت اللي اتخانقت معاها اليوم اللي جيت فيه مصر انا وانتي...

فاطمه: اه لما طلبت منك اكل ايس كريم وحضرتك اتخانقت وبوظت الآيس كريم..

مالك: بالظبط..انا قابلتها النهارده..

فاطمه بتوتر: طيب ما الموضوع عادي اهو..

مالك: احنا اتخانقنا..والمدلعه قطعتلي السلسلة!!.

فاطمه بصوت عالي: وشافت الصوره اللي جواها!!!.

مالك بعدم فهم: ماما انتي كويسه..في ايه..

...

كنز: خلاص يا نونو والله ما هسيبك..

نور وهي بتطلع كنز من حضنها: انتي اكيد عارفه اني بحبك اوي ومش هستحمل تبعدي عني..حتي لما اتعودتي علي ابوكي وكنتي هتعيشي معاه وتيجي في الاجازات رفضت لاني بحبك يا كنز..ومش هبعد عنك ابدا حتي لما يبقي معاكي عيله قدك كده برضو مش هبعد عنك...

كنز: قوليلي بقي القاعده الحريمي دي عاملينها لايه..

حور: علشان نقنع ست ملك أن شادي بيحبها ومستحيل يخونها..

ملك: يا جماعه انا حاسه..

كنز: يا شيخه اتنيلي حتي احساسك غلط..

نور: ملك أهدي شادي مش كده ده متربي مع جاسم واخلاقه مش كده خالص..

حور: حتي عمر مع انه يعرف بنات بس انا متأكد انها معرفه شغل بس هو عشري مش اكتر بس مستحيل.. مستحيل يخوني..

       " جت رساله لحور علي الفون"

حور: ايه ده...اعااااا..يا ابن الكلب يا عمر..

...

مالك: ماما ردي عليا البت دي بنتهم..

فاطمه بخوف: لا.. أبعد عنها يا ابني..

مالك بزعيق: البت دي بنت نور صح.. نور اللي حرمتني من ابويا..

فاطمه بصراخ: نور مش السبب ابوك هو اللي عمل كده في نفسه...

مالك: يعني فعلاً البت دي بنتها..

فاطمه بصراخ: ايوه هي ارتحت...كنز بنت جاسم ونور.. ايوه!!

..

جماعه معرفتش انزل امبارح علشان مكنش معايا نت يلا كومنتات بقي...واللي مشفش البارت اللي فات يدخل علي صفحتي جوه الجروب هتلاقي البارت اللي فاتت والجزء الاول والثاني 😉🖤

بقلم نيللي ياسر

Nile Yasser

روايه:" نور _ الجاسم 3 🖤✨"     البارت (4).    الجزء (3).

بقلم نيللي ياسر.

                            •| مالك الكنز|•

..

فاطمه بصراخ: ايوه هي ارتحت...كنز بنت جاسم ونور .

مالك مسكها من كتفها: عرفتي منين ولايه مقولتليش..

فاطمه ببكاء: مكنتش عيزاك تفتكر..أو حتي تفكر في ابوك.

مالك بغضب: الزفته اللي اسمها نور خدت ابويا مني..هي اللي قالتله أنها عايزه تتجوزه..وخلته يطلقك..انتي ازاي متسامحة وسايبه حقك كده..انا مش هسيب حقي.. انا عشت عمري من غير اب..حتي جدي اتبري منك لما اسلمتي ومحدش من قرايبك حسسوني اني مش لوحدي..أنا بكرهه الناس دي..بكرهم..!!.

فاطمه ببكاء ورعشه يد: لا..لا الله اعلم ده حصل ولا لا..ابوك اللي قالي كده وابوك ممكن كان بيكدب..

مالك بحبس دموع: انا كنت بشوفك كل يوم وانتي بتعيطي في اوضتك..كنت بشوفك وشك وهو بيكرمش من الزعل..انا اللي كبرت عن سني الف سنه بسببهم..خدته مننا وجوزها لما عرف انها هتتجوزه اكيد هو اللي عمل الحادثه وقتل ابويا.

فاطمه بصراخ: لا..لا الله اعلم ده حصل ولا لا.. مينفعش تقول اتهامات من عقلك..

مالك: صح..الاتهامات دي هما اللي هيعترفو بيها..قريب اوي..

فاطمه: مالك..استني رايح فين..يا بني استني..استتني!!.

...

حور: اعاااا..يا ابن الكلب يا عمر!!.

نور: في ايه يا حور..

حور: الحيوان قاعد في نيتكلب..اه والمصحف لوريه..تلاقيه بيخوني انا حاسه!!.

