مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء الرابع والخامس الأخير ♥️شكرا علي تفاعلكم السكر♥️

-بتعمل ايه ؟!!

صرخت قبل ما المسها حتي وزقتني لحد ما وقعت من علي السرير وقالت:

-من*حرش 

-متح*رش مين يا ولية أنا جوزك ...

قومت وانا حاطط ايديا علي ضهري فحطت المخدة علي مكاني علي السرير وقالت:

-لا مستحيل اخليك تنام هنا ...انت مش مضبوط وانا مش واثقة فيك ...نام علي الأرض ..

-لا مش هنام علي الأرض لو مش عاجبك اطلعي من اوضتي وروحي اوضتك ...

-لو طلعت من اوضتي هروح اتصل بعمي واحكيله عن كل حاجة اي رايك ؟! 

اتوترت فابتسمت وقالت:

-السكوت علامة الرضا صح ...

بعدين رمت المخدة وقالت:

-شايف الكنبة الحلوة اللي هناك نام عليها ...خلينا نمشي علي اتفاقنا يا وائل ...لا قدر الله ممكن اقع في حبك ولا حاجة وده هيضايقك اوووي ...

بصتلها بتعب وقولت:

:ولو قولت اني غيرت رأيي عايزك تحبيني وندمت علي كلامي ..وعايزك تحبيني 

هزت كتفها وقالت:

-بس أنا بفضل امشي علي اتفاقنا ...يالا نام يا دكتور وراك شغل بكرة ...

وببساطة نامت وسابتني مصدوم ...

...

تاني يوم

كنت قاعد في عيادتي وانا حاسس بالتعب ...هي ازاي عندها كمية البرود دي ...ازاي محبتنيش ...أنا افتكرت انها هتجري ورايا وتحاول تكسب قلبي بس ازاي حصل العكس ...ازاي أنا اللي حبيتها وبقيت اجري وراها ...فعلا انا حبيتها....حبيت جنانها وبرو*دها ...حبيت كل صفاتها الو*حشة قبل الحلوة حبيت تقلها وأنها مجريتش ورايا ...بس اللي مضايقني أنها مبتحبنيش ...حطيت ايدي علي راسي بتعب لقيت مريم دخلت عليا ...

-دكتور انت كويس 

بصيت لمريم بتعب وقولت:

-لا والله يا مريم ...

-الموضوع إياه برضه 

-ايوة 

قولتها بتعب فابتسمت وقالت:

-ايه رايك نحاول نخليها تغير تاني 

-مش هتغير لأنها مبتحبنيش 

-طيب انت بتحبها 

سكت للحظات وقولت ؛

-اكتر مما تتخيلي 

-طب خلاص اعترفلها  

بصيت لمريم فقالت:

-خليك صريح دي مراتك وهتقدر تكسب قلبها ببساطة ...احنا غلابة اووي

-اكسب قلبها ازاي 

-بسيطة أنا هقولك تعمل ايه 

-ربنا يستر من افكارك ...

حطت مريم ايديها علي وسطها وقالت:

-تحب افكرك اخر مرة افكارك ودتنا لفين 

سكتت خالص ..

......

بعد ساعتين كنت مبتسم وانا رايح لكليتها كنت شايل الورد والشوكولاتة اللي بتحبها وسايق العربية 

..هطلعها واغديها في مطعمها المفضل وبعدين هعترفلها بحبي ...اعترفلها اني كنت غب*ي لما بعدتها عني واطلب منها فرصة تانية ...

خرجت من العربية وعينيا بتدور عليها فجأة قلبي دق بسرعة لما شوفتها خارجة وبتضحك ...ضحكتها حلوة اووي عاملة زي الفراشة ....

اول ما شافتني قربت مني وقالت:

-بتعمل ايه هنا 

-جاي اطلب منك تتغدي معايا 

بصت للورد وقالت:

-ايه ده ؟!

اديتلها الورد وقولت:

-ده ليكي انتي 

-كنت جبت شاورما احسن 

لسه هرد علي طو*لة لسانها لقيت شاب قرب منها وقال:

-فرح استني ..

بصيت له بغضب وغيرة فابتسم وقال:

-انت اخ فرح صح ..

بصيت لفرح المتوترة فضحك الشاب وقال:

-انا رامي كنت حابب اتكلم مع حضرتك عشان اخطبها منك 

-ومين قالك اني اخوها 

-فرح قالتلي كده !! 

يتبع

الجزء الاخير 

-يا وائل صلي علي النبي بس ...

قالتها فرح وهي بتجري مني بعد ما رجعنا البيت ...

-اخوكي ...طلعتيني اخوكي وكمان واحد جاي يطلب ايدك ....

وقفت بعيد وهي حاطه ايديها علي قلبها وقالت :

-انا رفضته من الاول حتي لما قولتلك عليه كنت بس بستفزك...لكن والله من اول ما لمح أنا قولتله اخويا مش موافق 

-وطبعا انا اخوكي ..صح ليه مقولتيش اني جوزك يا هانم 

حطت ايديها علي وسطها وقالت:

-احب افكرك انك اللي طلبت أن محدش يعرف بجوازنا وانا بنفذ اتفاقنا وعموما يا سيدي أنا بفكر اكلم جدي عشان يحلك مني وتقدر تتجوز مريم وانا مش هقف في طريقك خالص ...

