 |
البارت (36) بقلم سلطان زماني
اضايقت اوي لما طردتني الكلبة دي ودمي اتحرق امه كلمتني
عايزة فلوس وجت خدتها ولا سالتني علي ابنها ولا جبتلي
سيرته ولا لعبت مع العيال بقولها أنا رايحه زياره لعبده لو
عايزة تيجي معايا قالتلي أنا ياما قولتله انتي ماشي غلط
ومخبي عليا الحرام آخرته وحشه وهو حتي مكنش يحكيلي
بس انا قلبي كان حاسس اني ماشي في سكة وحشه
لحد لما وقع والبلد كلها عرفت
قولتلها احنا في ايه ولا في ايه خلاص الي حصل حصل.
قالتلي لا الي بيشيل اربه مخرمه بتخر عليه
قولتلها طب اخلي العيال عندك لحد ما ارجع
قالتلي لما يجي وقتها يحلها ربنا وسبتني بنت المره ونزلت
عايزة الطم واصرخ واطلع الغل والغيظ الي جوايا منهم
طول الفترة دي ومرات ابويا بتكلمني وانا محكتش ليها
حرف ونزلتلي القاهرة والمحامي ده الي خلص ليها الورق
ولما قولتله متقولهاش حاجه ولاتحكيلها حاجه قالي بغمزة
سرك في بير يامدام دينا
قولتله عبده عارف وعلي فكرة أنا مش بخبي حاجه عليه ابدا
وشه اتغير وقالي ربنا يخرجهولنا بالسلامة وفضل يتكلم ع
القاضية وأنه هيحاول أنه يخليها ٣ سنين وفترة التحقيق
بتتحسب يعني سنتين ويخرج وكنت مطمنه وقولت عادي
يابت هيعدو لحد ما في اخر جالسة القاضي حكم ب 7 سنين
وعبده راح السجن وبقا بعيد اوووي عليا كل ٤٠ يوم زيارة
وأمه اعتبرته مات مش مسجون وهيطلع
كنت برحله أنا ومراته الاولانيه قالي شطبي العمارة بالفلوس
الي معاكي ودخلي عدادات المياة والكهرباء واجريها وعيشي
من ايجارها لحد ما اطلع ده لو ارد ربنا اني اخرج
قولتله ده انا بستحمل ال٤٠ يوم دول علشان الشوية الي
بجيلك فيهم دول وبشوفك مبسوط وانت فرحان ومبسوط
بالعيال بتنكد عليا ليه
قالي أنا مش هكمل هنا كتير انا جاني السكر وسناني بتقع
ونفسيتي زاي الزفت ده انا لو كنت معاشر كلاب كانو اختشو
ع دمهم وعمله حساب للعشرة والعيش والملح وكانو سالو
حتي امي مشواري تقيل ع قلبها ومراتي ام عيالي رفعه خلع
وتحرمني من عيالي وفين التانيه مجتش معاكي ليه ..
ليها حق الي خله امي مسالتش هي هتسال
حضنته وقولتله هو أنا مش كفاية يعني والله أنا عمري ما
هسيبك ابدا ده انت حبيبي وابويا وهفضل طول عمري
خدمتك وتحت رجلك علشان خاطري متعملش في نفسك
كده مسحلي دموعي ودموعه قالي والله مافي حاجه فارقه عندي قد حرماني منك
إنما أنا لا وظيفة ولا شكلي ولا سمعتي ولا حبستي كل ده فارق معايا
لما قعدت وحسبتها لقيت وجعي وخنقتي سببهم اني بعيد
عنك ومسك ايدي قلبي وجعني عليه اووي
البارت ده انا كتبته مخصوص علشان انكد عليكم 😂
يتبع
تعليقات
إرسال تعليق