       " كلهم بيضحكو معادا حور اللي هتموت وتشوف عمر دلوقتي بيعمل ايه"

ملك بضحك: هههه..طب .ههه .طب مين بعت الصورة.

حور: اه صح اصبري..ده يزيد الكلب..واد يا يزيد..

يزيد بضحك: انا اتصلت بالمحامي..

حور: لايييه؟!.

يزيد: علشان قضيه الخلع..مش انتي هتتطلقي؟!.

حور: اعاااا تعالي هنا يا ابن**.

يزيد: والمصحف انتي شكلك من شبرا وبتستعبطي!!.

حور: محدش هيخلصك مني ابدا..

       " كنز ضحكت وبعد كده بصت في ساعه الايفون اللي في ايديها لقت الساعه 7 الصبح خدت شنطها وقالتلهم أنها هتشم هواء شويه وهما استغربو بس محدش بيرفض ليها طلب وفعلاً راحت قدام النيل وكان فاضي و وقفت ع الكونيش وشغلت اغاني  بس هوب مالك ركن عربيته ونزل وقف وهي بتسمع اغاني ومندمجه جدا"

مالك: وليكي نفس تسمعي اغاني بعد اللي عملتيه..

       " كنز بتلف وشعرها طار علي وشها ومالك قريب منها واول ما عينه جت علي عيونها سكت وهي بتسرح وبتفتكر أن يوسف ابوه لما خطف نور وجاسم قد ايه اتعذب سكتت وركبت الاسكوتر ومشيت وهو واقف مكانه بيراقبها وهي ماشيه وبيتوعد ليها ولابوها"

             " تاني يوم"

     " ليلي لابسه جلبيه بيتي قطن وشعرها الطويل عملاه كحكه لتحت وبتمشي في الشقه وامها وراها"

امها: يا بنتي طب اقعدي معاه هو ايه اللي يعيبه بس ده شاب محترم وشغال محاسب..

ليلي بتقعد: يوووه يا ماما قلتلك مليون مره انا مش عايزه اتجوز دلوقتي..انا حره..

امها: لا مش حره يا بنت عبدالرحمن... يابنتي اسمعي انتي كده هتعنسي..

ليلي: يا ماما ابوس ايدك انا مش عايزه اتجوز..

امها: طب ورحمه ابوكي يا ليلي لا تقعدي معاه ده عاشر عريس يتقدم ليكي وترفضي..الناس بتتكلم عليكي انا قولت اللي عندي..

ليلي: حاضر يا ماما عن أذنك بقي عايزه اقعد لوحدي..

..

              " روح في النادي هي وكنز وتاليا "

كنز: هروح اشتري حاجه اشربها..

روح: ماشي.

       " كنز ماشيه لقت عربيه بتقف قدامها لونها اسود"

كنز: ايه العبط ده ما تقف علي جمب يا عم..

"" عم.. لسانك طول يا متدلعه!!.

..

روح: الو يا انكل جاسم..

جاسم وهي بيشوف ورق قدامه: ايه يا روحي روحتو.

روح: تاليا معايا بس كنز راحت تجيب حاجه تشربها وبقالها ساعه مجتش واتاخرت اوي..

جاسم بقلق: طب اتصلتي بيها.

روح: ايوه موبايلها مغلق.

جاسم: طب انا جاي..خلي بالك من تاليا ومتتحركيش من مكانك.

روح: حاضر..سلام.

..

ملك: شادي انت بتهزر دبي ايه اللي هسافرها..

شادي: يا ملك مشروع شغل كبير ولازم اقعد هناك علي الاقل سبع سنين.. وطبعاً هتنزلي اجازات لجاسم اخوكي وهما هيجو.

ملك: انا مش موافقه..ولا روح هتوافق.

شادي: ملك احنا لازم نسافر الشركه لازم اباشرها بنفسي.

ملك: روح انت لوحدك.

شادي: مستغنيه عني كده..

ملك: انت اللي مصر تبعدني عن جاسم..

شادي: يا مادلين افهمي.

ملك بصدمه: مادلين!!.

    ..     

البارت قصير بس انا فرهدت من الحر والله والتفاعل بيقل المهم الكومنتات يا جماعه اوك..اللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني..

بقلم نيللي ياسر.

Nile Yasser

روايه: " نور _ الجاسم 3 🖤✨"     البارت (5).    الجزء (3).

بقلم نيللي ياسر.

..

ملك بصدمه: مادلين!!.

شادي اتنهد وقرب من ملك: كوكي أهدي انا بس اتلغبط علشان كنز لما..كانت عايزه تسافر وكده سوري يا روحي..

ملك بشك: تمام يا شادي..هقول لروح علي موضوع السفر ونبقي نشوف..

..