-عشان تتجوزي رامي 

-هو المسكين بعد العل*قة اللي ادتهالوا دي هينفع يبص لواحدة تانية اصلا 

-يستاهل ...

-ليه بتعمل كده يا وائل عايزة افهم ...

قالتها بتعب ...قربت منها وقولت :

-يعني انتي مش عارفة يا فرح ...معقول لحد دلوقتي مش فاهمة ...

حطت عينيها في الأرض وقالت بإرتباك :

-لا مش فاهمة. . 

حطيت ايدي علي دقنها ورفعت وشها وقولت:

-معقول مش فاهمة ....

مسكت أيدها وحطيتها علي قلبي وقولت:

-متاكدة انك مش عارفة ...

عينيها دمعت وبعدت بسرعة وقالت:

-انت اللي 

-كنت غب*ي تمام 

-انت ك*سرت قلبي في ليلة دخلتنا ...

قالتها فجأة بعدين سكتت كأنها ندمت علي اللي قالته ...ولسه هتمشي مسكت ايديها وقولت :

-لا كملي قصدك ايه ...

-مقصديش حاجة لو سمحت سيب ايدي ...

بس انا مسكت ايديها جامد وقولت:

-مش هسيبك الا لما تقولي الحقيقة ..

قصدك ايه اني ك*سرت قلبك يوم دخلتنا ...فرح متدنيش امل وبعدين تسيبيني اتج*نن ...

دموعها نزلت وبصتلي :

-قولي لما واحدة تحب واحد وتتمني أنها تتجوزه ولما يتجوزها يقولها أنه مش عايزها ...عارف ساعتها عملت ايه ك*سرت قلبي وخلتني ابكي يوم فرحي ...

-كدابة كنتي ساعتها بتاكلي محشي ...

-اه صح ...بكيت سيكا وبعدين روحت اكل اصل الاكل هو الحب الاول وده ملوش علاقة بالزعل ...

ضحكت علي كلامها ومسكت رأسها وقولت:

-وانتي ربتيني كويس وانا دلوقتي بعترف اني بحبك ...بحبك اووي يا فرح ...

-اثبت 

-اثبت ازاي ...

ابتسمت بخبث وبعدت عني وقالت:

-اثبت حبك ليا ...اعمل المستحيل عشان اوافق اكمل معاك ...والا هسيبك ..

وبعدين ضحكت وجريت وقفلت علي نفسها الباب ...

....

مرت الايام وانا بحاول اكسب قلبها بأي طريقة بس هي كانت بتدلع عليا ...وانا قررت استحملها للاخر  ...وكل يوم بيمر بحبها اكتر ...ازاي مكنتش شايف جمالها ...فعلا الإنسان غب*ي بس هي ربتني كويس ....

في يوم لقيت فكرة مميزة عشان أكسبها ...

عرفت أنها هتتأخر  في الكلية بتاعتها عشان كده قررت اعملها مفاجأة ....

.....

علي الساعة ستة دخلت البيت ولقيته مضلم فجأة النور اتفتح وصر*خت من الفرحة لما شافت تورتة كبيرة علي الترابيزة وكنت قدامها ماسك الجيتار وبغنيلها ...عيونها لمعت وهي بتسمعني بعدين حطيت الجيتار علي الأرض وقربت منها وقولت :

-معرفتش السعادة الا معاكي يا فرح ...معرفتش الحب الا لما عرفتك كويس ...قلبي كان رافض يدق لحد بس عصا*ني المرة ودقلك انتي ...اخدت ايام أنكر شعوري بس كنت بف*شل ...حياتي بقت زي الربيع لما بقيتي فيها ...عمرك حبيتي لدرجة الخوف ...الخوف أن اللي بتحبيه ميحبكيش ..

هزت راسها وهي بتعيط فكملت ومسكت ايديها وقولت:

-انا كنت مرعوب انك مبتحبنيش زي ما بحبك ..

-لا انا بحبك 

ابتسمت وانا بحضنها وبعدين بعدت وانا باخدها جمب التورتة وقولت:

-دي سنة جديدة لينا عيد ميلادي وعيد ميلادك في نفس اليوم  تحبي تكون بداية جديدة ...بداية تكون معايا ...وانا اوعدك اني هحبك لحد ما اموت ...

هزت راسها وقالت :

-بحبك والله ♥️

-انا اكتر يا برقوقة♥️

....

بعد شوية كنا قاعدين علي الانتريه بنهزر مع بعض لحد ما هي صرخت فجأة 

-فيه ايه ...

-وائل يالا نجري فيه فار هنا ...

بصيت لقيت فار بيجري 

فكملت:

-انا حاسة اني عايشة في غابة هنا ...

ضحكت وروحت مسكت الفار من ديله ورميته من الشباك ...

بصتلي بصدمة وقالت:

-انت مبتخفش منهم 

-لا انا اوهمتك بكده عشان اقدر اقرب منك ...أنا بخاف من الصراصير بس ...

-اه يا غش*اش 

جريت عليا عشان تضربني فشيلتها وانا بلف بيها..وقولت:

-بس احب طبعا اشكر الفار خلاني اقرب منك واتاكد اني بعشقك ..

-بس أنا بخاف من الفيران...اتصرف 

-عيوني يا برقوقة هجيب شركة مبيدات خاصة وهما يتصرفوا ..

ضحكت فقعدت الف بيها جامد وانا سعيد ولأول مرة اكون سعيد بالشكل ده ♥️

تمت 

#أريد_حبها 

#سولييه_نصار