 |
شكرا على التفاعل يابنات❤️ البارت الأخير
سهير جابت الشنطه من أوضتها ودخلت أوضة ريناد وفتحت الشنطه ووقع منها تعبان صغير ابتسمت بخبث وخرجت وقفلت الأوضه بالمفتاح
ريناد فتحت عيونها وفجاه شافته وصوتت : عااااا الحقنى يارائد
قامت عشان تجرى وتفتح الباب بس مكانش بيفتح والتعبان قرب منها
ريناد بدموع : رااائد يارااائد
فجأه الباب أتكسر ودخل منه رائد وهو مخضوض عليها وق"تل التعبان ورماه بعيد عنها وراح عندها خدها فى حضنه
رائد : أهدى ياحبيبتى أهدى انا معاكي
ريناد بخضه : ش شوفت ك كنت هموت يارائد وانت بتقفل عليا الباب من بره ليه
رائد باستغراب : انا مقفلتش الباب خالص
ريناد بصدمه : اومال مين ال عمل كده
رائد بغضب : امممم تمام عرفت
قام بسرعه من جمبها وخرج يدور على سهير ملاقهاش دخل عند ريناد تاني
رائد بغضب : هربت بنت ال .......*
ريناد بخوف : س سهير ال عملت كده
رائد : وربى مش هسيبها
ريناد بدموع : انت كنت فين
رائد : كنت رايح مشوار ونسيت الفون بتاعي رجعت اخده وسمعت صوتك من على السلم جريت عشان اشوفك
ريناد اترمت فى حضنه وقالت : متسبنيش
رائد ضمها وقال : عمرى ماهسيبك أبدا بس المهم تكونى سامحتيني عن كل حاجه حصلت
ريناد بصتله فى عيونه وقالت : طلق سهير رسمي وانا هنسى كل حاجه
رائد بهدوء : هتفهمي كل حاجه النهارده قومي معايا يلا
ريناد بدهشه : هنروح فين
رائد بابتسامه : هنروح لأهلك
ريناد بخوف : بس بس
رائد : متخافيش انا معاكي يلا
ريناد قامت خرجت معاه ونزلوا ركبوا العربيه وطلعوا على بيت أهلها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
سهير : انا عملت كل ال قولتلى عليه اهو هنتجوز امتي
مراد بسخريه : مش ده لو عشتى أصلا
سهير بخوف : ق قصدك ايه
مراد طلع مسد"سه ببرود وقال : يعني مع السلامه ياسوسو
وض"ربها طل"قه وقعت على أثرها فى الفور
مراد بسخرية : متعرفش أن هي لازم تمو"ت ادام عرفت سرى
فجأه البوليس دخل ومراد اتصدم
الظابط : مطلوب القبض عليك بعدة تهم منها النصب والق"تل
مراد بغضب : انت مجنون انت متعرفش انا مين
الظابط بسخريه : هنعرف فى القسم يلا ياحيلتها
العساكر اخدوه وسط اعتراضه وصوته العالي
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عند ريناد وصلت البيت هي ورائد وهو حكى لأهلها كل شئ
عماد بحزن : احنا اسفين يابنتي أن ظلمناكي طول الفتره دي
ريناد اترمت فى حضنه وقالت : انا ال اسفه يابابا سامحوني انتو وحشتوني اوووي
والدتها : انتي ال وحشتيني يانور عيني
الاتنين حضنوها ورائد ابتسم بحب
ريناد : فين شريف
عماد : شريف مسافر لما يرجع هيعرف كل حاجه اكيد
رائد : احم انا كده عملت ال عليا واسف أن كنت بوظت حياتكم كلها وانا هبعد عن حياتك خالص ياريناد عشان انتي تستاهلى الاحسن مني عن أذنكم
رائد كان خارج وعماد غمز لريناد
ريناد بدموع : رائد
رائد وقف على صوتها بس متلفتش
ريناد راحت عنده وقالت : انا مش عايزه غيرك
رائد بفرحه : يعني انتي
قاطعته ريناد بدموع : بحبك ياغبى
رائد شالها بفرحه وقال : عن أذنك ياعمى بقا
عماد ضحك هو ووالدتها : ربنا يسعدكم ياولاد
فى العربيه
رائد بفرحه : انا مش مصدق نفسي انك معايا وهتفضلي معايا طول العمر
ريناد بدموع : بس سهير
رائد بضحك : يابنتي سهير مش مراتى اصلا
ريناد بصدمه : ازاى
رائد بهدوء : انا اصلا ظابط مخابرات بس اياكي تقولى لحد عرفت أن سهير تبع مراد خطيبك القديم وأنها مشاركاه فى أعمال كتير وكانوا ناوين يدمر"وكي عرفت انك بتحبي خطيبك جدا وخوفت عليكي منه اضطريت أن أعمل كده يوم ماجيتلك البيت عشان نتجوز غصب وتبعدي عنه بس والله انا بحبك بقالي سنين بس مكنتش عارف اعترفلك لانك اتخطبتى المهم النهارده بس مراد اتقبض عليه وسهير ما"تت وكل واحد أخد جزاؤه
ريناد بدموع : رغم ال قولته كله بس انا بحبك يارائد وعمرى ماحبيت مراد بس وافقت عليه لما لقيت انك مش بتفكر فيا اصلا
رائد ضحك على براءتها وقال : ياااه اخيرا بقا سمعت الكلام القمر ده
ريناد بابتسامه : وهتسمعه كتير الفتره الجايه بس اوعا تزعلنى
رائد حضنها : فى حد يزعل روحه يلا بقا نطلع على بيتنا
ريناد بابتسامه : يلا
رائد بغمزه : ايوه بقا حبيبى المطيع عايزين نجيب بقا اطفال عشان العيله دى متنقرضش
ريناد ضحكت بخجل
رائد بحب : بحبك
ريناد بابتسامه : وانا كمان
تمت بحمد الله
يارب تكون نهايه عجبتكم وقولوا رأيكم❤️ ومتنسوش ذكر الله يابناويت 🥺❤️
#ستندم
بقلمى هاجر العفيفى
دمتم في حفظ الرحمن💙
تعليقات
إرسال تعليق