        " جاسم راح بسرعه النادي ل روح وتاليا ولقاهم واقفين والجارد اللي بعتهم حواليهم وروح حاضنه تاليا و واقفه"

جاسم: انتو كويسين يا حبايب بابي..

روح: احنا كويسين بس كنز الجارد مش لقينها..

جاسم بزعيق: علشان قولت مليون مره محدش يخرج من غير جارد مفيش سمع كلام.

تاليا: بابي هي كنز فين..

جاسم: انتو يا بهايم..تدورو عليها بسرعه ومش في المنطقه بس انتو تدورو عليها في مصر كلها..اتحركو!!.

..

             " عند جبل المقطم عربيه سوده واقفه وكنز قاعده علي العربيه وبتبص للغروب وجمبها مالك"

مالك: لايه رضيتي تيجي معايا..

كنز من غير ما تبصله: انت قولتلي عايز اتكلم معاكي وانا وافقت ومش مهم المكان انا كده كده بعرف احافظ علي نفسي..

مالك: مخوفتيش..

كنز بسخرية من غير ما تبصله: هو انت يتخاف منك اصلا..ده انا معلمه عليك مرتين.. وبعدين قولتلك بعرف احافظ على نفسي..

مالك: انا مش هتكلم علشان مبوظش القاعده..انا اسف.

       " كنز بصتله والغروب باين في انعكاس عيونها وابتسمت"

مالك بشبح ابتسامه: ايه العبط ده..

كنز: يعني كنت عارفه انك هتعتذر..

مالك: ايه الثقه دي.

كنز: يعني وانا طفله قابلت واحد زيك ( قصدها علي ابوه).

مالك بفهم: واحد مين..

كنز: مش مهم..انا عايزه اروح.

مالك: طب مش تعرفيني بنفسك انا معرفش غير اسمك.

كنز: اسمي كفايه اوي..ممكن تكتبه علي جوجل وهتعرف عني معلومات..

مالك بضحك: لا مشهوره ومتدلعه..

كنز: ههه..طب يلا روحني..

              " مالك ركب وهي جمبه وشغل أغنيه هاديه وهي ابتسمت وبصت للشباك"

كنز لنفسها: ايه العبط ده يا كنز..انتي مبسوطه!!.

..

ملك: يعني جاسم بيدور عليها..

روح بتعب: اه..

ملك: يا رب يلقوها..

روح: يا رب.

ملك: روح عيزاكي في موضوع مهم..

روح: قولي يا مامي..

ملك: بابي لازم يسافر دبي لشغل مهم وطبعا لازم نروح معاه انا قولت لازم اخد رأيك الأول..

روح: وانكل جاسم ونور..و..

ملك: كل دول هننزل ليهم إجازات

روح: موافقه..

..

نوح: ايه يا روح..

روح: ممكن اتكلم معاك..

نوح: اه طبعاً اتفضلي.

روح: انا مسافره من بابي ومامي دبي..

نوح: رحله يعني..

روح: لا هو..يعني احنا هنقعد هناك سنين..

نوح: ايه الكلام ده..لا طبعاً أنا هقول لبابا و..

روح: نوح اسمعني ده شغل بابا وانا لازم ابعد لاني..

نوح بزعيق: هو انتي مش هتقعدي معانا..انتي اتجننتي..

روح: يا نوح اسمعني..

نوح: لا طبعاً أنا هقول لملك انك مش موافقه وهتقعدي معانا.

        " نوح بيفتح باب الاوضه"

روح بدموع: بس انا موافقه.

نوح ساب الباب: اطلعي بره.

روح: نوح اسمعني انا..

نوح: اطلعي بره.

       " روح طلعت وهو قفل الباب وقعد علي الكرسي بصدمه"

..

عمر: اهي يا جاسم وصلت..

جاسم بيجري علي تحت: كنتي فين يا هانم.

عمر: اهدي يا جاسم..

كنز: كنت في مشوار كده.

حور: مشوار ايه بس احنا قلقنا عليكي.

كنز: يا جماعه انا كبيرة..

:: طب يبقي انا بقي مليش لازمه..

      " كنز بصت للصوت واتصدمت"

..

البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت 😍😊

بقلم نيللي ياسر

Nile Yasser

روايه: " نور _ الجاسم 3 🖤✨"   البارت (5).    الجزء (3).

بقلم نيللي ياسر.

..

:: طب يبقي انا بقي مليش لازمه!!.

          " كنز بصت للصوت وكان نادر ولسه بوسامته واقف بيضحك"

كنز وهي بتحضن جاسم: شكراً شكراً شكراً...انا بحبك اوي..

جاسم: انتي عارفه اني بكرهه بس علشانك انتي جبته مصر.

نادر: وبتتكلم في وشي كده..

جاسم: اه في وشك..

كنز: انا عايزه اتعلم كل حاجة..

نادر: أهدي بس الاول كده.. وبعدين انتي جسمك ضعيف محتاج تمارين معينه.

كنز ضربته بالبوكس: طب وكده..

نادر: لا بس تنفع تشتغل مدرب يا عمر.

عمر: حبيبي.

نور : يلا الغداء جاهز.

...

               " مالك دخل بيته ورمي المفاتيح وكان داخل اوضته بس صوت امه اللي قاعده بتتفرج على فيلم اسماعيل ياسين وقفه"

فاطمه: تصدق انا مستمتعه وانا بتفرج علي تربيتي الا بتضيع اكتر من افلام اسماعيل ياسين.

مالك ببرود: طيب كويس.

فاطمه بغضب: استني عندك..

مالك: نعم.

فاطمه: انت سحبت ورث ابوك من البنك.

مالك: اظن دي فلوسي..وكان المفروض اسحبها من زمان بس اتأخرت..

فاطمه: وهتعمل ايه بكل الفلوس دي..

مالك: اظن ان دي حاجه تخصني.

فاطمه: خلي بالك لو أذيت البنت دي انا اللي هقفلك.

مالك بسخرية: انا داخل انام.

...

تاليا: طب بتعيطي لايه..

روح: علشان اخوكي زعلان مني جداً..

تاليا بسخرية: انا عندي مراراه واحده اخلصي ايه اللي حصل.

روح ببكاء: انا هسافر دبي مع مامي وبابي..وهو زعلان.

تاليا: نعم..طب ما ترفضي وبعدين ما انتي عارفه ومتأكده أن انكل شادي وملوكه مش هيرفضو.

روح: يا تاليا اسمعي  انا عايزه احقق حلمي وابقي اعلاميه كبيره وبعدين انا من يوم ما اتولدت وانا بشوف بابي ومامي بيتخانقو وانا حاسه انهم لو بعدو هيبقو كويسين..وانا نفسي اعيش معاهم بسعادة..انا دائماً بشوف طنط نور وجاسم مبسوطين مش بحسدهم لا طبعاً ربنا يخليهم لبعض بس انا نفسي نبقي زيهم...انتي فهماني..

تاليا وهي بتقوم: اللي انا فهماهه انك لو بتحبي نوح هتقعدي.

...

ملك: يعني يا جاسم خلاص انت موافق.

جاسم: لو سعادتك هتبقي هناك يبقي انا موافق.

نور بدموع: هتوحشيني يا ملك.

ملك ببكاء: والله هنزل اجازات وانتو هتيجو اكيد.

عمر: نعم هو احنا نخلص منك هنا ونروح ليكي هناك..

حور بتضربه وتضحك: بطل برود..هتوحشيني يا كوكو.

ملك: وانتي كمان والله يا حور.

جاسم: طيب محدش يقول للأولاد دلوقتي.

نور: ماشي.

...

           " ليلي خارجه علشان تقابل العريس ولابسه فستان بينك ديق وقصير من عند الرجل حته بسيطه وحزام اسود وطرحه سوده وهاف بوت اسود."

ام العريس: بسم الله ماشاء الله..ايه القمر ده الله اكبر.

ليلي بحزن: شكراً يا طنط.

ام ليلي: سلمي علي عريسك يا لولي.

ليلي: اهلا.

العريس حسام: ازيك يا ليلي.

ليلي: الحمدلله اتفضل.

ام العريس: بصي بقي يا ام ليلي كل طلباتك مجابه وحسام متربي مع ليلي واحنا جيران يبقي ملهوش لازمه الخطوبه ونقراء دلوقتي الفاتحه والاسبوع الجاي كتب الكتاب..

ليلي بسرعه: بس انا..

ام ليلي: موافقين..نقراء الفاتحه بقي..

           " بعد ما خلصو مشيو وليلي بتغلي"

ليلي: لايه عملتي كده..انا مش عيزاه بكرهه.

ام ليلي: وطي صوتك يا ليلي.

ليلي بصوت اعلى: انا بكرهه مش هتجوز..

      " ام ليلي ضربتها بالقلم وهي اتصدمت ومشيت وراحت لاكتر حد بتحبه"

..

           " ادم قاعد زعلانه و وحيد الاكل قدامه بس مش بياكل ..زق الاكل وقام يتأمل الڤيلا ويفتكرها"

ادم: نفسي ترجعي بقي..ارجعي يا ليلي..

      " الباب خبط وهو جري علي الباب"

ادم وهو بيفتح: ليل..

يتبع 

تكملة الروايه بعد قليل